அன்றாட உணவில் அவகேடோ; ஆரோக்கியத்தை அள்ளித்தரும் வைட்டமின்கள் நிறைந்தது! அதன் 9 நன்மைகள்!

உங்கள் அன்றாட உணவில் அவகேடோ பழங்களை சேர்த்துக்கொள்வதால், அது உங்களுக்கு உச்சி முதல் பாதம் வரை எண்ணற்ற ஆரோக்கிய நன்மைகளைத்தரும். அதில் இந்த 9 நன்மைகள் மிகவும் முக்கியமானது. எனவே உங்கள் உடலுக்கு கூடுதல் நன்மைகள் கிடைப்பதற்கு அவகேடோ பழங்களை உங்கள் அன்றா உணவில் கட்டாயம் சேர்த்துக்கொள்ளுங்கள் என்று நிபுணர்கள் அறிவுறுத்துகிறார்கள். இந்த உணவுச்சந்தையில் அண்மையில் இணைந்த பழங்கள்தான் அவகேடோக்கள். இதில் ஊட்டச்சத்துக்கள் அதிகம் உள்ளது. இது உங்களுக்கு சிறந்த காலை உணவு ஆகும். இதில் எண்ணற்ற நன்மைகள் உள்ளன. இது உங்களின் நாளை ஆற்றலுடனும், திறனுடனும் செயல்படவைக்கிறது. இதில் உள்ள நன்மைகள் என்னவென்று பார்க்கலாம்.

ஆரோக்கிய கொழுப்புக்களின் மூலம் அவகேடோ பழங்கள்

அவகேடோ பழங்களில் மோனோசாச்சுரேடட் கொழுப்புகள் அதிகம் உள்ளது. குறிப்பாக இதில் உள்ள ஓலியின் அமிலம் (100கிராமில் 15 கிராம் உள்ளது) இதய ஆரோக்கியத்தை அதிகரிக்கும். இது உடலில் உள்ள கெட்ட கொழுப்பை குறைத்து, நல்ல கொழுப்பை அதிகரித்து இதய ஆரோக்கியத்தை மேம்படுத்துகிறது. இந்த கொழுப்புகள், உங்களுக்கு ஆற்றலைத் தரும். இதனால் நீங்கள் நாள் முழுவதும் உற்சாகத்துடன் இருக்க முடியும்.

நார்ச்சத்துக்கள் நிறைந்தது அவகேடோ பழங்கள்

100 கிராம் அவகேடோ பழங்களில் 7 கிராம் நார்ச்சத்துக்கள் இருக்கும். இது உங்களின் செரிமான ஆரோக்கியத்தை அதிகரிக்கும். உங்கள் குடல் இயங்குவதை சீராக்கும். இதில் உள்ள நார்ச்சத்துக்கள் உங்கள் ரத்த சர்க்கரை அளவை நிலைப்படுத்த உதவும். இதனால் உங்களுக்கு நாள் முழுவதும் வயிறு நிறைந்த உணர்வு ஏற்படும். எனவே உங்கள் உடல் எடையை பராமரிக்க ஏற்றதாக அவகேடோ பழங்கள் உள்ளது.

பொட்டாசியச் சத்துக்கள் நிறைந்தது அவகேடோ பழங்கள்

100 கிராம் அவகேடோ பழங்களில் 485 மில்லிகிராம் பொட்டாசியச் சத்துக்கள் உள்ளது. இது வாழைப்பழத்தை விட அதிகம். பொட்டாசியம் ரத்த சர்க்கரை அளவை முறைப்படுத்துகிறது. இது தசைவலிகள் ஏற்படாமல் தடுக்கிறது. இது சரியான நரம்பு ஆரோக்கியத்தை கொடுக்கிறது. எனவே உங்கள் நாளை ஆரோக்கியமானாதாக துவங்கவேண்டுமெனில், அதற்கு ஏற்றது இந்த அவகேடோ பழங்கள். இது உங்கள் உடலுக்கு முக்கியமான ஊட்டச்சத்துக்களைக் கொடுக்கிறது.

அவகேடோவில் வைட்டமின் கே அதிகம் உள்ளது

ஒரு அவகேடோவில் ஒரு நாளைக்குத் தேவையான வைட்டமின் கே சத்துக்களில் 20 சதவீதம் கிடைக்கும். இது உங்கள் ரத்தத்தை உறைய வைப்பதற்கு மிகவும் அவசியமானது. இது உங்கள் எலும்பு ஆரோக்கியத்தை மேம்படுத்துகிறது. எனவே தினமும் அவகேடோ பழங்களை சாப்பிட்டால் வலுவான எலும்புகள் கிடைக்கும். இது உங்களுக்கு எலும்புப்புரை நோய் ஏற்படாமல் தடுக்கிறது.

வைட்டமின் சி சத்துக்கள் நிறைந்தது அவகேடோ

100 கிராம் அவகேடோவில் 10 மில்லிகிராம் வைட்டமின் சி சத்துக்கள் உள்ளது. இது உங்கள் உடலின் நோய் எதிர்ப்பு மண்டலத்தை மேம்படுத்துகிறது. இது சரும ஆரோக்கியத்துக்கு உதவுகிறது. இது ஆக்ஸிடேட்டிவ் அழுத்தத்தை எதிர்த்து போராடுகிறது. உங்கள் நாளை ஆன்டிஆக்ஸிடன்ட் நிறைந்த இந்தப்பழத்தை சாப்பிட்டு துவங்குங்கள். இது உங்கள் உடலின் நோய் எதிர்ப்பு மண்டலத்தை வலுப்படுத்துகிறது. இது உங்கள் நோய்களை எதிர்த்துப் போராடுகிறது.

மெக்னீசியச் சத்துக்கள் நிறைந்தது அவகேடோ பழங்கள்

100 கிராம் அவகேடோ பழத்தில் 29 மில்லி கிராம் மெக்னீசியச் சத்துக்கள் உள்ளது. இது உங்கள் தசைகள் நன்முறையில் இயங்க உதவுகிறது. இது வீக்கத்தைக் குறைக்கிறது. இது உங்கள் மனதை அமைதிப்படுத்துகிறது. உங்கள் உணவில் மெக்னீசியச் சத்துக்கள் நிறைந்த அவகேடோ பழங்களை சாப்பிடுவதால் அது உங்களுக்கு மனஅழுத்தத்தைக் குறைக்க உதவுகிறது. இது உங்கள் ஒட்டுமொத்த உடல் ஆரோக்கியத்தையும் மேம்படுத்துகிறது.

வைட்டமின் இ சத்துக்கள் நிறைந்தது அவகேடோ பழங்கள்

100 கிராம் அவகேடோவில் 2.1 மில்லி கிராம் வைட்டமின் இ சத்துக்கள் உள்ளது. இது உங்கள் செல்களை ஃப்ரி ராடிக்கல்களிடம் இருந்து சேதமடையாமல் பாதுகாக்கிறது. இதில் உள்ள கரையக்கூடிய ஆன்டி ஆக்ஸிடன்ட்கள் சருமம் மற்றும் கண்களின் ஆரோக்கியத்தை அதிகரிக்கிறது. இது உங்களின் அழகை பராமரிக்க உதவும் சிறப்பான ஆன்டி ஆக்ஸிடன்ட் ஆகும்.

வைட்டமின் பி சத்துக்கள் நிறைந்த அவகேடோ பழங்கள்

வைட்டமின் பி சத்துக்கள் அவகோடோவில் அதிகம் உள்ளது. இதில் வைட்டமின் பி 6 0.3 மில்லி கிராம் உள்ளது. ஃபோலேட் 81 மைக்ரோகிராம் உள்ளது. நியாசின் 1.7 மில்லி கிராம் உள்ளது. இவையனைத்தும் 100 கிராம் பழத்தில் உள்ளது. உங்கள் உடலின் ஆற்றல் வளர்சிதையில் பி காம்ப்ளக்ஸ் வைட்டமின்கள் முக்கிய பங்கு வகிக்கின்றன. இது உங்கள் மூளையின் நடவடிக்கைகளை பாதுகாக்கிறது. ரத்த சிவப்பணுக்கள் உருவாக காரணமாகிறது. உங்களுக்கு மூளையை கூராக்கவும், உங்களுக்கு நாள் முழுவதும் ஆற்றலைக் கொடுக்கவும் அவகேடோக்கள் பயன்படுகின்றன.

உடல் எடை பராமரிக்க உதவுகிறது

அவகேடோக்களில் ஆரோக்கிய கொழுப்புகள் அதிகம் உள்ளது. இதில் உள்ள நார்ச்சத்துக்கள் பசியைப் போக்குகிறது. இது நீங்கள் அதிகம் சாப்பிடுவதைத் தடுக்கிறது. இதில் கலோரிகள் அதிகம், ஆனாலும் உடல் எடையைக் குறைக்க உதவுகிறது. இது உங்களை நாள் முழுவதும் திருப்தியாக வைக்க உதவுகிறது. எனவே எவ்வித குற்ற உணர்வுமின்றி காலை உணவாக எடுத்துக்கொள்ளலாம்.