சூர்யா ரசிகர்களே.. காத்திருப்பு போதும்.. கசிந்தது தகவல்.. தயாராகுங்கள்.. கங்குவா ஆடியோ லான்ச்சுக்கு..

நடிகர் சூர்யா நடித்து இருக்கும் கங்குவா படம் எப்போது வெளியாகும் என திரையுலகினர் காத்திருக்கின்றனர். சூர்யாவின் திரைப்பட பயணத்திலேயே அதிக பட்ஜெட்டில் எடுத்த படம் என்றால் அது கங்குவா தான். ஃபேண்டஸி ஆக்‌ஷன் படமாக இந்தப் படத்தை உருவாக்கியுள்ளார் இயக்குநர் சிறுத்தை சிவா. டிரைலர் பிரம்மாண்டமாக இருந்ததால் நடிகர் சூர்யாவின் ரசிகர்களுக்கு கங்குவா மீதான எதிர்பார்ப்பு வேறு லெவலுக்கு சென்று இருக்கிறது.

தள்ளிப்போன ரிலீஸ்

அக்டோபர் 10ம் தேதி வெளியாக இருந்த கங்குவா திரைப்படம், நடிகர் ரஜினிகாந்தின் வேட்டையன் திரைப்பட வெளியீட்டால் தள்ளிப் போனது. இதைத் தொடர்ந்து கங்குவா, குழந்தைகள் தினத்தை முன்னிட்டு நவம்பர் 14ம் தேதி வெளியாகும் என அறிவிக்கப்பட்டது.

படக்குழு

கங்குவா படம் சுமார் ரூ. 300 கோடி பட்ஜெட்டில் உருவாகியுள்ளதாக தெரிகிறது. ஸ்டுடியோ கிரீன் மற்றும் யுவி கிரியேஷன்ஸ் பேனர்கள் இப்படத்தை தயாரித்தன. சூர்யா ஹீரோவாக நடித்த இந்தப் படத்தில் பாலிவுட் நடிகர் பாபி தியோல் வில்லனாக நடித்திருந்தார். திஷா பதானி, நடராஜன் சுப்ரமணியம், ஜெகபதி பாபு, கிச்சா சுதீப், யோகி பாபு ஆகியோர் முக்கிய வேடங்களில் நடித்துள்ளனர். இந்த படத்திற்கு தேவி ஸ்ரீபிரசாத் இசையமைத்துள்ளார். தமிழ், தெலுங்கு, ஹிந்தி, மலையாளம், கன்னடம் ஆகிய மொழிகளிலும் இப்படம் வெளியாகவுள்ளது. சில வெளிநாட்டு மொழிகளிலும் டப்பிங் செய்ய தயாரிப்பாளர்கள் திட்டமிட்டுள்ளனர்.

ஃபயர் பாடல்

சிறுத்தை சிவா இயக்கத்தில் சூர்யா நடித்திருக்கும் கங்குவா திரைப்படம் விரைவில் வெளியாக இருக்கிறது. இந்த படத்தில் ஃபயர் பாடல் என்ற சிங்கிள் ட்ராக் வெளியாகியுள்ளது. ரசிகர்கள் மத்தியில் வரவேற்பை பெற்றிருக்கும் இந்த பாடலை விவேகா எழுதியுள்ளார். வி.எம். மகாலிங்கம், செந்தில் கணேஷ், சென்பகராஜ், தீப்தி சுரேஷ் ஆகியோர் பாடியுள்ளனர்.

இசை வெளியீட்டு விழா

இந்நிலையில் கங்குவா திரைப்படத்தின் அடுத்த பாடல் மற்றும் இசை வெளியீட்டு விழா எப்போது நடக்கும் என நடிகர் சூர்யாவின் ரசிகர்கள் கேள்வி எழுப்பி வந்த நிலையில், அதுகுறித்த முக்கிய தகவல் ஒன்று வெளியாகியுள்ளது.

அதன்படி, கங்குவா திரைப்படம் அடுத்த மாதம் வெளியாகவுள்ளதால், கண்டிப்பாக இம்மாத இறுதிக்குள் இசை வெளியீட்டு விழா நடைபெறும். அதுவும் சென்னையிலுள்ள கல்லூரி ஒன்றில் இந்த நிகழ்ச்சி நடத்தப்பட வாய்ப்புள்ளது என சினிமா வட்டாரத்தில் தகவல்கள் கசிகின்றன. இநம்த அறிவிப்பால், சூர்யா ரசிகர்கள் குஷியாகி உள்ளனர்.

ஆர்வத்தில் ரசிகர்கள்

நடிகர் சூர்யா கதாநாயகனாக நடித்து 2022ம் ஆண்டு வெளிவந்த திரைப்படம் எதற்கும் துணிந்தவன். இதையடுத்து அவர் நடிகர் கமல் ஹாசனின் விக்ரம் படத்தில் கேமியோ ரோல் செய்திருந்தார். இதன் பின் சூர்யாவின் படங்கள் எதுவும் வெளியாகவில்லை. சுமார் 2 வருடங்களாக சூர்யாவின் எந்தப் படமும் வெளிவராததால், விரைவில் கங்குவா திரைக்கு வரவேண்டும் என ரசிகர்கள் விருப்பப்டுகின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்