RCB vs CSK Toss: ப்ளே ஆஃப்புக்கான யுத்தம்! சிஎஸ்கே, ஆர்சிபி அணியில் முக்கிய மாற்றம்

இரு அணிகளுக்கும் இந்த சீசனின் கடைசி போட்டியாக இது அமைந்துள்ளது. அத்துடன் இந்த சீசனில் மிகவும் எதிர்பார்ப்பை ஏற்படுத்தும் போட்டியாகவும், முக்கியமான போட்டியாகவும் உள்ளது. தற்போதையை நிலையில் ஆர்சிபி 13 போட்டிகளில் 6 வெற்றி, 12 புள்ளிகளுடன் 7வது இடத்திலும், சிஎஸ்கே 13 போட்டிகளில் 7 வெற்றியுடன், நான்காவது இடத்திலும் இருக்கின்றன.

இந்த சீசனின் முதல் போட்டியே சிஎஸ்கே - ஆர்சிபி அணிகளுக்கு இடையே நடைபெற்றது. இந்த போட்டியில் சிஎஸ்கே 6 விக்கெட் வித்தியாசத்தில் வெற்றியை பெற்றது.

சிஎஸ்கே பவுலிங்

இந்த போட்டியில் டாஸ் வென்ற சிஎஸ்கே கேப்டன் ருதுராஜ் கெய்க்வாட் பவுலிங்கை தேர்வு செய்துள்ளார். சிஎஸ்கே அணியில் மொயின் அலிக்கு பதிலாக மிட்செல் சாண்ட்னர் சேர்க்கப்பட்டுள்ளார். ஆர்சிபி அணியில் வில் ஜேக்ஸ்க்கு பதிலாக ஆல்ரவுண்டன் கிளென் மேக்ஸ்வெல் சேர்க்கப்பட்டுள்ளார்.

இந்த போட்டியில் வெற்றி பெற்றால் சிஎஸ்கே நேரடியாக ப்ளேஆஃப் வாய்பை பெறும். தோல்வி அடைந்தாலும் 18 ரன்களுக்கு குறைவாக தோல்வியை பெற்றாலும் ப்ளேஆஃப் செல்லும்.

ஆர்சிபி அணியை பொறுத்தவரை முதல் பேட்டி செய்வதால் சிஎஸ்கேவை வீழ்த்துவதோடு, 18 ரன்களுக்கு அதிகமான ரன் வித்தியாசத்தில் தோற்கடித்தால் மட்டுமே ப்ளேஆஃப் வாய்ப்பு நிச்சயம்.

இரு அணிகளுக்கு இடையிலான முதல் மோதலில் சிஎஸ்கே சேஸிங் செய்து தான் வெற்றி பெற்றது. தற்போது டாஸ் வென்று சேஸிங்கை தேர்வு செய்திருக்கும் சிஎஸ்கே கேப்டன் ருதுராஜ் கெய்க்வாட், " மழை பெய்ய வாய்ப்பு இருப்பதன் காரணமாக பவுலிங்கை தேர்வு செய்திருப்பதாக" தெரிவித்துள்ளார். ஆர்சிபி கேப்டன் டூ பிளெசிஸும், "முதலில் பவுலிங் செய்ய விரும்பியதாகவே" தெரிவித்துள்ளார்.

தோனி - கோலி மோதல்

ஐபிஎல் கிரிக்கெட்டில் தோனிக்கு இதுவே கடைசி சீசனாக இருக்கலாம் என பேசப்படுகிறது. வழக்கம்போல் தோனி இது குறித்து வாய் திறக்காமல் இருந்து வருகிறார். 

இதற்கிடையே சிஎஸ்கே அணிக்கு இந்த சீசனில் கடைசி லீக் போட்டியாக இருப்பதால்,  அடுத்த சீசனில் தோனி விளையாடவில்லை என்றால் அவரும், கோலியும் மோதிக்கொள்ளும் கடைசி போட்டியாகவே இது அமையக்கூடும். எனவே இந்த மோதலும் ரசிகர்கள் மத்தியில் மிகப் பெரிய எதிர்பார்ப்பை ஏற்படுத்தியுள்ளது. 

இந்த போட்டியில் களமிறங்கும் இரு அணிகளின் விவரம்

ராயல் சேலஞ்சர்ஸ் பெங்களுரு: டூ பிளெசிஸ் (கேப்டன்), விராட் கோலி, ராஜத் பட்டிதார், கிளென் மேக்ஸ்வெல், கேமரூன் க்ரீன், தினேஷ் கார்த்திக் (விக்கெட் கீப்பர்), மகிபால் லோரோர், யஷ் தயாள், கரன் ஷர்மா, முகமது சிராஜ், லாக்கி பெர்குசன்

சென்னை சூப்பர் கிங்ஸ்: ருதுராஜ் கெய்க்வாட் (கேப்டன்), ரச்சிந் ரவீந்திரா, டேரில் மிட்செல், அஜிங்கியா ரகானே, மிட்செல் சாண்ட்னர், ரவீந்திர ஜடேஜா, எம்எஸ் தோனி (விக்கெட் கீப்பர்), ஷர்துல் தாக்கூர், துஷார் தேஷ்பாண்டே, மகேஷ் தீக்‌ஷனா, சிம்ரஜித் சிங்

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v