Jadeja: "இனி நான் தயாரிப்பாளர் ஜடேஜா" தோனியை தொடர்ந்து படம் தயாரிக்கும் ஜடேஜா!

கிரிக்கெட் ரசிகர்களின் மனதில் நீங்கா இடம் பிடித்த இந்திய கிரிக்கெட் அணியின் முன்னாள் கேப்டன் எம்.எஸ் தோனி சினிமா தயாரிப்பு நிறுவனம் தொடங்கி தமிழில் படம் ஒன்று தயாரித்து வருகிறார்.

அந்தப் படத்திற்கு எல்.ஜி.எம் என பெயரிடப்பட்டுள்ளது. இந்த படத்தில் நடிகர் ஹரிஷ் கல்யாண், நடிகை இவானா, யோகி பாபு, நதியா உள்ளிட்ட ஒரு முக்கிய கதாபாத்திரங்களின் நடிக்கின்றனர். இந்த படத்தை தமிழ்மணி இயக்குகிறார்.

இந்நிலையில் கிரிக்கெட் வீரர் தோனி போல் அவருடைய நண்பரும், முன்னணி கிரிக்கெட் வீரருமான ரவீந்திர ஜடேஜா தற்போது படம் தயாரிக்கும் களத்தில் இறங்கியுள்ளார். தற்போது அந்த படத்திற்கு பச்சாதர் கா ஜோரா (Pachhattar Ka Chhora) என பயிரிடப்பட்டுள்ளது. இந்தப் படத்தை ஜெயந்த் கில்டார் இயக்குகிறார்.

இந்த திரைப்படத்தில் ரன்தீப் ஹூடா, நீனா குப்தா, சஞ்சய் மிஸ்ரா உள்ளிட்ட பலர் முக்கிய கதாபாத்திரங்களின் நடிக்கின்றனர். இதன் படப்பிடிப்பு விரைவில் தொடங்க உள்ளது என தெரிவிக்கப்பட்டுள்ளது.

எம்.எஸ் தோனியை அடுத்து அவரது நண்பரான ஜடேஜா படத் தயாரிப்பில் களம் இறங்கி இருப்பது அனைவருக்கும் ஆச்சரியத்தை ஏற்படுத்தியுள்ளது. மேலும் பலர் இதற்கு தங்களது வாழ்த்துக்களைத் தெரிவித்து வருகின்றனர்.