காளான் சாப்பிடுவதால் கிடைக்கும் அற்புதமான 5 பலன்கள் இதோ.. சர்க்கரை நோய் முதல் உடல் எடை குறைப்பு வரை!

நாம் உணவில் அடிக்கடி களான் சேர்த்து கொள்வது நல்லது. ஏனெனில் காளான் சாப்பிடுவதற்கு மிகவும் சுவையாக இருப்பது மட்டுமல்லாமல், உங்கள் ஆரோக்கியத்திற்கு பல அற்புதமான நன்மைகளையும் வழங்குகிறது. இதில் உள்ள புரதம், வைட்டமின் சி, வைட்டமின் பி, வைட்டமின் டி, செலினியம், பைட்டோ கெமிக்கல்கள், தாமிரம், பொட்டாசியம், பாஸ்பரஸ் மற்றும் ஆன்டிஆக்ஸிடன்ட்கள் போன்ற ஊட்டச்சத்துக்கள் பல உடல்நலப் பிரச்சனைகளைத் தவிர்க்க உதவுகின்றன. காளான்களை உட்கொள்வது குறிப்பாக பெண்களின் ஆரோக்கியத்திற்கு நல்லது என்று கருதப்படுகிறது. இதனை தொடர்ந்து உட்கொள்வதன் மூலம் நீங்கள் அன்றாடம் சந்திக்கும் சில பிரச்சனைகளில் இருந்து விடுபடலாம். உங்கள் உணவில் காளான்களைச் சேர்ப்பதால் ஏற்படும் ஆரோக்கிய நன்மைகள் என்ன என்பதை இங்கு விரிவாக தெரிந்து கொள்ளுங்கள்.

காளான்களை சாப்பிடுவது இந்த ஆரோக்கிய நன்மைகளை அளிக்கிறது

எடை இழப்பு

நீங்கள் உங்கள் எடை இழப்பு பயணத்தில் இருந்தால், காளான்களை அடிக்கடி சேர்த்து கொள்வது உங்களுக்கு பயனுள்ளதாக இருக்கும். காளான்கள், குறைந்த கலோரிகள் மற்றும் நார்ச்சத்து நிறைந்தவை, உங்களை நீண்ட நேரம் பசி உணர்வு இல்லாமல் நிறைவாக வைத்திருக்கும். இது பசியைக் கட்டுப்படுத்த உதவுகிறது. தாமிரம், பொட்டாசியம், செலினியம் மற்றும் வைட்டமின் சி ஆகியவை காளானில் உள்ளன. இது ஹார்மோன்களை சமநிலையில் வைத்திருக்கவும், உணவு பசியிலிருந்து விலக்கவும் உதவுகிறது.

காளான் எலும்புகளை வலுவாக வைத்திருக்கும்

காளான்களை உட்கொள்வது எலும்புகளை வலுவாக வைத்திருக்க உதவுகிறது. காளானில் உள்ள நார்ச்சத்து, வைட்டமின் டி, புரதம், துத்தநாகம் மற்றும் செலினியம் ஆகியவை வயதுக்கு ஏற்ப எலும்புகள் வலுவிழக்காமல் தடுக்கிறது என்று ஆராய்ச்சி கூறுகிறது.

சிறந்த நோய் எதிர்ப்பு அமைப்பு

காளான்கள் ஊட்டச்சத்துக்களின் சக்தியாகக் கருதப்படுகிறது. காளான்களில் பாலிசாக்கரைடுகள், ஆக்ஸிஜனேற்றிகள் மற்றும் ஆன்டிபயாடிக் பண்புகள் உள்ளன. இது நோய் எதிர்ப்பு சக்தியை அதிகரிக்க உதவுகிறது. அதன் வழக்கமான நுகர்வு மூலம், உடல் அனைத்து அத்தியாவசிய அமினோ அமிலங்களையும் பெறுகிறது, இது உடல் பாக்டீரியா தொற்றுகளை எதிர்த்துப் போராட உதவுகிறது.

தோல்

காளானில் உள்ள பாக்டீரியா எதிர்ப்பு மற்றும் ஆண்டிமைக்ரோபியல் பண்புகள் சருமத்தில் முகப்பருவை ஏற்படுத்தும் பாக்டீரியாக்களின் வளர்ச்சியைத் தடுக்க உதவும். இதன் காரணமாக சருமத்தை மிகவும் பொழிவாகவும் கரும்புள்ளிகள் இன்றி அழகாகவும் இருக்கும்.

சர்க்கரை நோய்

நீரிழிவு நோயாளிகளுக்கும் காளான் சாப்பிடுவது நல்லது என்று கருதப்படுகிறது. காளான்கள் குறைந்த கிளைசெமிக் குறியீட்டைக் கொண்டுள்ளன. இதன் காரணமாக அவற்றை உட்கொள்வது இரத்த சர்க்கரையை அதிகரிக்காது. இது தவிர, காளானில் வைட்டமின் பி மற்றும் பாலிசாக்கரைடு உள்ளது. இது இரத்த சர்க்கரை மற்றும் கொழுப்பைக் கட்டுப்படுத்த உதவுகிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்சினைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.

ஆரோக்கியம் தொடர்பான பல தகவல்களை தெரிந்து கொள்ள இந்துஸ்தான் டைம்ஸ் தமிழுடன் இணைந்திருங்கள்.