மகாராஷ்ட்ராவில் சரக்கு ரயில் மீது பயணிகள் ரயில் மோதி விபத்து - 53 பேர் காயம்

video

<p>மகாராஷ்ட்ரா மாநிலம் கோன்டியா அருகே சரக்கு ரயிலும், பயணிகள் ரயிலும் மோதிக்கொண்ட விபத்தில் 50க்கும் மேற்பட்டோர் காயமடைந்துள்ளனர். அதிகாலை 2 மணி அளவில் குத்மா - கோன்டியா ரயில் நிலையங்களுக்கு இடையே ஏற்பட்ட இந்த விபத்தில் மூன்று பெட்டிகள் தடம் புரண்டன. பகத் கி கோத்தி சூப்பர் பாஸ்ட் எக்பிரஸ் ரயில், முன்னே நிறுத்தப்பட்டிருந்த சரக்கு ரயில் மீது மோதியது. இதில் எக்பிரஸ் ரயிலின் நான்கு சக்கரங்கள் தண்டவாளத்தை விட்டு வெளியேறின. சிக்னல் கிடைக்காமல் இருந்ததே இந்த விபத்துக்கான காரணம் என முதல் கட்ட விசாரணையில் தெரியவந்துள்ளது. பயணிகளோடு சென்ற அந்த எக்பிரஸ் ரயிலானது சத்தீஸ்கர் மாநிலம் பிலாஸ்பூரிலிருந்து, ராஜஸ்தான் மாநிலம் ஜோத்பூருக்கு சென்றுகொண்டிருந்தது. தானியங்கி சிக்னல் தடுப்பு அமைப்பு உதவியுடன் ரயில்கள் ஒன்றன் பின் ஒன்றாக செல்லும். இரவு நேரத்தின் நெறிமுறைப்படி ரயிலின் லோகோ பைலட், சிவப்பு விளக்கு எரிவதை 2 நிமிடம் வரை காத்திருந்து பார்த்த பின்னர் மெதுவாக ரயிலை இயக்கத்தொடங்கினார். ஆனால் முன்னால் சென்ற சரக்கு ரயில் அங்கேயே நின்றுள்ளது. பின் உடனடியாக அவசர பிரேக் செலுத்தி ரயிலை நிறுத்த முயற்சித்தார். இருப்பினும் முன்னே நின்ற சரக்கு ரயில் மீது மோதி விபத்துக்குள்ளானது. இதில் பயணிகள் சிலருக்கு சிறிய காயங்கள் ஏற்பட்டுள்ளது. ரயில் தண்டவாளத்தில் எந்த சேதமும் ஏற்படவில்லை. விபத்தில் காயமடைந்த பயணிகளுக்கு உடனடியாக மருத்துவ உதவி அளிக்கப்பட்டு அதே ரயிலில் அனுப்பி வைக்கப்பட்டனர். இதற்கிடையே சீரமைப்பு பணிகளும் நடைபெற்று ரயில் தனது பயணத்தை தொடர்ந்தது.</p>

Video: கண்டம் விட்டு கண்டம் பாயும் மினிட்மேன்-3 ஏவுகணை சோதனை வெற்றி - அமெரிக்கா

<p>நீண்ட தூரம் அணு ஆயுதங்களை தாங்கிச் சென்று கண்டம் விட்டு கண்டம் தாக்கும் திறண் கொண்ட மினிட்மேன்-3 பாலிஸ்டிக் ஏவுகணை சோதனையை அமெரிக்கா வெற்றிகரமாக சோதித்து பார்த்துள்ளது. கலிபோர்னியாவின் வான்டன்பெர்க் விண்வெளிப் படைத் தளத்தில் இருந்து இந்த ஏவுகணை வெற்றிகரமாக பரிசோதிக்கப்பட்டதாகவும், பசிபிக் தீவு முழுவதும் சுமார் 6,760 கிலோ மீட்டர் இந்த ஏவுகணை பயணித்ததாகவும் அமெரிக்க ராணுவம் தெரிவித்துள்ளது. மினிட்மேன்-3 ஏவுகணை 9,660 கிலோ மீட்டர் தொலைவிலான இலக்கைத் தாக்கி அழிக்கும் திறன் உடையது. உக்ரைனுக்கு எதிரான ரஷ்யாவின் ராணுவ நடவடிக்கை மற்றும் அமெரிக்க நாடாளுமன்ற சபாநாயகர் நான்சி பெலோசியின் தைவான் பயணத்துக்கு எதிர்ப்பு தெரிவித்து அந்த நாட்டைச் சுற்றி ஏவுகணை சோதனை மற்றும் ராணுவப் பயிற்சிகளை சீனா மேற்கொண்ட நிலையில், பதற்றத்தைத் தூண்டுவதைத் தவிர்ப்பதற்காக மினிட்மேன்-3 ஏவுகணை சோதனையை அமெரிக்க இருமுறை ரத்து செய்திருந்தது குறிப்பிடத்தக்கது.</p>

Video: சியாச்சின் பகுதியில் 38 ஆண்டுகளுக்கு பிறகு ராணுவ வீரர் உடல் கண்டெடுப்பு

<p>சியாச்சின் பகுதியில் பணிபுரிந்த ராணுவ வீரர் ஒருவர் கடந்த 38 ஆண்டுகளுக்கு முன்னர் காணாமல் போன நிலையில், அவரது உடல் தற்போது கண்டறியப்பட்டுள்ளது. ரோந்து பணியில் ஈடுபட்டபோது சந்தர் சேகர் என்ற ராணுவ வீரர் பனிச்சரிவில் சிக்கி காணாமல் போயுள்ளார். தற்போதைய உத்தரகண்ட் பகுதியில் உள்ள அல்மோரா பகுதியை சேர்ந்தவரான இவர் 1975ஆம் ஆண்டில் ராணுவத்தில் இணைந்தார். இதையடுத்து 1984ஆம் ஆண்டு நிகழ்ந்த ஆபரேஷன் மேக்தூத்க்காக அனுப்பப்பட்ட 20 பேர் கொண்ட குழுவில் ஒருவராக இருந்தார். சியாச்சின் பகுதியில் உள்ள பழைய புதைக்குழி பகுதியில் ரோந்து பணியில் ஈடுபட்டபோது இவரது உடல் கண்டறியப்பட்டுள்ளது. நாட்டுக்காக உயிர் தியாகம் செய்துள்ள சந்தர் சேகர் உடல் முழு ராணுவ மரியாதை அளிக்கப்படும் என தெரிவிக்கப்பட்டுள்ளது. சியாச்சின் பனிப்பாறை பகுதியில் காஷ்மீரில் உள்ள இந்திய பகுதியை கட்டுப்பாட்டுக்குள் கொண்டு வருவதற்காக ஆபரேஷன் மேக்தூத் கொண்டுவரப்பட்டது. உலக அளவில் உயரமான போர்க்களமாக கருதப்படும் இந்தப் சியாச்சின் பகுதியில் இந்திய ராணுவத்தால் நிகழ்த்தப்பட்ட முதல் தாக்குதலாகவும் இந்த ஆபரேஷன் மேக்தூத் அமைந்தது. அபாபீல் என்ற பெயரில் பாகிஸ்தான் ஊடுருவ நினைத்த திட்டத்தை இந்த ஆபரேஷன் மூலம் முறியடித்து இந்தியா வெற்றியும் கண்டது. தனது கணவர் உடல் 38 ஆண்டுகளுக்கு பிறகு கண்டறிந்திருப்பதை அறிந்த சந்தர் சேகரின் மனைவி நாட்டுக்காக அவர் உயிர் தியாகம் செய்திருப்பதற்கு பெருமை அடைவதாக தெரிவித்தார்.</p>

Viral Video: பீட்சா மாவு மீது தொங்கவிடப்பட்ட மாஃப் - விளக்கம் அளித்த டோமினோஸ்

<p>பெங்களூருவில் உள்ள டோமினோஸ் உணவகம் ஒன்றில் பீட்சா மாவின் தட்டுகளுக்கு மேல் தரையை துடைக்க உதவும் மாஃப், ஒட்டடை அடிக்கும் ஒட்டடைகுச்சி, கழிப்பறையை சுத்தம் செய்யும் பிரஷ் உள்ளிட்டவை தொங்கவிடப்பட்ட நிலையில் இருக்கும் புகைப்படங்களை துஷார் என்பவர் சமீபத்தில் டுவிட்டரில் பகிர்ந்திருந்தார். இதை பார்த்த பீட்சா பிரியர்கள் கடும் அதிர்ச்சியடைந்துள்ளனர். டோமினோஸின் சுகாதாரமற்ற சமையலறை குறித்து நெட்டிசன்கள் பலரும் கேள்வி எழுப்பி இருந்தனர். அரசு அதிகாரிகள் உணவகத்தை சோதனையிட்டு நடவடிக்கை எடுக்க வேண்டும் என்றும் வலியுறுத்தி வருகின்றனர். இது குறித்து டோமினோஸ் நிர்வாகம் விளக்கம் அளித்துள்ளது. "உலகத்தரம் வாய்ந்த பாதுகாப்பு நெறிமுறைகளை கடைபிடித்து டோமினோஸ் பீட்சாக்கள் தயாரிக்கப்படுகின்றன. எங்கள் கவனத்துக்கு கொண்டுவரப்பட்ட இந்த சம்பவம் குறித்து முழுமையாக விசாரிக்கப்பட்டு உரிய நடவடிக்கை எடுக்கப்படும். தரம் மற்றும் தூய்மை விஷயத்தில் வாடிக்கையாளர்களின் நல்வாழ்வை உறுதி செய்வதற்கு தேவையான அனைத்தையும் செய்ய நாங்கள் தயாராக இருக்கிறோம்." என்று தெரிவிக்கப்பட்டுள்ளது.</p>

தில்லி செங்கோட்டையில் Mi-17 ஹெலிகாப்டர் மூலம் மலர் தூவி கொண்டாட்டம்

<p>தில்லி செங்கோட்டையில் பிரதமர் மோடி கொடியேற்றிய போது இந்திய விமானப்படையினர் சார்பில் இரண்டு Mi-17 1V ஹெலிகாப்டரில் மூலம் பறந்து வந்து மலர்தூவி சுதந்திர தின கொண்டாட்டத்தில் ஈடுபட்டனர். அப்போது அங்கு கூடியிருந்தவர்களால் பலத்த கைதட்டல்களும், ஆராவாரமும் எழுப்பப்பட்டது. கடந்த 2021ஆம் ஆண்டில் முதல் முறையாக Mi-17 1V ஹெலிஹாப்டர்கள் மூலம் மலர் தூவி 75வது சுதந்திர தின விழாவுக்கான கொண்டாட்டம் தொடங்கப்பட்டது. இந்த பாரம்பரியத்தை பின்பற்றும் விதமாக தற்போது 75வது சுதந்திர தின கொண்டாட்ட நிறைவு விழாவில் மீண்டும் Mi-17 1V ரக ஹெலிகாப்டர்களில் பறந்து வந்து மலர்கள் தூவப்பட்டது. 75வது சுதந்திர தினத்தை குறிக்கும் விதமாக வரையப்பட்டிருந்த படத்தின் மீது மலர்கள் தூவப்பட்டன. இந்திய விமானப்படை சார்பில் 220க்கும் மேற்பட் Mi-17 சீரிஸ் ஹெலிகாப்டர்கள் இயக்கப்படுகின்றன. பல்வேறு விதமான யுக்திகளின் மூலம் அவை பயன்படுத்தப்படுகின்றன. பழைய தலைமுறை Mi-17 ஹெலிகாப்டர் சீரிஸ்கள் தற்போது அப்கிரேடு செய்யப்பட்டு வருகின்றன. மேம்பட்ட ஏவியோனிக்ஸ் மற்றும் எலக்ட்ரானிக் தொழில்நுட்பம் மூலம் மீண்டும் பொருத்தப்படுகிறது. ரஷ்யாவை பூர்வீகமாக கொண்ட இந்த ஹெலிஹாப்டர்கள் ஏவுகணை மற்றும் ராக்கெட்டுகளை எடுத்துச் செல்லும்விதமாக வடிவமைக்கப்படுகிறது.</p>

Video: உலகின் மிக உயரமான ரயில்வே பாலத்தில் பறந்த தேசியக் கொடி

<p>உலகின் மிக உயரமானதாக கருதப்படும் செனாப் ரயில்வே பாலம் சனிக்கிழமை திறந்து வைக்கப்பட்டது. ஜம்மு-காஷ்மீரின் ரியாசி மாவட்டத்தில் பக்கால் மற்றும் கவுரி என்ற இடத்துக்கு இடையே செனாப் ஆற்றின் குறுக்கே 1,178 அடி உயரத்தில் இந்த ரயில்வே பாலம் அமைக்கப்பட்டுள்ளது. ரூ.1486 கோடி மதிப்பீட்டில் கட்டப்பட்டுள்ள இந்த பாலத்தின் நீளம் 1315 மீட்டர் ஆகும். இதன் மூலம் காஷ்மீர் பள்ளத்தாக்கு நாட்டின் பிற பகுதிகளுடன் இணைக்கப்பட இருக்கிறது. திறப்பு விழாவையொட்டி பாலத்தின் நடுவில் அமைந்துள்ள ‘கோல்டன் ஜாயிண்ட்’ என்ற இடத்தில் கட்டுமான பணியில் ஈடுபட்ட தொழிலாளர்கள் பட்டாசு வெடித்தும், தேசியக் கொடியை கைகளில் ஏந்தியும் தங்களது மகிழ்ச்சியை வெளிப்படுத்தினர். செனாப் ரயில்வே பாலம் பிரான்ஸ் நாட்டின் பாரிஸில் உள்ள ஈபிள் கோபுரத்தை விட 35 மீட்டர் உயரமானதாக இருக்கும். இந்த பாலத்தில் வரும் டிசம்பர் மாதம் ரயில் போக்குவரத்து நடைபெறும் என எதிர்பார்க்கப்படுகிறது.</p>

Viral Video: சீறிவந்த பாம்பு - நொடி பொழுதில் மகனை காப்பாற்றிய தாய்

<p>கர்நாடகா மாநிலம் மாண்டியாவில் உள்ள ஒரு வீட்டின் வாசலில் ராட்சத நாகப்பாம்பு இருந்துள்ளது. அப்போது அந்த வீட்டில் இருந்து தாயும் மகனும் வெளியே வந்துள்ளனர். பாம்பு ஊர்ந்து வருவதை கவனிக்காமல் இரண்டு அடி சென்ற சிறுவன் பின்னர் பாம்பு இருப்பதை கண்டு பயந்து விடுகிறான். பாம்பும் படமெடுத்தபடி தலையை தூக்கி சிறுவனை தீண்ட வருகிறது. இதை கவனித்த தாயார் நொடி பொழுதில் லாவகமாக மகனை தூக்கி பாம்பிடம் இருந்து காப்பாற்றியுள்ளார். பாம்பும் ஏதும் செய்யமால் நகர்ந்து சென்று விடுகிறது. நெஞ்சை பதைபதைக்க வைக்கும் இந்த சிசிடிவி வீடியோ காட்சிகள் இணையத்தில் வைரலாகி வருகிறது.</p>

பிரபல எழுத்தாளர் சல்மான் ருஷ்டி மீது மேடையில் கத்தியால் குத்தி தாக்குதல்!

<p>மும்பையில் பிறந்த பிரிட்டனில் வாழ்ந்து வந்த சர்ச்சைக்குரிய எழுத்தாளரான சல்மான் ருஷ்டி மீது கத்து குத்து தாக்குதல் நிகழ்ந்துள்ளது. அமெரிக்காவின் மேற்கு நியூயார்க் பகுதியில் நிகழ்ச்சி ஒன்றில் பங்கேற்க சென்றிருந்த அவர் மீது மேடையில் வைத்து இந்த தாக்குதல் நடந்துள்ளது. இதுதொடர்பான விடியோ சமூக வலைத்தளங்களில் வெளியான நிலையில், சல்மான் ருஷ்டி தாக்குதலுக்கு உள்ளானபோது அவரை நோக்கி பொதுமக்கள் ஓடி சூழ்ந்துகொண்டனர். கழுத்துப் பகுதியில் பலத்த காயம் அடைந்த அவர் உடனடியாக ஹெலிஹாப்டர் மூலம் மருத்துமனைக்கு அனுப்பப்பட்டு தற்போது சிகிச்சை பெற்று வருகிறார். அவரது உடல்நிலை குறித்த தகவல் ஏதும் தெரியவில்லை என உள்ளூர் ஊடகங்கள் தெரிவித்துள்ளனர். சல்மான் ருஷ்டியின் 'தி சாட்டனிக் வெர்சஸ்' என்ற படைப்பு, உலகம் முழுவதும் பெரும் பரபரப்பை ஏற்படுத்தியது. அதில் முஸ்லீம்கள் வணங்கும் அல்லாஹ்வை தவறாக சித்தரித்திருப்பதாகக் கூறி பல்வேறு முஸ்லீம் நாடுகளின் அதிருப்தியை சம்பாதித்தார். அவருக்கு ஈரான் நாட்டிலிருந்து கொலை மிரட்டல் வந்த நிலையில் தலைமறைவு வாழ்க்கை வாழ தொடங்கினார். இந்தியாவில் முஸ்லீம் குடும்பத்தில் பிறந்தவரான ருஷ்டி, தன்னை நாத்திகராக வெளிப்படுத்திக்கொண்டார். இதன் விளைவாக உயருக்கு ஆபத்து ஏற்பட்டபோது, தலைமறைவாக வாழ்ந்து வந்தாலும் பிரிட்டன் அரசாங்கம் அவருக்கு போலீஸ் பாதுகாப்பை உறுதி செய்தது. அவரது டிரன்ஸ்லேடர்கள் மற்றும் பப்ளிஷர்கள் மீது கொலை முயற்சி நடத்தப்பட்ட பிறகு பள்ளி ஒன்றில் அவர் வாழ்ந்து வந்தார். கிட்டத்தட்ட ஒரு தசாப்தம் வரை தலைமறைவு வாழ்க்கை வாழ்ந்து வந்த அவர் பலமுறை வீடுகளை மாறியுள்ளார். 1998ஆம் ஆண்டில் அவருக்கு கொலை மிரட்டல் வந்த பிறகு இவ்வாறு தலைமறைவு வாழ்க்கை வாழ்ந்து வந்தார். தற்போது நியூயார்க் நகரில் வாழ்ந்து வரும் ருஷ்டி, பிரன்சு நாட்டை சேர்ந்த நய்யாண்டி இதழில் பேச்சுரிமைக்கான வழக்குரைஞராக உள்ளார். ருஷ்டி பங்கேற்கும் அனைத்து நிகழ்வுகளிலும் அவருக்கு அச்சுறுத்தலும், புறக்கணிப்புகளும் இருந்து வருகிறது. 2007இல் ஈரான் மற்றும் பாகிஸ்தான் பழமைவாதத்துக்கு எதிரான போராட்டங்கள் ருஷ்டி எழுத்தின் தாக்கத்தின் காரணமாகவே நிகழ்ந்தது.</p>

75th Independence Day: இஸ்ரோவின் முதல் மெய்நிகர் பூங்கா!

<ul><li>நாட்டின் 75வது சுதந்திர தினத்துக்கு இஸ்ரோ சார்பில் புதிய பரிசு ஒன்று தரப்பட்டுள்ளது. ஸ்பார்க் என்ற பெயரில் புதிய மெய் நிகர் அருங்காட்சியம் ஒன்றை வெளிப்படுத்தியுள்ளது. இது இந்தியாவின் முதல் 3D மெய்நிகர் விண்வெளி தொழில்நுட்ப பூங்காவாக உள்ளது. இந்த பூங்காவில் இஸ்ரோ சார்பில் நிகழ்த்தப்பட்ட மைல்கல் சாதனைகள், பணிகள் குறித்த புகைப்படங்கள் மற்றும் விடியோக்கள் இடம்பிடித்துள்ளன. இங்கு வரும் பார்வையாளர்கள் இஸ்ரோவின் வெற்றிகரமான பயணத்துக்கு பங்களிப்பு அளித்த விஞ்ஞானிகளின் வரலாறுகளை தெரிந்து கொள்ளலாம். இதுமட்டுமில்லாமல் இந்த ஸாபர்க் பார்க்கில் அருங்காட்சியகம், திரையரங்கம், கண்காணிப்பகம், தோட்டம், ராக்கெட்டுகள், காபிஷாப், குழந்தைகளுக்கான விளையாட்டு பகுதி, சூர்ய குடும்பத்துக்கான பூங்கா உள்ளிட்டவை இடம்பிடித்துள்ளன. மேற்கூறியவற்றின் அனைத்து அனுபவங்களையும் பெறுவதற்கு https://spacepark.isro.gov.in/introduction.html அல்லது இஸ்ரோ இணையத்தளத்துக்கு சென்று வலது இடது கார்னரில் இந்த அருங்காட்சியத்துக்கு உள்ளே நுழையும் ஆப்ஷனை தேர்வு செய்ய வேண்டும். இதை மெளஸ் ஆரோக்களின் மூலம் நேவிகேட் செய்து உள்நுழைந்து வெளியேற வேண்டும். 360 டிகிரி அனுபவத்தை பெறுவதற்கு Zoom in, Zoom out ஆகியவற்றை பயன்படுத்த வேண்டும். விர்ஷுவலாக உள்ளே நுழைபவர்கள் இந்த பார்க்கில் உள்ள திரையரங்கில் இஸ்ரோ மிஷன் குறித்த படங்களையும் பார்க்கலாம்.</li></ul>

கேரள மாலில் காற்றுகூட புகாத அளவில் மக்கள் கூட்டம்! திரைப்பட நிகழ்ச்சி ரத்து

<p>திரைப்படம் ஒன்றின் புரொமோஷன் நிகழ்ச்சியில் பங்கேற்பதற்காக கேரளா மாநிலம் கோழிக்கூடு நகரிலுள்ள பிரபமான மால் ஒன்றில் மூச்சு விடக்கூட இடம் இல்லாத அளவில் ரசிகர்கள் குவிந்தனர். அந்த நிகழ்ச்சி தொடங்குவதற்கு முன் மாலில் குவிந்த கூட்டமும், நத்தைபோல் அவர் நகர்ந்த விடியோவும் சமூக வலைத்தளங்களில் வைரலாகியது. இதைப்பார்த்த பலரும், இந்த கூட்டத்தின் காரணமாக அவசர நிலை ஏதும் ஏற்பட்டால் நிலைமை மிகவும் மோசமாகிவிடும் என சுட்டிக்காட்டினர். மலையாள இயக்குநர் காலித் ரஹ்மான் இயக்கத்தில் வெளியாக இருக்கும் தள்ளுமாலா என்ற புதிய படத்தின் புரொமோஷனுக்கு வரும் நடிகர் நடிகைகளை பார்ப்பதற்கு ரசிகர்கள் இப்படி கட்டுக்கடங்காத விதமாக குவிந்தனர். கோழிக்கூடு நகரிலுள்ள HiLITE மாலில் இந்த சம்பவம் நிகழ்ந்த நிலையில், அதிக அளவில் குவிந்த கூட்டம் காரணமாக திரைப்பட புரொமோஷன் நிகழ்ச்சியை ஏற்பாட்டாளர்கள் ரத்து செய்தனர். மாலில் ஒவ்வொரு இன்ச்களிலும், எங்கு பார்த்தாலும் மனிதர்களின் தலைகளாகவே தெரிந்தன. தள்ளுமாலா படத்தில் டோவினோ தாமஸ், கல்யாணி பிரியதர்ஷன் பிரதான கதாபாத்திரங்களில் நடித்துள்ளார்கள். இந்தப் படம் நாளை வெளியாகிறது. கடந்த மாதம் இதேபோன்றுதொரு நிலைமை கொச்சியிலுள்ள லூலூ மாலில் நிகழ்ந்தது. 50 சதவீதம் நள்ளிரவு சலுகை விற்பனை என்ற அறிவிப்பையொட்டி அதிக அளவில் கூட்டம் குவிந்தது.</p>

மழையால் சாலையில் ஏற்பட்ட குழியில் தேங்கிய நீரில் குளித்து விநோத போராட்டம்!

<p>மழை காரணமாக சாலையில் வழக்கத்துக்கு மாறாக குழிகள் ஏற்படுவதும் அதனால் உயிரிழப்புகளும், பாதிப்புகளும் ஏற்படுவது பெங்களூரு போன்ற நகரங்களில் தொடர்கதையாக இருந்து வருகிறது. இந்த முறை கேரளாவில் அதுபோன்றதொரு சம்பவம் நிகழ்ந்துள்ளது. இந்த விவகாரம் தொடர்பாக கவனத்தை ஈர்க்கும் விதமாக வித்தியாசமான போராட்டம் ஒன்று நிகழ்த்தப்பட்டுள்ளது. மல்லாபுரம் பகுதியில் ஒரு நபர் மழையால் ஏற்பட்ட குழியில் தேங்கி இருந்த மழை நீரில் குளித்து, துணி துவைத்து, யோகா செய்த விடியோ வைரல் ஆகியுள்ளது. வாளி, துண்டு ஆகியவற்றை எடுத்துக்கொண்டு சென்ற அந்த நபர், மழையினால் தேங்கியிருக்கும் நீரில் இறங்கி குளித்துள்ளார். அந்த வழியே தொகுதி எம்எல்ஏ வரும் நேரம் பார்த்து இதனை செய்துள்ளார். அவர் எதிர்பார்த்தது போலவே எம்எல்ஏ-வும் அப்போது காரில் வந்த நிலையில், திடீரென சேற்று தண்ணீரில் குளித்துக்கொண்டிருந்த அந்த நபர் தியானத்திலும், யோகாசனத்திலும் ஈடுபட்டார். கடந்த இருநாள்களுக்கு முன் எர்ணாகுளம் மாவட்டத்தில் உள்ள நெடும்பஸ்சேரி அருகே தேசிய நெடுஞ்சாலையில் சென்ற 52 வயது நபர் ஒருவர் பைக்கில் சென்றபோது, சாலையில் இருந்த குழியில் இறங்கியதால் நிலைதடுமாறி லாரி மீது மோதி உயிரிழந்தார். இந்த சம்பவத்தை தொடர்ந்து சாலைகளில் ஏற்படும் குழிகளை சரி செய்ய வலியுறுத்தி இந்த கவன ஈர்ப்பு போராட்டத்தை அந்த நபர் நடத்தியுள்ளார்.</p>

Watch latest viral and trending video from India and around the World only at tamil.hindustantimes.com. 

விடியோ கேலரி