Afternoon Sleeping : மதியம் ஒரு குட்டி தூக்கம் போடுபவரா நீங்கள்.. அப்படி தூங்குவதால் கிடைக்கும் பலன் என்ன தெரியுமா?

Afternoon Sleeping : தூக்கம் என்பது அனைவருக்கும் மிகவும் முக்கியமானது. நீங்கள் சரியாக தூங்கவில்லை என்றால், உங்கள் நாள் முழுவதும் பாழாகிவிடும். ஆரோக்கியத்தையும் பாதிக்கிறது. தூக்கம் சரியில்லை என்றால் பல உடல் நல பிரச்சனைகள் வரும். சரியான தூக்கம் இல்லாமல் பல வழிகளில் சிரமங்களை சந்திக்க நேரிடும். ஒட்டுமொத்த நல்வாழ்வுக்கு தூக்கம் முக்கியமானது. ஆனால் சிலருக்கு மதியம் தூங்கும் பழக்கம் இருக்கும். இது குறித்து அறிந்து கொள்ளுங்கள்.

சரியாக தூங்காமல் இருப்பது தூக்கமின்மை அல்ல, தூக்கமின்மை ஒரு நோய். ஆனால் போதுமான தூக்கம் வராமல் இருப்பதற்கு பல்வேறு காரணங்கள் உள்ளன. தூக்கமின்மை நம் கட்டுப்பாட்டில் இல்லை. ஆனால் தூக்கம் சரியில்லை என்றால் அது மறைமுகமாக நமது வாழ்க்கை முறையுடன் தொடர்புடையது.

மதிய தூக்கம் நல்லதா?

பெரும்பாலானவர்கள் மதிய உணவுக்குப் பிறகு சிறிது நேரம் படுத்து உறங்குவார்கள். அதாவது 15 நிமிடம் முதல் 20 நிமிடம் முதல் ஒரு மணி நேரம் வரை தூங்குபவர்கள் இருக்கலாம். சிலருக்கு இது தினசரி வழக்கமாக இருந்தாலும், சிலருக்கு அவ்வப்போது இப்படி தூங்கி ஓய்வெடுப்பது வழக்கம்.

ஆனால் இப்படி மதியம் தூங்குவது உடல் நலத்திற்கு நல்லது, ஆனால் அது அனைவருக்கும் நல்ல பழக்கம் இல்லை. மதியம் தூங்க விரும்பாதவர் யார்? எவ்வளவு நேரம் தூங்க வேண்டும்? இதன் சாதக பாதகங்களை அறிய முயற்சிப்போம்.

மதிய தூக்க நேரம்

நிபுணர்களின் கூற்றுப்படி, மதிய உணவை 2 மணிக்கு முன்பே முடிக்க வேண்டும். மதியம் தூங்க வேண்டும் என்றால் 3 மணி அளவில் தூங்கி 4 மணி அளவில் எழுந்திருக்க வேண்டும் என்கின்றனர் நிபுணர்கள். ஏனெனில் தாமதமாகச் சாப்பிடுவது, தாமதமாகப் படுப்பது, தாமதமாக எழுவது ஆகியவை இரவில் தூக்கத்தைப் பாதிக்கிறது. தாமதமாக படுக்கைக்குச் சென்றால், இரவில் தூங்க முடியாமல் போகலாம்.

மதியம் தூங்கி 4 மணிக்கு எழ வேண்டும். இந்த மதிய நேர தூக்கம் என்பது 15 முதல் 20 நிமிடங்களுக்குள் மட்டுமே இருக்க வேண்டும் என்பது நல்ல விசயம். இதை விட அதிக நேரம் தூங்க வேண்டாம் என்று கூறப்படுகிறது. ஏனென்றால் அதிக நேரம் தூங்கும் போது, ​​அன்று மீண்டும் எதையும் செய்ய மனம் வராது, இரவில் அதிக தூக்கம் வராது. மதியம் குட்டியாக ஒரு தூக்கம் போடுவது பலருக்கும் புத்துணர்ச்சியுடன் வேலைகளை செய்ய உதவும் என நிபுணர்கள் கூறுகினற்னர். 

ஆனால் மதியம் படுக்கைக்குச் சென்றவுடன் நீங்கள் விரைவில் எழுந்தால், மீண்டும் தூங்க முயற்சிக்காதீர்கள். ஏனெனில் உடலுக்கு எவ்வளவு ஓய்வு மற்றும் தூக்கம் தேவை என்பதை உடலே தீர்மானிக்கிறது. மீண்டும் படுத்தால் மந்தமாக இருக்கும். நீங்கள் தூங்கச் செல்ல உங்களை கட்டாயப்படுத்தினால், நீங்கள் தூங்காமல் நேரத்தை வீணடிக்கலாம். ஆழ்ந்த உறக்கத்தில் விழுவது தாமதமான விழிப்புக்கு வழிவகுக்கும்.

அலாரம்

மதியம் அல்லது இரவு படுக்கைக்குச் செல்வதற்கு முன் அலாரத்தை அமைக்கவும். ஏனென்றால் நீங்கள் தினமும் தூங்கும் நேரத்தை பின்பற்ற வேண்டும். ஒவ்வொரு நாளும் அந்த நேரத்தைக் கவனியுங்கள். பின்னர் நீங்கள் சரியான நேரத்தில் தூங்க ஆரம்பிக்கிறீர்கள். இதை தினமும் செய்து பாருங்கள். மதியம் மற்றும் இரவு தூங்குவதற்கு சரியான நேரத்தை திட்டமிடுங்கள். 

இரவில் தூங்குவதற்கு குறைந்தது ஒரு மணி நேரத்திற்கு முன்பு,செல்போன் டிஜிட்டல் திரையில் இருந்து விலகி இருப்பது ஆழ்ந்த தூக்கம் பெற உதவும்.