Actor Vivek : மக்களை தனது நகைச்சுவையால் சிரிக்கவும் சிந்திக்கவும் வைத்த உன்னத கலைஞர்.. விவேக் நினைவு தினம் இன்று!
Actor Vivek Memorial Day : மக்களை தனது நகைச்சுவையால் சிரிக்கவும் சிந்திக்கவும் வைத்த உன்னத கலைஞர் விவேக் மறைந்த தினம் இன்று. இன்றைய தினம் அவரை நினைவு கூறுவோம்.
நகைச்சுவை என்றால் மக்களை சிரிக்க வைப்பது மட்டுமல்ல சிந்திக்க வைப்பதும் தான் என்பதை உணர வைத்தவர் நடிகர் விவேக். இவர் தனது நகைச்சுவையால் மக்களை சிரிக்கவும் சிந்திக்கவும் வைப்பார். சரி தவறு என்பதை தனது நகைச்சுவையில் சரியாக சொல்லி மக்களை சிந்திக்க வைப்பவர் நடிகர் விவேக்.
நடிகர் விவேக் சின்ன கலைவாணர் என அழைக்கப்பட்டார். அந்த அடைமொழிக்கு ஏற்ப மக்களை வயிறு குலுங்க சிரிக்க வைக்கும் நடிகராக இருந்து வந்தார். இவர் மறைந்த இயக்குனர் பாலச்சந்தர் அறிமுகப்படுத்தி தான் சினிமா துறையில் நுழைந்தார். பாலச்சந்தர் அறிமுகப்படுத்திய பொக்கிஷங்களில் இவரும் ஒருவர் என்றே சொல்லலாம்.
விவேக்கின் முதல் படம் மனதில் உறுதி வேண்டும். இப்படத்தை பாலச்சந்தர் இயக்கியிருப்பார். இந்தப் படத்தில் அவர் விவேக் என்ற கதாபாத்திரத்தில் நடித்திருப்பார். அதன் பிறகு மீண்டும் பாலச்சந்தர் இயக்கத்தில் வெளியான புதுப்புது அர்த்தங்கள் படத்திலும் விவேக் நடித்தார்.