இந்தியன் ப்ரீமியர் லீக் (ஐபிஎல்) 2025

இந்த ஆண்டு (2025) இந்தியன் பிரீமியர் லீக் (IPL) 18வது சீசன். 2008ல் தொடங்கிய இந்த மெகா லீக், இதுவரை 17 சீசன்களை நிறைவு செய்துள்ளது. 8 அணிகளுடன் தொடங்கிய இந்த லீக்கில் தற்போது 10 அணிகள் பங்கேற்றுள்ளன. குஜராத் டைட்டன்ஸ், லக்னோ சூப்பர் ஜெயன்ட்ஸ், சன்ரைசர்ஸ் ஐதராபாத், சென்னை சூப்பர் கிங்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூர், கொல்கத்தா நைட் ரைடர்ஸ், டெல்லி கேபிடல்ஸ் ஆகிய அணிகள் பங்கேற்று விளையாடுகின்றன. ஐபிஎல், உலகின் பணக்கார கிரிக்கெட் லீக் என்று அறியப்படுகிறது. இந்த மெகா லீக் மூலம் ஒவ்வொரு ஆண்டும் பல ஆயிரம் கோடிகள் இந்தியப் பொருளாதாரத்திற்கு வந்து கொண்டிருக்கிறது. இந்த லீக்கைப் பார்த்து, உலகம் முழுவதும் பல லீக்குகள் உருவாகியுள்ளன, ஆனால் அவை எதுவும் இந்த ஐபிஎல் லீக்கை நெருங்கவில்லை என்றே கூறலாம். பிக் பாஷ் லீக், கரீபியன் பிரீமியர் லீக், SA20, ILT20, பாகிஸ்தான் சூப்பர் லீக், பங்களாதேஷ் பிரீமியர் லீக், லங்கா பிரீமியர் லீக் போன்றவை ஐபிஎல் லீக்குக்கு அடுத்து தொடங்கப்பட்டன.

இந்தியாவின் பல்வேறு நகரங்களில் ஐபிஎல் போட்டிகள் நடைபெறவுள்ளது. குஜராத்தின் அகமதாபாத்தில் உள்ள நரேந்திர மோடி ஸ்டேடியம், டெல்லியில் உள்ள அருண் ஜேட்லி ஸ்டேடியம், பெங்களூரில் உள்ள எம்.சின்னசுவாமி ஸ்டேடியம், சென்னையில் உள்ள எம்.ஏ.சிதம்பரம் ஸ்டேடியம், கொல்கத்தா ஈடன் கார்டன்ஸ், மும்பையில் உள்ள வான்கடே ஸ்டேடியம் ஆகிய இடங்களில் ஐபிஎல் போட்டி நடக்கிறது. இந்த சீசன் மார்ச் 21 முதல் மே 25 வரை நடைபெறும். இந்த ஆண்டு 70 லீக் போட்டிகள் மற்றும் நான்கு பிளேஆஃப்களுடன் விளையாடப்படும். பழைய முறையிலேயே போட்டிகள் நடத்தப்படுகின்றன, அதாவது, உள்ளூர் மற்றும் வெளியூர் அடிப்படையில் நடத்தப்படவுள்ளன. அதாவது லீக் கட்டத்தில் ஒவ்வொரு அணியும் விளையாடும் 14 போட்டிகளில் ஏழு போட்டிகள் அவரவர் மைதானத்திலும், மற்ற ஏழு போட்டிகள் எதிரணி அணிகளின் மைதானத்திலும் நடைபெறும். உள்ளூர், வெளியூர் அடிப்படையில் போட்டிகள் நடைபெறும். ஒவ்வொரு அணியும் லீக் கட்டத்தில் மொத்தம் 14 ஆட்டங்களில் விளையாடும். முதல் 4 இடங்களை பிடிக்கும் அணிகள் பிளே ஆஃப் சுற்றுக்கு முன்னேறும். முதல் இரண்டு அணிகள் முதல் தகுதிச் சுற்றில் விளையாடும். வெற்றி பெறும் அணி நேரடியாக இறுதிப்போட்டிக்குள் நுழையும். தோல்வியடையும் அணிக்கு இன்னொரு வாய்ப்பு கிடைக்கும். இரண்டாவது எலிமினேட்டரில் மூன்று மற்றும் நான்காவது இடத்தில் உள்ள அணிகள் விளையாடும். தோல்வியுற்ற அணி வெளியேறும். வெற்றி பெறும் அணி முதல் தகுதிச் சுற்றில் தோல்வியடைந்த அணியுடன் இரண்டாவது தகுதிச் சுற்றில் விளையாடும். வெற்றியாளர் இறுதிப் போட்டிக்குள் நுழைவார்.

இதன் மூலம் லீக் சுற்றில் மொத்தம் 70 போட்டிகளும், பிளேஆஃப்களில் 4 போட்டிகளும், 74 ஆட்டங்கள் நடைபெறவுள்ளன.