K.E.Gnanavel Raja : ‘ஜாதகம் நல்லா இருந்தா கதை கேட்பேன்’ ஞானவேல்ராஜா ஷாக் பேட்டி!

paragraph

பிரபல ஸ்டூடியோ கிரீன் தயாரிப்பு நிறுவனத்தின் உரிமையாளர் ஞானவேல் ராஜா இணையதளத்திற்கு அளித்த சுவாரஸ்யமான பேட்டி இதோ:

‘‘பத்து தல படம் வராது என்று தான் பலரும் கூறினார்கள். அதற்கு காரணம் கோவிட். கொரோனா இடைவெளிக்குப் பின் சிம்பு உடல் ரீதியாக மாறிவிட்டார். நாங்க எடுத்த படத்திற்கும், அதற்கு சுத்தமா மேட்ச் ஆகவில்லை. அப்போ ஒரு தடுமாற்றம் வந்தது.&nbsp;

அதுக்கு அப்புறம் கிருஷ்ணா உள்ளே வந்தது, ரஹ்மான் சார் உள்ளே வந்தது எல்லாம் நடந்தது. சிம்பு இல்லாமல் மற்ற அனைத்து காட்சிகளையும் முடித்திருந்தோம். அவற்றை சிம்பு பார்த்தார். இந்த அளவிற்கு வந்திருக்கு என்கிற நம்பிக்கை அவருக்கு வந்து, அதன் பிறகு தான் ஸ்டார்ட் பண்ணோம். முதலில் எடுத்த எல்லா காட்சிகளையும் தூக்கி விட்டு, புதிதாக முதலில் இருந்து தொடங்கினோம். சிம்பு நன்கு ஒத்துழைத்தார்.&nbsp;

AAA படத்தின் போது சிம்புவை நான் விமர்சித்ததை இப்போது பகிர்கிறார்கள். எந்த உள்நோக்கத்திலும் நான் அவரை விமர்சிக்கவில்லை. எங்களுக்குள் நல்ல உறவு உள்ளது. சிம்புவிடம் எந்த மாற்றமும் இல்லை. அவர் அவராக இருக்கிறார்.&nbsp;

நல்லதோ கெட்டதோ, என்னை நம்பி ஒரு ஹீரோ டேட் கொடுத்திட்டாரு, 100 சதவீதம் அவருக்கு நான் உண்மையா இருக்கனும். எனக்கு அட்டக்கத்தியும் ஒன்னு தான், சிங்கமும் ஒன்னு தான். ப்ரமோஷனுக்கு நான் போராடுவேன். சூர்யா, கார்த்தியை தாண்டி நம்மை நம்பி ஒரு ஹீரோ டேட் கொடுப்பதை, நான் பொறுப்பாக கருதினேன்.&nbsp;

கண்டிப்பா சக்சஸ் கொடுத்து ஆக வேண்டும் என்கிற முடிவுக்கு வந்துவிட்டேன். சினிமாவில் சக்சஸ் மட்டும் தான். அதை அடைய வேண்டும் என்பதில் எந்த சமரசமும் செய்யவில்லை. பத்துதல படத்திற்கு சிம்புவின் பழைய காட்சிகளை நீக்கியதால் 8 கோடி ரூபாய் வரை நஷ்டம். ஆனால், அதை பொருட்படுத்தவில்லை.&nbsp;

பத்துதல ரோலுக்கு இரண்டே பேர் தான் என்னுடைய சாய்ஸ். ஒன்னு ரஜினி சார். ரஜினி சார் இல்லையென்றால் சிம்பு. இந்த இரண்டு பேர் தான் சரியா இருப்பாங்க என்று நான் நினைத்தேன். ரஜினி சாருக்கு முயற்சித்தோம் முடியவில்லை. சிம்புவுக்கு ஓகே ஆகிவிட்டது.&nbsp;

சினிமாவில் எல்லா ஹீரோவுக்கும் ‘ஹனிமூன்’ காலம் இருக்கும். ஜெயம் ரவி வந்த போது எல்லாம் ஹிட், கார்த்தி வந்த போது எல்லாம் ஹிட். இன்டஸ்ட்ரியே ஆச்சரியமா பார்த்தது. மைனஸை கூட ப்ளஸ் ஆக்கினோம். ஹனிமூன் காலம் முடிந்ததும், ஒரு சின்ன சரிவு வரும். அது முடிந்து மறுபடி ஒரு ஏற்றம், இறக்கம் வரும்.&nbsp;

விஜய் சார், அஜித் சாரை விட நாங்க பெரிய ஆளா என்ன? அவர்களே ஏற்றம் இறக்கங்களை பார்த்தவர்கள் தான். எல்லா ஹீரோக்கும், எல்லா தயாரிப்பாளருக்கும் இது வரும். மகாமுனி திரைப்படம், என்னுடைய சனிப்பெயர்ச்சிக்குப் பின் வந்திருந்தால், ஆஸ்கார் கூட பெற்றிருக்கும்.&nbsp;

எல்லா படத்திற்குப் போல தான், மகாமுனி படத்திற்கும் உழைத்தோம். நேரம் சரியில்லை அவ்வளவு தான். இப்போது எந்த இயக்குனர் வந்தாலும் முதலில் ஜாதகம் தான் வாங்குகிறேன். அடுத்த வாரம் தான் கதை கேட்கிறேன். அவர்களின் ஜாதகம் எனக்கு சேர்ந்தால் தான் கதை கேட்கிறேன். அதை வைத்து தான் இப்போது ஹிட் ஆகுமா என்பதை முடிவு செய்கிறேன்.

எல்லா நேரத்திலும் நல்ல நேரம் இருக்கும் இயக்குனரை வைத்து தான் படம் எடுக்க முடியும் என்று இல்லை. சில நேரம் இயக்குனர் நேரம் மோசமாக இருந்தால், ஹீரோவின் நேரம் நன்றாக இருந்தால் அந்த ஹீரோவை வைத்து படம் எடுக்கிறேன். அது பேலன்ஸ் ஆகிடும். எல்லாருடைய நேரமும் மோசமாக இருந்தால், கதை முடிந்துவிடும்.&nbsp;

நேரம் தான் அனைத்தையும் முடிவு செய்கிறது. அதை நான் நம்புகிறேன். நேரம் சரியாக இருந்தால் தான் இங்கு வெற்றி கிடைக்கும். சூர்யாவின் முந்தைய படங்களின் பட்ஜெட் தான், சூர்யா 42 படத்தின் ப்ரொமோஷன் பட்ஜெட்டாக இருக்கும். டீசர் ரெடியாகிட்டு இருக்கு, அது வந்தா சினிமா ரசிகர்களே கொண்டாடுவார்கள்,’’ என்று அந்த பேட்டியில் ஞானவேல்ராஜா கூறியுள்ளார்.&nbsp;

Viduthalai:குருதியைச் சுவைக்கும் குரூரம்;வெற்றி ஒரு பேராசிரியர்;திருமா புகழாரம்!

குருதியைச் சுவைக்கும் குரூரமான ஒடுக்குமுறை என்பதை அங்குலம் அங்குலமாக அம்பலப்படுத்துகிறது விடுதலை திரைப்படம் என திருமாவளவன் ட்வீட் செய்து இருக்கிறார்

Surya Jyothika:கீழடி அருங்காட்சியகத்தில்சூர்யா ஜோதிகா;வைரலாகும் புகைப்படங்கள்!

கீழடி அருங்காட்சியகத்தை பார்வையிட்ட சூர்யா ஜோதிகா!

ARMurugadoss:‘ஹிந்திக்கு புதுசா ஒன்ணு செய்யப்போறேன்’;ஓப்பனாக பேசிய முருகதாஸ்!

கஜினி படத்தின் இரண்டாம் பாகத்தை எடுக்க வேண்டும் என்ற எண்ணம் இல்லை என இயக்குநர் முருகதாஸ் பேசி இருக்கிறார்

Vanangaan: ‘வணங்கான் படத்தில் வைரமுத்து’..விறுவிறு படப்பிடிப்பு! அப்டேட் இங்கே!

இயக்குநர் பாலா இயக்கத்தில் அருண் விஜய் நடிக்கும் வணங்கான் படத்தின் அப்டேட் வெளியாகி இருக்கிறது

Suriya 42: நேரம் தான் அனைத்தையும் முடிவு செய்கிறது. அதை நான் நம்புகிறேன். நேரம் சரியாக இருந்தால் தான் இங்கு வெற்றி கிடைக்கும்.

Munnar Ramesh: ‘வேறு தொழிலை பார்த்து போயிடனும்’ மூணார் ரமேஷ் நச்!

புதுப்பேட்டையில் கொக்கி குமார் அப்பாவாக நடித்து பெயர் பெற்ற மூணார் ரமேஷ், இணையதளத்திற்கு அளித்த சுவாரஸ்யமான பேட்டி இதோ:&nbsp;

‘‘அது ஒரு கனா காலம் படத்தில் பாலுமகேந்திரா சாரிடம் வெற்றி மாறன் சார் பணியாற்றியதிலிருந்து , இன்று வெற்றி மாறன் சாரின் விடுதலை படம் வரை, எல்லா படங்களிலும் அவரிடம் வேலை செய்திருக்கிறேன். விடுதலை கதைக்களமே கனமான கதைக்களம். அது நடைபெறும் நிலபரப்பு, அது சார்ந்த விசயங்கள் எல்லாம் ரொம்ப கனமானது.&nbsp;

அங்கு போய் எல்லா நடிகர்களையும் வைத்து ஷூட் செய்வது என்பதே சவாலான விசயம் தான். ரொம்ப கஷ்டமான விசயம் அது. புதுப்பேட்டை படத்தில் எனது கதாபாத்திரம் இன்றும் பேசப்படுகிறது என்றால், அதற்கு காரணம் செல்வராகவன் சார் தான்.&nbsp;

நாம் ஒரு நடிகராக இருக்கலாம், நம்முடைய சுவை, விருப்பம் வேறாக இருக்கும். ஆனால், நம்மை பலவிதமாக கற்பனை செய்து எழுதுவது இயக்குனர்கள் தான். நம்மை நாம் வேறு மாதிரி யோசிக்க முடியாது. இயக்குனர்கள் தான் நம்மை வேறு மாதிரி யோசிக்கிறார்கள்.&nbsp;

அந்த வகையில் நாம் ஒரு நடிகராக இயக்குனரிடம் ஒப்படைத்துவிட்டால், அவர்கள் நம்மை வித்தியாசமான நடிகராக காட்டுகிறார்கள். அவர்கள் தான் எல்லாம். விடுதலை படத்தில் ரிஸ்க் ஷாட் எடுத்தோமா என்றால், ஷூட் போறதே ரிஸ்க் தான்.&nbsp;

வடசென்னை 2ம் பாகம் வருவதற்கான வாய்ப்புகள் அதிகம். வெற்றி மாறன் சாரும், அதில் அதிக ஆர்வமாக இருக்கிறார். ஆனால், அவருடைய செட்யூல் எப்படி இருக்கும் என்றும் தெரியவில்லை. அடுத்து வாடிவாசல் இருக்கிறது, அதன் பிறகு என்ன படம் என்று தெரியவில்லை. ஆனால், கட்டாயம் வடசென்னை 2 இருக்கிறது. ஏனென்றால் அவருக்கு அது ரொம்ப பிடித்த களம். அன்பின் எழுச்சி மிச்சம் இருக்கிறது. அதில் எனக்கும் வாய்ப்பு இருக்கும் என்று நினைக்கிறேன்.

ஒரு கிரியேட்டருக்கு உடலும், மனமும் வலிமையாக இருக்க வேண்டும். அப்படி இருந்தால் தான் படைப்பை முழுமையாக செய்ய முடியும். அது வெற்றி மாறனிடம் இருக்கிறது. நாம் எதையெல்லாம் செய்வோமோ, அதை எல்லாம் அவர் செய்ய மாட்டார். உணவில் கூட கட்டுப்பாடாக இருப்பார்.&nbsp;

காலம் மாறும் போது சினிமாவும் மாறுகிறது. நான் இளைஞராக இருந்த போது 70 MM தியேட்டரில் போய் படம் பார்ப்போம். இப்போ மால் உள்ளே, ப்ரிவியூ தியேட்டர் மாதிரி தியேட்டர் வைத்திருக்கிறார்கள். வீட்டிலே 100 இன்ச் டிவி வைத்து பார்க்கும் காலத்தில், சிறிய ஸ்கிரீனில் தியேட்டரில் போய் பணம் கொடுத்து ஏன் படம் பார்க்க வேண்டும்?&nbsp;

பிரம்மாண்ட படங்களை உரிய திரையில் பார்த்தால் தான் மரியாதை. எங்கள் காலத்தில் இந்த மாதிரி இருந்ததில்லை. அப்போ 100 நாட்களுக்கு மேல் படங்கள் ஓடும், அந்த போஸ்டரை பார்த்து தான் எங்களுக்கு பழக்கம். இப்போ, 3 நாள் ஓடினால் போதும் ஓடிடி.,யில் பார்த்தா பாருங்க, பார்க்காட்டி போங்க என்கிறார்கள்.&nbsp;

இன்றும் சினிமாவில் தோற்றுக் கொண்டே இருப்பவர்களை பார்க்கிறேன். ஜெயித்தவர்கள் நிறைய பேர் இருக்கிறார்கள். அவர்கள் பலருக்கு நம்பிக்கை தருகிறார்கள். ஆனால், நிறைய பேர் இன்னும் &nbsp;செட்டில் ஆகாமல் தோற்றுக் கொண்டே இருக்கிறார்கள்.&nbsp;

எல்லா துறைகளிலும் படித்து வருவது போல சினிமாவிற்கு தேவையான படிப்பையும் படிக்க வேண்டும். மதுரைக்கு போக கோவை பஸ்சில் ஏறக்கூடாது. சரியான நேரத்தில் திருமணம் ஆகாமல், குழந்தை பெறாமல் சாதித்து என்ன பயன்? செத்து மீன்பிடித்து என்ன பயன்? அது சினிமாவில் தப்பான விசயம். நமக்கு செட் ஆகவில்லை என்றால், வேறு தொழிலை பார்த்து போயிடனும்,’’

என்று அந்த பேட்டியில் மூணாறு ரமேஷ் கூறியுள்ளார்.&nbsp;

‘சரியான நேரத்தில் திருமணம் ஆகாமல், குழந்தை பெறாமல் சாதித்து என்ன பயன்? செத்து மீன்பிடித்து என்ன பயன்?’

ரூ10 லட்சம் கேட்டு கடத்தல்.. ப்ளான் தோல்வி.. ரூ.1500க்கு கடத்தி சிக்கிய காமெடி!

தொழிலதிபர் மகனை கடத்தி ரூ.10 லட்சம் பணம் கேட்ட கும்பல், பணம் கிடைக்காத விரக்தியில் 1500 ரூபாய்க்கு வழிப்பறி செய்து காவல்துறையிடம் சிக்கிய சுவாரஸ்யமான சம்பவம் நடந்துள்ளது.&nbsp;

திருவாரூர் மாவட்டம் வலங்கைமான் பகுதியைச் சேர்ந்தவர் விஜயராகவன். தொழிலதிபரான இவர் வலங்கைமான் பகுதியில் பெட்ரோல் பங்க் நடத்தி வருகிறார்.இவரது மகன் பெரியண்ணா கும்பகோணத்தில் உள்ள தனியார் கல்லூரி ஒன்றில் பிஎஸ்சி அக்ரி முதலாம் ஆண்டு படித்து வருகிறார்.

இந்த நிலையில் சாக்கோட்டையில் நடைபெற்ற பெரியண்ணாவின் நண்பன் வீட்டு திருமண நிகழ்விற்கு பெரியண்ணா தனது நண்பர்களுடன் சென்றுள்ளார். அங்கு கல்யாண மாப்பிள்ளை தனது நண்பர்களுக்கு மது விருந்து வைப்பதற்காக 5000 ரூபாயை நெடுமாறன் என்பவரிடம் கொடுத்து வரும்படி பெரியண்ணாவிடம் கொடுத்துள்ளார். பணத்தை எடுத்துச் சென்று நெடுமாறனிடம் பெரியண்ணா கொடுத்த போது அவருடன் இருந்த மூன்று நபர்கள் அவரை காரில் ஏற்றி கடத்திச் சென்றுள்ளனர்.

மேலும் கடத்தல் கும்பல் பெரியண்ணாவின் போனிலிருந்து அவரது தந்தை விஜயராகவனுக்கு தொடர்பு கொண்டு, ‘பத்து லட்ச ரூபாய் பணம் தரவில்லை என்றால், உங்களது மகனை கொன்று விடுவோம்,’ என்று மிரட்டி உள்ளனர். இதைக் கேட்ட தந்தை விஜயராகவன் கடத்தல் கும்பலுக்கு அஞ்சாமல், ‘நான் நூற்றுக்கும் மேற்பட்ட ஏழை எளிய மாணவ மாணவிகளை படிக்க வைத்துக் கொண்டிருக்கிறேன்.அதில் ஏதாவது ஒரு பிள்ளை என்னை பார்த்துக் கொள்ளும் அதனால் எனது மகனைப் பற்றி எனக்கு கவலை இல்லை.நீங்கள் கேட்ட பணத்தை கொடுக்க முடியாது, நான் காவல்துறையிடம் புகார் அளித்து என் மகனை மீட்டுக் கொள்கிறேன்,’ என்றும் கூறியுள்ளார்.

விஜயராகவனின் இந்த பதிலால் விரக்தி அடைந்த கடத்தல் கும்பல் பெரியண்ணாவை கடத்திய இடத்திலேயே கொண்டு வந்து விட்டுச் சென்றுள்ளனர். பெரியண்ணாவை விட்டுவிட்டு வலங்கைமானுக்கு திரும்பிய கடத்தல் கும்பல் எதிரே நடந்து வந்து கொண்டிருந்த 26 வயதான சூரிய ராகவன் என்பவரை வழிமறித்து கத்தியை காட்டி மிரட்டி அவரிடம் இருந்து 1500 ரூபாயை வழிப்பறி செய்துள்ளனர்.

இதுகுறித்து சூரியராகவன் வலங்கைமான் காவல்துறையில் புகார் அளித்துள்ளார். அதேபோன்று தனது மகன் கடத்தப்பட்டது தொடர்பாக விஜயராகவன் நாச்சியார் கோவில் காவல் நிலையத்தில் புகார் அளித்துள்ளார். இந்த நிலையில் 1500 ரூபாய் வழிப்பறி செய்த வழக்கில் காவல் துறையினர் வலங்கைமானை சேர்ந்த நிவாஸ் வயது 36, சந்தோஷ் குமார் வயது 22, விருப்பாச்சிப்புரத்தைச் சேர்ந்த விக்னேஷ்வரன் வயது 23 ஆகிய மூன்று நபர்களை கைது செய்தனர்.

அவர்களிடம் வலங்கைமான் காவல்துறையினர் நடத்திய விசாரணையில் தொழிலதிபர் விஜயராகவன் மகன் கடத்தலில் ஈடுபட்டதும் இந்த கும்பல் தான் என்பது தெரிய வந்தது.

இந்த கடத்தலின் முக்கிய குற்றவாளியான விருப்பாச்சி புரத்தைச் சேர்ந்த நெடுமாறன் என்பவர் மட்டும் தலைமுறைவாக உள்ளதும் தெரிய வந்தது. தலைமுறைவாக உள்ள நெடுமாறனை காவல்துறையினர் தீவிரமாக தேடி வருகின்றனர்.

&nbsp;வலங்கைமான் பகுதியில் தொழில் அதிபர் மகனை கடத்தி 10 லட்சம் பணப் பேரம் &nbsp;பேசியதும், அது தோல்வியடைந்ததால் 1500 ரூபாய்க்கு வழிப்பறி செய்து காவல்துறையில் சிக்கிய விவகாரம் பொது மக்களிடம் அதிர்ச்சியையும் நகைப்பையும் ஏற்படுத்தியுள்ளது.&nbsp;

Mask Mandatory : மக்களே கவனியுங்கள்.. இன்று முதல் முகக்கவசம் கட்டாயம்!

Corona Virus : கொரோனா பரவல் அதிகரித்து வருவதால் இன்று முதல் அரசு மருத்துவமனைகளில் முகக்கவசம் கட்டாயமாக்கப்பட்டுள்ளது.

ஐஸ் வைத்த விஜயபாஸ்கர்! கலாய்த்துவிட்ட துரைமுருகன்! பேரவையில் சிரிப்பலை!

<ul><li>வாடிய பயிரை வாடும்போதெல்லாம் வாடிய வள்ளலார் போல் நீங்கள் நிதியை தந்து திட்டத்தை நிறைவேற்ற வேண்டும் என துரைமுருகனுக்கு ஐஸ் வைத்து பேசினார் சி.விஜயபாஸ்கர்</li></ul>

Madurai Kamaraj University: மாணவிகளிடம் தரக்குறைவாக பேசிய பேராசிரியர் கைது!

மாணவ மாணவிகளிடம் தவறாக பேசியது சாதிக் கலவரத்தை தூண்டும் வகையில் பேசியது உள்ளிட்ட குற்றச்சாட்டுகள் நிரூபிக்கப்பட்டதால் அவரை நாகமலை புதுக்கோட்டை போலீசார் வன்கொடுமை சட்டத்தின் கீழ் பேராசிரியரை கைது செய்துள்ளனர்.

குமரியில் சோகம்..தண்ணீர் என நினைத்து பூச்சி மருந்தை குடித்த தொழிலாளி உயிரிழப்பு!

<ul><li>அழகியபாண்டியபுரம் அருகே தண்ணீர் என நினைத்து பூச்சி மருந்தை குடித்த தொழிலாளி உயிரிழந்த சம்பவம் சோகத்தை ஏற்படுத்தியுள்ளது.</li></ul>

<ul><li>Valangaiman kidnapped: இந்த கடத்தலின் முக்கிய குற்றவாளியான விருப்பாச்சி புரத்தைச் சேர்ந்த நெடுமாறன் என்பவர் மட்டும் தலைமுறைவாக உள்ளதும் தெரிய வந்தது. தலைமுறைவாக உள்ள நெடுமாறனை காவல்துறையினர் தீவிரமாக தேடி வருகின்றனர்.</li></ul>

Kothandam: ‘சோஷியல் மீடியாவில் வந்தா ஆர்டிஸ்டா?’ கோதண்டம் கொந்தளிப்பு!

பிரபல நகைச்சுவை நடிகர் கோதண்டம். முல்லை என்பவருடன் சேர்ந்து பல்வேறு காமெடி நிகழ்ச்சிகளையும் செய்து வருகிறார். இணையதளம் ஒன்றுக்கு அவர் அளித்த சுவாரஸ்யமான பேட்டி இதோ:

‘‘டிவி, மூவி, ஈவெண்ட், யூடியூப் இந்த நான்கு ஜானரிலும் நாங்கள் பணியாற்றியிருக்கிறோம். இந்த நான்கும் வேற என்பது தெரியாமல் தான், நிறைய பேர் யூடியூப்பில் பண்ணிட்டோம், டிவியில் ஜெயித்துவிடுவோம் என்று வந்து தோற்கிறார்கள்.&nbsp;

டிவியில் பண்ணவங்க, நாமும் ஒரு யூடியூப் ஆரம்பிப்போம என்று பண்ணுவாங்க, ஆனால் சக்சஸ் ஆகாது. டிவிக்கும்-யூடியூப்புக்கும் உள்ள மாற்றத்தை சொல்லி புரிய வைக்க முடியாது. ரியாக்‌ஷனிலேயே இரண்டிற்கும் பெரிய வித்தியாசம் இருக்கும்.

சோஷியல் மீடியாவை பொறுத்தவரை, எது பண்ணாலும் போடு, காபி குடித்தாலும் போடு, வீட்டில் சண்டை போட்டாலும் போடு என்று டிஜிட்டல் மாறிவிட்டது. அது ப்ரபெஷனல் தொழில் கிடையாது. பொழுதுபோக்காக செய்யுறது தான் டிஜிட்டல். அதை ப்ரபெஷனலா பண்ணறவங்க ரொம்ப குறைவு. மற்றவர்கள் வியூவ்ஸ்க்காக தான் செய்கிறார்கள். அதையே அவர்கள் செய்து விட்டு, ‘நானும் ஆர்ட்டிஸ்ட்’ தான் என்று நினைக்கிறார்கள். பச்சை மிளகாய் கட் பண்ணா கூட 10 லட்சம் பேர் பார்க்குறானே!

ஸ்டேஜ்ல நீங்க காமெடி பண்ணும் போது, வாய்ஸ் எல்லாருக்கும் போய் சேர்ந்திரும். ரியாக்‌ஷன்ஸ் பின்னாடி இருங்கவங்களுக்கு தெரியாது. அப்போது, அதுக்கு ஏற்ற மாதிரிய நாம ரியாக்‌ஷன் பண்ணனும். ஸ்டேஜ் பெர்பாமன்ஸ் பண்ணும் போது நிறைய பேர் அங்கே வைத்துள்ள ஸ்கிரீனில் தான் நிகழ்ச்சியை பார்ப்பார்கள்.&nbsp;

ஒருத்தன் பத்தாம் வகுப்பு தேர்வு எழுதி ஃபெயில் ஆயிடுறான், மறுபடி அதே தேர்வு எழுதி அவன் பாஸ் ஆகிடுறான். இப்போ, முதலில் அவனை ஃபெயில் ஆக்குனது தப்புனு சொல்வீங்களா? அப்படி தான், கோபி-சுதாகர் முதன் முதலில் ஆடிசன் வந்து ரிஜக்ட் ஆகும் போது, அவங்களோட ஃபெர்பாமன்ஸ் அன்று நன்றாக இல்லை. இது என்னுடைய பார்வை. மற்றவர்கள் பார்வை வேறு விதமாக இருக்கும்.&nbsp;

ஆடிசன் தேர்வுக்கு காலையிலிருந்து இரவு வரை நடுவர்கள் அமர்ந்திருப்பார்கள். வரும் பெரும்பாலானோர் ஒரே மாதிரியான மிமிக்ரி பண்ணி அவர்களை வெறுப்பேற்றுவார்கள். அந்த டென்ஷனில் சில நேரம், அது போன்ற போட்டியாளர்களை ரிஜக்ட் செய்ய வாய்ப்பிருக்கிறது.&nbsp;

ஒருமுறை ஷோவில் நாங்கள் நன்றாக செய்தோம். ஆனால், எங்களுக்கு குறைவான மதிப்பெண் வழங்கப்பட்டது. நான் கவலைப்பட்டேன். அப்போ முல்லை தான் சொன்னான், ‘இது அவங்களோட பார்வையில் வந்த மதிப்பெண், மக்கள் பார்வை வேறு மாதிரி இருக்கும்’ என்று. அது தான் உண்மை,’’ என்று அந்த பேட்டியில் கோதண்டம் பேசியுள்ளார்.&nbsp;

<ul><li>கோபி-சுதாகர் முதன் முதலில் ஆடிசன் வந்து ரிஜக்ட் ஆகும் போது, அவங்களோட ஃபெர்பாமன்ஸ் அன்று நன்றாக இல்லை.</li></ul>

IPL : ஐபிஎல் கில்லிகளும் அவர்களின் ரெக்கார்டும்!

ఐపీఎల్లో అత్యధిక వ్యక్తిగత స్కోరు రికార్డు క్రిస్ గేల్ (175) పేరిట ఉంది

chris gayle is the highest individual scorer in ipl

slide

ஐபிஎல் தொடரில் அதிக தனிநபர் ஸ்கோரை அடித்த சாதனை கிறிஸ் கெயில் (175) படைத்துள்ளார்.

brendon mccullum scored 158 runs in first ever ipl match

బ్రెండన్ మెక్‌కల్లమ్ ఐపీఎల్ తొలి మ్యాచ్‌లోనే మెరుపు వేగంతో 158 రన్స్ చేశాడు

mccullum scored 158 runs in first ever ipl match

ஐபிஎல் முதல் போட்டியில் பிரண்டன் மெக்கல்லம் மின்னல் வேகத்தில் 158 ரன்கள் எடுத்தார்

ఐపీఎల్ 2022లో లక్నో సూపర్ జెయింట్స్ తరఫున డికాక్ 140 రన్స్ చేశాడు

de kock is the third highest scorer with 140 runs

ஐபிஎல் 2022 இல் லக்னோ சூப்பர்ஜெயன்ட்ஸ் அணிக்காக டி காக் 140 ரன்கள் எடுத்தார்

ఆర్సీబీ తరఫున మిస్టర్ 360 డిగ్రీ ప్లేయర్ ఏబీ డివిలియర్స్ 133 రన్స్ చేశాడు

de villiers with 133 is the fourth highest run scorer in ipl

ஆர்சிபி சார்பாக மிஸ்டர் 360 டிகிரி வீரர் ஏபி டி வில்லியர்ஸ் 133 ரன்கள் எடுத்தார்

పంజాబ్ కింగ్స్ తరఫున కేఎల్ రాహుల్ 132 రన్స్ చేశాడు

rahul during his 132 run innings

பஞ்சாப் கிங்ஸ் அணியில் கேஎல் ராகுல் 132 ரன்கள் எடுத்தார்

ab de villers scored 129 runs for rcb in ipl

ఏబీ డివిలియర్స్ ఆర్సీబీ తరఫున మరో మ్యాచ్‌లోనూ 129 రన్స్ చేశాడు

ab de villiers during his 129 runs innings

மற்றொரு ஆட்டத்தில் ஆர்சிபி அணிக்காக ஏபி டி வில்லியர்ஸ் 129 ரன்கள் எடுத்தார்

murali vijay scored 127 runs for csk in ipl

చెన్నై సూపర్ కింగ్స్ తరఫున మురళీ విజయ్ 127 రన్స్ చేశాడు

murali vijay is the 8th in the list for csk in ipl

சென்னை சூப்பர் கிங்ஸ் அணியில் முரளி விஜய் 127 ரன்கள் எடுத்தார்

david warner scored 126 runs as srh captain

సన్‌రైజర్స్ హైదరాబాద్ కెప్టెన్‌గా డేవిడ్ వార్నర్ ఓ ఇన్నింగ్స్‌లో 126 రన్స్ చేశాడు

warner is the 9th in the list with 126 runs

சன்ரைசர்ஸ் ஹைதராபாத் அணியின் கேப்டனாக டேவிட் வார்னர் ஒரு இன்னிங்சில் 126 ரன்கள் எடுத்தார்

ஐபிஎல் போட்டிகளில் சிறப்பாக விளையாடி அதிரடி சதம் அடித்த வீரர்களின் பட்டியல் இதோ

47 Years Of Needhikku Thalaivanangu: ‘இந்த ஒரு காட்சி போதும்’ கதையை சொல்லும்!

இன்றோடு 47 ஆண்டுகளை கடக்கிறது நீதிக்கு தலை வணங்கு திரைப்படம். புரட்சித் தலைவர் எம்.ஜி.ஆர்.,யின் மெகா ஹிட் படங்களில் ஒன்று நீதிக்கு தலை வணங்கு. பி.நீலகண்டன் இயக்கத்தில், எம்.எஸ்.விஸ்வநாதன் இசையில், எம்.ஜி.ஆர்., லதா உள்ளிட்டோர் நடித்த திரைப்படம். படத்தின் தலைப்பை வைத்தே, படத்தின் கதையை கணித்து விட முடியும். அதில் ஒரு காட்சியை வைத்து, முடிவு செய்யலாம். &nbsp;இதோ அந்த அருமையான‌ ஒருகாட்சி…

த‌ற்கொலை முய‌ற்சியில் ஈடுப‌ட்ட‌ த‌ன் வீட்டு டிரைவ‌ரின் த‌ங்கை ரோஜார‌ம‌ணி (த‌ன‌க்கு ப‌திலாக‌ சிறை சென்ற‌ கோபால‌கிருஷ்ண‌னின் த‌ங்கை)யை காப்பாற்றி த‌ன் பாதுகாப்பில் வைத்திருப்பார் எம்ஜிஆர். அவ‌ச‌ர‌த்திற்கு லாட்ஜ் ஒன்றில் ரூம் புக் செய்து த‌ங்க‌ வைத்திருப்பார். தான் வெளியே சென்றுவிட்டு வ‌ருவ‌தாக‌ செல்வார். சிறிது நேர‌த்தில் அந்த‌ ரூமில் நுழைந்த‌ ராம‌தாஸ், ரோஜார‌ம‌ணியிட‌ம் த‌வ‌றாக‌ ந‌ட‌க்க‌ முய‌ற்சிப்பார். அதே நேர‌ம் எம்ஜிஆர் உள்ளே வ‌ந்து ராம‌தாஸை புர‌ட்டி எடுத்து துர‌த்திவிடுவார்.

ரோஜார‌ம‌ணி உட‌னே தலைவ‌ரிட‌ம் அண்ணா, அவ‌னை போலீஸில் பிடித்து கொடுக்காம‌ல் விர‌ட்டி விட்டுவிட்டீர்க‌ளே? என்று ஆத‌ங்க‌ப்ப‌டுவார். அத‌ற்கு த‌லைவ‌ர், த‌ங்க‌ச்சி..அவ‌னை பிடித்து போலீஸில் ஒப்ப‌டைப்ப‌து பெரிய‌ காரிய‌ம‌ல்ல‌. ஆனால், உட‌னே போலீசில் நீ யார்? உன‌க்கும் என‌க்கும் என்ன‌ உற‌வு? என்று கேட்பார்க‌ள்..என்பார். அத‌ற்கு ரோஜா ர‌ம‌ணி தான் த‌ற்கொலை செய்துகொள்ள முய‌ற்சித்த‌போது காப்பாற்றிய‌வ‌ர் இந்த‌ அண்ண‌ன் என்பேன்..என்று சொல்வார். உட‌னே த‌லைவ‌ர், த‌ற்கொலை முய‌ற்சிக்கு த‌னியாக‌ உன்மேல் ஒரு வ‌ழ‌க்கு விழும்.

&nbsp;கோர்ட்டில் தேவையில்லாத‌ கேள்விக‌ள் எல்லாம் கேட்பார்க‌ள் என்பார். உட‌னே ரோஜார‌ம‌ணி அண்ணா! அப்ப‌டின்னா உண்மையே சொல்ல‌க்கூடாதா என்று கேட்பார்..அத‌ற்கு த‌லைவ‌ர் ஐய‌ய்யோ! அதுக்காக‌ நீ பொய் பேச‌ க‌த்துக்காத‌ம்மா! நீதிம‌ன்ற‌த்தில் ந‌ம்த‌ர‌ப்பு நியாய‌த்தை நிரூபிக்க‌ வ‌லுவான‌ ஆதார‌ங்க‌ள் வேண்டும் என்றுதான் கூறுகிறேன் என்பார்.&nbsp;

அண்ணே! இந்த லாட்ஜில் இனி ஒருநிமிட‌ம் கூட‌ இந்த‌ லாட்ஜில் இருக்‌க‌வேண்டாம்ணே என்பார். அத‌ற்கு த‌லைவ‌ர் உன்ன‌ யார் இருக்க‌ சொன்ன‌து..வாட‌கைக்கு வீடு பார்த்து அட்வான்ஸ் கூட‌ கொடுத்தாச்சு. உட‌னே கிள‌ம்ப‌லாம் என்று சொல்வார். ம‌ன‌தில் நின்ற‌ காட்சிக‌ளில் இதுவும் ஒன்று.

(புரட்சித் தலைவர் எம்ஜிஆர் முகநூல் பக்கத்தில் அவரது ரசிகர் பகிர்ந்து அனுபவம் இது).

காட்சிகளில் கூட, ரசிகர்கள் சட்டத்தை மதிக்க வேண்டும் என்பதற்காக தேர்வு செய்து நடித்தவர் &nbsp;எம்.ஜி.ஆர்., என்பதற்கு இந்த காட்சி சான்று. படமும் தான்!

<ul><li>சிறிது நேர‌த்தில் அந்த‌ ரூமில் நுழைந்த‌ ராம‌தாஸ், ரோஜார‌ம‌ணியிட‌ம் த‌வ‌றாக‌ ந‌ட‌க்க‌ முய‌ற்சிப்பார். அதே நேர‌ம் எம்ஜிஆர் உள்ளே வ‌ந்து ராம‌தாஸை புர‌ட்டி எடுத்து துர‌த்திவிடுவார்.</li></ul>

‘6 வருசமா முடங்கிட்டேன் … அதுக்கு நான் ஆள் இல்லை’ -ஆடுகளம் முருகதாஸ் உருக்கம்!

ஆடுகளம் முருகதாஸ். நிறைய படங்களில் நாம் பார்த்துக் கொண்டிருக்கும் துணை நடிகர், நிறை நடிகர். சமீபத்தில் இணையதளம் ஒன்றுக்கு அவர் அளித்த முக்கியத்துவமான பேட்டி இதோ:

‘‘என்னோட சொந்த ஊர் பாண்டிச்சேரி. அங்கு ஆழி ஃசில்ரன்ஸ் தியேட்டர் குரூப் என்கிற ட்ராமா குரூப் இருந்தது. பக்கத்து வீட்டு அண்ணனை பார்த்து, அங்கு போய் சேர்ந்தேன். அங்கே இருந்து வேலு சரவணன் என்பவருடன் இருந்தேன். அங்கே இருந்து கூத்துப்பட்டறை முத்துசாமி சேர்த்துகிட்டார்.&nbsp;

கூத்துப்பட்டறையில் ஒரு நாள் தரணி சார், நாடகம் பார்க்க வந்தார். அங்கே இருந்து தான் கில்லி படத்தில் அவர் அழைத்துச் சென்றார். நடிக்கிறதுக்கு வந்தாச்சு, யார் கூப்பிட்டாலும் போக வேண்டியது தான். நடிக்க வந்த &nbsp;பின், என்ன ரோலாக இருந்தால் என்ன. நான் எதையும் எதிர்பார்த்து நடிக்கவில்லை.

கில்லியில் நடித்தது நல்ல அனுபவம். முதல் படமே விஜய் சார் படம். விஜய் சார் ரசிகன் நான். அவரை நேரில் பார்க்கிறேன், பார்த்துக் கொண்டே இருக்கிறேன். ஒருமுறை அவரை பார்த்துக்கொண்டே டயலாக் விட்டுவிட்டேன். ஆனால், தரணி சார் அதை மேட்ச் செய்து விட்டார். இன்னும் ஊர் பக்கம் போனால், ஆதிவாசி என்று தான் அழைக்கிறார்கள்.&nbsp;

கில்லி படம் பார்க்க, பாண்டிச்சேரி தியேட்டரில் டிக்கெட் இல்லை, என்னை உள்ளே விடவே இல்லை. ‘நான் நடித்திருக்கிறேன்’ என்று சொன்னேன், ‘ போய் சொல்லாதே போயா…’ என அனுப்பிவிட்டார்கள். பிளாக்ல டிக்கெட் வாங்கிட்டு போனேன், இடைவேளையில் தான் அந்த மவுசு தெரிந்தது. அந்த அனுபவத்தை சொல்லவே முடியாது.&nbsp;

நான் நல்ல சட்டை போடுவதற்கும், நல்ல சாப்பாடு சாப்பிடுவதற்கும், என் குழந்தைகள் நல்ல ஸ்கூலுக்கு போறதுக்கும் ஒரே காரணம் வெற்றி மாறன் சார் தான். அவர் தான் எனக்கு கடவுள். புதுப்பேட்டை படத்தில் நடித்துக் கொண்டிருக்கும் போது, தனுஷ் சாரிடம் கதை சொல்ல அங்கு வந்தார். அப்போது பழக்கம் ஏற்பட்டது. அவரை ஃபாலோ பண்ணிட்டு இருந்தேன்.&nbsp;

பொல்லாதவன் ரிலீஸ் ஆகி பெரிய ஹிட். ஆனாலும் நான் அவரை ஃபாலோ பண்ணிட்டே இருந்தேன். ஒருநாள் திடீர்னு மதுரைக்கு வரச் சொன்னார். காரில் உட்காரச் சொல்லி, சலூனுக்கு அழைத்துச் சென்று, லோக்கல் பசங்க மாதிரி முடி வெட்டி விடச் சொன்னார். எனக்கு கண் கலங்குது.&nbsp; இத்தனை வருசம் வச்ச முடி போகுதேனு.&nbsp;

அப்புறம் ஒரு நம்பிக்கை, ‘சரி, முடி வெட்டுறாருனா, வாய்ப்பு உறுதி’ என்று ஆறுதல் பட்டுக்கொண்டேன். அப்படி தான் ஆடுகளம் வாய்ப்பு கிடைத்தது. அது இல்லைனா, நானே இல்ல.&nbsp;

மதுரை பசங்களோடு பேசி பேசி அந்த ஸ்லாங் எல்லாம் காத்துக்கிட்டேன். துணை கதாபாத்திரங்களாக வருகிறதே என்று கவலைப்படும் சூழலில் நான் இல்லை. &nbsp;வாய்ப்பு வந்தால் போதும் என்று தான் நினைக்கிறேன். நான் ஒன்று பெரிய நடிகன் இல்லை. இதை தான் பண்ணனும், இதை பண்ணக்கூடாது என் முடிவு எடுக்கும் அளவிற்கு நான் ஆளில்லை. இப்போ தான் முயற்சி எடுத்துட்டு இருக்கேன்.&nbsp;

இடையில் குழந்தைக்கு அடிபட்டு 3 ஆண்டு போச்சு, கொரோனாவில் 3 ஆண்டு போச்சு. 6 ஆண்டு சும்மா தான் இருந்தேன். இப்போ தான் நடிக்க ஆரம்பிச்சிருக்கேன். வெற்றிமாறன் சாரை பார்த்தே 6 ஆண்டு ஆச்சு. அவரை தொந்தரவு பண்ணக் கூடாதுனு தான் அவரைப் போய் பார்க்கல,’’

என்று அவர் அந்த பேட்டியில் கூறியுள்ளார்.&nbsp;

<ul><li>Aadukalam Murugadoss: கில்லியில் நடித்தது நல்ல அனுபவம். முதல் படமே விஜய் சார் படம். விஜய் சார் ரசிகன் நான். அவரை நேரில் பார்க்கிறேன், பார்த்துக் கொண்டே இருக்கிறேன். ஒருமுறை அவரை பார்த்துக்கொண்டே டயலாக் விட்டுவிட்டேன்.</li></ul>

‘பொறுப்பு வேண்டாமா?’ டில்லி பாஜக பிரமுகருக்கு மதுரை ஐகோர்ட் சரமாரி கேள்வி!

பீகார் மாநில தொழிலாளர்கள் தமிழகத்தில் தாக்கப்படுவது போல் வீடியோ வெளியிட்ட டில்லி பாரதிய ஜனதா கட்சியின் பிரமுகர் பிரசாந்த் குமார் உம்ராவ் முன் ஜாமின் கோரிய மனு தொடர்பான விசாரணையில், நீதிபதி சரமாறி கேள்விகளை எழுப்பினார்.

டெல்லியைச் சேர்ந்த பாஜக கட்சி பிரமுகர் வழக்கறிஞர் பிரசாந்த் குமார் உம்ராவ் என்பவர் உயர்நீதிமன்ற மதுரை கிளையில் மனு ஒன்றை தாக்கல் செய்தார்.&nbsp;

இவர் டெல்லி பாரதிய ஜனதா கட்சியின் முக்கிய பிரமுகராக உள்ளார். மேலும் டெல்லி உயர்நீதிமன்றத்தில் வழக்கறிஞராக பணிபுரிந்து வருகிறார். இவர் கடந்த மூன்றாம் தேதி பீகார் மாநில தொழிலாளர்கள் தமிழ்நாட்டில் கொடூரமாக தாக்கி கொலை செய்வது போன்ற வீடியோவை தனது ட்விட்டர் பக்கத்தில் ஃபார்வேர்ட் செய்திருந்தார். மேலும் பிஹார் மற்றும் வடமாநில தொழிலாளர்களுக்கு தமிழகத்தில் பாதுகாப்பு இல்லை என பதிவேற்றம் செய்திருந்தார்.

‘‘இந்த வீடியோ குறித்து என் மீது தூத்துக்குடி போலிஸ்சார் வழக்கு பதிந்து உள்ளனர். இந்த வீடியோ நான் தயாரித்தது இல்லை, வந்த தகவலை மீண்டும் ஃபார்வேர்ட் செய்துள்ளேன். இதில் எந்த உட்கருத்தும் இல்லை. &nbsp;தான் அரசியல் கட்சியில் உள்ளதால் பழிவாங்கும் நோக்கோடு என் மீது வழக்கு பதிவு செய்யப்பட்டுள்ளது. எனவே எனக்கு முன் ஜாமின் வழங்க வேண்டும்,’’ என அவர் தனது மனுவில் குறிப்பிட்டிருந்தார்.&nbsp;

இந்த மனு நீதிபதி இளந்திரையன் முன்பாக விசாரணைக்கு வந்தது. அப்போது நடந்த விசாரணையின் போது, அரசு தரப்பில் தமிழ்நாடு அரசின் தலைமை குற்றவியல் வழக்கறிஞர் ஹசன் முகமது ஜின்னா ஆஜராகி அறிக்கை தாக்கல் செய்தார். &nbsp;மேலும் அவர் வாதிடுகையில்,&nbsp;

‘‘அமைதியாக உள்ள தமிழகத்தில் திட்டமிட்டு இரு மாநில தொழிலாளர்களுக்கு இடையில் பிரச்சனையை உருவாக்கும் விதமாக இவர் டுவிட் செய்துள்ளார். இது இவரின் முதல் ட்விட் கிடையாது. இதுபோன்று பல சட்ட விரோதமான பொய்யான தகவல்களை ட்விட் செய்து உள்ளார்.&nbsp;

இவ்வாறு இவர் வீடியோ வெளியிட்டதால் தமிழகத்தில் ஒரு அசாதாரண சூழல் உருவானது. ஆனால் தமிழ்நாடு அரசு உடனடியாக வடமாநில தொழிலாளர்கள் கண்காணிக்க டீம் அமைக்கபட்டு அமைதி உருவாக்கப்பட்டது.

இதே போல் ஜார்கண்ட் மாநிலத்தில் இருந்து 8 பேர் கொண்ட அதிகாரிகள் குழு வந்தது ஆய்வு செய்தது. தமிழகத்தின் முதலமைச்சர் நேரில் சென்று வட மாநில தொழிலாளர்களை சந்தித்து அவர்களுக்கு பாதுகாப்பாக இருப்பதாக கூறினார்.

மேலும் உதவி நம்பர் help line number அறிவிக்கப்பட்டது. அதில் தினந்தோறும் ஆயிரக்கணக்கான தொலைபேசி அழைப்புகள், பாதுகாப்பு கோரி பயந்து போன தொழிலாளர்கள் பலர் போன் செய்தனர்.

இவ்வாறு விரைந்து செயல்பட்டதால் மாநிலத்தில் சட்ட ஒழுங்கு பாதுகாக்கப்பட்டது. எனவே இவருக்கு முன் ஜாமீன் வழங்கக் கூடாது,’’ என கடும் எதிர்ப்பு தெரிவித்தார். இதனைத் தொடர்ந்து நீதிபதிகள் மனுதாரர் வழக்கறிஞரிடம் சரமாரியான கேள்விகளை எழுப்பினர்.&nbsp;

‘‘இவர் ஒரு வழக்கறிஞர் ஏன் இது போன்ற வீடியவை பர்வேட் செய்ய வேண்டும்? இதன் தீவிர தன்மை தெரியாதா? எவ்வளவு பிரச்சனை இதனால் ஏற்படுகிறது என தெரியாதா? அவர் எங்கு வேண்டுமானாலும் &nbsp;இருக்கட்டும், அவருக்கு சமுக பொறுப்பு இல்லையா? ஒவ்வொரு நபருக்கு சமூக பொறுப்பு இருக்க வேண்டும்,’’ என கூறிய நீதிபதி, வழக்கின் தீர்ப்புக்காக ஒத்திவைத்து உத்தரவு பிறப்பித்தார்.

Madurai HighCourt: இவர் ஒரு வழக்கறிஞர் ஏன் இது போன்ற வீடியவை பர்வேட் செய்ய வேண்டும்? இதன் தீவிர தன்மை தெரியாதா?

Health Tips: 3 லிட்டர் குடிநீர் இத்தனை பயன் தருமா?

ஒரு நாளைக்கு 3 லிட்டர் தண்ணீர் குடிப்பதால் கிடைக்கும் நன்மைகள்

தண்ணீர் உங்கள் ஆரோக்கியத்திற்கு இன்றியமையாதது என்பது இரகசியமல்ல

நீர் குடிப்பதால் ஏற்படும் நன்மைகள் இதோ


நீரேற்றமாக இருப்பது பல்வேறு உடல் செயல் முறைகளுக்கு முக்கியமானது


ஆரோக்கியம் அதிகரிக்கும்

அதிக நீர் குடித்தால் எடை குறைப்பு எளிதாகும்

எடை இழப்பை அதிகரிக்கும்

அதிகம் குடிநீர் அருந்துவதால் உங்கள் சருமம் மிருதுவாக இருக்கும்

சரும ஆரோக்கியம்


அதிக நீர் பருகினால் சிறுநீரக கல் அடைப்பு பிரச்னை வராது

நீரிழப்பு காரணமாக தலைவலிகள் வராது 

தண்ணீர் குடிப்பதால் உங்கள் எண்ணங்கள் புத்துணர்ச்சி பெறும்


எண்ணங்கள் மாறும்

தினசரி 3 லிட்டர் குடிநீரை நாம் எடுத்துக் கொண்டால், நம் உடலுக்கு ஏற்படும் நன்மைகள் குறித்த டிப்ஸ் இதோ

Aavin: ‘பச்சைக் குழந்தைகள் குடிக்க பால் இல்லாத நிலை’ ஆர்.பி.உதயக்குமார் காட்டம்!

கடந்த அதிமுக 10 ஆண்டுகால ஆட்சியில் பால் தட்டுப்பாடு இல்லை, இன்றைக்கு மக்கள் குடிப்பதற்கு பால் இல்லாத ஒரு அவல நிலை திறனற்ற திமுக ஆட்சியால் ஏற்படுத்தப்பட்டிருப்பதாக சட்டமன்ற எதிர்க்கட்சித் துணைத் தலைவர் ஆர்.பி.உதயகுமார் குற்றம் சாட்டியுள்ளார். இது தொடர்பாக அவர் வெளியிட்டுள்ள அறிக்கையில்,

‘‘முன்னாள் முதலமைச்சர் எடப்பாடி பழனிச்சாமி &nbsp;தமிழகத்தில் ஆவின் பால் தட்டுப்பாட்டை உடனடியாக சீர் செய்திட வேண்டும் என்று இந்த மக்கள் விரோத அரசை தொடர்ந்து வலியுறுத்தி வருகிறார். ஆனால்&nbsp; &nbsp;பால்வளத்துறை அமைச்சர்&nbsp; நடத்திய பேச்சுவார்த்தை தோல்வியில் முடிந்ததால், தமிழகத்தில் பால் கொள்முதல் விலை உயர்ந்த கோரி, இன்று முதல் ஆவினுக்கு பால் நிறுத்த போராட்டம் நடத்தப்பட இருக்கிறது.

&nbsp;பராமரிப்பு செலவு அதிகரித்து இருப்பதால், விவசாயிகளுக்கு நஷ்டம் ஏற்படுவதால், ஆவின் மூலமாக கொள்வது செய்யப்படும் ஒரு லிட்டர் பசும்பாலுக்கு 42 ரூபாயும், எருமைப்பாலுக்கு 51 ரூயாக உயர்த்தி வழங்க வேண்டும் என்றும், கறவை மாடுகளுக்கு ஆவின்நிறுவனம் சார்பில் இலவச காப்பீடு வசதி செய்து கொடுக்க வேண்டும் என்றும், கிராம சங்க பால் கொள்முதலில் ஐ.எஸ்.ஐ பார்முலாவை அமல் படுத்த வேண்டும் என்றும், கால்நடை தீவனத்திற்கு 50 சகவீத மானியத்தை வழங்க வேண்டும்&nbsp; என்று இப்படி பல்வேறு கோரிக்கைகளை வலியுறுத்தி,&nbsp; பால் உற்பத்தியாளர்கள்&nbsp; கோரிக்கை வைத்து போராடி வருகிறார்கள்.&nbsp;

&nbsp;கடந்த அதிமுக ஆட்சி காலத்தில் பத்தாண்டுகளில், பால் தட்டுப்பாடு என்றால் என்ன என்ற நிலை இருந்தது. தற்போது மாறி , இன்றைக்கு மக்கள் குடிப்பதற்கு பால் இல்லாத ஒரு&nbsp; அவல நிலையை, இந்த நிர்வாக திறனற்ற திமுக ஆட்சியாளர்களால் ஏற்படுத்தப்பட்டிருக்கிறது.

&nbsp;தாய்ப்பாலுக்கு நிகராக இருக்கிற ஆவின் பால், பிஞ்சு குழந்தைகளின் சத்துணவாக இருந்தது&nbsp; என்று தமிழக தாய்மார்களிடமிருந்து எடப்பாடியார் பாராட்டை பெற்றார்.

மேலும் அம்மாவின் ஆட்சியில் தமிழக மக்களின் ஏகோபித்த ஆதரவை பெற்ற ஆவின் பால் நிறுவனமும், பால் கூட்டுறவு சங்கங்களும், ஏழை, எளிய, நடுத்தர மக்களுக்கு கட்டுப்படியான விலையிலே, மூன்று வகையான தரமான பால்களை வழங்கி வந்ததை நாம் அறிவோம்.

&nbsp;அதே நேரத்தில் பால் உற்பத்தியாளர்களுக்கு&nbsp; உடனுக்குடன், அவர்கள் வழங்கிய பாலுக்கான விலையை கொடுத்து வந்தது.

&nbsp;இதனால் அம்மாவின் ஆட்சிக்காலத்திலும் சரி,&nbsp; எடப்பாடியார் ஆட்சி காலத்திலும் சரி,&nbsp; 2011 முதல் 2021 வரை 10 ஆண்டுகளாக, ஒரு நாளைக்கு தேவையான அளவு பால் கொள்முதல் செய்யப்பட்டு, தமிழக மக்களுக்கு தடையில்லாமல் விற்பனை செய்யப்பட்டுள்ளது.&nbsp;

&nbsp;அதேபோல் தனியார் பால் நிறுவனங்கள், ஆவின் நிறுவனத்துடன் போட்டி போட்டு கொண்டு, குறைந்த விலைக்கு தரமான பாலை விற்பனை செய்ய முடியாத நிலையிலே, ஆவின் பால் தான் தமிழ்நாட்டு மக்களுடைய ஒரே வரப்பிரசாதமாக அம்மாவின் ஆட்சியில் இருந்தது.

&nbsp;ஆனால் இந்த விடியா திமுக ஆட்சியில் பாலின்&nbsp; தரத்தை குறைத்தும், அதிக அளவில் இருக்கும் பாலுக்கு 12 ரூபாயாக உயர்த்தியும்,&nbsp; இரண்டாம் ரகமாக விற்கும் பாலில் கொழுப்பு சத்தை ஒரு சதவீதம் குறைத்ததும், ஆவின் பொருள்களின் தயிர் ,மோர், நெய், வெண்ணெய், ஐஸ்கிரீம், பால் பவுடர் போன்ற இதர பொருள்களின் விலையை தாறுமாறாக உயர்த்தி, தனியார் நிறுவனங்கள் பயனடைய வழிவகை செய்ததும், 50 சதவீதத்திற்கு மேல் முகவர்களுக்கு பால் சப்ளையை குறைத்ததும், முக்கியமாக பால் உற்பத்தியாளர் இருந்து பால் கொள்முதலை குறைத்தால், இதன் காரணமாக பால் உற்பத்தியாளர்கள் தனியார் நிறுவனங்களுக்கு தங்களுடைய பாலை விற்க தொடங்கி இருக்கிறார்கள்.இது போன்ற காரணங்களால் தமிழக முழுவதும் ஆவின் பாலுக்கு கடுமையான தட்டுப்பாடு ஏற்பட்டுள்ளது. இன்றைக்கு மிகப்பெரிய அளவில் போராட்டம் நடத்துவதற்கு பால் உற்பத்தியாளர் அறிவிப்பு கொடுத்திருக்கிறார்கள்.&nbsp;

ஆகவே இந்த நிலை தொடர்ந்தால், பச்சைக் குழந்தைகள் குடிப்பதற்கு கூட, பால் இல்லாத நிலை ஏற்படும் என்பதை அரசு அறிந்திருக்கிறதா? என்பது தான் இன்றைய வேதனையான கேள்வியாக இருக்கிறது.&nbsp;

ஆவின் பால் தட்டுபாட்டால் மக்கள் கவலையில், துயரத்தில்,&nbsp; வேதனையில் இருக்கிறார்கள் திராவிட முன்னேற்றக் கழக அரசு உடனடியாக கவனம் செலுத்த வேண்டும்,’’

என்று அந்த அறிக்கையில் உதயக்குமார் கூறியுள்ளார்.&nbsp;

<ul><li>R.B.Udhayakumar: தாய்ப்பாலுக்கு நிகராக இருக்கிற ஆவின் பால், பிஞ்சு குழந்தைகளின் சத்துணவாக இருந்தது&nbsp;என்று தமிழக தாய்மார்களிடமிருந்து எடப்பாடியார் பாராட்டை பெற்றார்.</li></ul>

Stalin Navaneethakrishnan