பாலக்கீரை உள்ளிக்காரம்! ஆந்திராவின் ஸ்பெஷல் டிஷ்! சாதம், டிஃபன் இரண்டுக்கும் ஏற்றது!

பெண்கள் தினமும் உணவில் கட்டாயம் ஒரு கீரையை சேர்த்துக்கொள்ளவேண்டும் என்பது கட்டாயம் ஆகும். அது அவர்களுக்கு தேவையான ஊட்டச்சத்துக்களைக் கொடுக்கிறது. கீரைகளில் பெண்களுக்கு தேவையான எது உள்ளது என்று தெரிந்தால் நீங்கள் உணவில் தினமும் ஒரு கீரையை கட்டாயம் சேர்த்துக்கொள்வீர்கள். பெண்களின் உடலில் எண்ணற்ற மாற்றங்கள் ஏற்படும். அவையனைத்துக்கும் உங்களுக்கு நாள் முழுவதும் ஊட்டச்சத்துக்கள் இருந்துகொண்டே இருக்கவேண்டும். இது உங்கள் உடல் இயங்க உதவும் ஒன்றாகும். கீரையில் பாலக்கீரை மிகவும் சிறப்பான ஒன்றாகும். இதில் எண்ணற்ற ஊட்டச்சத்துக்கள் உள்ளது. இதில் பெண்களின் உடலுக்கு தேவையான ஊட்டச்சத்துக்களை வழங்கும் ஆற்றல் அதிகம் உள்ளது.

பாலக்கீரையில் பெண்களுக்கு தேவையான அடிப்படையான சத்துக்களுள் ஒன்றான இரும்புச்சத்து நிறைந்துள்ளது. 100 கிராம் பாலக்கீரையில் 2.7 மில்லிகிராம் இரும்புச்சத்துக்கள் உள்ளது. ஃபோலேட் (வைட்டமின் பி9) உள்ளது. கர்ப்பிணிகளுக்கு கரு வளர்வதற்கு மிகவும் முக்கியமான ஒரு சத்து ஆகும். 100 கிராம் கீரையில் 165 மில்லிகிராம் ஃபோலேட் சத்துக்கள் உள்ளது.

100 கிராம் கீரையில் 99 மில்லிகிராம் கால்சியச் சத்துக்கள் உள்ளது. இது பெண்களின் எலும்பு ஆரோக்கியத்துக்கு மிகவும் நல்லது. 100 கிராம் கீரையில் 79 மில்லிகிராம் மெக்னீசியச் சத்துக்கள் உள்ளது. இது உங்கள் தசைகள் மற்றும் நரம்புகளின் இயக்கத்தை முறைப்படுத்துகிறது. ரத்தத்தை உறையச் செய்யவும், எலும்பு ஆரோக்கியத்துக்கும் வைட்டமின் கே சத்து மிகவும் முக்கியமானது. 100 கிராம் கீரையில் 482 மில்லி கிராம் வைட்டமின் கே சத்துக்கள் உள்ளது. வைட்டமின் ஏ உடலின் நோய் எதிர்ப்புத்திறனை அதிகரிக்கிறது. கண் பார்வைத்திறன் அதிகரிக்கவும், சரும ஆரோக்கியத்துக்கும் உதவுகிறது. இது பெண்களின் இனப்பெருக்க ஆரோக்கியத்துக்கு நல்லது. 100 கிராம் கீரையில் ஒரு நாளைக்கு தேவையான அளவு வைட்டமின் ஏ சத்துக்கள் உள்ளது.

வைட்டமின் சி ஒரு சக்தி வாய்ந்த ஆன்டி ஆக்ஸிடன்ட் ஆகும். 100 கிராம் கீரையில் 28.1 மில்லிகிராம் வைட்டமின் சி சத்துக்கள் உள்ளது. லியூட்டின் என்ற ஆன்டி ஆக்ஸிடன்ட் கண் ஆரோக்கியத்துக்கு உதவுகிறது. 100 கிராம் கீரையில் 10 மில்லிகிராம் லியூட்டின் உள்ளது. 100 கிராம் கீரையில் 558 மில்லிகிராம் பொட்டாசியச் சத்துக்கள் உள்ளது. இது உங்கள் ரத்த அழுத்தத்தை முறைப்படுத்த உதவுகிறது. 100 கிராம் கீரையில் 0.9 மில்லிகிராம் மாங்கனீஸ் சத்துக்கள் உள்ளது. இது உங்கள் உடலில் எலும்பு வளர உதவுகிறது.

இத்தனை ஆரோக்கிய நன்மைகளை அள்ளி வழங்கும் பாலக்கீரையில் உள்ளக்காரம் செய்வது எப்படி என்று பாருங்கள்.

தேவையான பொருட்கள்

பாலக்கீரை – ஒரு கட்டு

(ஆய்ந்து கழுவி சுத்தம் செய்து வைத்து, நறுக்கி வைத்துக்கொள்ளவேண்டும்)

எண்ணெய் – 4 டேபிள் ஸ்பூன்

பெரிய வெங்காயம் – 1

வர மிளகாய் – 4

உளுந்து – ஒரு ஸ்பூன்

சீரகம் – ஒரு ஸ்பூன்

கடலை பருப்பு – ஒரு ஸ்பூன்

பூண்டு – 10 பல்

மிளகாய்த் தூள் – ஒரு ஸ்பூன்

அல்லது

குழம்பு தூள் – ஒரு ஸ்பூன்

உப்பு – தேவையான அளவு

செய்முறை

ஒரு கடாயில் எண்ணெய் சேர்த்து அது சூடானவுடன் அதில், கடலை பருப்பு, உளுந்து, சீரகம், வர மிளகாய் சேர்த்து பொன்னிறமானவுடன், நறுக்கி வைத்துள்ள பெரிய வெங்காயத்தை சேர்த்து வதக்கவேண்டும். அதில் பூண்டை தட்டி சேர்த்து வதக்கிவிட்டு, அதனுடன் மிளகாய்த்தூள் மற்றும் உப்பு சேர்த்து நன்றாக வதக்கி அடுப்பில் இருந்து இறக்கி ஆறவிடவேண்டும். நன்றாக ஆறியவுடன், இதை மிக்ஸி ஜாரில் சேர்த்து ஒன்றிரண்டாக அரைத்துக்கொள்ளவேண்டும்.

கடாயில் கீரையை சேர்த்து தண்ணீர் தெளித்து வேகவைத்து, அரைத்து வைத்துள்ள விழுதை சேர்த்து கொஞ்சம் தண்ணீர் சேர்த்து நன்றாக கொதிக்கவிடவேண்டும். இதை சூடான சாதத்தில் சேர்த்து பிசைந்துகொள்ளவேண்டும். இதை இட்லி, தோசை, பூரி, சப்பாத்தி, ரொட்டி என அனைத்துக்கும் தொட்டுக்கொள்ளலாம். இதை இரண்டு நாட்கள் வரை ஃபிரிட்ஜில் வைத்துக்கொள்ளலாம். நன்றாக இருக்கும்.

இதுபோன்ற எண்ணற்ற ரெசிபிக்கள், அரிய ஆரோக்கிய குறிப்புகள் மற்றும் தகவல்களை தேர்ந்தெடுத்து ஹெச்.டி தமிழ் உங்களுக்காக வழங்கிவருகிறது. தீபாவளி போன்ற பண்டிகை காலங்களில் தீபாவளி சிறப்பு இனிப்புகள் உள்ளிட்ட தொடர்பான விஷயங்களை கொடுக்கிறோம். எனவே இதுபோன்ற தகவல்களை தொடர்ந்து பெற எங்கள் இணையப் பக்கத்தில் இணைந்திருங்கள். இந்த ரெசிபிக்களை செய்து சாப்பிட்டு பாதுகாப்பான தீபாவளியைக் கொண்டாடி மகிழ வாழ்த்துக்கள்.