Diabetes Remedy : நீரிழிவு நோயை கட்டுக்குள் வைக்கும் ஏலக்காய் டீ! ரத்த சர்க்கரையை கட்டுப்படுத்தும் இயற்கை தீர்வு!

இந்தியாவில் பாரம்பரியமாகப் பயன்படுத்தப்படும் உணவுகளுள் முக்கியமானது ஏலக்காய். இது உடலின் பல்வேறு உபாதைகளுக்கு தீர்வாகிறது என்பதால் உணவாகவே பயன்படுத்தப்படுகிறது. இது பெரும்பாலானோர் எதிர்கொள்ளும் சர்க்கரை நோய்க்கும் தீர்வாகிறது. இந்திய சமையலறையில் பல்வேறு உணவுகள் இருந்தாலும், அவையனைத்தும் சேர்த்துதான் இந்திய உணவுகளை சுவையாக்குகின்றன. சில மசாலாக்கள் அன்றாட உணவில் சேர்க்கப்படும். சில மசாலாப்பொருட்கள் குறிப்பிட்ட உணவுகளில் மட்டுமே பயன்படுத்தப்படும். ஏலக்காய் பாரம்பரியமாக இனிப்புகளில் பயன்படுத்தப்படும் ஒன்றாகும். அது பிரியாணி போன்ற குறிப்பிட்ட கார உணவுகளிலும் பயன்படுத்தப்படுகிறது. பச்சை ஏலக்காயில் சுவை, மணம் இரண்டும் நன்றாக இருக்கும். இதை சேர்க்கும் உணவில் எல்லாம் அந்த சுவையும், மணமும் கலக்கும். அது உணவின் சுவையையும், மணத்தையும் அதிகரிக்கும். சிலர் வாயில் நல்ல மணம் வீச இதை மெல்வார்கள். இதன் ஆரோக்கிய நன்மைகள் மற்றும் சுவைக்காக ஏலக்காய்கள் டீயிலும் சேர்க்கப்படுகிறது.

ஏலக்காய்

ஏலக்காய் அதன் மருத்துவ குணங்களுக்காக பாரம்பரிய உணவு முதல் மருத்துவத்திலும் பயன்படுத்தப்பட்டு வருகிறது. இதை தினமும் தேநீரில் கலந்து பருகும்போது, தேநீர் சுவையானதாகிறது. தொற்றுகளை குணப்படுத்தவும், சளி, இருமலைப் போக்கவும் ஏலக்காய் பயன்படுத்தப்படுகிறது. இது ஆன்டி ஆக்ஸிடன்ட்கள் நிறைந்தது. இதன் ஆன்டிபயோடிக் குணம்தான் நோய்களை எதிர்த்து உடல் போராட உதவுகிறது. ஏலக்காய் உடல் எடையைக் குறைக்கவும் உதவுகிறது. அது உயர் ரத்த அழுத்தம் மற்றும் மனஅழுத்தத்தின் அறிகுறிகளைப்போக்குகிறது. நீரிழிவு எனப்படும் சர்க்கரை நோயை கட்டுப்படுத்தவும் ஏலக்காய் உதவுகிறது. இதில் உள்ள ஹைப்போலிபிடெமிக் குணங்கள், ஆன்டி ஆக்ஸிடன்ட்கள் மற்றும் வீக்கத்துக்கு எதிரான குணங்கள்தான் ரத்தத்தில் சர்க்கரை அளவை முறைப்படுத்த உதவுகின்றன.

நீங்கள் டீ தயாரிக்கும்போது ஏலக்காயை எப்படி பயன்படுத்தவேண்டும்?

கொதிக்கும் தண்ணீரைல் 2 ஏலக்காய்களை பொடித்த போடவேண்டும். பின்னர் டீத்தூள் மற்றும் பாலை சேர்த்து காய்ச்சி இறக்கி வடிகட்டி பருகலாம். இது ஏலக்காய் டீ. இதனுடன் இஞ்சித் துண்டையும் தட்டி கொதிப்பதற்கு முன் சேர்க்கலாம். இது உங்கள் டீயின் சுவையை மட்டுமல்ல ஆரோக்கிய குணங்களையும் அதிகரிக்கும். இதில் தேன் அல்லது நாட்டுச்சர்க்கரை அல்லது மருத்துவர் பரிந்துரைப்படி பருகலாம். மற்றவர்கள் சாதாரணமாக இனிப்பு சேர்த்தே பருகலாம். சர்க்கரை நோயாளிகளுக்கு மட்டும் கவனம் தேவை.

ஏலக்காய் – மிளகு டீ

2 ஏலக்காய், 2, கிராம்பு, 2 மிளகு, அரை பட்டை ஆகியவற்றை 2 கப் தண்ணீரில் சேர்த்து கொதிக்கவிடவேண்டும். அடுப்பை குறைத்து, அரை மணிநேர்ம் கொதிக்கவைக்கவேண்டும். பின்னர் வடிகட்டி, பால் சேர்த்து பருகலாம்.

நீரிழிவு நோய் அல்லது சர்க்கரை நோய்

உடல் ரத்தத்தில் உள்ள சர்க்கரையை பயன்படுத்தும் அளவை பாதிப்பது சர்க்கரை நோய் என்ற அழைக்கப்படுகிறது. குளுக்கோஸ் உடலுக்கு ஆற்றலை வழங்கும் முக்கியமான ஆதாரம் ஆகும். இந்த ஆற்றலால்தான் தசைகள் உருவாகின்றன மற்றும் திசுக்கள் வளர்கின்றன. மூளைக்கும் முக்கியமான ஒன்றாகும்.

இதில் வகைகள் உண்டு. அனைத்து வகையிலும் ரத்தத்தில் உள்ள சர்க்கரை அளவு அதிகரிக்கிறது. அதிக சர்க்கரை, கடும் உடல் உபாதைகளை ஏற்படுத்துகிறது.

நாள்பட்ட சர்க்கரை வியாதிகள் டைப் 1 மற்றும் டைப் 2 என்று அழைக்கப்படுகின்றன.

சர்க்கரை நோயின் அறிகுறிகள்

நீரிழிவு நோயின் அறிகுறிகள், ரத்தத்தில் எவ்வளவு அதிகம் சர்க்கரை உள்ளதோ அதைப்பொறுத்து மாறுபடும். அதனால் அதன் வகைகளைப் பொறுத்து அறிகுறிகள் தோன்றினாலும், பொதுவான அறிகுறிகளாக கீழே கொடுக்கப்பட்டுள்ளவை உள்ளன.

வழக்கத்தைவிட அதிக தாகம்

அதிக முறைகள் சிறுநீர் கழிப்பது

முயற்சியின்றி திடீரென உயிரிழப்பது

சிறுநீரில் கீட்டோன்கள் இருப்பது.

(கிடோன்கள் என்பவை சதை மற்றும் கொழுப்பின் உடைந்த பாகமாகும். இவை உடலில் தேவையான அளவு இன்சுலின் இல்லாதபோது உடைகிறது)

சோர்ந்திருத்தல்

எரிச்சல் கொள்வது மற்றும் மனநிலையில் மாற்றம்

கண்கூச்சம் மற்றும் மங்கலாகத் தெரிவது

புண்கள் மற்றும் காயங்கள் தாமதமாக குணமடைவது

தொற்றுகள் அடிக்கடி ஏற்படுவது. குறிப்பாக பற்களின் ஈறுகள், சருமம் மற்றும் பிறப்புறுப்பில் தொற்றுகள் ஏற்படுவது.

இவையனைத்தும் சர்க்கரை நோயின் அறிகுறிகளாகும்.