பிக் பாஸ் தமிழ் 8

பிக் பாஸ் தமிழ் சீசன் 8 விரைவில் ஒளிபரப்பாக உள்ளது. டிராமா, சர்ச்சைகள் மற்றும் எதிர்பாராத திருப்பங்களுக்கு பெயர் பெற்ற பிரபலமான ரியாலிட்டி ஷோவாக இது உள்ளது. வெளியுலகத்தைப் பொருட்படுத்தாமல் வீட்டில் தங்குவதற்கு தயாராக இருக்கும் புதிய போட்டியாளர்களுடன் மீண்டும் வந்துள்ளார் பிக்பாஸ். இது வரை கமல் ஹாசன் தொகுத்து வழங்கி வந்த நிலையில், இந்த முறை விஜய் சேதுபதி தொகுத்து வழங்குகிறார். எப்போதும் போல, போட்டியாளர்கள் தங்கள் பொறுமை, குழுப்பணி, தகவமைப்புத்திறன் ஆகியவற்றை சோதிக்க வடிவமைக்கப்பட்ட பல பணிகளை எதிர்கொள்வார்கள். இவை அனைத்தையும் உலகெங்கிலும் உள்ள மில்லியன் கணக்கான ரசிகர்கள் கவனித்து வருகின்றனர். பிக் பாஸ் தமிழ் 8 எப்படி இருக்கப் போகிறது? பிக் பாஸ் தமிழ் 8 ஆவது சீசனில் தெரிந்த சில முகங்களும், சில புதுமுகங்களும் தேர்வு செய்யப்பட்டு இருப்பதாக சொல்லப்படுகிறது. மேலும் ரசிகர்களுக்கு பிடித்தவர் யார் ? புதுமையான பணிகள் மற்றும் சவால்கள் என்னவாக இருக்கும் என தெரிந்து கொள்ள ரசிகர்கள் ஆர்வமாக உள்ளனர். பிக் பாஸ் தமிழ் 8 எப்போது தொடங்கும்? வழக்கமாக ஆண்டுக்கு ஒரு முறை என்ற கணக்கில் 100 நாட்கள் பிக் பாஸ் சீசன் நடக்கும். அந்த வகையில் பிக் பாஸ் தமிழ் 8 ஆவது சீசன் அக்டோபர் 6 ம் தேதி தொடங்குகிறது. ஆனால் இந்த முறை தனது படங்களின் தேதி காரணமாக பிக் பாஸ் நிகழ்ச்சியில் இருந்து கமல் விலகியுள்ளார். அவரின் அறிவிப்பு பலருக்கும் அதிர்ச்சியை கொடுத்தது. அதனால் அவருக்கு பதிலாக பிக் பாஸ் நிகழ்ச்சியை யார் தொகுத்து வழங்குவார் என்ற பெரும் கேள்வி இருந்தது. இந்நிலையில் தான், மக்கள் செல்வன் விஜய் சேதுபதி பிக் பாஸ் நிகழ்ச்சியை தொகுத்து வழங்க இருப்பதாக அறிவிப்பு வெளியானது.