Empty Stomach: காலையில் வெறும் வயிற்றில் பழச்சாறு குடிப்பதால் ஏற்படும் பிரச்சனைகள்.. செரிமானம் முதல் சர்க்கரை வரை!

Empty Stomach : காலையில் எழுந்தவுடன் நம்மிடையே பலருக்கும் ஒரு பழக்கம் இருக்கிறது. பல் விலக்கி முகம் கழுவிய கையுடன் வெறும் வயிற்றில் அனைத்து வகையான உணவுகளையும் சாப்பிடும் பழக்கம் இருக்கிறது. அந்த மாதிரி பழக்கம் இருக்கும் பட்சத்தில் கட்டாயம் மாற்றி கொள்ள வேண்டும். அதேபோல் நம்மில் பலருக்கு குறிப்பாக வெறும் வயிற்றில் எந்த பழ ஜூஸூம் குடிப்பது நல்லதல்ல என்கின்றனர் ஊட்டச்சத்து நிபுணர்கள். பழச்சாறுகள் ஆரோக்கியத்திற்கு நல்லது தான் என்ற போதிலும் கூட அதற்கும் சில நேரகாலம் உண்டு. ஆனால் வெறும் வயிற்றில் பழச்சாறுகளை குடிப்பது உடல் நலத்திற்கு கேடு விளைவிக்கும் என்று விளக்கப்பட்டுள்ளது. அதையும் அவசியம் கவனத்தில் எடுத்து கொள்ள வேண்டிய கட்டாயம் நமக்கு உள்ளது.

பழச்சாறுகளை ஏன் குடிக்கக்கூடாது?

வெறும் வயிற்றில் பழச்சாறுகளை குடிப்பதால் இரத்தத்தில் உள்ள நம்முடைய சர்க்கரையின் அளவு அதிகரிக்கும். ஏனெனில் பழங்களாக நாம் சாப்பிடும் போது நார்ச்சத்து நிறைய உள்ளது. ஆனால் பழச்சாறுகளாக பிழிந்து எடுத்த பின்னர் நார்ச்சத்து முழுமையாக நீங்கி விடுகிறது. 

இதன் காரணமாக பழங்களை சாப்பிட்டால் ரத்தத்தில் சர்க்கரை அளவு மெதுவாக உயரும். இதையே ஜூஸ் வடிவில் குடித்தால், வேகமாக உயரும். எனவே பழங்களை வெறும் வயிற்றில் சாப்பிடலாம் என்பதும் சிக்கல் தான். ஆனால் பழச்சாறுகளை வெறும் வயிற்றில் கட்டாயம் சாப்பிடக்கூடாது.

வெறும் வயிற்றில் பழச்சாறு குடிப்பதால் நமக்கு கூடுதலாக தாகம் அதிகரிக்கும். ஏனென்றால், பழச்சாறுகளை குடித்த பிறகு, இரத்தத்தில் சர்க்கரையின் அளவு மிகவும் அதிகமாகிறது. இதனால் மிகுந்த சோர்வு ஏற்படுகிறது. அப்போது உடல் ஆற்றலுக்காக அதிக கலோரிகள் தேவைப்படுகிறது. இதனால் தாகமும் பசியும் ஏற்படும்.

பழங்கள் நல்லது ஆனால்...

வெறும் வயிற்றில் பழச்சாறுகளை குடிப்பது உங்கள் பற்களை சேதப்படுத்தும். பழச்சாறு அமிலத்தன்மை கொண்டது. இதனால் பற்களில் உள்ள பற்களில் எனாமல் அரிப்பு ஏற்படுகிறது. இதனால் பல் சிதைவு ஏற்படுகிறது. செரிமானத்திற்கு நார்ச்சத்து அவசியம். பழங்களில் நார்ச்சத்து உள்ளது. ஆனால் பழச்சாறுகளில் இல்லை. அதனால் செரிமான பிரச்சனைகள் ஏற்படும். குறிப்பாக அசிடிட்டி போன்ற பிரச்சனைகள் வரலாம். இதனால் இரைப்பை பிரச்சனை ஏற்படுகிறது.

எதையாவது சாப்பிட்ட பிறகு பழச்சாறுகள் குடித்தால் எல்லாம் சரியாகிவிடும். மேலும், மற்ற உணவுகளை சாப்பிட்ட பிறகு பழச்சாறுகளை உட்கொள்வது ஊட்டச்சத்துக்களை உறிஞ்சுவதை மேம்படுத்துகிறது. ஊட்டச்சத்து குறைபாட்டை தடுக்கலாம். எனவே யாரும் காலையில் எழுந்தவுடன் வெறும் வயிற்றில் ஜூஸ் குடிக்கக் கூடாது. உண்மையைச் சொல்வதென்றால், வெறும் வயிற்றில் டீ, காபி குடிப்பது கூட நல்லது இல்லை தான். ஆனால், கோடிக்கணக்கான மக்கள் இவற்றுடன் பழகிவிட்டனர். இப்போது அவர்களால் திடீரென நிறுத்தவும் முடியாது. 

காலையில் எழுந்தவுடன் வெதுவெதுப்பான நீரைக் குடிப்பது அவசியம். உடலுக்கு மிகவும் நல்லது. மேலும், அந்த வெதுவெதுப்பான நீரில் ஒரு ஸ்பூன் தேன் சேர்த்து குடித்தால் நல்லது. காலையில் எழுந்தவுடன் ஒரு டம்ளர் தண்ணீர் குடித்தால் பல பிரச்சனைகள் வராது. ஆகவே இந்த பழக்கத்தை சிறுவயதில் இருந்தே குழந்தைகளுக்கு கொடுத்து இந்த நல்ல பழக்கத்தை உருவாக்குவதோடு நாமும் இந்த பழக்கத்தை மேற்கொண்டு உடல் ஆரோக்கியம் காப்பது நல்லது.