Benefits of Vallarai Keerai : மூளை, நரம்பியல் மருத்துவர் தேவையில்லை! வல்லாரைக்கீரை போதும்! முழு உடலுக்கும் நல்லது!

சுவையான வல்லாரை கீரை தென்னிந்திய உணவுகளில் அதிகம் பயன்படுத்தப்படுகிறது. இதை மசாலாக்கள், கூட்டு, பருப்பு என எப்படி வேண்டுமானாலும் செய்து சாப்பிடலாம். துவையல், சாலட், சூப், தோசைகளும் செய்து சாப்பிடலாம்.

இதன் தண்டு, பழம், பூக்கள் என இதன் ஒவ்வொரு பகுதியும், சரும வியாதிகளுக்கு வீட்டு மருத்துவ உபயோகத்துக்கு பயன்படுத்தப்படுகிறது. இது நினைவாற்றலை அதிகரிக்கிறது, செரிமானத்துக்கு உதவுகிறது. ஆயுர்வேத மற்றும் சீன மருத்துவங்களில் பயன்படுத்தப்படுகிறது.

இதற்கு ஆகிய நாடுகளின் சீதோஷ்ண நிலைதான் சிறந்தது என்றாலும், இன்று உலகம் முழுவதும் இந்தக்கீரை பயன்படுத்தப்படுகிறது. இதன் எண்ணற்ற நன்மைகளுக்காக இந்தக்கீரையில் மாத்திரைகள், பொடிகள், லேகியங்கள் செய்தும் உட்கொள்ளப்படுகிறது.

வல்லாரைக் கீரையில் உள்ள ஊட்டச்சத்துக்கள்

வல்லாரைக் கீரையில் வைட்டமின் சி சத்துக்கள் உள்ளது. இதில் கலோரிகள் குறைவு என்பதால் உடல் எடை குறைக்க உதவுகிறது. நார்ச்சத்துக்கள் மற்றும் புரதச்சத்துக்களும் நிறைந்தது. இது வைட்டமின் பி சத்துக்கள் நிறைந்தது. உடலின் வளர்சிதை மாற்றத்துக்கு உதவுகிறது.

100 கிராம் வல்லாரையில், 15 கலோரிகள் 3.2 கிராம் கார்போஹைட்ரேட்கள், 1 கிராம் நார்ச்சத்துக்கள், 0.04. கிராம் கொழுப்பு, 2.76 கிராம் புரதச்சத்துக்கள் உள்ளது. வைட்டமின்கள் பி1 (தியாமின்) 3 சதவீதம், ரிபோஃப்ளாவின் (பி2) 2 சதவீதம், நியாசின் (பி3) 1 சதவீதம், வைட்டமின் பி6 3 சதவீதம், வைட்டமின் சி 73 சதவீதம் உள்ளது.

இரும்புச்சத்துக்கள் 1 சதவீதம், மெக்னீசியம் 2 சதவீதம், மாங்கனீஸ் 1 சதவீதம், பாஸ்பரஸ் 5 சதவீதம், பொட்டாசியம் 5 சதவீதம், சிங்க் 1 சதவீதம் மற்றும் சோடியம் சுத்தமாக இல்லை.

இதில் உள்ள பொட்டாசியச்சத்து ஒரு நாளின் தேவையை பூர்த்தி செய்யும். இதில் உள்ள பாஸ்பரஸ், காப்பர், இரும்பு, கால்சியம், மெக்னீசியம் மற்றும் சிங்க் சத்துக்கள் உங்கள் உடலுக்கு நன்மை தருபவை. இதில் ஆன்டி ஆக்ஸிடன்ட்கள் அதிகம் உள்ளது. சாப்போனின்கள் அல்லது டிரிட்டர்பினாய்ட்கள், ஃப்ளேவனாய்ட்கள், பாலிஃபினால்கள், டேனின்கள் இவை நரம்புகளுக்கு நல்லது.

வல்லாரைக்கீரையின் ஆரோக்கிய நன்மைகள்

மூளையின் இயக்கத்தை அதிகரிக்கிறது

வல்லாரைக் கீரையில் உள்ள ப்ரமோசைட், ப்ரமோசைட் மற்றும் சென்ட்டெலோசைட் உங்கள் நினைவாற்றலைத் அதிகரித்து, கவனிக்கும் திறனைக் கூட்டி, உங்களை அறிவாளிகள் ஆக்குகிறது. எனவே தினமுமே உங்கள் உணவில் வல்லாரைக் கீரையை சேர்த்துக்கொள்வது உங்கள் நரம்புகளைத் தூண்டுகிறது. மூளையில் இருந்து பெறப்படும் சமிக்கைகளை நரம்புகள் உடலுக்கு கடத்துவதில் உதவுகிறது. மேலும் நினைவாற்றல் திறனை அதிகரிக்கிறது.

நோய் எதிர்ப்பு மண்டலத்தை காக்கிறது

வல்லாரைக்கீரையை தினமும் அளவாக எடுத்துக்கொள்ளும்போது, உங்களுக்கு தேவையான அளவு வைட்டமின் சி சத்துக்கள் கிடைக்கிறது. வைட்டமின் சி உங்கள் உடல் இரும்புச்சத்துக்களை உறிஞ்ச வழிவகுப்பதுடன், ரத்த ஓட்டத்தை சீராக்கி, நோய் எதிர்ப்பை அதிகரித்து, ரத்த வெள்ளை அணுக்களை முறைப்படுத்தும். வைட்டமின் சி, உடலில் உள்ள திசுக்கள் அனைத்தின் வளர்ச்சிக்கும் உதவுகிறது. உடலில் உள்ள நச்சுக்களை நீக்குகிறது.

இதய நோய்

இதில் உள்ள அதிகளவிலான பொட்டாசியம், ரத்த அழுத்தத்தை முறைப்படுத்துகிறது. இதய தசைகளின் செயல்திறனை அதிகரிக்கிறது. உடலில் கெட்ட கொழுப்புகள் சேராமல் தடுக்கிறது. நல்ல கொழுப்புக்களை அதிகரிக்கிறது. இதனால் பக்கவாதம், மாரடைப்பு ஆகியவை ஏற்படாமல் தடுக்கிறது. இதனால் உங்கள் வாழ்நாள் நீட்டிக்கப்படுகிறது.

தசை வலியைப் போக்குகிறது

வல்லாரைக் கீரை, தசைகளின் இயக்கத்துக்கு காரணமாகிறது. இதில் உள்ள மெக்னீசியம் மற்றும் மாங்கனீஸ் சத்துக்கள் அதற்கு உதவுகிறது. இது தசை வலி மற்றும் தசையில் ஏற்படும் புண்களை குணமாக்குகிறது. உடற்பயிற்சியால் ஏற்படும் தசை வலிகளும், இதை சாலட் செய்து சாப்பிடும்போது குணமாகிறது.

மலச்சிக்கலைப் போக்குகிறது

வல்லாரைக்குரையில் உள்ள நார்ச்சத்துக்கள், உங்கள் குடல் இயக்கத்தை காக்கிறது. நீங்கள் அதிகப்படியான உணவு உண்டபின் ஏற்படும் செரிமானக்கோளாறுகளை சரிசெய்கிறது. இது உங்கள் சிறுநீரக ஆரோக்கியத்துக்கு நல்லது. உங்கள் சிறுநீரகத்தில் உள்ள நச்சுக்களைப்போக்குகிறது. எனவே வல்லாரைக்கீரையில் சூப் செய்து பருகினால், அது உங்கள் குடல் ஆரோக்கியத்துக்கு உதவி, மலச்சிக்கல் மற்றும் செரிமானத்தைப் போக்குகிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.