வழியனுப்ப வந்தவரை வழி அனுப்பி வைத்த பிக்பாஸ்.. முதல் வாரத்திலேயே எண்டு கார்டு போட்டு முடித்து விடப்பட்ட போட்டியாளர்!

வைல்டு கார்டு என்ட்ரியாக வந்தவர்களாவது பிக்பாஸ் வீட்டினை சுவாரசியமாக மாற்றுவார்கள் என எதிர்பார்த்த நிலையில், அவர்கள் நிகழ்ச்சியை இன்னும் சொதப்பி வந்தனர். இதனால், பிக்பாஸ் மீதான விருப்பம் மக்கள் மத்தியில் இருந்து கொஞ்சம் கொஞ்சமாக குறைந்து வந்தது.

6வது வார நாமினேஷன்

சுவாரசியமே இல்லாத பிக்பாஸ் போட்டியாளர்களை வெளியேற்றும் விதமாக பிக்பாஸ் வீட்டில் வாரம் வாரம் எலிமினேஷனுக்கான நாமினேஷன் நடக்கும். அந்த வகையில், 6வது வாரத்திற்கான நாமினேஷன் பட்டியலில் தீபக், ஜாக்குலின், ஜெஃப்ரி, மஞ்சரி, ராணவ், ரஞ்சித், ரியா, சாச்சனா, சத்யா, சிவக்குமார், சொந்தர்யா, தர்ஷிகா, வர்ஷினி ஆகியோர் இடம் பெற்றனர்.

நாமினேஷன் பாஸ்

இந்தப் பட்டியலில் உள்ள ஒருவரை பிக்பாஸ் வீட்டிலிருந்து வெளியேற்றாமல் இருக்க போட்டிகள் நடத்தப்படும். அதில் வெற்றி பெறும் அணி, கலந்து ஆலோசித்து ஒருவரை எலிமினேஷனில் இருந்து காப்பாற்றி வீட்டிலேயே இருக்க வைப்பர்.

அந்தவகையில், 6வது வாரத்தில் நாமினேஷன் பாஸ் வென்ற ஆண்கள் அணி தீபக்கை எலிமினேஷனில் இருந்து காப்பாற்றினர்.

6வது வார எலிமினேஷன்

இதையடுத்து நாமினேஷன் பட்டியலில் உள்ள மற்ற போட்டியாளர்கள் மக்களின் வாக்குகளின் அடிப்படையில் காப்பாற்றப்படுவர். குறைவான வாக்குகளை பெற்றவர் பிக்பாஸ் வீட்டை விட்டு வெளியேற்றப்படுவர். அந்த வகையில், இந்த வாரம் பிக்பாஸ் வீட்டிலிருந்து வெளியேறியது வைல்டு கார்டு என்ட்ரியாக உள்ளே வந்த ரியா தியாகராஜன் தான்.

இவர் நாமினேட் ஆன முதல் வாரத்திலேயே மக்கள் ஆதரவின்றி வெளியேற்றப்பட்டுள்ளார் என்பது குறிப்பிடத்தக்கது.

24 மணி நேரத்திற்குள் எலிமினேஷன்

இந்நிலையில், போட்டியாளர்கள் பிக்பாஸ் வீட்டிற்குள் நுழைந்த 24 மணி நேரத்திற்குள் வாக்கெடுப்பு நடத்தப்பட்டு சாச்சனா பிக்பாஸ் வீட்டை விட்டு வெளியேறினார். பின் 3 நாட்கள் மக்களுடன் மக்களாக இந்த விளையாட்டை பார்த்து வந்த சாச்சனா மீண்டும் அதிரடியாக பிக்பாஸ் வீட்டிற்குள் நுழைந்தார்.

2 ஆண் போட்டியாளர்கள் வெளியேற்றம்

இதையடுத்து, பிக்பாஸ் வீட்டில் உள்ளவர்களால் ஃபேட் மேன் ரவீந்தர் தனிமைப்படுத்தப்பட்டதாக உணர்ந்தார். இந்நிலையில், ஒரு வாரமாக அவர் செய்த சேட்டைகளின் காரணமாகவும், அவரின் உடல்நிலையை கருத்தில் கொண்டும் பிக்பாஸ் வீட்டிலிருந்து வெளியேற்றப்பட்டார்.

பிக்பாஸ் வீட்டின் 2வது வாரத்தில், அர்னவ் பெண்கள் அணியினரால் நாமினேட் செய்யப்பட்டு வெளியேற்றப்பட்டார். பின், அவர் தனது எலிமினேஷனுக்கு ஆண்கள் அணியினர் தான் காரணம். அவர்கள் ஜால்ரா அடித்து, ஒருவர் முதுகிற்கு பின் மற்றொரவர் ஒழிந்து கொள்கின்றனர் என மிகக் கடுமையாக விமர்சித்திருப்பார்.

3ம் வாரத்தில் பெண் போட்டியாளர் வெளியேற்றம்

இந்நிலையில், பிக்பாஸ் வீட்டின் 3வது வாரத்தில், பெண்கள் அணியைச் சேர்ந்த தர்ஷா குப்தா வீட்டை விட்டு வெளியேறினார். வீட்டை விட்டு வெளியேறிய தர்ஷா விஜே விஷாலுக்கு சில அறிவுரைகளை வழங்கிச் சென்றார்.

வைல்ட் கார்ட்டு என்ட்ரி

இதையடுத்து, 4வது வாரத்தில் போட்டியாளர்களின் புது வரவு இருந்த காரணத்தினால் என்னவோ எலிமினேஷன் இல்லை என்று தெரிவிக்கப்பட்டது. இதனால் போட்டியாளர்கள் மிகவும் மகிழ்ச்சியில் இருந்தார்கள்.

தொடர்ந்து ஷிவகுமார், ராணவ், ரயான், மஞ்சரி, ரியா, வர்ஷினி வெங்கட் ஆகியோர் பிக் பாஸ் வீட்டிற்குள் என்ட்ரி கொடுத்து இருக்கிறார்கள். இவர்களின் வரவால் மேலும் பிக் பாஸ் 8 வீடு சூடு பிடித்தது.

5ம் வாரம் வெளியேறிய சுனிதா

வீட்டில் எந்த வேலையும் செய்யாமல், அனைவரிடமும் சண்டை போட்டு வருவதாக பெண்கள் அணியினரே குறை சொல்லிய சுனிதா கடந்த 5வது வாரம் பிக்பாஸ் வீட்டிலிருந்து வெளியேற்றப்பட்டுள்ளார்.