முந்திரி பருப்பு சாப்பிட்டால் கொலஸ்ட்ரால் கூடுமா.. அட இந்த சின்ன முந்திரி பருப்பில் இவ்வளவு மேட்டர் இருக்கா!

முந்திரியில் அத்தியாவசிய வைட்டமின்கள், தாதுக்கள், நார்ச்சத்து, ஆக்ஸிஜனேற்றிகள், புரதம் மற்றும் ஆரோக்கியமான கொழுப்புகள் நிறைந்துள்ளன. அதனால்தான் அவற்றை தினமும் சாப்பிட்டு வந்தால், ஒட்டுமொத்த ஆரோக்கியத்திற்கும் நல்லது. உடல் எடையை குறைக்க விரும்புபவர்கள் முந்திரியை உணவில் சேர்த்துக்கொள்ளலாம். இருப்பினும், இதைப் பற்றிய தவறான கருத்து மிகவும் பிரபலமாகிவிட்டது. முந்திரி பருப்பு சாப்பிடுவதால் உடலில் கொலஸ்ட்ரால் அதிகரிக்கும் என்று கூறப்படுகிறது. இருப்பினும், இந்த விஷயத்தில் உண்மை உள்ளதா என்பது குறித்து விரிவாக பார்க்கலாம்

முந்திரியில் கொலஸ்ட்ரால் இல்லை

முந்திரியில் கொலஸ்ட்ரால் இல்லை. மரங்களில் இருந்து வரும் எதிலும் கொலஸ்ட்ரால் இல்லை. இறைச்சி போன்ற விலங்கு பொருட்களில் மட்டுமே கொலஸ்ட்ரால் உள்ளது.

முந்திரி சாப்பிடுவதால் உடலில் கொலஸ்ட்ரால் அதிகரிக்கும் என்ற கட்டுக்கதை சரியல்ல. ஒரு நாளைக்கு 10 முந்திரி வரை சாப்பிடலாம். இந்த அளவு உட்கொள்வதால் பல ஆரோக்கிய நன்மைகள் உள்ளன. நீங்கள் அதிகமாக சாப்பிட்டால், உங்கள் வயிற்றில் சில அசௌகரியங்களை உணரலாம். முழு முந்திரியை சாப்பிட்டால் கொலஸ்ட்ரால் அதிகரிக்கும் என்பது உண்மையல்ல.

கெட்ட கொலஸ்ட்ராலை குறைக்கிறது

முந்திரியில் ஆன்டிஆக்ஸிடன்ட்கள் மற்றும் நிறைவுறா கொழுப்புகள் நிறைந்துள்ளன. இவற்றை சாப்பிடுவதால் உடலில் உள்ள கெட்ட கொலஸ்ட்ரால் குறையும். முந்திரி பருப்பு இதய ஆரோக்கியத்திற்கு நல்லது. வழக்கமான நுகர்வு இதய நோய்களின் அபாயத்தை குறைக்கிறது.

முந்திரி பருப்பின் மற்ற நன்மைகள்

உடல் எடையை குறைப்பு: முந்திரி சாப்பிடுவது நீண்ட நேரம் நிறைவான உணர்வைத் தரும். பெரும்பாலும் பசி வராமல் இருக்க உதவும். இதனால், சிக்கனமாக சாப்பிடுவோம் என்ற அவசியம் இல்லை. இது அதிக கலோரிகளை உட்கொள்வதைத் தடுக்கலாம். அதனால் உடல் எடையை குறைக்க முயற்சிப்பவர்கள் முந்திரியை உணவில் சேர்த்துக்கொள்ள வேண்டும். இவற்றில் உள்ள நார்ச்சத்து மற்றும் புரதச்சத்து எடையைக் குறைக்கவும் உதவுகிறது.

எலும்பு வலிமை : முந்திரியில் கால்சியம் மற்றும் மெக்னீசியம் உள்ளிட்ட தாதுக்கள் அதிகம் உள்ளன. இவற்றை சாப்பிடுவதன் மூலம் எலும்புகளின் வலிமையும் அடர்த்தியும் மேம்படும். ஆஸ்டியோபோரோசிஸ் அபாயத்தைக் குறைக்கிறது.

நோய் எதிர்ப்பு சக்தியை மேம்படுத்துகிறது: கேடனாய்டுகள் மற்றும் பாலிபினால்கள் போன்ற ஆன்டிஆக்ஸிடன்ட்கள் முந்திரியில் உள்ளன. இதனால், உடலில் நோய் எதிர்ப்பு சக்தி மேம்படும். நோய்த்தொற்றுகள் மற்றும் நோய்களுக்கு எதிராக உடல் சிறப்பாக போராட முந்திரி உதவுகிறது. இது ஒட்டுமொத்த ஆரோக்கியத்திற்கும் நல்லது.

செரிமான அமைப்பு: முந்திரியை அளவாக உட்கொண்டால் செரிமான அமைப்புக்கு நல்லது. இதில் உணவு நார்ச்சத்து உள்ளது. இதனால் செரிமானம் வேகமாக நடக்கும். மலச்சிக்கல் போன்ற வயிறு தொடர்பான பிரச்சனைகளைக் குறைக்கவும் உதவுகிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்சினைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.