Weight Loss Tips In Tamil: எடை இழப்புக்கு உதவும் சுரைக்காய் - இதை உண்பதால் கிடைக்கும் நன்மைகள்!

சுரைக்காயில் வைட்டமின் சி3, பி1, பி3, தாதுக்கள், கால்சியம் மற்றும் பொட்டாசியம், மெக்னீசியம் மற்றும் இரும்புச்சத்து ஆகியவை உள்ளன. இது தவிர, இதில் நிறைய நீர்ச்சத்து உள்ளடங்கியுள்ளது, இது உடலை நீரேற்றமாக வைத்திருக்க உதவுகிறது.  

சுரைக்காயில் நிறைய நார்ச்சத்து உள்ளது, இது பசியைக் குறைக்கிறது மற்றும் உடலின் எடை இழப்புக்கு உதவுகிறது. எனவே, எடை குறையும் பட்சத்தில், சுரைக்காய் குழம்பு சாப்பிடலாம். உடல் எடையை விரைவாக குறைக்க நினைப்பவர்கள், சுரைக்காயை உணவுப் பட்டியலில் சேர்த்துக்கொள்ள வேண்டும்.

சுரைக்காயில் நார்ச்சத்து உள்ளது. இதன் காரணமாக இந்த சுரைக்காய் மோசமான செரிமானம், மலச்சிக்கல் அல்லது பிற வயிற்று கோளாறுகளை அகற்ற மிகவும் உதவியாக இருக்கிறது. சுரைக்காய் கல்லீரலை நன்றாக வைத்திருக்கும். இந்த காய்கறியில் அதிகப்படியான நீர் உள்ளடக்கம் இருப்பதால், வயிற்றில் இருக்கும் வெப்பத்தைச் சமாளிக்க உதவும்.

சுரைக்காயில் ஏராளமான வைட்டமின் சி இருப்பதன் மூலம் நோய் எதிர்ப்புச் சக்தியை அதிகரிக்க சுரைக்காய் நிறைய உதவுகிறது. கூடுதலாக, இதில் அதிக அளவு பொட்டாசியம் உள்ளது. இது ரத்த அழுத்தத்தைக் கட்டுப்படுத்தவும் கொழுப்பைக் கட்டுப்படுத்தவும் உதவுகிறது. கூடுதலாக, உடலில் இருக்கும் நச்சினை அகற்ற சுரைக்காய் உதவுகிறது. எனவே, உடலில் உள்ள நச்சுக்களை அகற்ற சுரைக்காயை சாப்பிடுமாறு ஆயுர்வேதத்தில் கூறப்படுகிறது. 

நீரிழிவு நோய் உள்ளவர்கள் சுரைக்காயை சாப்பிட்டால் ரத்தத்தில் சர்க்கரை அளவு குறையும். அதுமட்டுமல்லாது,  நீரிழிவு நோய் உள்ளவர்களுக்கு, அடிக்கடி தாகம் ஏற்படும் நிலையில், அதனைத் தவிர்க்க சுரைக்காய் சாம்பார் செய்து உண்டு வர தாகம் தீரும்.