Vinayakan: 10 பெண்களுடன் பாலியல் உறவு.. மனைவியை பிரிந்த விநாயகன்

paragraph

மலையாள திரையுலகில் கடந்த 1995 ஆம் ஆண்டு மாந்திரீகம் என்ற படத்தின் முலம் நடிகராக அறிமுகமானவர் விநாயகன். இவர் கடந்த 25 ஆண்டுகளாக சினிமா துறையில் நடித்து வருகிறார்.

மலையாளம் தவிர தமிழ் மற்றும் தெலுங்கு மொழி படங்களிலும் நடித்து வருகிறார் விநாயகன்.

இவர் தமிழில் விஷாலின் திமிரு படத்தில் மாற்றுத்திறனாளி வில்லனாக நடித்து இருந்தார். அதே போல் தனுஷின் மரியான் படத்திலும் முக்கிய வேடத்தில் நடித்திருந்தார்.

பின்னர் தமிழ் படங்களில் நடிக்காமல் இருந்த இவர் சுமார் 11 ஆண்டுகளுக்கு பிறகு ரஜினிகாந்தின் ஜெயிலர் படத்தில் முக்கிய வேடத்தில் நடித்து வருகிறார்.

இதனிடையே விநாயகன் தனது மனைவியை பிரிந்ததாக தனது சமூக வலைத்தளப்பக்கத்தில் அறிவித்து உள்ளார்.

இதுதொடர்பாக அவர் பேஸ்புக் நேரலையில் கூறுகையில், "நான் மலையாள நடிகர் விநாயகன். என் மனைவி பபிதாவுடனான திருமண உறவை முடிந்துவிட்டன. அனைவருக்கும் நன்றி” என தெரிவித்துள்ளார்.&nbsp;

கடந்தாண்டு மார்ச் மாதம் நடிகை நவ்யா நாயர் நடித்த ஒருத்தி படத்தின் செய்தியாளர்கள் சந்திப்பு நடந்தது. அதில் பேசிய அவரின் கருத்து கடும் சர்ச்சைகளை கிளப்பியது.&nbsp;

அந்நிகழ்வில் விநாயகனிடம் பெண்கள் வைக்கும், மீ டூ குற்றச்சாட்டு பற்றி கேள்வியெழுப்பப்பட்டது. அதற்கு, “நான் வாழ்க்கையில் 10 பெண்களுடன் பாலியல் ரீதியாக தொடர்பு கொண்டு இருக்கிறேன். பெண்கள் அனுமதியுடன் பாலியல் உறவில் ஈடுபடுவது மீடூ குற்றத்தில் வராது” என்றார். இந்த விவகாரம் அவரது குடும்பத்தில் பெரும் சர்ச்சைகளை கிளப்பியது அதனால் தான் இவர்கள் பிரிந்துவிட்டதாக கூறப்படுகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

Amudhavum Annalakshmiyum: உண்மையை உடைத்த லாரி டிரைவர்..

அமுதாவும் அன்னலட்சுமியும் இன்றைய எபிசோட் அப்டேட் பார்க்கலாம்.

Maari: ஜூஸில் பேதி மாத்திரை.. தாராவின் திட்டத்தை முறியடிக்க ஹாசினி போட்ட

மாரி சீரியல் இன்றைய எபிசோட் அப்டேட் பார்க்கலாம்.

Karthigai Deepam: தீபாவை கொல்ல வந்து கார்த்தியிடம் சிக்கிய கதிர்

கார்த்திகை தீபம் இன்றைய எபிசோட் அப்டேட் பார்க்கலாம்.

Seetha Raman: ராம் செயலால் கோபமான சீதா, மகாலட்சுமி போடும் சதி திட்டம்

சீதா ராமன் இன்றைய எபிசோட் அப்டேட் ‌பார்க்கலாம்.

நடிகர் விநாயகன் தனது மனைவியை பிரிந்து விட்டதாக அதிகாரப்பூர்வமாக அறிவித்துள்ளார்.

Bhavani Sre:இளையராஜா சார் வாய்ப்பை மறுத்துட்டேன் - ‘விடுதலை’ பவானி ஸ்ரீ பேட்டி!

ஆர்எஸ் இன்ஃபோடெயின்மென்ட் எல்ட்ரெட் குமார் வழங்கும் 'விடுதலை பார்ட் 1' படத்தை வெற்றிமாறன் இயக்கியுள்ளார். இதில் நடிகர் சூரி கதையின் நாயகனாகவும், விஜய் சேதுபதி வாத்தியராகவும் நடித்துள்ளனர்.&nbsp;

இந்த திரைப்படம் வருகிற மார்ச் 30/2023 அன்று வெளியாக இருக்கிறது. ரெட் ஜெயண்ட் மூவிஸ் தமிழ்நாடு முழுவதும் இந்த படத்தை வெளியிடுகிறது. இந்த படத்தில் பணியாற்றிய அனுபவம் குறித்து நடிகை பவானி பேசியிருக்கிறார்.&nbsp;

இது குறித்து நடிகை பவானி ஸ்ரீ கூறும்போது, ​​“பணிக்காக கிராமத்திற்கு வரும் போலீஸ் கான்ஸ்டபிளுடன் பிணைப்பை ஏற்படுத்திக் கொள்ளும் ஒரு பழங்குடியினப் பெண் கதாபாத்திரத்தில் நடித்துள்ளேன்.&nbsp;

வெற்றிமாறன் சாருடன் பணிபுரிவது என்பது எந்த நடிகருக்கும் நீண்ட நாள் கனவு, நானும் இதற்கு விதிவிலக்கல்ல. என்னுடைய இரண்டாவது படத்திலேயே அது நடந்ததில் நான் மிகவும் மகிழ்ச்சி.

வெற்றிமாறன் சார் சிறந்த இயக்குநர். தனித்துவமான கதைகளை உருவாக்குபவர். அவர் கதையில் வரும் கதாபாத்திரங்களை உருவாக்கும் விதமும் தனித்துவமானது;ஒரு சிறந்த இயக்குநர் என்பதையும் தாண்டி, அவர் ஒரு நல்ல மனிதர்.

அடர்ந்த காடுகளுக்குள் படப்பிடிப்பு நடந்தபோது அங்கிருக்கும் ஒரு செடி, பூச்சி கூட தொந்தரவு செய்யாதபடி பார்த்துக் கொள்ள விரும்பினார். இது எனக்கு ஒரு சிறந்த கற்றல் அனுபவமாக இருந்தது.இந்த படத்தில் சூரி சார் சிறப்பான நடிப்பை வெளிப்படுத்தியிருக்கிறார். அவருக்கு பாராட்டுகள் குவிக்கும்.&nbsp;

அடர்ந்த காடுகளுக்கு இடையே படப்பிடிப்பில் தனது மறக்க முடியாத அனுபவத்தைப் பற்றி நடிகை பவானி மேலும் கூறுகையில், “ஒட்டுமொத்த படப்பிடிப்பே மறக்க முடியாதது. காடுகளின் இந்த சூழலுக்கு நான் புதியவள். அந்த சூழல் எனக்கு ஒரு தியான அனுபவத்தை கொடுத்தது.

இது எனக்கு ஒரு நிதானமான மற்றும் இனிமையான அனுபவத்தை பரிசளித்து என்றுமே எனக்கு மறக்க முடியாததாக அமைந்தது".

தனக்கான ரசிகர் பட்டாளம் அதிகரித்துள்ளது பற்றி நடிகை பவானி கூறும்போது, “இது உண்மையா என்பது எனக்கு முழுமையாகத் தெரியவில்லை. ஆனால் இரண்டு பாடல்களிலும் நான் இருக்கிறேன்.

இதற்கான பாராட்டுகளைப் பெறுவதில் மகிழ்ச்சி அடைகிறேன். அற்புதமான பாடல்களால் படத்தை அழகுபடுத்தியிருக்கும் மேஸ்ட்ரோ இசைஞானி இளையராஜா சாருக்கு எல்லாப் புகழும் சேரும்” என்றார்.

இசை மேதைகளின் குடும்பத்தைச் சேர்ந்த பவானிக்கு 'விடுதலை'யில் ஒரு பாடலைப் பாட வேண்டும் என்ற ஆசை இருந்ததா? என்று அவரிடம் கேட்கப்பட்டபோது, அவர் புன்னகையுடன் மறுத்தார். “இல்லை! என் குடும்பத்தில் நான்தான் 'ODD ONE'.

எனது குடும்பத்தினர் என்னிடம் வற்புறுத்திய போதிலும், நான் இசைப் பயிற்சியை சரியாக மேற்கொள்ளவில்லை. இளையராஜா சார் கூட நான் ஒரு பாடலை பாடச்சொல்லி கேட்டபோது, நான் அந்த அளவுக்கு சிறந்த பாடகர் இல்லை என்று மறுத்து விட்டேன்".

படம் குறித்தான அனுபவத்தை பகிர்ந்த பாவனி, "நான் இன்னும் படத்தை முழுதாக பார்க்கவில்லை. ஆனாலும், படக்குழுவில் படம் பார்த்த அனைவரும் 'விடுதலை' நன்றாக வந்திருப்பதாகத் தங்களது மகிழ்ச்சியை வெளிப்படுத்தியுள்ளனர். பார்வையாளர்களுடன் படத்தைத் திரையில் பார்க்க ஆர்வமாக உள்ளேன்.

நல்ல கதைகளை நிச்சயம் பார்வையாளர்கள் மதிப்பார்கள். எண்டர்டெயின்மெண்ட் என்பதையும் தாண்டி, நல்ல படங்கள் வரும்போது அதை வரவேற்றுக் கொண்டாடுவார்கள். நிச்சயம் அது 'விடுதலை' படத்திற்கும் நடக்கும்" எனத் தெரிவித்தார்.

விடுதலை படத்தில் நடித்தது குறித்து பவானி ஸ்ரீ பேட்டி!

Amaravathi: அஜித் பிறந்தநாளில் ரீ-ரிலீஸாகும் அமராவதி

1993 ஆம் ஆண்டு செல்வா இயக்கத்தில் வெளியான திரைப்படம், அமராவதி. நடிகர் அஜித் இந்த படம் மூலம் தான் தமிழ் சினிமாவில் அறிமுகமானார்.&nbsp;

இப்படத்தை சோழா கிரியேஷன்ஸ் சார்பில், சோழா பொன்னுரங்கம் தயாரித்து இருந்தார். அஜீத் நடித்த இந்த காதல் காவியத்தில் அவருக்கு ஜோடியாக சங்கவி நடித்திருந்தார்.&nbsp;

இந்நிலையில் நடிகர் அஜித் வரும் மே மாதம் முதல் தேதி தனது பிறந்தநாளைக் கொண்டாடுகிறார். இதனை முன்னிட்டு அவரின் படம் தொடர்பான அறிவிப்பு வெளியாகும் என எதிர்பார்க்கப்படுகிறது. அத்துடன் மேலும் அவரின் பிறந்தநாளைச் சிறப்பிக்கும் விதமாக, அஜீத் ரசிகர்களின் வேண்டுகோளுக்கு இணங்கி, அவரின் முதல் படமான அமராவதி படம் ரீ-ரிலீஸ் ஆகிறது.

தற்போது உள்ள நவீன காலத்திற்கு ஏற்றார் போல் டிஜிட்டலில் வெளியிடுகிறோம் என தயாரிப்பாளர் சோழா பொன்னுரங்கம் அறிவித்து இருக்கிறார்.

அதில், "பிரசாத் ஸ்டுடியோவில் இரவு பகலாக நவீனத் தொழில்நுட்பத்துடன் டிஜிட்டல் ஆக்கப்பட்டு வருகிறது. மேலும் தற்போதைய இசை வடிவில், புதிய பின்னணி இசை அமைக்கப்பட்டு வருகிறது" என்றார். இந்த செய்தி அஜித் ரசிகர்கள் மத்தியில் மகிவும் மகிழ்ச்சியையும், உற்சாகத்தையும் ஏற்படுத்தி உள்ளது.

கடந்த சில நாட்களுக்கு முன்பு, அஜித் தந்தை உயிரிழந்தார். அவரின் இறுதிச்சடங்கிற்கு அமராவதி பட தயாரிப்பாளர் சோழா பொன்னுரங்கம் சென்று இருந்தார். அவரை பார்த்ததும் நன்றி மறவாமல் அஜித் இறங்கி சென்று நன்றி தெரிவித்தார். இதைப் பார்த்திபன் நெகிழ்ச்சியாகப் பதிவிட்டு இருந்தார்.

நடிகர் அஜித் பிறந்தநாளை முன்னிட்டு அமராவதி படம் ரீ-ரிலீஸ் ஆகிறது.

ஆஸ்கருக்கு எவ்வளவு செலவு செய்தோம்… உண்மையை உடைக்கும் ராஜமௌலி மகன்

ஆனால், நீங்கள் ஊகித்த அளவுக்கான தொகை அது கிடையாது என்று இயக்குனர் ராஜமௌலியின் மகன் கார்த்திகேயா அண்மையில் தனது பேட்டியில் தெரிவித்தார்.

ஆர்.ஆர்.ஆர். படக்குழு ஆஸ்கர் அகாடமி விருதுகள் பெற்று திரும்பியது முதல் அவர்கள், ஆஸ்கர் பிரச்சாரத்திற்காக படக்குழு ரூ.80 கோடி செலவு செய்தது என்ற செய்தி உலா வந்தது. ஆர்.ஆர்.ஆர் படத்தின் நாட்டு நாட்டு பாடல் ஆஸ்கர் அகாடமி விருதுகளில் சிறந்த ஒரிஜினில் பாடல் பிரிவில் வென்றது. &nbsp;

கார்த்திகேயா அவரது அண்மை பேட்டியில், அதற்கு விளக்கமளித்தார். அவர் கூறுகையில், அவர்கள் அவ்வளவு பெரிய தொகையை செலவு செய்யவிலை. நாங்கள் 5 கோடி ரூபாய் செலவு செய்ய முடிவு செய்தோம். ஆனால், திட்டமிட்டதைவிட அதிகமான தொகைதான் செலவானது. பாடல் பிரச்சாரத்திற்காக ரூ.8.5 கோடி செலவு செய்யப்பட்டது. ஆர்.ஆர்.ஆர் படத்தின் பிரச்சாரத்திற்காக அமெரிக்காவின் இரண்டு நகரங்களில் சிறப்பு காட்சி நடத்தப்பட்டது. நாங்கள் நியூயார்க்கில் இன்னும் சில காட்சிகள் தேவை என்று நாங்கள் எண்ணியிருந்தோம். அதைவிட குறைவாகவே திரைப்படம் திரையிடப்பட்டது என்று அவர் கூறினார். &nbsp;&nbsp;

அதற்காக அதிக பணம் செலவிடப்பட்டது. வழக்கமாக அதற்கு வாக்காளர்கள் அழைக்கப்படுவார்கள். ஆஸ்கர் விருதை வாங்குவது மற்றும் விழாவில் பங்கேற்பதற்காக 2500 டாலர்கள் செலுத்துவது ஆகியவை குறித்து பேசுகையில், ராம் சரண், ஜீனியர் என்டிஆர், பிரேம் ரக்ஷித், கால பைரவா, ராகுல் சிப்லிகஞ்ச், கீரவாணி மற்றும் சந்திரபோஸ் ஆகிய அனைவரும் அழைக்கப்பட்டிருந்தார்கள். இவர்களுக்கு சில சீட்கள் ஒதுக்கப்பட்டது. ஏனெனில் அவர்கள் தங்களுக்கு வேண்டியவர்களை அழைத்து வருவதற்கான சீட்கள் அவை. அவர்கள் யாரை அழைத்து வருகிறார்கள் என்று அகாடமிக்கு மெயில் அனுப்ப வேண்டும். அதற்கு பல்வேறு வகையான சீட்கள் இருந்தன. அதற்கு அவர்கள் பணம் செலுத்த வேண்டும். நாங்கள் 1500 டாலர் தொகையை லோயர் லெவலில் ஒரு சீட்டுக்கு கொடுத்தோம். அதற்கும் அடுத்த கட்டமாக டாப் லெவலுக்கு ஒரு சீட்டுக்கு 750 டாலர் கொடுத்தோம். அவ்வளவுதான்.&nbsp;

மேலும் அவர் கூறுகையில், ஆஸ்கர் விருதை விலை கொடுத்து வாங்க முடியாது. மக்களின் அன்பையும் விலை கொடுத்து வாங்க முடியாது. உலகம் முழுவதும் ஆர்.ஆர்.ஆர். படம் ரூ.1,200 கோடியை வசூலித்தது. தியேட்டரில் வசூலிக்கப்பட்ட தொகை இது. மேலும் முதலில் ஒரு பாட்டிற்கு விருது வாங்கிய இந்திய திரைப்படம்.&nbsp;

ஆர்.ஆர்.ஆர். 1920ம் ஆண்டு இந்திய சுதந்திரத்திற்கு முன்னர் நடைபெற்ற கதையை பின்னணியாக கொண்டு எடுக்கப்பட்ட படம். இரண்டு புரட்சியாளர்களின் கதையை மையமாகக்கொண்டு எடுக்கப்பட்ட படம். அவர்கள் அல்லூரி சீதாராம ராஜீ மற்றும் கொமாராம் பீம். ராம்சரண் ராமாகவும், ஜீனியர் என்டிஆர் பீமாகவும் நடித்தார்கள். &nbsp;&nbsp;

RRR Oscar Award : ஆர்.ஆர்.ஆர் படக்குழு ஆஸ்கர் பிரச்சாரத்திற்காக ரூ.80 கோடி செலவு செய்ததாக செய்திகள் வெளியானது. அதுகுறித்து பேசியுள்ள கார்த்திகேயா, படக்குழுவினர் கோடிகளில் பணத்தை செலவு செய்தது உண்மைதான்.&nbsp;

பிடிவாரண்ட்.. பதறிப் போய் ஆஜரான யாஷிகா.. மாஸ்க், கூலிங்கிளாஸ் ‘மாஸ்’ மாறல!

இருட்டு அறையில் முரட்டுக்குத்து, நோட்டா, ஜாம்பி உள்ளிட்ட படங்களில் நடித்து பிரபலமானவர் நடிகை யாஷிகா ஆனந்த். மேலும் இவர் சமூகவலைதளங்களில் இன்ஸ்டாகிராம், டிக் டாக், ரீல்ஸ்கள் செய்து பிரபலமான காரணத்தினால் , நடிகர் கமல் தொகுத்து வழங்கும் பிரபல நிகழ்ச்சியான பிக் பாஸ் நிகழ்ச்சியில் கலந்து கொண்டு அனைவரின் கவனத்தையும் ஈர்த்தார். கடந்த ஜூலை மாதம் 2021 யாஷிகா ஆனந்த்தின் தோழி வள்ளிசெட்டி பவனி (28). தெலுங்கானாவின் ஐதராபாத்தை சேர்ந்தவர் , இவர் சென்னை வந்திருந்த பொழுது நண்பர்களுடன் சேர்ந்து அவுட்டிங் சென்று விட்டு திரும்பி வந்த பொழுது விபத்து ஏற்பட்டது இதில் சம்பவ இடத்திலேயே வள்ளிசெட்டி பவனி பலியானார்.

சம்பவம் நடந்தது எப்படி?

ஜூலை மாதம் 2021, நடிகை யாஷிகா ஆனந்த், அவரது தோழி வள்ளிசெட்டி பவனி, ஆண் நண்பர்கள் சையத் (31), ஆமீர் (32) ஆகியோர் சென்னையில் இருந்து புதுச்சேரி சென்றனர். பின்னர் அங்கிருந்து நள்ளிரவு 12 மணி அளவில் கிழக்கு கடற்கரை சாலை வழியாக சென்னை திரும்பி கொண்டிருந்தனர். காரை நடிகை யாஷிகா ஆனந்த் ஓட்டி வந்தார். மாமல்லபுரம் அருகே சூளேரிக்காடு என்ற இடத்தில் வந்தபோது திடீரென நிலை தடுமாறி சாலையின் நடுவில் உள்ள தடுப்புச்சுவரில் கார் மோதியது. பின்னர் நடுரோட்டில் கார் கவிழ்ந்து விபத்துக்குள்ளானது. இதில் கார் நொறுங்கியது. இடிபாடுகளில் சிக்கி வள்ளிசெட்டி பவனி சம்பவ இடத்திலேயே பரிதாபமாக இறந்தார். படுகாயம் அடைந்த நடிகை யாஷிகாஆனந்த் உள்ளிட்ட 3 பேரும் அலறி துடித்தனர். இதனை பார்த்து அதிர்ச்சி அடைந்த அவ்வழியே வந்த வாகன ஓட்டிகள் மாமல்லபுரம் போலீசுக்கு தகவல் தெரிவித்தனர். இதனை அடுத்து யாஷிகா ஆனந்திற்கு முதுகு தண்டில் தீவிர பாதிப்பு ஏற்பட்டு, தீவிர சிகிச்சை பெற்று வந்த நிலையில், கடந்த சில மாதங்களாக சில திரைப்படங்களில் ஒப்பந்தமாகி தொடர்ந்து நடித்தும் வருகிறார்.

யாஷிகாவிற்கு பிடிவாரண்ட்

ஒருபுறம் யாஷிகா ஆனந்த் உடல்நிலை சீரடைந்து படங்களில் நடித்துக் கொண்டும் மற்றும் சமூக வலைதளம் மூலமாக தனது ரசிகர்கள் வட்டாரத்தில் ஆக்டிவாக இருந்து வந்தாலும், மகாபலிபுரம் போலீசார் பதிவு செய்த வழக்கு செங்கல்பட்டு ஒருங்கிணைந்த நீதிமன்றத்தில் நடைபெற்று வருகிறது. இந்த இந்த வழக்கு விசாரணைக்காக மார்ச் மாதம் 21ஆம் தேதி நேரில் ஆஜராக நீதிபதி உத்தரவிட்டிருந்த நிலையில், யாஷிகா ஆனந்த் நேரில் ஆஜராகாததை தொடர்ந்து, பிடிவாரண்ட் பிறப்பித்து நீதிபதி உத்தரவிட்டார். யாஷிகா ஆனந்த் நேரில் ஆஜராகவில்லை என்றால் காவல்துறையினர் கைது செய்வதற்கும் வாய்ப்புள்ளதாக தகவல்கள் தெரிவிக்கப்பட்டு இருந்தது.

சரணடைந்த நடிகை யாஷிகா

இதனை அடுத்து இன்று செங்கல்பட்டு முதன்மை அமர்வு நீதிமன்றத்தில் ரீ கால் மனு அளித்திருந்த நடிகை யாஷிகா, நேரில் ஆஜரானார். இதற்காக செங்கல்பட்டு மாவட்டம் முதன்மை நீதிமன்ற அலுவலகத்திற்கு வெளியே நடிகை யாஷிகா ஆனந்த் பல மணி நேரமாக காத்திருந்தார். இதனைத் தொடர்ந்து நீதிபதி முன்னிலையில் ஆஜராகிய நடிகை யாஷிகா, வருகின்ற ஏப்ரல் மாதம் 25ஆம் தேதி மீண்டும் ஆஜராக உத்தரவு பிறப்பித்தார் நீதிபதி.

Yashika Aannand: செங்கல்பட்டு மாவட்டம் முதன்மை நீதிமன்ற அலுவலகத்திற்கு வெளியே நடிகை யாஷிகா ஆனந்த் பல மணி நேரமாக காத்திருந்தார். இதனைத் தொடர்ந்து நீதிபதி முன்னிலையில் அவர் ஆஜரானார்.

Sivakarthikeyan: ஆர்த்தியை திருமணம் செய்த பிறகு.. ரகசியம் சொன்ன சிவகார்த்திகேயன்

இயக்குநர் ஏ.ஆர்.முருகதாஸ் தயாரிப்பில் கெளதம் கார்த்திக் நடிப்பில் உருவாகியுள்ள திரைப்படம் ஆகஸ்ட் 16, 1947. இந்த திரைப்படத்தை அறிமுக இயக்குனர் என்.எஸ்.பொன்குமார் இயக்கியுள்ளார். அறிமுக நாயகியாக ரேவதி நடித்துள்ளார். பல சின்னத்திரை பிரபலங்கள் நடித்துள்ள இப்படத்துக்கு ஷான் ரோல்டன் இசையமைத்துள்ளார்.

1947 திரைப்படம் நம் சுதந்திரத்தை தழுவி எடுக்கப்பட்ட கதை. நமது சுதந்திரத்திற்காக நிறைய பேர் கஷ்டப்பட்டு இருக்கிறார்கள். ஒரு வலி நிறைந்த விஷயத்தை தான் இப்படத்தில் இயக்குநர் கொடுத்து இருக்கிறார். டிரைலர் பார்க்கும்போதே எல்லாருடைய உழைப்பும் தெரிகிறது. படத்தில் பணியாற்றிய அனைவருக்கும் வாழ்த்துக்கள்.

கவுதம் கார்த்திக்கை சந்தித்த பிறகு அவரின் தந்தை கார்த்தி சாரை பார்த்தேன். அவரின் நடிப்பு தனித்துவமாக இருக்கும். ஒரு பெரிய ஹீரோவின் பையன் என கவுதம் எப்போதும் காட்டிகொண்டதில்லை.

திருமணத்துக்கு பின் வாழ்க்கையே மாறி இருக்கும். அது ஒரு பொறுப்புன்னு கூட சொல்லலாம். நான் ஆர்த்தியை திருமணம் செய்துகொண்ட பிறகு தான் எனக்கு தனியாக நிகழ்ச்சி செய்யும் வாய்ப்பு கிடைத்தது. திருமணம் தான் வாழ்க்கையில் பெரிய மாற்றங்களை கொண்டு வரும்.

ஒருத்தர் வளர்த்தா சந்தோஷப்படுபவர்கள் நிறைய பேர் இருப்பார்கள். ஆனால் எப்படியாவது என் கூட இருப்பவர்கள் வளர்ந்துவிட வேண்டும் என ஆசைப்படுபவர்கள் ரொம்ப கம்மி. வீரம் படத்துல அஜித் சொல்வது போல தான், கூட இருப்பவர்களை நாம பார்த்து கொண்டால், மேலே இருப்பவன் நம்மை பார்த்து கொள்வார். எப்பவுமே நீங்க நினைக்கும் விஷயங்கள் எல்லாம் பெருசா நடக்கும் " என்றார்.

ஆர்த்தியை திருமணம் செய்த பிறகு தான் தனக்கென தனி நிகழ்ச்சி கிடைத்தது என சிவகார்த்திகேயன் தெரிவித்து உள்ளார்.

Alia Bhatt: என்டிஆர் குழந்தைகளுக்கு ஸ்பெஷல் சர்ப்ரைஸ் கொடுத்த ஆலியா பட்

இயக்குநர் ராஜமௌலி இயக்கிய 'ஆர்ஆர்ஆர்' படம் உலகம் முழுவதும் பெரும் அளவில் வெற்றி பெற்றது. இப்படத்தில் இடம் பேற்ற, 'நாட்டு நாட்டு' பாடலுக்கு ஆஸ்கர் விருது கிடைத்தது.

இதனை முன்னிட்டு படக்குழுவுக்கு பாராட்டு மழை பொழிந்தது. இந்தப் படத்தில் நடித்தவர்களுக்கு சர்வதேச அங்கீகாரம் கிடைத்தது. இப்படத்தில் ராம் சரணுக்கு ஜோடியாக சீதை வேடத்தில் அலியா பட் நடித்து இருந்தார்.

இந்த கதாபாத்திரத்தின் மூலம் ரசிகர்களை கவர்ந்தார் ஆலியா. சினிமா மட்டுமின்றி வியாபாரத்திலும் முன்னேறி வருகிறார் ஆலியா பட். இரண்டு ஆண்டுகளுக்கு முன்பு அவர் தனது ஆடைத் தொழிலைத் தொடங்கினார்.

இந்நிலையில் ஜூனியர் என்டிஆரின் குழந்தைகளுக்கு எட்-ஏ-மம்மா என்ற பிராண்டிலிருந்து சிறப்புப் பரிசுகளை அனுப்பினார் ஆலியா பட். என்டிஆர் மகன்கள் அபய் ராம் மற்றும் பார்கவ் ராம் ஆகியோருக்கு ஆலியா பட் தனது பிராண்டிலிருந்து சிறப்பு பரிசுகளை அனுப்பி ஆச்சரியப்படுத்தினார்.

அலியா தனது மகன்களுக்கு பரிசுகளை அனுப்பியதற்கு என்டிஆர் மகிழ்ச்சி தெரிவித்தார். சமூக வலைதளத்தில் பதிவிட்டு அவருக்கு நன்றி தெரிவித்துள்ளார்.

அவர், ஆலியா அனுப்பிய பரிசுகளின் புகைப்படத்தையும் பகிர்ந்துள்ளார். அதனுடன் சிறப்புக் குறிப்பு எழுதி உள்ளார். அதில், "நீங்கள் அனுப்பிய இந்த ஆடை குழந்தைகளுக்கு மிகவும் பிடித்திருந்தது. அவர்கள் முகத்தில் புன்னகையை பார்த்தேன்" என குறிப்பிட்டு உள்ளார்.

என்டிஆர் குழந்தைகளுக்கு ஆலியா பட் சிறப்பு பரிசுகளை அனுப்பினார்.

Airaa: சாதுவான திகில் கிளப்பிய ஐரா வெளியாகி 4 ஆண்டுகள் நிறைவு

நயன்தாரா தனது கேரியரில் முதல்முறையாக இரட்டை வேடத்தில் நடித்த படம், ஐரா. கேரக்டர்கள் வழக்கமானதாக இருந்தாலும் இரண்டாவதாக அவர் ஒரு டி கிளாமரஸ் பாத்திரத்தில் தனித்து நிற்கிறார்.

யமுனா (நயன்தாரா) என்ற பத்திரிகையாளரை மையமாக கொண்ட கதை, வாசகர்களின் அர்த்தமற்ற கேள்விகளுக்கு பதிலளிக்க வேண்டிய கட்டாயத்தில் உள்ளது. வீட்டில் அவளுடைய பெற்றோர் அவளை திருமணம் செய்யப் பின்தொடர்கிறார்கள். ஆனால் அவர் அதற்கு இன்னும் தயாராகவில்லை. அவளுடைய பெற்றோர்கள் ஒரு பையனை இறுதி செய்யும்போது, ​​​​அவள் வீட்டை விட்டு பொள்ளாச்சி சென்று தனது பாட்டியின் வீட்டிற்கு செல்கிறாள். விரைவில், யமுனா வினோதமான நிகழ்வுகளை அனுபவிக்கத் தொடங்குகிறார் - கதவுகள் சத்தமிடுவது, நாற்காலிகள் ஆடுவது வரை. அவருக்குள் ஆவி சென்றுவிடுகிறது. எதனால் அப்படியானது என்பதை தேடி கண்டுபிடிப்பதே கதையாகும்.

இயக்குநர் சர்ஜுன் இயக்கிய இப்படத்தை பார்க்கும்போது மொத்தமாக யூகிக்ககூடியதாக இருந்தன. முதல் பாதியில் தொடங்கி இடைவேளைக்கு செல்லும் போது தான் படத்தின் சில பரபரப்பான காட்சிகள் நடக்கும். மர்ம மரணங்கள் மேலும் ஆர்வத்தை கூட்டியது.

மிக முக்கியமான இரண்டாம் பாதியானது ஆரம்பத்திலேயே தடுமாற்றாலுடன் நகரும். முழு சஸ்பென்ஸ் சீனும் போய்விட்டது, மேலும் ஒரு வித்தியாசமான திரைப்படத்தைப் பார்ப்பது போல் இருக்கும் என நம்பினோம். ஆனால் இறுதியாக அது ஒரு நாடகமாக போய் முடியும் அளவில் இருந்தன. இன்னும் க்ளைமாக்ஸுக்கு முந்தைய பிரிவில், சில குளருபடிகள் இருந்தன. அந்த பகுதிக்கான திரைக்கதையும், நடிப்பும் கவனத்தை ஈர்க்கின்றன.

பாட்டி, குட்டி பையன் பப்ளூ, அப்பா ஜெயப்பிரகாஷ், அம்மா மீரா கிருஷ்ணன் உள்ளிட்ட சப்போர்ட்டிங் ஆர்ட்டிஸ்ட் அவரவர் பணியை சரியாக செய்தனர். யமுனாவை பவானி கொல்லத் துடிப்பதற்கான காரணம் அழுத்தமாக இல்லை. இதற்கெல்லாமா கொலை பண்ணுவாங்க என்ற எண்ணம் தோன்றியது.

கதையில் கவனம் செலுத்தி இருந்தால் ஐரா இன்னும் நன்றாக சென்று இருக்கும்.

நயன்தாரா நடித்த ஐரா படம் வெளியாகி 4 ஆண்டுகள் நிறைவடைந்துள்ளது.

Gautham karthik: ‘எல்லாரும் சிரிக்கிறாங்க..’ கவுதம் கார்த்திக் ஃபீல்!

நடிகர் முத்துராமனின் பேரனும், நடிகர் கார்த்திக்கின் மகனும், நடிகை மஞ்சிமா மோகனின் கணவருமான கவுதம் கார்த்திக், பிரபல தொலைக்காட்சி அளித்த சுவாரஸ்ய பேட்டி இதோ:

‘‘திருமண வாழ்க்கை செம்மயா போய்டு இருக்கு. என் காதல் மனைவி, என்னுடைய பெரிய பலமே அவள் தான். எப்போதும் நான் ஜெயிக்க வேண்டும் என்று நினைக்க கூடியவள், அதை பார்க்க சந்தோசமாக இருக்கிறது. அவள் நிறைய கஷ்டங்களை பார்த்திருக்கிறாள். நான் அவளுக்கு ஒரு துணையா நிற்க ஆசைப்படுகிறேன். இது ஒரு அழகான எண்ணம் இல்லையா!

அவள் என்னிடத்திலும், நான் அவளிடத்திலும் அப்படி தான் ஆசைப்படுகிறோம். இது ஒரு அழகான கூட்டணி. என்னுடைய இந்த 10 ஆண்டு பயணம், நம்ப முடியாததாக உள்ளது. என்னுடைய தொடக்கமே பிரமாண்டமாக இருந்தது. அதன் பின் நிறைய ஏற்றங்கள், இறக்கங்கள் இருந்தது தான். ஒவ்வொரு முறை சரிவு வரும் போது, புதிதாக எதையாவது கற்றுக்கொள்ள வேண்டும் என்கிற எண்ணம் ஏற்படுகிறது.&nbsp;

மக்கள் என்ன மாதிரி ரோல் பண்ணாலும், என்னை ஏற்றுக் கொள்கிறார்கள் என்பது எனக்கு மகிழ்ச்சியானது தான். என்னுடைய மனைவி தான், என்னுடைய பார்ட்னர். என் தொடர்பான எல்லாவற்றையும் என் மனைவியிடம் ஆலோசிக்கிறேன். அப்படி தான் ஒரு ஸ்கிரிப்ட் வரும் போது, அதையும் என் மனைவியிடம் ஆலோசிக்கிறேன்.&nbsp;

என்ன இருந்தாலும், அவங்க ஒரு நடிகை, நான் ஒரு நடிகன். ஆலோசனைகள் வேறு, முடிவு வேறு. எனக்கான ஸ்கிரிப்ட் வரும் போது, அவற்றை நான் தான் முடிவு செய்கிறேன். ஆனால், இருவருமே ஆலோசிப்போம். என் மனைவி பயங்கரமாக ப்ராக்டிகலா இருப்பாங்க, நல்ல முடிவுகளை எடுப்பாங்க.&nbsp;

வீட்டில் பொதுவாக ஆங்கிலம் தான் பேசுவோம். நான் சில நேரம் தமிழும், அவள் சில நேரம் மலையாளமும் பேசுவாள். அவங்க வீட்டில் இருந்து யாராவது வந்தால், எல்லாரும் மலையாளம் தான் பேசுவோம். எனக்கு தெரிந்த மலையாளத்தை நான் பேசுவேன், எல்லாரும் அதை பார்த்து சிரித்து விடுவார்கள். விரைவில் முழுமையாக மலையாளம் கற்றுக்கொள்வேன்.

எனக்கு பிடித்த நடிகர் என் அப்பா தான். என் அப்பா, மக்கள் மனதில் நல்ல இடத்தை பிடித்து விட்டார். நான் ஒரு வாரிசு நடிகர், அவரோட இடத்தை பிடிக்க வேண்டும் என்கிற எந்த எண்ணத்தையும் வளர்க்கவில்லை. நிறைய பேர் வந்து சொல்வார்கள், ‘அப்பா மாதிரி ஆகணும்’ என்று. ‘நான் என்னை மாதிரி தான் ஆக வேண்டும்’ என்று நினைத்தேன். என்னை மாதிரியே அப்பாவுக்கும் ஆரம்பத்தில் இந்த சிரமம் இருந்தது. தாத்தா மாதிரி வர வேண்டும் என்று அவருக்கு பலர் கூறியுள்ளனர். ஆனால், அவர் அவராக வர முயற்சித்தார்.&nbsp;

கடந்த ஒன்றரை வருடமாக ஸ்கிரிப்ட் செலக்‌ஷனில் ஈடுபட்ட போது, வில்லன் ரோல் வராத என்று தான் காத்துக்கொண்டிருந்தேன். எனக்கு அந்த மாதிரி ரோல் தான் தேவைப்படுகிறது. நான் வில்லனாக இருந்தால், பகத் ஃபாசில் சார் ஹீரோவாக நடித்தால் நன்றாக இருக்கும்,’’ என்று அந்த பேட்டியில் கவுதம் கார்த்திக் கூறியுள்ளார்.&nbsp;

‘என்ன இருந்தாலும், அவங்க ஒரு நடிகை, நான் ஒரு நடிகன். ஆலோசனைகள் வேறு, முடிவு வேறு. எனக்கான ஸ்கிரிப்ட் வரும் போது, அவற்றை நான் தான் முடிவு செய்கிறேன்’

9 Years of Nedunchalai: நடிகர் ஆரிக்கு திருப்புமுனையாக அமைந்த படம்!

2014ம் ஆண்டு கிருஷ்ணா இயக்கத்தில் வெளியான படம் தான் நெடுஞ்சாலை. ஆரி, ஷிவதா உள்ளிட்டோர் நடித்திருந்தனர்.

சூர்யா-ஜோதிகா நடிப்பில் வெளியாகி இளைஞர்களின் மனதை கொள்ளையடித்த சில்லுன்னு ஒரு காதல் படத்தின் இயக்குநர் தான் நெடுஞ்சாலை படத்தை இயக்கினார். இவரது இயக்கத்தில் பத்து தல படம் தற்போது தயாராகியுள்ளது.

பிரபல இயக்குநர்கள் பாலச்சந்தர், பாரதிராஜா ஆகியோர் நடித்த ரெட்டச்சுழி படத்தில் அறிமுகமான ஆரி, பிரதான கதாபாத்திரத்தில் நடிப்பதற்காக காத்திருந்தார்.

அவரது நடிப்புக்குத் தீனி போடும் வகையில் அமைந்த படம் தான் நெடுஞ்சாலை. கதாநாயகியாக ஷிவதா நடித்திருந்தார்.

பிரசாந்த் நாராயணன் வில்லன் கதாபாத்திரத்திலும், தம்பி ராமையா முக்கிய கதாபாத்திரத்திலும் நடித்திருந்தனர்.

இந்தப் படத்தின் கதை என்ன?

நெடுஞ்சாலையில் வாகனங்களில் குறிப்பாக லாரிகளில் தொடர் திருட்டில் ஈடுபடுகிறார் தார்ப்பாய் முருகன்.

மங்கா நெடுஞ்சாலையில் உணவகத்தை நடத்தி வருகிறார். முருகனும், மங்காவும் எப்போதும் மோதிக் கொள்கின்றனர்.

அந்தப் பகுதியில் உள்ள காவல் நிலையத்தில் மாசானமுத்து காவல் ஆய்வாளராக வருகிறார்.

மங்காவை அடையத் துடிக்கும் மாசானமுத்து, அவரிடம் இருந்து மங்காவை காப்பாற்றும் முருகன், இவர்களுக்கு இடையே நடக்கும் பரபர திரைக்கதை தான் முழு படமும்.

நெடுஞ்சாலை அதனோரம் உள்ள உணவகம் என தமிழ் திரைப்படத்தில் புதுமையான கதையுடன் இந்தப் படத்தை இயக்கியிருந்தார் கிருஷ்ணா.

தார்ப்பாய் முருகனாக ஆரி வித்தியாசமான கதாபாத்திரத்தில் நடித்திருந்தார். லுங்கி, பனியன், மூக்கின் வலதுபக்கத்தில் வளையம் என வித்தியாசமான தோற்றத்தில் நடித்தார்.

காவல் துறை அதிகாரியாக மிரட்டல் கதாபாத்திரத்தில் மாசானமுத்துவாக அசத்தல் நடிப்பை வெளிப்படுத்தியிருந்தார் பிரசாந்த் நாராயணன். அதன்பிறகு என்னவோ தமிழில் அவருக்கு அதிக வாய்ப்பு கிடைக்கவில்லை.

தம்பி ராமையா நைடாண்டி காமெடியும் ரசிக்க வைத்தது. ஷிவதா அப்பாவி மங்கா பெண் கதாபாத்திரத்தில் பொருந்தியிருந்தார்.

தாமிரபரணியில் நீந்தி வந்த...

என் ஆவாம் பூவிலையே...

என இந்தப் படத்தில் இடம்பெற்ற பாடல் மியூசில் சேனல்களில் படம் வெளியான ஆண்டு முழுவதும் ஒலித்துக் கொண்டே இருந்தது.

பலருக்கு மிகவும் பிடித்த பாடல்களில் ஒன்றாகவும் அது அமைந்தது. சத்யா அந்தப் பாடலுக்கு இசை அமைத்த விதமும், கேமிராமேன் ராஜவேலின் படமாக்கலும் அந்தப் பாடலை இன்று பார்த்தாலும் பலருக்கும் பிடிக்கும்.

1987-8-களில் நடக்கும் கதை போல் எடுக்கப்பட்ட இந்தப் படம் பெரிய அளவில் வெற்றி பெறவில்லை என்றாலும் ஆரிக்கும், ஷிவதாவுக்கும் முக்கியமான படமாக அமைந்தது எனலாம்.

இன்றுடன் இந்தப் படம் வெளியாகி 9 ஆண்டுகள் ஆகிறது.

Actor Aari Arujunan: மங்காவை அடையத் துடிக்கும் மாசானமுத்து, அவரிடம் இருந்து மங்காவை காப்பாற்றும் முருகன், இவர்களுக்கு இடையே நடக்கும் பரபர திரைக்கதை தான் முழு படமும்.

HBD Sonia: திவ்யா..ஏஞ்சல்..அனிதா நினைவிருக்கா? சோனியா அகர்வால் பிறந்தநாள் இன்று!

தமிழ் சினிமாவில் காதல் கொண்டேன் படம் மூலம் கதாநாயகியாக அறிமுகமானவர் நடிகை சோனியா அகர்வால். இவர் 1982 ஆம் வருடம் மார்ச் 28 ஆம் தேதி பஞ்சாபில் பிறந்தார். இந்த படத்தில் கதாநாயகனாக தனுஷ் நடித்திருந்தார். இதனைத்தொடர்ந்து கோவில், மதுர, 7ஜி ரெயின்போ காலனி, திருட்டுப் பயலே, புதுப்பேட்டை உள்ளிட்ட பல படங்களில் சோனியா அகர்வால் நடித்தார்.

2006ம் வருடம் இயக்குனர் செல்வராகவனை காதலித்து திருமணம் செய்து கொண்ட சில வருடங்களில் அவரோடு ஏற்பட்ட கருத்து வேறுபாடு காரணமாக 2010 ஆம் வருடம் விவகாரத்தை பெற்று பிரிந்தார்.அதன் பிறகு மீண்டும் வானம், தடம் அயோக்கியா போன்ற சில படங்களில் மட்டுமே நடித்தார்.

சோனியா அகர்வால் என்று சொல்வதை விட திவ்யா. ஏஞ்சல், அனிதா இப்படி சொன்னால் நினைவுக்கு வருவது சோனியா அகர்வால் தான். காதல் கொண்டேன் படத்தில் இவரின் நடிப்பு அனைவரையும் கவந்தது என்றே சொல்லலாம். கல்லூரியில் சாதுவான ஒரு மாணவராக தோன்று கதாநாயகன் தனுஷ், வகுப்பில் உள்ள அத்தனை பேரும் தன்னை அருவருப்போடு ஒதுக்க. ஆறுதலாக நட்பு பாராட்டும் சக மாணவியாக சோனியா அகர்வால் அறிமுகமாகிறார்.

சோனியா அகர்வால் நட்பாக காட்டும் பாசத்தை தனுஷ் காதல் என்று தப்பாகப் புரிந்துகொள்கிறார். வகுப்பில் வேறு மாணவர் சுதிப்புக்கும் சோனியாவுக்கும் காதல் மலர தன்னையும் அறியாமல் தனக்குள் ஒளிந்திருக்கும் சைக்கோ சுயரூபத்தைக் காட்டத் தொடங்கும் தனுஷ்.

காதலனோடு சேர்த்து வைக்கிறேன் எனக் கூறி சோனியாவைக் காட்டுக்குள் கூட்டிப்போகிறார் அங்கு என்ன என்ன நடக்கிறது என்பது தான் மீதிக்கதை. இதில் சோனியா தனுஷ் இருவரும் நடிப்பில் அசத்தி இருப்பார்கள். முதல் படத்திலேயே ஏரளாமான ரசிகர்கள் பட்டாளமே சோனியா அகர்வாலுக்கு உருவானது.

பின்னர் நடித்த கோவில் படத்தில் ஏஞ்சல் ஆகவே வாழ்ந்து இருப்பார் சோனியா. கிராமத்து பெண்ணாக நடித்து அசத்தி இருப்பார். அதே போல தான் 7 ஜி ரெயின்போ காலனி படத்திலும் முற்றிலும் மாறுபட்ட கதாபாத்திரத்தை ஏற்று நடித்து இருப்பார். இப்படி தொடர் வெற்றி படங்களை கொடுத்து வந்தார் சோனியா.90ஸ் கிட்ஸ்களுக்கு கனவு கண்ணியாக இருந்தார்.

திருமணத்திற்கு பிறகு சோனியா அகர்வாலுக்கு கதாநாயகியாக வாய்ப்பு கிடைக்காததால் குணச்சித்திர வேடங்களிலும், கவர்ச்சி கேரக்டர்களிலும் நடித்துக் கொண்டிருந்தார். அது மட்டுமல்லாமல் சின்னத்திரையிலும் இவர் நடித்துக் கொண்டிருக்கிறார்.இந்த நிலையில் தற்போது இவர் வெப் சீரிஸ் களிலும் நடிக்க தொடங்கி இருக்கிறார்.

அதில் இவர் பாடகர் எஸ்.பி.பி சரன் உடன் ஒன்றாக நடித்திருந்தார். அப்போது அவர்கள் இருவரும் எடுத்த புகைப்படங்கள் சமூக வலைத்தளத்தில் வெளியாகி இவர்கள் இருவரும் திருமணம் செய்ய போகிறார்கள் என்ற வதந்தியும் பரவியது.

இதற்கு விளக்கம் அளித்து சோனியா அகர்வால் கூறும்போது, "ஒரு தொடரில் நானும், எஸ்.பி.பி.சரணும் நடித்த திருமண காட்சி புகைப்படம் வெளியாகி நாங்கள் இருவரும் திருமணம் செய்துகொள்ள இருப்பதாக வதந்தியை பரப்பினர். எனக்கு நிறைய பேர் தொலைபேசியில் தொடர்பு கொண்டும் இருவரும் திருமணம் செய்து கொள்ளப்போகிறீர்களா? என்று விசாரித்தனர்.

நான் இல்லை என்று மறுப்பு சொன்னேன். எத்தனை நாட்கள் தனியாக இருப்பேன் என்று தெரியவில்லை. பொருத்தமான நபரை சந்திக்கும்போது திருமணம் நடக்கலாம். இதுவரை அப்படிப்பட்டவரை சந்திக்கவில்லை. அந்த நபருக்காக காத்து இருக்கிறேன்'' என்றார்.

இன்று சோனியா அகர்வால் தனது பிறந்தநாளை கொண்டாடி வருகிறார். அவருக்கு ரசிகர்களும், திரைபிரபலங்களும் வாழ்த்து தெரிவித்து வருகின்றனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

Actress Sonia Agarwal : சோனியா அகர்வால் தனது பிறந்தநாளை இன்று கொண்டாடி வருகிறார். அவருக்கு ரசிகர்களும், திரைபிரபலங்களும் வாழ்த்து தெரிவித்து வருகின்றனர்.

shahrukh khan Car: பதான் வெற்றி.. கோடி கணக்கில் செலவு செய்து கார் வாங்கிய ஷாருக்

நான்கு வருட இடைவெளிக்கு பிறகு நடிகர் ஷாருக்கான் நடித்த பதான் படம் வெளியானது . இப்படம், பாக்ஸ் ஆபிஸிலும் வசூல் மழையை பொழிந்தது. ஷாருக்கின் கேரியரில் ரூ.1000 கோடிக்கும் அதிகமாக வசூல் செய்த திரைப்படம் என்ற பெயரை பதான் எடுத்து உள்ளது.

இந்த வெற்றியின் மூலம் ஷாருக் அந்தஸ்து உயர்ந்து இருக்கிறது. அதே மகிழ்ச்சியில் ஷாருக்கான் சுமார் ரூ.10 கோடி செலவு செய்து ரோல்ஸ் ராய்ஸ் கல்லினன் பிளாக் பேட்ஜ் புதிய கார் ஒன்றை வாங்கி உள்ளார்.

இந்த ரோல்ஸ் ராய்ஸ் அவரது சொகுசு கார் கலெக்ஷனில் புதிதாக சேர்க்கப்பட்டுள்ளது. ஷாருக்கான் தான் வாங்கிய புதிய கார் குறித்து எதுவும் கூறவில்லை என்றாலும், மும்பை சாலைகளில் 555 என்ற எண் கொண்ட இந்த கார் அவருடையதுதான் என்று இணையத்தில் சலசலப்பு ஏற்பட்டது.

ஷாருக்கின் வீட்டிற்கு கார் சென்றதாகவும் சிலர் சமூக வலைதளங்களில் கூறினர். உலகின் பணக்கார நடிகர்களில் ஒருவர் ஷாருக். 2023ஆம் ஆண்டுக்குள் அவரது சொத்து மதிப்பு 75 கோடி டாலர்கள் (சுமார் ரூ.6152 கோடி) இருக்கும் என மதிப்பிடப்பட்டுள்ளது. சமீபத்தில் வெளியான பதான் படத்தின் வெற்றியால் கிங் கானின் ரேஞ்ச் வேற லெவலை எட்டியுள்ளது.

ஷாருக்கானிடம் ஏற்கனவே புகாட்டி, பென்ட்லி, பிஎம்டபிள்யூ உள்ளிட்ட பல சொகுசு கார்கள் உள்ளன. இந்த கார்கள் ஒவ்வொன்றும் பல கோடி மதிப்புடையது. சமீபகாலமாக ரோல்ஸ் ராய்ஸ் கல்லினன் காரை வாங்க அவர் திட்டமிட்டு இருந்தாராம்.

தற்போது பதான் படத்தின் வெற்றியை ரசித்து வரும் கிங் கான், ஜவான், டன்கி போன்ற படங்களில் நடித்து வருகிறார். சல்மான் கானின் அடுத்த படமான டைகர் 3 படத்தில் ஷாருக்கான் கெஸ்ட் ரோலில் நடிக்கிறார்.

நடிகர் ஷாருக்கான் ரூ.10 கோடி செலவு செய்து புதிய கார் ஒன்றை வாங்கி உள்ளார்.

Sathi Leelavathi: அமெரிக்க இயக்குனரின் சதிலீலாவதியில் எம்.ஜி.ஆர்., எண்ட்ரி!

1936 ல் முதல்முதலாக அமெரிக்காவை சேர்ந்த இயக்குனர் தமிழில் படம் எடுக்கிறார். இதை தெரிந்து கொண்ட அந்த 17 வயது பையன் தினமும் ஸ்டுடியோ வாசலில் காத்து நின்று ஒரு சிறு வேஷமும் வாங்கி விடுகிறான். ஆனால் பல நாள் ஆகியும் அவனை வைத்து ஷூட்டிங் நடக்கவில்லை.

இந்த பையனுக்கு மிகுந்த வருத்தம். தினமும் வருவதும்,போவதுமாக இருந்தான். திடீரென ஒரு நாள் அவன் நடிக்கும் சீன் வந்தது. இயக்குனர் அவனை கூப்பிட்டு, "முதல் ஷாட் சைக்கிளில் வர வேண்டும். உங்கிட்ட சைக்கிள் இருக்கா"? என்று கேட்கிறார்.

அவனுக்கு சாப்பாட்டுக்கே கஷ்டம் இதில் சைக்கிள் எங்க போவது? ஆனாலும் சிரமப்பட்டு வாங்கிய சான்ஸை தவற விட அவனுக்கு விருப்பமில்லை. "இருக்கு சார்"" என்றான். “அப்ப போய் எடுத்துட்டு வாய்யா” என டைரக்டர் சொன்னதும் வேகமாக என்ன செய்வதென யோசித்தபடி வெளியில் சென்று… அங்கு தெரிந்த பெட்டிக் கடையில் ஓரமாக நிறுத்தியிருந்த சைக்கிளை கடைக்காரருக்கு தெரியாமல் எடுத்து வந்து விட்டான்.

இதில் ஆச்சரியம் என்னான்னா அவனுக்கு சைக்கிள் ஓட்டவே தெரியாது. கிடைத்த வாய்ப்பை விடக்கூடாது என்ற எண்ணம் மட்டுமே அவனிடம் இருந்தது. முதல் ஷாட் சைக்கிளில் வந்து குப்புற விழுந்தான். பொட்டென்று மண்டையில் அடி விழுந்தது.

“ஏன்டா, உண்மைய சொல்லு சைக்கிள் ஓட்ட தெரியுமா தெரியாதா?” என்று கேட்டுள்ளார் இயக்குனர். "தெரியாது சார்" என்று அந்த சிறுவன் சொல்ல, இதற்குள் சைக்கிள் காணோம் என்று கடைக்காரர் வந்து அதற்கும் திட்டு விழுகிறது. கெஞ்சி அழுது கொண்டே நடிக்க வேண்டி, கிடைச்ச வாய்ப்பை தவற விடக்கூடாதென்பதால் பொய் சொன்னதாக ஒப்புக்கொண்டான் அந்த சிறுவன்.

அவனுடைய தன்னம்பிக்கை முயற்சிக்காகவும், உண்மையை சொன்னதற்காகவும், சைக்கிள் ஓட்டத் தெரியாதவனை ஓட்டியபடி அந்த முதல் சீனை எடுத்து முடித்தனர். "சைக்கிள் இல்லை" என்று சொல்லியிருத்தால் அன்றே அவனுடைய சினிமா வாழ்க்கைக்கு முற்றுப்புள்ளி வைத்திருப்பார்கள்.

நம்பிக்கை,தைரியம் , உண்மை என அந்த நேரத்தில் அவனை சினிமாவின் கால் பதிக்க உதவியது. பின்னாளில் இந்த முயற்சியே அவனை நாடாளவும் வைத்தது.&nbsp;

அந்த படத்தின் பெயர்: சதிலீலாவதி

அந்த இயக்குனர்: எல்லீஸ் டங்கன்

அந்த சிறுவன்: எம்.ஜி.ஆர்.,

சைக்கிள் தந்து உதவிய பெட்டிக்கடைக்காரர் பின்னாளில் கிருஷ்ணன்_பஞ்சு என்ற இரட்டை இயக்குனர்களில் முதலாமவர் கிருஷ்ணன்!

-Sampatth Kumar முகநூல் பதிவு

87 years Of Sathi Leelavathi: அவனுக்கு சாப்பாட்டுக்கே கஷ்டம் இதில் சைக்கிள் எங்க போவது? ஆனாலும் சிரமப்பட்டு வாங்கிய சான்ஸை தவற விட அவனுக்கு விருப்பமில்லை.

கோலிவுட்

தமிழ் சினிமா செய்திகள் : Get all the updates and latest news related to Tamil Cinema online. Check out the Entertainment breaking news, kollywood entertainment news, top headlines, entertainment news about your favourite celebrity and much more only at tamil.hindustantimes.com