தீபாவளிக்கு பின் உடலை ஃபிட்டாக மாற்ற டீடாக்ஸ் செய்யலாமா.. இதோ எளிமையாக உடலின் நச்சுகளை நீக்கும் வழிகள்!

தீபாவளியை சிறப்பாக கொண்டாடி முடித்து விட்டீர்களா. பொதுவாக, மக்கள் தங்கள் ஒவ்வொரு பண்டிகையையும் சிறப்பாகவும் சுவையாகவும் மாற்ற பல்வேறு வகையான இனிப்புகள், பொரித்த மற்றும் வறுத்த ஆரோக்கியமற்ற உணவுகளை உட்கொள்வார்கள். இவை அனைத்தும் சாப்பிடுவதற்கு மிகவும் சுவையாக இருக்கும், ஆனால் உங்களை அறியாமலேயே உங்கள் உடலில் கொழுப்பு மற்றும் நச்சுக்கள் சேர்ந்து கொண்டே இருக்கும். இதன் காரணமாக குடல் சேதத்துடன் பல வயிற்று பிரச்சினைகளும் எழுகின்றன. அத்தகைய சூழ்நிலையில், உடலை ஆரோக்கியமாகவும் மெலிதாகவும் வைத்திருக்க அவ்வப்போது நச்சுத்தன்மையை நீக்குவது அவசியமாகிறது. இந்த பண்டிகை காலத்தில் நீங்களும் தலைகீழாக சாப்பிட்டிருந்தால், இப்போது உடலை ஆரோக்கியமாக வைத்திருக்க டீடாக்ஸ் செய்ய வேண்டியது அவசியம் இதோ வீட்டிலேயே எளிதாக உடலில் தேங்கிய நச்சுக்களை நீக்குவதற்கான வழிகள்.

இஞ்சி நீர்

உங்கள் உடலில் உள்ள அழுக்கு, நச்சுகள் மற்றும் கூடுதல் கொழுப்பை அகற்ற பொதுவாக இஞ்சி நீர் ஒரு சிறந்த வழியாகும். இந்த தீர்வை செய்ய, ஒரு கப் வெதுவெதுப்பான நீரில் உலர்ந்த இஞ்சி தூளை கலந்து குடித்து வந்தால், குடல் நல்ல ஆரோக்கியத்துடன் இருக்கும். பச்சையான இஞ்சியை எடுத்தால் தண்ணீரில் கொதிக்க வைத்து வடிகட்டி குடிக்கலாம்.

எலுமிச்சை - புதினா நீர்

எலுமிச்சை மற்றும் புதினா ஒரு நல்ல நச்சு நீக்கும் பானம். எலுமிச்சையில் உள்ள வைட்டமின் சி நோயெதிர்ப்பு மண்டலத்தை வலுவாக வைத்திருக்கிறது. புதினா உடலில் புத்துணர்ச்சியைத் தருவதன் மூலம் செரிமானத்திற்கு உதவுகிறது. இந்த நச்சு நீக்கும் பானம் தயாரிக்க, ஒரு கிளாஸ் தண்ணீரில் அரை எலுமிச்சை சாறு மற்றும் சிறிது புதினா இலைகளை கலந்து சில நிமிடங்கள் ஒதுக்கி வைக்கவும். அதன் பிறகு இந்த தண்ணீரை வடிகட்டி குடிக்க வேண்டும். இந்த பானத்தை குடிப்பதன் மூலம் உடலில் உள்ள நச்சுக்கள் வெளியேறும்.

இஞ்சி-மஞ்சள் பால்

இஞ்சியில் அழற்சி எதிர்ப்பு பண்புகள் உள்ளன. அதே நேரத்தில் மஞ்சளில் குர்குமின் உள்ளது, இது உடலை நச்சுத்தன்மையாக்க உதவுகிறது. இந்த தீர்வை செய்ய, ஒரு கப் பாலில் சிறிது இஞ்சி மற்றும் ஒரு சிட்டிகை மஞ்சள் கலந்து கொதிக்க வைக்கவும். இப்போது இந்த பாலை சூடாக குடிக்க வேண்டும். இந்த பானத்தை குடிப்பதால் நோய் எதிர்ப்பு சக்தி அதிகரிப்பதோடு, சருமத்தின் பளபளப்பும் அதிகரிக்கும். உடலில் பிரச்சினைகள் தீவிரமாக இருந்தால் மேலே கொடுக்கப்பட்டுள்ள டீடாக்ஸ் டிங்கை முயற்சிக்கும் முன் மருத்துவரின் ஆலோசனைகளை பெறுவது நல்லது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்சினைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.