என்னை போன்றவர்கள் பிக்பாஸ் வீட்டிற்கு வரக்கூடாதா? நீங்கள் ஆதரவு தர மாட்டீங்களா? எமோஷனலாக பேசி வீடியோ வெளியிட்ட ரியா!
எமோஷனலாக பேசி வீடியோ வெளியிட்ட ரியா அதில் எதற்காக மக்கள் என்னை ரிஜெக்ட் பண்ணினார்கள் என்று தான். ஒருவேளை நான் ஏற்கனவே பிரபலம் இல்லை அதனால் அவர்களுக்கு என்னைப் பற்றி யார் என்று தெரியாததால் எனக்கு சப்போர்ட் செய்யவில்லையா? என்னை போன்றவர்கள் பிக்பாஸ் வீட்டிற்கு வரக்கூடாதா? என கேள்வி எழுப்பினார்.
பிக்பாஸ் நிகழ்ச்சியின் 8 வது சீசன் அக்டோபர் 6ம் தேதி தொடங்கி, பரபரப்பாக போய்க்கொண்டிருக்கிறது. இதில் 18 போட்டியாளர்கள் பங்கேற்ற நிலையில் வைல்டு கார்டு என்ட்ரியாக வந்தவர்களாவது பிக்பாஸ் வீட்டினை சுவாரசியமாக மாற்றுவார்கள் என எதிர்பார்த்த நிலையில், அவர்கள் நிகழ்ச்சியை இன்னும் சொதப்பி வந்தனர். இதனால், பிக்பாஸ் மீதான விருப்பம் மக்கள் மத்தியில் இருந்து கொஞ்சம் கொஞ்சமாக குறைந்து வந்தது.
சுவாரசியமே இல்லாத பிக்பாஸ் போட்டியாளர்களை வெளியேற்றும் விதமாக பிக்பாஸ் வீட்டில் வாரம் வாரம் எலிமினேஷனுக்கான நாமினேஷன் நடக்கும். அந்த வகையில், 6வது வாரத்திற்கான நாமினேஷன் பட்டியலில் தீபக், ஜாக்குலின், ஜெஃப்ரி, மஞ்சரி, ராணவ், ரஞ்சித், ரியா, சாச்சனா, சத்யா, சிவக்குமார், சொந்தர்யா, தர்ஷிகா, வர்ஷினி ஆகியோர் இடம் பெற்றனர்.
இந்தப் பட்டியலில் உள்ள ஒருவரை பிக்பாஸ் வீட்டிலிருந்து வெளியேற்றாமல் இருக்க போட்டிகள் நடத்தப்படும். அதில் வெற்றி பெறும் அணி, கலந்து ஆலோசித்து ஒருவரை எலிமினேஷனில் இருந்து காப்பாற்றி வீட்டிலேயே இருக்க வைப்பர். அந்தவகையில், 6வது வாரத்தில் நாமினேஷன் பாஸ் வென்ற ஆண்கள் அணி தீபக்கை எலிமினேஷனில் இருந்து காப்பாற்றினர்.