Calcium Rich Foods : பால் சாப்பிட அடம்பிடிக்கும் குழந்தையா? கால்சியம் பெறும் வேறு வழிகளும் உள்ளன!
Apr 12, 2024, 03:47 PM IST
Share
Calcium Rich Food : பால் அல்லாத உணவுகளில் இருந்து பெறப்படும் பொருட்கள் வலுவான எலும்புகளை உருவாக்குகிறன்றன.
வலுவான எலும்புகளை உருவாக்கும் உணவுகள்
உங்கள் எலும்புகளை வலுவானதாகவும், ஆரோக்கியமானதாகவும் வைத்துக்கொள்வது ஒட்டுமொத்த உடல் ஆரோக்கியத்துக்கும் நல்லது. ஒரு நாளைக்கு 700 மில்லிகிராம் கால்சியம் எடுக்கவேண்டியதும் அவசியம். அதற்கு நாம் பால் பொருட்கள்தான் உட்கொள்ள வேண்டும் என்ற அவசியம் இல்லை. பால் அல்லாத கால்சியம் நிறைந்த உணவுகளையும் எடுத்துக்கொள்ளலாம். அது உங்கள் எலும்புகளை வலுவானதாக்க உதவும்.
சியா விதைகள்
இந்த சிறிய விதைகளில் எண்ணற்ற ஊட்டச்சத்துக்கள் நிறைந்துள்ளது. இதில் கால்சியமும் உள்ளது. 100 கிராம் சியா விதையில் 631 கிராம் கால்சியச்சத்து உள்ளது. இதை உங்கள் உணவில் சேர்த்துக்கொண்டால் உங்கள் எலும்பு ஆரோக்கியத்துக்கு மிகவும் நல்லது.
சோயா பீன்ஸ்
சோயா பீன்ஸ் கால்சியம் அதிகம் உள்ள ஒரு உணவுப்பொருள் ஆகும். 100 கிராம் சோயாவில் 277 மில்லிகிராம் கால்சியம் உள்ளது. பால் பொருட்களை தவிர்த்து எலும்பு ஆரோக்கியத்தை மேம்படுத்த வேண்டும் என்று எண்ணுபவர்களுக்கு சோயா பீன்ஸ் ஒரு சிறந்த தேர்வு.
ராஜ்மா
ராஜ்மாவில், புரதச்சத்துக்கள் மட்டும் அதிகம் கிடையாது, இதில் நார்ச்சத்துக்களும், கால்சியமும் அதிகம் உள்ளது. 100 கிராம் ராஜ்மாவில், 143 மில்லிகிராம், கால்சியச் சத்து உள்ளது. எனவே எலும்பு ஆரோக்கியத்துக்கு இது ஒரு சிறந்த உணவாகும்.
சூரியகாந்தி விதைகள்
சூரியகாந்தி விதைகளும் கால்சியச் சத்துக்கள் நிறைந்தது. 100 கிராம் சூரியகாந்தி விதையில் 78 மில்லிகிராம் கால்சியம் உள்ளது. இவை மொறுமொறுவென்று இருக்கும். இவை ஊட்டச்சத்துக்கள் நிறைந்தது மட்டுமின்றி, எலும்பு ஆரோக்கியத்துக்கும் உதவக்கூடியவை.
கீரை
பெரும்பாலும் கீரைகள் இரும்புச்சத்துக்கள் நிறைந்தவை. கீரைகளை இரும்புச்சத்துக்காக மட்டுமின்றி கால்சிய சத்துக்களுக்காகவும் நாம் அதிகம் எடுத்துக்கொள்ளலாம். 100 கிராம் கீரையில் 99 கிராம் கால்சியச் சத்து உள்ளது. உங்கள் உணவில் கீரையை சேர்த்து உங்கள் எலும்புகளை இரும்பாக்குங்கள்.
ப்ரோகோலி
ப்ரோகோலி, பச்சை காய்கறி வகைகளுள் ஒன்று. 100 கிராம் ப்ரோகோலியில் 47 மில்லிகிராம் கால்சியச் சத்து உள்ளது. ப்ரோகோலியை எந்த உணவில் வேண்டுமானாலும் சேர்த்துக்கொள்ளலாம். காளிஃப்ளவர் போலவே தோற்றமளிப்பதால் குழந்தைகளுக்கு மிகவும் பிடித்த ஒன்றாக ப்ரோகோலி உள்ளது.
வேகவைத்த முட்டை
வேகவைத்த முட்டைகள் காலை உணவுக்கு மட்டும் உகந்ததல்ல. அவற்றில் கால்சியச்சத்தும் அதிகம் உள்ளது. வேகவைத்த முட்டை 100 கிராமில் 50 கிராம் கால்சியச் சத்து உள்ளது. இது எலும்பு ஆரோக்கியம் சிறக்க உதவுகிறது.
பாதாம்
இந்த நட்ஸ்கள் உங்களுக்கு திருப்தியான ஸ்னாக்ஸாக மட்டும் இருக்காது. இவை கால்சியமும் நிறைந்தவை. 30 கிராம் பாதாமில், 80 கிராம் கால்சியச் சத்து உள்ளது. இது எலும்பு ஆரோக்கியத்தை அதிகரிக்க உதவுகிறது.
வெண்டைக்காய்
வெண்டைக்காயையும் உங்கள் உணவில் அடிக்கடி சேர்த்துக்கொள்வது நல்லது. ஏனெனில் ஒரு கப் வெண்டைக்காயில் 88 மில்லிகிராம் கால்சியச்சத்து உள்ளது. மேலும் இதில் மற்ற ஊட்டச்சத்துக்களும் நிறைந்துள்ளது.
ஆரஞ்ச்
ஆரஞ்சும் ஒரு புத்துணர்ச்சி தரும் ஸ்னாக்ஸ் மட்டுமல்ல, கால்சியம் அதிகம் எடுப்பதை அது ஊக்குவிக்கிறது. 100 கிராம் ஆரஞ்சில் 40 மில்லிகிராம் கால்சியம் உள்ளது. சாறு நிறைந்த ஆரஞ்சு பழங்கள் உங்கள் எலும்புகளை இரும்பாக்குகின்றன.
டாபிக்ஸ்