Tamil News

குக்கூ படத்தில் "கொடையில மழை போல " என்ற பாடலின் மூலம் தமிழ் சினிமாவில் பாடகியாக அறிமுகமானவர் வைக்கம் விஜயலட்சுமி.

இவர் பார்வையிழந்த மாற்றுத்திறனாளியாவார்.

வைக்கம் விஜயலட்சுமி.பின்னர் சொப்பன சுந்தரி நான் தானே" என்ற பாடல் மூலம் பிரபலமானார். அதற்கு முன் மலையாளத்தில் பிருத்விராஜ் நடித்த செல்லுலாய்டு என்கிற படத்தில் பின்னணி பாடகியாக அறிமுகமானவர் விஜயலட்சுமிக்கு.

இந்நிலையில் கடந்த 2016ல் இவருக்கு திருமணம் நிச்சயிக்கப்பட்டு அதன்பிறகு அந்த மணமகன் கடுமையான நிபந்தனைகளை விதிப்பதாகக் கூறி அந்த திருமணமே வேண்டாம் என நிறுத்தினார்.

பின்னர் கடந்த 2018ல் இன்டீரியர் டெகரேடரும் மிமிக்ரி ஆர்டிஸ்ட்டுமான அனூப் என்பவரை விஜயலட்சுமி திருமணம் செய்து கொண்டார்.

திருமணம் நடைபெற்ற சில மாதங்களிலேயே இருவருக்கும் இடையில் கருத்து மோதல் ஏற்பட்டது. இதையடுத்து விவாகரத்து செய்ய இருவரும் முடிவெடுத்தனர்.

இந்நிலையில் பிரபல செய்தி ஊடகத்தில் ஒளிபரப்பாகும் "மனிதி வா" என்ற நிகழ்ச்சியில் கடந்த சில நாட்களுக்கு முன்னர் விஜயலட்சுமி கலந்து கொண்டிருந்தார். அந்த நிகழ்ச்சியை நடிகை கௌதமி நடத்தி கொண்டிருந்தார். நிகழ்ச்சியில் பாடகி வைக்கம் விஜயலக்ஷ்மி தன்னுடைய மணவாழ்க்கையில் நடந்த கொடுமைகளைப் பற்றி மனம் திறந்து பேசினார்.

அப்போது அவர் கூறியதாவது:- என்னை திருமணம் செய்தவர் கொடுமைக்காரர். நாளாக நாளாக அதை புரிந்து கொண்டேன்.

எனக்கு பாடல்கள்தான் முதல் சாய்ஸ். பாடக்கூடாது என்று கணவர் நிர்பந்தம் செய்வதை ஏற்றுக் கொள்ள முடியாது. எனது சந்தேஷத்துக்குக் காரணமான பாடல்கள் இல்லாத ஒரு வாழ்க்கையை நடத்த நான் விரும்பவில்லை. உங்களுக்கு பல்வலி என்றால் அதை பொறுத்துக் கொள்ள முயற்சிப்பீர்கள். அதுவே ஒரு அளவுக்கு அதிகமானால் அந்தப் பல்லைப் பிடுங்குவதைத் தவிர வேறு வழியில்லை. என்றார்.

வங்கதேசம் சுற்றுப்பயணம் மேற்கொண்டுள்ள இந்திய கிரிக்கெட் அணி, அந்நாட்டு அணியுடன் 3 ஒருநாள் போட்டிகள் மற்றும் 2 டெஸ்ட்போட்டிகளில் விளையாட உள்ளது.

முதல் நாள் ஒருநாள் போட்டியில் தோல்வி அடைந்த இந்திய அணி, இரண்டாவது போட்டியில் எப்படியாவது வெற்றி பெற வேண்டும் என்கிற கட்டாயத்தில் உள்ளது.

இந்நிலையில் வங்கதேசத்திற்கு எதிரான இந்திய அணியில் இடம் பெற்றுள்ள துவக்க ஆட்டக்காரர் ஷிகர் தவான் மற்றும் மிடில் ஆர்டர் பேட்ஸ்மேன் ஷ்ரயாஷ் ஐயர் ஆகியோர் தங்கள் பிறந்தநாளை ஒன்றாக இணைந்து கேக் வெட்டி கொண்டாடியுள்ளனர்.

ஷிகர் தவான் டிசம்பர் 5 தேதி நேற்று பிறந்தநாள் கொண்டாடிய நிலையில், ஷ்ரேயார்ஸ் ஐயர் டிசம்பர் 6 ம் தேதி இன்று பிறந்தநாள் கொண்டாடுகிறார். இதன் மூலம், ஷிகார் தவான் ,35 வயதை கடந்திருக்கிறார். அதே போல, ஷ்ரேயாஸ் ஐயர் 26 வயதை கடந்திருக்கிறார்.

இருவரின் பிறந்தநாளும் ஒருநாள் விட்டு ஒரு நாள் வந்த நிலையில், இருவரின் பிறந்தநாளையும் இணைந்து கொண்டாடியுள்ளது இந்திய அணி. ஒரே கேக் வெட்டி, இருவரும் பிறந்தநாள் கொண்டாடா, சுற்றி நின்று கொண்டிருந்த இந்திய அணியினர், கை தட்டி அவர்களை வாழ்த்தினர்.

மேலும் வெட்டிய கேக்கை, ஒருவருக்கு ஒருவர் ஊட்டிக் கொண்ட தவான் மற்றும் ஷ்ரயாஸ் ஐயர் ஆகியோர், வித்தியாசமாக சினிமா பாணியில் ஸ்டில் கொடுத்தனர். வங்கதேச அணிக்கு எதிரான இரண்டாவது போட்டியில் வெற்றி பெறும் முனைப்பில் இருக்கும் இந்திய அணிக்கு, இந்த பிறந்தநாள் கொண்டாட்டம் உற்சாகத்தை தந்துள்ளது.

இதற்கிடையில் செய்தியாளர்களை சந்தித்த ஷிகர் தவான், ‘‘பங்களாதேஷ் அணியுடனான இரண்டாவது ஒரு நாள் போட்டியை வெற்றி பெறும் நோக்கில் இந்திய அணி செயல்படும்’’ என தெரிவித்தார்.

தீபத்தில் இருக்கும் சுடரொளியின் மூலம் சிவபெருமான் காட்சியளிக்கிறார் என ஆன்மீகம் கூறுகிறது. கார்த்திகை தீபத் திருநாளன்று அனைவரும் தங்களது வீட்டில் விளக்கேற்றி வழிபடுவார்கள். அன்றைய தினம் மட்டுமல்லாமல் பொதுவாகவே விளக்கேற்றி வழிபாடு செய்தால் மங்களம் உண்டாகும் என்பது ஐதீகமாகும். தீபம் ஏற்றுவதால் ஏற்படும் மகிமைகள் குறித்து இங்கே காண்போம்.

விசேஷமாகக் கருதப்படும் இந்த தீபத்தின் மூலம் சிவபெருமான் நேரடியாக அருள்பாலிக்கிறார் எனக் கூறப்படுகிறது. தீபம் ஏற்று வழிபடும்போது சிவபெருமான் மட்டுமல்லாமல் மூன்று தேவியரின் அருள் கிடைக்கும் என்பது ஐதீகமாகும்.

இந்த தீபத்தின் மூலம் தீய சிந்தனைகள் நம்மை அணுகாது எனப் புராணங்கள் கூறுகின்றன. ஆன்மீகத்தின் படி குத்துவிளக்கில் அடிப்பாகம் பிரம்மா, தண்டிப்பாகம் மகாவிஷ்ணு, தீபமேற்றும் இடம் சிவபெருமான் எனக் கூறப்படுகிறது.

அதேபோல் அரசர்கள் மற்றும் பல பக்தர்கள் கோயில்களில் தீபம் ஏற்றுவதையே ஆகச் சிறந்த திருப்பணியாகப் பின்பற்றி வந்துள்ளனர். எல்லா நாளுமே தீபம் ஏற்றுவதற்குச் சிறந்த நாள் ஆகும். ஒளியின் வடிவாய் காட்சி தரும் இறைவனை வழிபடச் சிறந்த நாள் ஏதும் உண்டோ என ஆன்மீகம் கூறுகிறது.

பொதுவாகவே இல்லங்களில் இரு வேலைகள் விளக்கேற்றுவது அனைத்து மங்களங்களையும் தந்து நமது வாழ்வை ஒளிமயமாக்கும் எனக் கூறப்படுகிறது.

நமது இல்லத்தில் இருக்கும் இருளை தீபஜோதி வழிபாடு மூலம் அதனை விளக்கும் வகையில் ஏழரைச் சனி, அஷ்டம சனி போன்ற அசுப பலன்கள் வராமல் தடுக்கலாம். அதேசமயம் கார்த்திகை மாதத்தில் தீபம் ஏற்று வழிபட்டால் சிவகணங்களாகி சிவனடி சேரலாம் என ஆன்மீகம் கூறுகிறது.

சிவபெருமானே மழையாய் வீற்றிருக்கும் திருவண்ணாமலை உச்சியில் மகா தீபம் ஏற்றும் போது அதைக் கண்டாலே வாழ்வில் மோட்சம் கிடைக்கும் என்பது ஐதீகமாகக் கூறப்படுகிறது.

பிக்பாஸ் முன்னாள் பிரபலமும் நடிகையுமான வனிதா விஜயகுமாருடன் இதற்கு முன் நெருக்கமாக இருந்த ராபர்ட் மாஸ்டர், அதன் படி அவரிடமிருந்து விலகினார். நடந்து கொண்டிருக்கும் பிக்பாஸ் சீசன் 6 நிகழ்ச்சியில் பங்கேற்று, வெளியேற்றப்பட்ட அவர், இணையதளம் ஒன்றுக்கு சமீபத்தில் பேட்டியளித்தார்.

அப்போது அவர் பேசியவை இதோ:

‘‘வனிதாவிடம் போன் பண்ணி, ‘பிக்பாஸ் போலாமா, வேண்டாமா’ என்று கேட்டேன். ஏனென்றால், அதற்கு முன் அவர் தான் பிக்பாஸ் போயிருந்தார். வனிதா விஜயகுமார் புரொடக்‌ஷன் என்ற பெயரில் 10 வருசமா தயாரிப்பு நிறுவனம் வெச்சிருக்காங்க.

அப்போதெல்லாம் படம் பண்ணவில்லை. ஆனால், என்னுடன் படம் பண்ணாங்க. எதனால்? நான் அந்த நேரத்தில் பிரபலமா இருந்ததால். வனிதா அப்போது பிரபலமாக இல்லை.

அதே மாதிரி தான், பிக்பாஸில் வனிதா சென்று வந்து பிரபலமாக இருந்தார். நான் யாரிடத்திலும் பேசி பழக்கம் இல்லை. சாண்டியிடம் நான் அதிகம் பேசமாட்டேன். அந்த முறைக்கு, வனிதாவிடம் போன் செய்து கேட்டேன். ‘போடா… நல்லா இருக்கும். நீ ஹீரோவா காமெடியா எப்படி மாறுவேங்கிறது உன் கையில இருக்கு’ என்று கூறினார்.

வனிதா அப்படி சொன்ன பிறகு தான், நான் போகலாம் என முடிவு செய்தேன். அதன் பிறகு தான் போனேன். அந்த உதவியை வனிதா தான் செய்தார். அவர் தான் என்னை ஊக்கப்படுத்தி அனுப்பி வைத்தார். ‘போனா காலியாகிடுவ…’ என்று அவர் கூறியிருந்தால், நான் போயிருக்க மாட்டேன்.

நான் பிக்பாஸில் இருந்த போது, எனக்கு ஒரு மோதிரம் வந்தது. அதை பார்த்து நான் பயந்துட்டேன். என்னுடைய பெங்களூரு காதலி உடைய மோதிரம் அது. இரண்டு, மூன்று வருடங்களாக காதலித்துக் கொண்டிருக்கிறோம். நான் தான் அந்த மோதிரத்தை அவருக்கு கொடுத்தேன்.

திடீர்னு பார்த்தால், அந்த மோதிரம் உள்ளே வருகிறது. பிக்பாஸ் வீட்டில் நடந்த மூக்குத்தி மேட்டர், ஒருவேளை தப்பா வெளியே போகுதோ, என பயந்துவிட்டேன். அதனால் தான் அவர் திருப்பிக் கொடுத்துவிட்டார் என்று நினைத்தேன்.

ஆனால், நான் என் காதலியிடம் எல்லாவற்றையும் சொல்லிவிட்டு தான் உள்ளே வந்தேன். சண்டை போட்டால் போடுவேன், பெண்கள் வந்தால் பார்த்து பேசுவேன், அதையெல்லாம் தப்பா நினைக்காதே என்று தான் சொல்லிவிட்டு வந்தேன் .

‘அவரும், நீங்க போய்டு வாங்க, நான் எதுவும் தப்பா நினைக்க மாட்டேன்’ என்று தான் கூறி அனுப்பினார். வெளியே வந்ததும், அது தான் நடந்தது. வந்ததும், மோதிரம் அனுப்பியதற்காக போன் செய்து கத்தினேன்.

‘நான் அப்படி நினைத்து கொடுத்து அனுப்பவில்லை; உங்களுக்கு ஆதரவா நான் இருக்கேன் என்பதை குறிக்கவே அனுப்பினேன்’ என்று அவர் கூறினார். என் காதலி என் மீது மரியாதை வைத்திருந்தது உண்மை தான். நான் தான் தேவையில்லாமல் பயந்துவிட்டேன்.

நான் பேனா கிடைத்தால் எப்போதும் ஆர்.ஏ.ஜெ.க்யூ என எழுதிக்கொண்டிருப்பேன். டாட்டூவும் குத்தியிருக்கிறேன். அதற்கு அர்த்தம் தவறுதலாக எடுத்துக் கொள்ளப்பட்டுள்ளது. ஆர் என்றால் நான் ராபர்ட், ஏ என்றால் என் அப்பா ஆண்டனி, ஜெ என்பது என் காதலி பெயர், க்யூ என்பது என் மகளாக ஏற்ற குயின்சி. மற்றபடி இதில் வேறு எந்த வதந்திக்கும் இடமில்லை.

பிக்பாஸ் வீட்டில் ஷிவினை அதிகம் கலாய்த்தது நான் தான். நான் பேசவில்லை என்றால் அவர் கோபித்துக் கொள்வார். அமுதவாணன் தூக்கத்தில் பேசுவார். அதை தான், பேய் என அப்படியே கிரியேட் பண்ணி, பயமுறுத்தினான்.

ரசித்தா, என்னை பயன்படுத்தி விளையாடவில்லை. அவர் அப்படி இல்லை. ஒரு இலையிடம் கூட ஒரு மணி நேரம் பேசுவார் அவர். திடீர்னு தண்ணீருடன் பேசிக் கொண்டிருப்பார். ஷிவின் பிக்பாஸ் டைட்டிலை வெற்றி பெற்றால் எனக்கு சந்தோசம்.

சென்னை: அரசு நடுநிலை, உயர்நிலை, மேல்நிலைப் பள்ளிகளில் கடந்த 10 ஆண்டுகளுக்கும் மேலாக 12 ஆயிரத்துக்கும் மேற்பட்டோர் சிறப்பு ஆசிரியர்களாகப் பணிபுரிந்து வருகின்றனர். இவர்கள், உடற்கல்வி, ஓவியம், கணினி, இசை, தையல், தோட்டக்கலை, கட்டிடக்கலை, வாழ்வியல் திறன் உள்ளிட்ட பாடங்களைக் கற்பித்து வருகின்றனர்.

ஒன்றிய அரசின் சர்வ சிக்சா அபியான் திட்டத்தில் 2012-ல் இவர்களை ரூ 5 ஆயிரம் தொகுப்பூதியத்தில் பணியில் அமர்த்தியது தமிழக அரசு. பின்னர் அந்த திட்டம் "சமக்ர சிக்சா" (ஒருங்கிணைந்த பள்ளிக்கல்வித் திட்டம்) என்று பெயர் மாற்றம் செய்யப்பட்டது. கடந்த 10 ஆண்டுகளுக்கும் மேலாகப் பணிபுரிந்து வரும் சிறப்பு ஆசிரியர்களுக்கு தற்போது மாதம் ரூ.10 ஆயிரம் தொகுப்பூதியம் வழங்கப்படுகிறது.

தங்களை பணிநிரந்தரம் செய்ய வேண்டும், ஊதியத்தை உயர்த்தி வழங்க வேண்டும் என்று சிறப்பாசிரியர்கள் தொடர்ந்து வலியுறுத்தி வருகின்றனர். நியாயமான அவர்களது கோரிக்கையை நிறைவேற்ற வேண்டுமென மக்கள் நீதி மய்யமும் தொடர்ந்து வலியுறுத்தி வருகிறது.

ஒருங்கிணைந்த பள்ளிக்கல்வித் திட்டத்தில் தொகுப்பூதிய அடிப்படையில் பணியாற்றும் அலுவலக ஊழியர்களுக்கு ஊதிய உயர்வு அறிவிக்கப்பட்ட நிலையில், அதே திட்டத்தில் பணியாற்றும் சிறப்பாசிரியர்களுக்கு மட்டும் ஊதிய உயர்வு மறுக்கப்பட்டுள்ளது நியாயமல்ல.

தங்களது கோரிக்கையை வலியுறுத்தி முதல்வர், அமைச்சர் மற்றும் அதிகாரிகளிடம் மனு வழங்கியும், பல்வேறு போராட்டங்கள் நடத்தியும்கூட சிறப்பு ஆசிரியர்களின் கோரிக்கை இதுவரை நிறைவேற்றப்படவில்லை. பணி நிரந்தரம் தொடர்பாக திமுகவின் தேர்தல் அறிக்கையில் தெரிவித்திருந்தும், தற்போதைய திமுக அரசு அந்த வாக்குறுதியை நிறைவேற்ற முன்வராதது பெரும் ஏமாற்றத்தை அளித்துள்ளது.

இனியும் தாமதிக்காமல் பகுதிநேர சிறப்பாசிரியர்களை உடனடியாகப் பணி நிரந்தரம் செய்வதுடன், அவர்களுக்கான ஊதியத்தை உயர்த்தி வழங்க தமிழக அரசு முன்வர வேண்டும் என மக்கள் நீதி மய்யம் தலைவர் கமல்ஹாசன் அறிக்கை விடுத்துள்ளார்.

தெற்கு அந்தமான் மற்றும் அதனை ஒட்டியுள்ள கடல் பகுதியில் காற்றழுத்த தாழ்வு பகுதி உருவாகி உள்ளது. இன்று இது காற்றழுத்த தாழ்வு மண்டலமாக மாற இருக்கிறது. இதனால் இது வலுவடைந்து புயலாக உருவாக வாய்ப்புள்ளது.

இந்நிலையில் முன்னெச்சரிக்கை நடவடிக்கைகள் குறித்து வருவாய் மற்றும் பேரிடர் மேலாண்மைத் துறை அமைச்சர் கே.கே.எஸ்.எஸ்.ஆர். ராமசந்திரன் அறிக்கை வெளியிட்டுள்ளார்.

அதில், “தமிழ்நாட்டில் கடந்த அக்டோபர் 29 ஆம் தேதி முதல் வடகிழக்குப் பருவமழை தொடங்கியதிலிருந்து பரவலாக பல்வேறு மாவட்டங்களில் மழைப் பெய்து வருகிறது. கடந்த அக்.1 முதல் 05 வரை 366.2 மி.மீ. மழை பதிவாகியுள்ளது. இது இயல்பான மழையளவைக் (376.0 மி.மீ.) காட்டிலும் 3 விழுக்காடு குறைவு ஆகும்.

இந்திய வானிலை ஆய்வு மையம், தனது நேற்று வெளியிட்ட அறிவிக்கையில், தெற்கு அந்தமான் கடல் மற்றும் அதன் அருகில் குறைந்த காற்றழுத்த தாழ்வு பகுதி உருவாகியுள்ளது என்றும், இது மேற்கு வடமேற்கு திசையில் நகர்ந்து இன்று (டிச.06) மாலை தென்கிழக்கு வங்கக்கடல் பகுதியில் காற்றழுத்த தாழ்வு மண்டலமாக வலுவடையக்கூடும் என்றும், பிறகு இது மேற்கு வடமேற்கு திசையில் நகர்ந்து புயலாக வலுவடைந்து 08 ஆம் தேதி காலை வடதமிழக கடலோரப் பகுதியின் அருகில் வந்தடையக் கூடும் என்று தெரிவித்துள்ளது.

இதன் காரணமாக கன மற்றும் மிக கனமழைப்பொழிவு ஏற்படும் பகுதிகள் கீழ்க்கண்டவாறு தெரிவிக்கப்பட்டுள்ளது.

நாளை (டிச 07) கடலூர், மயிலாடுதுறை, தஞ்சாவூர், திருவாரூர், நாகப்பட்டினம் மற்றும் புதுக்கோட்டை ஆகிய மாவட்டங்களில் ஓரிரு இடங்களில் கன மழை பெய்ய வாய்ப்புள்ளது.

நாளை மறுநாள் (டிச 08) திருவள்ளூர், சென்னை, காஞ்சிபுரம், செங்கல்பட்டு, விழுப்புரம், கள்ளக்குறிச்சி, கடலூர், அரியலூர், பெரம்பலூர், மயிலாடுதுறை, தஞ்சாவூர், திருவாரூர் மற்றும் நாகப்பட்டினம் ஆகிய மாவட்டங்களில் ஒரு சில இடங்களில் கனமழை முதல் மிக கனமழை பெய்யக்கூடும். மேற்சொன்ன மாவட்டங்களில் ஓரிரு இடங்களில் அதி கனமழை பெய்ய வாய்ப்புள்ளது.

இராணிப்பேட்டை, வேலூர், திருப்பத்தூர், திருவண்ணாமலை, திருச்சிராப்பள்ளி, புதுக்கோட்டை, சிவகங்கை மற்றும் இராமநாதபுரம் ஆகிய மாவட்டங்களில் ஒரு சில இடங்களில் கனமழை பெய்ய வாய்ப்புள்ளது.

9ஆம் தேதி திருவள்ளூர், சென்னை, காஞ்சிபுரம், செங்கல்பட்டு, விழுப்புரம், திருவண்ணாமலை, இராணிப்பேட்டை, வேலூர், திருப்பத்தூர், கிருஷ்ணகிரி, தருமபுரி, சேலம் ஆகிய மாவட்டங்களில் ஒரு சில இடங்களில் கனமழை முதல் மிக கனமழை பெய்ய வாய்ப்புள்ளது.

கள்ளக்குறிச்சி, கடலூர், மயிலாடுதுறை, அரியலூர், பெரம்பலூர், திருச்சிராப்பள்ளி, நாமக்கல், கரூர் மற்றும் ஈரோடு ஆகிய மாவட்டங்களில் ஒரு சில இடங்களில் கனமழை பெய்ய வாய்ப்புள்ளது.

 தமிழ்நாடு முதல்வர் அறிவுரையின் பேரில் கனமழையை எதிர்கொள்ள பின்வரும் முன்னெச்சரிக்கை நடவடிக்கைகள் மேற்கொள்ளப்பட்டுள்ளன.

கனமழையினை எதிர்கொள்ள தேவையான அனைத்து முன்னெச்சரிக்கை நடவடிக்கைகளையும் மேற்கொள்ளுமாறு பெருநகர சென்னை மாநகராட்சி ஆணையர் மற்றும் தொடர்புடைய மாவட்ட ஆட்சியர்களுக்கு அறிவுரைகள் வழங்கப்பட்டுள்ளது.

மேற்கு கடற்கரைப் பகுதியில் மீன் பிடிக்கச் சென்றுள்ள 532 மீன்பிடி படகுகள் பாதுகாப்பாக உள்ளன. கிழக்கு கடற்கரைப் பகுதியில் உள்ள 93 மீன்பிடி படகுகளில் உள்ள மீனவர்களுக்கு VHF, Sat Phones, Navtex, Navic மூலம் தகவல் தெரிவிக்கப்ட்டடு, அவர்கள் இன்று (6-12-2022) கரைக்குத் திரும்புகின்றனர். மேலும், மீனவர்கள் மீன்பிடிக்க கடலுக்குள் செல்ல வேண்டாம் என அறிவுறுத்தப்பட்டுள்ளது.

தேசிய பேரிடர் மீட்புப் படை மற்றும் தமிழ்நாடு பேரிடர் மீட்புப் படையின் 10 குழுக்கள் நாகப்பட்டினம், தஞ்சாவூர், திருவாரூர், கடலூர், மயிலாடுதுறை, சென்னை, திருவள்ளூர், காஞ்சிபுரம், செங்கல்பட்டு மற்றும் விழுப்புரம் மாவட்டங்களுக்கு விரைந்துள்ளன.

பெருநகர சென்னை மாநகராட்சி பகுதி மற்றும் மாவட்டங்களுக்கென நியமிக்கப்பட்டுள்ள கண்காணிப்பு அலுவலர்கள் தொடர்புயை பகுதிகளில் முகாமிட்டு முன்னெச்சரிக்கை, மீட்பு மற்றும் நிவாரணப் பணிகளை மேற்கொள்ள அறிவுறுத்தப்பட்டுள்ளனர். மேலும், சென்னையில் 169 நிவாரண மையங்களும், தாழ்வான பகுதிகளில் மழை நீரை வெளியேற்ற 805 நீர் இறைப்பான்களும் தயார் நிலையில் வைக்கப்பட்டுள்ளன.

121 பல்நோக்கு பாதுகாப்பு மையங்களும், 5,093 நிவாரண முகாம்களும் அனைத்து மாவட்டங்களிலும் தயார் நிலையில் உள்ளன.

பாதிப்பிற்குள்ளாகும் பகுதிகளை தொடர்ந்து கண்காணிக்க பல் துறை மண்டலக் குழுக்கள் அமைக்கப்பட்டுள்ளன.

தாழ்வான பகுதிகளில் வசிக்கும் மக்களை முன்கூட்டியே மீட்டு நிவாரண முகாம்களில் தங்க வைத்து அவர்களுக்கு தேவையான உணவு, பாதுகாப்பான குடிநீர், மருத்துவ வசதி உள்ளிட்ட அடிப்படை வசதிகள் செய்து கொடுக்க மாவட்ட ஆட்சியர்கள் அறிவுறுத்தப்பட்டுள்ளனர்.

அணைகள் மற்றும் நீர்த்தேக்கங்களில் நீர் இருப்பு, நீர் வரத்து ஆகியவை தொடர்ந்து கண்காணிக்க வேண்டும். உபரி நீர் வெளியேற்றும் போது பொதுமக்களுக்கு உரிய முன்னறிவிப்பு வழங்க மாவட்ட ஆட்சியர்கள் அறிவுறுத்தப்பட்டுள்ளனர்.

மாநில அவசரகால செயல்பாட்டு மையம் மற்றும் மாவட்ட அளவிலான அவசரகால செயல்பாட்டு மையங்கள் 24 மணி நேரமும் கூடுதலான அலுவலர்களுடன் இயங்குகின்றன” எனத் தெரிவித்துள்ளார்.

ஆர்.ஆர்.ஆர் படத்திற்கு பிறகு மெகா பவர் ஸ்டார் ராம் சரண் நாடு முழுவதும் பாராட்டுகளை பெற்று வருகிறார். இவருக்கு 'ஃபியூச்சர் ஆஃப் யங் இந்தியா என்ற விருதை சமீபத்தில் ஆங்கிலப் பத்திரிக்கை நிறுவனம், அந்தந்தத் துறைகளில் சிறப்பான சேவையாற்றிய சில பிரபலங்களுக்கு விருதுகளை வழங்கியுள்ளது.

இந்த சந்தர்ப்பத்தில், ராம் சரணுக்கு பொழுதுபோக்கு பிரிவில் 'ஃபியூச்சர் ஆஃப் ய்ங் இந்தியா' என்ற விருது வழங்கப்படுகிறது. விருது கிடைத்ததில் மகிழ்ச்சி அடைவதாக நிகழ்ச்சியில் கூறினார். 

அவர் அதில், “1997-ல் எங்கள் குடும்பத்தைச் சேர்ந்த ஒருவர் ரத்தம் கிடைக்காமல் இறந்துவிட்டார். என் அப்பா ஏற்கனவே மெகா ஸ்டார். கோடிக்கணக்கான ரசிகர்கள் இருக்கிறார்கள். ஆனால்.. எங்கள் குடும்பத்தில் ஒருவர் ரத்தம் கிடைக்காமல் இறந்தது எங்களை அதிர்ச்சிக்குள்ளாக்கியது. அதற்கு அடுத்த வருடமே என் அப்பா சிரஞ்சீவி ரத்த வங்கியைத் தொடங்கினார். ரத்த தானம் செய்து சமுதாயத்திற்கு நல்லது செய்யும் அனைவருடனும் புகைப்படம் எடுத்துக் கொள்வதாக ராம் சரண் அறிவித்தார். 

இதேபோல், கோவிட் நேரத்தில் ஆறு மாதங்களாக தொழில்துறையில் இருப்பவர்களுக்கு சிரஞ்சீவியின் உதவிக்கு பதிலளித்தது. அது ஒரு சிறிய உதவி. அவர்களுக்கு அது மிகவும் தேவைப்பட்டது” என்றார்

ராம் சரண் குறித்து அவரது தந்தை வெளியிட்ட ட்வீட் வைரலாகி வருகிறது. அதில், 'நன்னா சரண்.. நீங்கள் ஒரு உண்மையான லெஜண்ட் மற்றும் இளம் இந்தியாவின் எதிர்காலம்' என்ற விருதைப் பெறுவதில் பெருமிதம் கொள்கிறேன். உன் பெற்றோர், அம்மா, நானும் நீ இன்னும் உயர வேண்டும் என்று வாழ்த்துகிறோம்” எனக் குறிப்பிட்டுள்ளார்.

இதுதொடர்பாக திருச்சி சூர்யா தனது டுவிட்டரில், "அண்ணன் அண்ணாமலை அவர்களுக்கு நன்றி, இதுவரை இந்த கட்சியில் பயணித்தது எனக்கு கிடைத்த இனிய அனுபவம் . நீங்கள் தமிழக பாஜகவிற்கு கிடைத்த மிகப்பெரிய பொக்கிஷம். வரக்கூடிய தேர்தலில் கண்டிப்பாக பாஜக இரட்டை இலக்கை அடையும்.

அதை அடைய வேண்டும் என்றால் மாநில அமைப்பு பொதுச் செயலாளர் கேசவ விநாயகம் மாற்றப்பட வேண்டும். இல்லையென்றால் கடந்த கால பாஜகவை போலவே தமிழகத்தில் பாஜக நீடிக்கும் . இத்துடன் என் பாஜக உடனான உறவை நான் முடித்துக் கொள்கிறேன் . உங்கள் மேல் என்றும் அன்புள்ள அன்பு தம்பி" என்று பதிவிட்டுள்ளார்.

இந்த பதிவின் மூலம் பாஜவில் இருந்து விலகுவதை அவர் உறுதி செய்துள்ளார். முன்னதாக, பாஜகவின் பெண் நிர்வாகி டெய்சி என்பவரிடம் தொலைப்பேசி உரையாடலில் ஆபாசமாக பேசியதாக கூறி சூர்யா ஆறு மாத காலத்துக்கு கட்சியிலிருந்து இடை நீக்கம் செய்யப்பட்டிருந்தார். இதையடுத்து தற்போது அவர் உட்கட்சி பூசல் காரணமாக கட்சியை விட்டு விலகுவதாக அறிவித்துள்ளார்.

கடந்த இரு வாரங்களுக்கு முன்னர் பாஜக சிறுபான்மையினர் பிரிவு தலைவர் டெய்சி சரண், ஓபிசி பிரிவு மாநில பொதுச்செயலாளர் சூர்யா சிவா செல்போனில் மோதி கொண்ட ஆடியோ வெளியாகி பரபரப்பை கிளப்பியது. அந்த ஆடியோவில் சூர்யா சிவா, டெய்சி சரணை தகாத வார்த்தைகளால், ஆபாசமாக பேசியதும் சமூக வலைத்தளங்களில் வெளியாகி அதிர்ச்சியை ஏற்படுத்தியது.

இந்த சம்பவம் குறித்து விசாரணை நடத்தி ஒழுங்கு நடவடிக்கை குழு அறிக்கை தாக்கல் செய்ய தமிழக பாஜக தலைவர் அண்ணாமலை உத்தரவிட்ட நிலையில், அந்த அறிக்கை வரும் வரை சூர்யா சிவா கட்சி நிகழ்ச்சிகளில் பங்கேற்க வேண்டாம் எனவும் அவரை இடைநீக்கம் செய்தும் உத்தரவிட்டார்.

இந்த விவகாரம் தொடர்பாக திருச்சி சூர்யா, டெய்சி சரண் ஆகியோர் தங்கள் தரப்பிலிருந்து விளக்கமும் அளித்தனர். அதில், சூர்யா சிவா தம்பி போல் பழகி வந்தார். இந்த விவகாரத்தை இருவரும் பரஸ்பரம் பேசி முடித்துக் கொள்ள முடிவு செய்துள்ளோம். ஊடகங்கள் இதை பெரிதுபடுத்த வேண்டாம்" என டெய்சி சரண் கூறினார்.

அதேபோல் திருச்சி சூர்யா," இருவருக்கும் இடையே தனிப்பட்ட உரையாடல் நிகழ்ந்தது. நான் பேசியது தவறு என்றால் கட்சி எடுக்கும் முடிவுக்கு கட்டுப்படுவேன்" என்றார்.

இதைத்தொடர்ந்து தற்போது தமிழக பாஜகவின் மாநில அமைப்பு பொதுச் செயலாளர் கேசவ விநாயகம் மாற்றப்பட வேண்டும் என கோரிக்கையை முன்வைத்து விட்டு திருச்சி சூர்யா கட்சியை விட்டு விலகியுள்ளார்.

பிபா உலகக் கோப்பை 2022இல் பெனால்ட் வரை சென்று முடிவு வந்த போட்டியாக ஜப்பான் - குரோஷியா இடையிலான நாக்அவுட் போட்டி அமைந்தது.

இந்த ஆட்டத்தில் இரு அணிகளும் ஆரம்பத்தில் இருந்தே கோல் அடிப்பதற்காக கடுமையான போராடின. போட்டி போட்டுக்கொண்டு இரு அணி வீரர்களும் விளையாடி வந்த நிலையில், 43வது நிமிடத்தில் ஜப்பான் வீரர் டெயசன் மேடா முதல் கோல் அடித்தார். இதனால் ஆட்டத்தின் முதல் பாதியில் ஜப்பான் 1-0 என்ற கணக்கில் முன்னிலை வகித்தது.

இதைத்தொடர்ந்து இரண்டாம் பாதியில் ஜப்பான் அணி தனது ஆதிக்கத்தை தொடர தவறியது. இதனால் 55வது நிமிடத்தில் குரோஷியா அணிக்கு முதல் கோல் கிடைத்தது. இந்த கோலை அந்நாட்டு வீரர் இவான் பெரிசிக் அடித்தார்.

இதன்பின்னர் மேலும் ஒரு கோல் முன்னிலை பெறுவதற்கு கடைசி நிமிடம் வரை இரு அணிகளும் முயற்சித்தனர். ஆனால் ஆட்ட நேரம் முடிவுற்ற நிலையில் 1-1 என இரண்டு அணிகளும் சமநிலையில் இருந்தன.

ஆட்டத்தின் முடிவை பெற கூடுதல் நேரம் வழங்கப்பட்டது. அதிலும் இரு நாட்டு வீரர்களும் சிறப்பான தடுப்பாட்டத்தை வெளிப்படுத்தி தங்களுக்கு எதிராக கோல் விழாமல் பார்த்துக்கொண்டனர். அதேசமயம் கூடுதல் கோல் அடிக்கவும் தவறினர்.

இதனால் அடுத்த வாய்ப்பை பெனால்டி ஷுட் அவுட் கடைபிடிக்கப்பட்டது. இதில், கொடுக்கப்பட்ட 5 வாய்ப்புகளில் 3-1 என்ற கணக்கில் குரோஷியா அணி ஜப்பானை வீழ்த்தி காலிறுதிக்கு தகுதி பெற்றது.

ஜப்பான் வீரர்கள் பெனால்டி வாய்ப்பில் அடித்த மூன்று கோல்களை சரியாக தடுத்து ஆட்டத்தின் நாயகனாக ஜொலித்தார் குரோஷியா அணி கோல்கீப்பர் டோமினிக் லிவாகோவிக்.

சென்னை : சட்டமேதை அம்பேத்கரின் 66ஆவது நினைவு தினம் இன்று அனுசரிக்கப்படுகிறது. நாடு முழுவதும் பல்வேறு இடங்களில் அவரது திருவுருவப்படத்திற்கு மலர் தூவி மரியாதை செலுத்தி வருகின்றனர்.

இந்நிலையில்,சென்னை கிண்டியில் உள்ள ஆளுநர் மாளிகையில் அம்பேத்கரின் உருவச்சிலை திறக்கும் நிகழ்ச்சிக்கு இன்று ஏற்பாடு செய்யப்பட்டிருந்தது. தமிழக ஆளுநர் ஆர்.என்.ரவி அம்பேத்கர் உருவச் சிலையை திறந்து வைத்தார். இந்த நிகழ்வில் மத்திய இணை அமைச்சர் எல்.முருகன் கலந்து கொண்டார்.

அப்போது பேசிய மத்திய இணை அமைச்சர் எல்.முருகன், “ஆளுநரின் முயற்சியால் அம்பேத்கர் சிலை நிறுவப்பட்டுள்ளது. இது ஒரு வரலாறு. அம்பேத்கர் எப்படி நியாயத்திற்காக போராடினாரோ அது போல அவருக்கு உரிய அங்கீகாரம் கிடைக்க போராட வேண்டிய சூழல் உள்ளது. இந்த நேரத்தில் ஆளுநர் அம்பேத்கருக்கு உரிய மரியாதையை வழங்கியுள்ளார்.

அம்பேத்கர் இந்திய அரசியலமைப்பு சட்டத்தை நிறுவியவர் என்பது அனைவருக்கும் தெரியும். ஆனால் அம்பேத்கர் இயற்றிய சட்டம் தான் எனது புனித நூல் என பிரதமர் கூறியுள்ளார். 2014 க்கு முன் அம்பேத்கர் பிறந்த வீடு எங்கே என்பது யாருக்குமே தெரியாது. 2015 ஆம் ஆண்டு மத்திய அரசு 125 ஆவது பிறந்தநாளை கொண்டாடியது.

அந்த நேரத்தில் அவர் பிறந்த இடம் மற்றும் அம்பேத்கர் டெல்லியில் மறைந்த இடம் என இந்த இரண்டு இடங்களையும் புனரமைத்து மிகப் பெரிய மணிமண்டபம் அமைத்துக் கொடுக்கப்பட்டிருக்கிறது. ரூபாய் நோட்டு செல்லாது என அறிவிக்கப்பட்ட போது, அண்ணல் அம்பேத்கர் பெயரில் பீம் என்ற பெயரில் செயலி கொண்டு வரப்பட்டது

இந்திய அரசியலமைப்பு சட்டம் கொண்டு வந்தவர் அம்பேத்கர். அவரது சிலை மூடப்பட்டு, பூட்டப்பட்டுள்ளது வெட்கப்பட வேண்டியது தலைகுனிவு. அத்தகைய தலைவரை போற்ற மறந்திருக்கிறோம். 2015ஆம் ஆண்டு முதல் அவரின் பெருமையை மக்களிடம் கொண்டு போய் சேர்த்து வருகிறோம்”என்றார்.

இதுதொடர்பாக தமிழ்நாடு பார் கவுன்சில் செயலாளர் சி.ராஜகுமார் வெளியிட்டுள்ள அறிக்கையில் கூறியிரு்பதாவது:

தனது கட்சிக்காரரிடம் பெருந்தொகையை கையாடல் செய்ததாக கைது செய்யப்பட்ட நந்தகோபாலன், குழந்தை கடத்தல் வழக்கில் தொடர்புடைய திருச்சியை சேர்ந்த பிரபு ஆகியோர் வழக்கறிஞர் தொழில் செய்ய தடை விதிக்கப்பட்டுள்ளது.

ஒன்பது லட்சம் ரூபாய் பெற்றுக் கொண்டு அண்ணா பல்கலைக்கழகத்தில் போலி பணி நியமன உத்தரவு வழங்கியதாக பதிவு செய்யப்பட்ட வழக்கில் தொடர்புடைய கடலூரை சேர்ந்த பெருமாள், உயர் நீதிமன்றத்தில் வேலை வாங்கி தருவதாக மோசடி செய்ததாக பதிவு செய்யப்பட்ட வழக்கில் தொடர்புடைய சென்னையை சேர்ந்த ரமேஷ், பொன் பாண்டியன், திருவாரூர் நீதிமன்றத்தில் வேலை வாங்கி தருவதாக மோசடி செய்த வழக்கில் தொடர்புடைய முத்தாட்சி ஆகியோருக்கும் வழக்கறிஞர் பணி செய்ய தடை விதிக்கப்பட்டுள்ளது.

போக்சோ வழக்கில் தொடர்புடைய சென்னை சேர்ந்த ரோஜா ராம்குமார் மற்றும் மதுரையை சேர்ந்த அருண்பாண்டியன் ஆகியோருக்கு தடை விதித்து பார் கவுன்சில் உத்தரவிட்டுள்ளது.

நடிகை பார்வதி நாயரின் முதல் புகருக்கு ஏற்கனவே வழக்கு பதிவு செய்யப்பட்டிருந்த நிலையில் தற்போது இரண்டாவது புகார் மீதும் வழக்கு பதிவு செய்யப்பட்டுள்ளது.

என்னை அறிந்தால் படத்தில் அருண் விஜய்க்கு ஜோடியாக நடித்தவர் பார்வதி நாயர். உத்தமவில்லன், கோடிட்ட இடங்களை நிரப்புக, நிமிர்ந்து நில், சீதக்காதி உள்ளிட்ட படங்களில் நடித்தவர்.

தனது வீட்டில் பணிபுரிந்த சுபாஷ் சந்திர போஸ் என்பவர் தனது புகைப்படத்தை தவறாக பயன்படுத்துவதாகவும் தனக்கு கொலை மிரட்டல் விடுத்து வருவதாகவும் பார்வதி நாயர் காவல் ஆணையரகத்தில் புகார் அளித்திருந்தார்.

இந்த புகாரின் அடிப்படையில் நுங்கம்பாக்கம் போலீசார் சுபாஷ் சந்திர போஸ் மீது கொலை மிரட்டல் விடுத்தல், பெண்ணை மானபங்கம் செய்தல், தகவல் தொழில்நுட்பத்தை தவறாக பயன்படுத்துதல் உள்ளிட்ட மூன்று பிரிவுகளின் கீழ் வழக்கு பதிவு செய்துள்ளனர்.

இதற்கு முன்பு, கடந்த அக்டோபர் 20ஆம் தேதி தனது வீட்டில் பணிபுரிந்த சுபாஷ் சந்திரபோஸ் என்பவர் ரூபாய் ஒன்பது லட்சம் மதிப்புள்ள இரண்டு கைக்கடிகாரங்கள், ஒன்றரை லட்சம் மதிப்புள்ள ஐபோன், ரூ. 2 லட்சம் மதிப்புள்ள லேப்டாப் ஆகியவற்றை திருடி சென்று விட்டதாக நுங்கம்பாக்கம் காவல் நிலையத்தில் நடிகை பார்வதி நாயர் புகார் அளித்திருந்தார்.

இந்த புகார் மீது நுங்கம்பாக்கம் போலீசார் ஏற்கனவே வழக்கு பதிவு செய்து விசாரணை மேற்கொண்டு வருகின்றனர். இந்த நிலையில் தற்போது தனது புகைப்படத்தை பொதுவெளியில் வெளியிடுவதாகவும் தனக்கு கொலை மிரட்டல் தருவதாகவும் கொடுத்த புகாரின் பேரில் மீண்டும் நுங்கம்பாக்கம் போலீசார் மூன்று பிரிவுகளின் கீழ் வழக்கு பதிவு செய்துள்ளனர்.

இதனிடையே கடந்த அக்டோபர் மாதம் 23ஆம் தேதி சுபாஷ் சந்திர போஸ், நடிகை பார்வதி நாயர் தன்னை அடித்து துன்புறுத்தியதாகவும் தனக்கு கொலை மிரட்டல் கொடுத்ததாகவும் அவர் மீது நடவடிக்கை எடுக்க கோரி தேனாம்பேட்டை காவல் நிலையத்தில் புகார் அளித்திருந்தார் என்பது குறிப்பிடத்தக்கது.

சுபாஷ் புகார் அளித்திருந்த நிலையில், பார்வதி நாயர் இரண்டாவதாக அளித்த புகாரின் பேரில் போலீசார் சுபாஷ் சந்திர போஸ் மீது மேலும் கூடுதல் பிரிவுகளின் கீழ் வழக்குப் பதிவு செய்துள்ளனர்.

துணை நடிராக இருந்து, இன்று முன்னணி நடிகராக முன்னேறியிருப்பவர் விஜய் சேதுபதி. பக்கத்து வீட்டு பையன் மாதிரி என்பார்கள். அப்படி தான், விஜய் சேதுபதியின் ஆரம்ப கால படங்கள் இருந்தன.

விஜய் சேதுபதி மாதிரியான எதார்த்த ஹீரோக்களை தான் அப்போதைய தலைமுறை எதிர்பார்த்திருந்தது. அதற்கு ஏற்றார் போல அவரும் கதைகளை தேர்வு செய்திருந்தார்.

பெரிய நடிப்புத் திறமை இல்லை என்றாலும், தான் ஏற்ற கதாபாத்திரங்களை கச்சிதமாக செய்து முடிக்கும் திறமை விஜய் சேதுபதிக்கு இருந்தது. அதனால் தான், அவரை திரையில் பார்க்கும் போது, தன்னை திரையில் பார்ப்பதைப் போன்ற உணர்வை அவரது ரசிகர்கள் பெற்றனர்.

பெரிய நிறமில்லை, கட்டுக்கோப்பான உடல் இல்லை, நடனத்திலும் சுமார் ரகம், இப்படி எல்லா மைனஸ் இருந்தும், விஜய் சேதுபதியை தலையில் தூக்கி வைத்து கொண்டாடியது தமிழ் சினிமா. அதற்கு காரணம், அன்று அவரிடம் இருந்த கதை தேர்வு.

ஆனால், இன்று அந்த விசயத்தில் தான் கோட்டை விட்டு நிற்கிறார் விஜய் சேதுபதி. ஏதாவது ஒரு படத்தில் நடிப்பவர்களை பார்த்திருப்போம். எல்லா படத்திலும் நடக்கும் ஒருவராக விஜய் சேதுபதி மாறிக்கொண்டிருக்கிறார்.

ஏதோ, ஒன்று சறுக்கி, மற்றொன்று எழுந்தால் கூட பரவாயில்லை . சமீபத்தில் அவர் நடித்த பல படங்கள் சறுக்கலில் தான் முடிந்திருக்கிறது.

லாபம்

ஜூங்கா

சங்கத்தமிழன்

துக்ளக் தர்பார்

றெக்கை

கருப்பன்

அனபெல் சேதுபதி

மாமனிதன்

19(1ஏ)

சிந்துபாத்

முகிழ்

டிஎஸ்பி

என, அவரது தோல்வி படங்களின் பட்டியல் நீண்டுகொண்டோ போகிறது. இடையில் வெற்றி பெற்ற விக்ரம் , மாஸ்டர் படங்களை எல்லாம் விஜய் சேதுபதி லிஸ்டில் சேர்க்க முடியுமா எனத் தெரியவில்லை. அதெல்லாம் ஒருபுறம் இருந்தாலும், இன்றும் விஜய் சேதுபதி மேல் ஒரு பெரிய எதிர்பார்ப்பு மக்களிடத்தில் இருக்கிறது. அவர் நல்ல படங்களை தருவார் என்கிற நம்பிக்தை இருக்கிறது.

அதனால் தான் அவரது படங்களுக்கு இன்னும் படையெடுக்கிறார்கள். அந்த நம்பிக்கையை காப்பாற்ற வேண்டும் அவர். கை நிறைய படங்களை வைத்திருப்பது பெரிதல்ல; கை நிறைய வசூல் தரும் படங்களாக அவை இருக்க வேண்டும். மீண்டும் பழைய விஜய் சேதுபதி திரும்ப வரவேண்டும் என்பதே அனைவரின் எதிர்பார்ப்பு.

அம்பேத்கர் நினைவு நாளையொட்டி இயக்குநர் மாரி செல்வராஜின் பதிவு வெளியிட்டுள்ளார். 

தாதா படம் குறித்து நடிகர் யோகிபாபு சர்ச்சை கருத்தை வெளியிட்ட நிலையில் அவர் மீது தயாரிப்பாளர்கள் சங்கத்தில் புகார் அளிக்கப்பட்டுள்ளது.

வாரிசு படத்தில் நடிகர் சிம்பு Cameo ரோலில் நடித்திருப்பதாக சொல்லப்படுகிறது.

நடிகர் சிவகார்த்திகேயன் நடிக்கும் மாவீரன் படத்தின் சட்டிலைட் உரிமையை சன் தொலைக்காட்சி பெற்று இருப்பதாக தகவல் வெளியாகியுள்ளது. 

நம்ம நண்பர் படம்தானே, அதுவும் நல்லா போகட்டும் என துணிவு படம் குறித்து நடிகர் விஜய் சொன்னதாக ஷாம் கூறினார். 

சமந்தா நடித்துள்ள யசோதோ படம் வரும் 9 ஆம் தேதி ஓடிடியில் வெளியாகிறது. 

இளையராஜா திருவண்ணாமலையில் உள்ள அண்ணாமலையார் கோயிலில் சாமி தரிசனம் செய்தார்.

தீ தளபதி பாடல் யூ-டியூப் தளத்தில் ஒரு கோடி பார்வையாளர்களை கடந்துள்ளது.

விஜய் ஆண்டனி நடிப்பில் வெளியான ரத்தம் டீஸர் யூ-டியூப் தளத்தில் 500k பார்வையாளர்களை கடந்துள்ளது. 

பகாசூரன் ட்ரெய்லர் யூ-டியூப் தளத்தில் 1 மில்லியன் பார்வையாளர்களை கடந்துள்ளது.

டப்ளின்: ஐரிஷ் ரயில் என்ற நிறுவனத்தில் நிதி மேலாளராகப் பணிபுரிகிறார் டெர்மாட் அலஸ்டெய்ர் மில்ஸ். இவர் தனக்கு வேலை ஏதும் கொடுக்காமல், வருடத்திற்கு ரூ 1.3 கோடி சம்பளம் தருவதாக அந்நிறுவனம் மீது வழக்கு தொடர்ந்துள்ளார்.

இவர் தொடர்ந்த இந்த விநோத வழக்கு அனைவரின் கவனத்தையும் ஈர்த்துள்ளது. இதுகுறித்து டெர்மாட் அலஸ்டெய்ர் மில்ஸ் கூறுகையில், ”ஆரோக்கியமான பணிச் சூழல் ஒரு நபரின் மனநலத்திற்கு மிகவும் அவசியம். ஆனால், தன் பணியே தனக்கு பெரிய அழுத்தமாக ஆகியுள்ளது.

வாரத்தில் 5 நாட்களில் நான் 2 நாட்கள் தான் அலுவலகமே செல்கிறேன். அப்போதும் கூட சரியான வேலை இல்லாமல் வீடு திரும்பிவிடுவேன். அலுவலக நேரத்தில் செய்தித்தாள் வாசிக்கிறேன், சாண்ட்விச் சாப்பிடுகிறேன், நடைப்பயிற்சி கூட சென்று வருகிறேன்.

எனது நிறுவனத்தில் நடைபெற்ற நிதி முறைகேடுகள் பற்றி நான் ஒருமுறை வெளிக்கொண்டு வந்தேன். அதன் பின்னர் தான் இது எல்லாம் ஆரம்பித்தது. என் திறமைக்கு ஏற்ப எந்த ஒரு வேலையும் தருவதில்லை. அதனால்தான் நான் வழக்கு தொடர்ந்துள்ளேன்" என்றார்.

அயர்லாந்த் கிரிக்கெட் அணியில் சுமார் பத்தாண்டுகள் விளையாடிய ஆல்ரவுண்டர் கிம் கார்த், தற்போது ஆஸ்திரேலிய அணியில் விளையாட உள்ளார்.

2010 ஆம் ஆண்டில் தன்னுடைய 14 வயதில் அயர்லாந்த் அணிக்காக சர்வதேச அரங்கில் அறிமுகமானார் கிம் காரத். ஆல்ரவுண்டரான கிம் கார்த், இந்திய சுற்றுப்பயணத்திற்கான ஆஸ்திரேலியாவின் டி20 அணிக்கு தேர்வு செய்யப்பட்டுள்ளார்.

மும்பையில் டிசம்பர் 9 ஆம் தேதி தொடங்கி , ஐந்து போட்டிகளில் பங்கேற்கும் ஆஸ்திரேலியா அணியில், தனக்கு இடம் கிடைத்த மகிழ்ச்சியான செய்தியை அயர்லாந்தில் உள்ள தனது பெற்றோருக்கு உடனடியாக தெரிவிக்க விரும்பியுள்ளார் கிம்கார்த்.

‘‘அப்போது அதிகாலை 3 மணி இருக்கும். அந்த நேரத்தில் நான் அழைத்தால், அவர்கள் பதறக் கூடும். ஆனாலும் அந்த தகவலை தாமதப்படுத்தாமல் அவர்களிடம் பகிர நினைத்தேன்’’ என்று செய்தியாளர்களிடம் கூறுகையில் காரத் கூறியிருந்தார்.

‘‘ஆஸ்திரேலிய அணியின் தேசிய தேர்வாளர் ஷான் ஃப்ளெக்லர் இரண்டு வாரங்களுக்கு முன்பு என்னை அழைத்தார். நாங்கள் ஹோபார்ட் ஹரிகேன்ஸ் அணிக்கு விளையாடிய மறுநாள் என்று நினைக்கிறேன், அன்று அவர் எனக்கு இன்ப அதிர்ச்சி தந்தார். ஆஸ்திரேலிய அணியில் என்னை தேர்வு செய்யும் அறிவிப்பு அங்கு நிகழ்ந்தது. அதை கேட்டு நான் உற்சாகமடைந்தேன், ஆச்சரியம் அடைந்தேன். தொழிலிலுக்காக நான் நாடு விட்டு நாடு நகர்ந்தேன். ஆனால், அதுவும் எனக்கு பயனுள்ளதாக அமைந்தது,’’

என்று செய்தியாளர் சந்திபபில் கார்த் கூறியிருந்தார்.

கடந்த ஜூன் 2020 இல் , அயர்லாந்து கிரிக்கெட்டிலிருந்து வெளியேறி விக்டோரியாவுக்குச் சென்று வாழ்வாதாரத்திற்காக கிரிக்கெட் விளையாடினார் காரத். ஆனால் அது எளிதான முடிவு அல்ல. அயர்லாந்துக்காக 34 ஒருநாள் மற்றும் 51 டி20 போட்டிகளில் விளையாடியுள்ள அவர், மீண்டும் சர்வதேச கிரிக்கெட்டில் அதன் பின் விளையாடியிருக்க முடியாது.

‘‘அயர்லாந்து அணிக்காக விளையாடிவிட்டு, அதன் பின் அங்கிருந்து வெளியேறி உள்நாட்டு அணியில் விளையாடுயதால் நான் வாய்ப்பை இழந்தேன் என்று எனக்கு தெரியும். அதே நேரத்தில் இங்குள்ள உள்நாட்டு அமைப்பின் பலம், உள்ளூர் வீரர்கள் எவ்வளவு வலிமையானவர்கள் என்பதை நான் அறிந்தேன். சிறந்த சர்வதேச வீரர்களை ஈர்த்ததால், உள்ளூர் வீரராக மாறுவதற்கு WBBL எனக்கு ஒரு பெரிய ஈர்ப்பாக இருந்தது.

ஆஸ்திரேலியாவில் கிரேடு கிரிக்கெட்டில் சில வருடங்கள் விளையாடியதால், பெண்கள் வாழும் சில வாழ்க்கை முறைகளையும், அன்றாடம் கிரிக்கெட் விளையாடுவதையும் நான் பார்த்திருக்கிறேன். இது உண்மையில் நான் செய்ய விரும்பிய ஒன்று.

நான் ஒரு பெரிய முடிவை எடுக்கும் போது எனக்கு 23 வயது என்று நினைக்கிறேன். குடும்பத்தை விட்டு வெளியேறுவது கடினமான முடிவு, ஆனால் இப்போது எனக்கு வருத்தம் இல்லை அயர்லாந்தில் அப்போது சிறந்த டிரா கிரிக்கெட்டை விளையாடுவதற்கான வாய்ப்புகள் குறைவாகவே இருந்தன.

அயர்லாந்தின் ஒன்பது வருட சர்வதேச வாழ்க்கையில், 64 டி20 மற்றும் 44 ஒருநாள் போட்டிகளில் விளையாடினேன். ஆனால், ஆஸ்திரேலியாவில் நான் விளையாடிய டி20 போட்டிகள் பெரிய பயனளித்தது. நான் அயர்லாந்திற்காக விளையாடும்போது, ​​நாங்கள் ஆஸ்திரேலியா, இந்தியா, தென்னாப்பிரிக்கா போன்ற அணிகளோடு விளையாடினோம்.

சமீபத்திய ஆண்டுகளில் உள்நாட்டு கிரிக்கெட்டில் நான் சில நல்ல நிலையான ஆட்டங்களை வெளிப்படுத்தியதை போல் உணர்கிறேன். அடுத்த படியை எடுத்து சர்வதேச கிரிக்கெட்டில் வேறு அணிக்காக விளையாட இருந்தாலும் நான் மிகவும் உற்சாகமாக இருக்கிறேன்,’’ என்று கார்த் கூறியுள்ளார்.

ஆஸ்திரேலியாவுக்குச் சென்ற பிறகு, கார்த் 2020 முதல் விக்டோரியா உள்நாட்டு அணிக்காக 50 ஓவர் போட்டியான மகளிர் தேசிய கிரிக்கெட் லீக்கையும், பின்னர் 2020-21 இல் பெர்த் ஸ்கார்ச்சர்ஸிற்கான மகளிர் பிக் பாஷ் லீக்கையும் விளையாடினார், அதைத் தொடர்ந்து இரண்டு ஆண்டுகள் மெல்போர்ன் ஸ்டார்ஸுடன் விளையாடினார். செயல்பாட்டில், அவர் ஆஸ்திரேலியாவின் நிரந்தர இடத்தை பிடித்தார். மேலும் WBBL இல் உள்ளூர் வீரராக ஆனார்.

கார்த் இந்திய நிலைமைகளுக்கு புதியவர் அல்ல. 2016 ஆம் ஆண்டு டி20 உலகக் கோப்பையில் விளையாடிய அயர்லாந்து அணியில் அவர் ஒரு அங்கமாக இருந்தார்.

ஆஸ்திரேலிய லெவன் அணிக்குள் நுழைவது எளிதல்ல. அதே நேரத்தில் கார்த் தனது ஆஸ்திரேலிய அணியை, இந்தியா சுற்றுப்பயணத்தில் வெற்றிப்பாதைக்கு அழைத்துச் சென்றால், அது அவருக்கு பெரிய மைல்கல்லாக அமையும் என்கிறார்கள் ஆஸ்திரேலிய கிரிக்கெட் ரசிகர்கள்.

மறைந்த முன்னாள் முதல்வர் ஜெயலலிதாவின் 6 ம் ஆண்டு நினைவு நாள் நேற்று அனுசரிக்கப்பட்டது. அதிமுகவில் தற்போது இபிஎஸ், ஓபிஎஸ் என இரு அணிகளாக பிரிந்துள்ளனர்.

இதனால், சென்னை மெரினாவில் உள்ள ஜெயலலிதாவின் நினைவிடத்தில், இபிஎஸ் தரப்பு, ஓபிஎஸ் தரப்பு என தனித்தனியாக அஞ்சலி செலுத்தினர்.

இது போதாதென, முன்பு பிரிந்து போன டிடிவி தினகரனின் அமமுக தனியாகவும், அதிமுகவின் பொதுச் செயலாளர் பதவிக்கு சொந்தம் கொண்டாடும் சசிகலா தனியாகவும் அஞ்சலி செலுத்தினர்.

அத்தோடு,ஜெ.தீபாவின் கணவர் மாதவன் போன்ற கிளை உரிமை கோருவோரும் ஜெயலலிதாவின் நினைவிடத்தில் அஞ்சலி செலுத்தி மரியாதை செய்தனர்.

இதில் அதிமுகவின் இடைக்கால பொதுச் செயலாளராக அழைக்கப்படும் இபிஎஸ் தரப்பு, ஜெயலலிதாவின் நினைவிடத்தில் அஞ்சலி செலுத்திய பின், அங்கு திரண்டிருந்த தொண்டர்களுக்கு மத்தியில் உறுதிமொழி எடுத்துக்கொண்டிருந்தனர்.

அதில், ஜெயலலிதா இறந்தநாளை குறிக்கும் வாசகத்தில், ‘அம்மா மறைந்த இந்நந்நாளில்’ என்கிற வாசகம் குறிப்பிடப்பட்டிருந்தது. பிறந்த நாள் அல்லது சாதனைகள் புரிந்த நாட்களுக்கு தான், ‘இந்நந்நாள்’ என்கிற வார்த்தையை பயன்படுத்துவார்கள்.

மாறாக, ஒருவர் இறந்தநாளை ‘நந்நாள்’ என்று யாரும் குறிப்பிடமாட்டார்கள். காரணம், அது வருத்தத்தை குறிக்கும் நாள். அப்படி ஒரு நாள் வரக்கூடாது என்பார்கள். அப்படியிருக்க, இபிஎஸ் எழுப்பிய கோஷத்தில் ஜெயலலிதா இறந்த நாளை, ‘நந்நாள்’ என்று குறிப்பிட்டதை, ஓபிஎஸ் தரப்பு ட்ரெண்ட் செய்து வருகிறது.

ஒன்றுபட்ட அதிமுகவாக இருந்த போது, பெரும்பாலும் இது மாதிரியான நிகழ்வுகளுக்கு அப்போது நமது அம்மா நாளிதழின் ஆசிரியராக இருந்த அழகு மருதராஜ் தான் வாசகங்களை எழுதி தருவார். தற்போது அவர் ஓபிஎஸ் அணியில் இருப்பதால், நேற்று இபிஎஸ் அணி எழுப்பிய கோஷத்தை தனது ட்விட்டர் பக்கத்தில் பதிவிட்டுள்ள மருது அழகுராஜ், ‘எல்லாம் விதி…’ என கேப்ஷன் போட்டுள்ளார்.