Tamil Movies:டீன் ஏஜ்ஜில் தமன்னா நடித்த முதல் தமிழ் படம்..கார்த்திக் - கவுண்டமணி அட்ராசிட்டி!இன்று ரிலீசான தமிழ் படங்கள்

செப்டம்பர் 24ஆம் தேதியான இன்று தமிழ் சினிமாவில் டாப் ஹீரோக்களின் படங்கள் எதுவும் வெளியாகவில்லை. இன்றைய நாளில் வெளியாகி ரசிகர்களின் கவனத்தை ஈர்த்த படங்கள் எவையெல்லாம் என்பதை பார்க்கலாம்

மிருதங்க சக்கரவர்த்தி

கே. சங்கர் இயக்கத்தில் சிவாஜி கணேசன், கே.ஆர். விஜயா, எம்.என். நம்பியார், வி.கே. ராமசாமி, பிரபு, தேங்காய் சீனிவாசன் உள்பட பலர் நடித்திருக்கும் மிருதங்க சக்கரவர்த்தி 1983இல் வெளியானது. மியூசிக்கல் டிராமா பாணியில் உருவாகியிருந்த இந்த சிவாஜி கணேசன், பிரபு ஆகியோரின் நடிப்பு ரசிகர்களை வெகுவாக கவர்ந்தது. படம் வெளியான காலகட்டத்தில் சிவாஜி கணேசனின் நடிப்பு ஓவர் ஆக்டிங் எனவும் விமர்சிக்கப்பட்டது. இருப்பினும் அனைத்து தரப்பு ரசிகர்கள் மத்தியிலும் வரவேற்பை பெற்ற இந்த படம் வெளியாகி இன்றுடன் 39 ஆண்டுகள் ஆகிறது.

உனக்காக எல்லாம் உனக்காக

கார்த்திக், ரம்பா, கவுண்டமணி, விவேக் பிரதான கதாபாத்திரத்தில் நடிக்க சுந்தர் சி இயக்கத்தில் 1999இல் வெளியான ரெமாண்டிக் காமெடி படம் உனக்காக எல்லாம் உனக்காக. படத்தின் முதல் காட்சி முதல் இறுதி வரை காமெடியில் சிரிக்க வைத்து வயிறை புண்ணாக்கியிருப்பார்கள். யுவன் ஷங்கர் ராஜா இசையில் அனைத்து பாடல்களும் சூப்பர் ஹிட்டானதுடன், அவருக்கு முக்கிய பிரேக் கொடுத்தது. கார்த்திக் - கவுண்டமணி காமெடி அட்ராசிட்டி ரசிகர்களுக்கு சிறந்த விருந்தாக அமைந்தது. விறுவிறுப்பான திரைக்கதையுடன் ரசிகர்களை கவர்ந்து சூப்பர் ஹிட்டான இந்த படம் வெளியாகி இன்றுடன் 25 ஆண்டுகள் ஆகிறது.

கேடி

ரவி கிருஷ்ணா, தமன்னா, இலியானா, அதுல் குல்கர்னி ஆகியோர் பிரதான கதாபாத்திரங்களில் நடிக்க ரொமாண்டிக் க்ரைம் த்ரில்லர் பாணியில் உருவாகியிருந்த கேடி படத்தை ஜோதி கிருஷ்ணா இயக்கியிருப்பார். 2006இல் வெளியான இந்த படம் தான் தமிழில் தமன்னா நடிப்பில் வந்த முதல் படமாகும். படத்தில் டீன் ஏஜ் லுக்கில் தமன்னா கவர்ச்சியும், வில்லத்தனமான நடிப்பையும் வெளிப்படுத்தியுள்ளார். படத்தில் தமன்னாவுக்கு பாடகி சுசித்ரா டப்பிங் குரல் கொடுத்திருப்பார்.

இலியானாவுக்கும் இதுதான் தமிழில் வெளியான முதல் படமாக அமைந்தது. இந்த படத்துக்கு பின்னர் இலியானா தெலுங்கு பக்கம் சென்று அங்கு டாப் நடிகையாக வலம் வந்தார். ஆனால் தமன்னா தமிழ், தெலுங்கு ஆகிய இரு மொழிகளிலும் தனக்கென தனியொரு இடத்தை பிடித்தார்.

தமிழ், தெலுங்கு ஆகிய இரு மொழிகளிலும் ஒரே நேரத்தில் உருவாகி வெளியான கேடி படத்துக்கு யுவன் ஷங்கர் ராஜா இசையமைத்திருப்பார். நெகடிவ் விமர்சனங்கள் எழுந்த போதிலும் தமன்னாவின் நடிப்பு ரசிகர்கள் மத்தியில் பாராட்டுகளை பெற்றது.

கிருமி

கதிர், ரேஷ்மி மேனன், சார்லி, யோகி பாபு பிரதான கதாபாத்திரங்களில் நடிக்க த்ரில்லர் பாணியில் உருவாகியிருந்த கிருமி படம் அனுசரண் இயக்கத்தில் 2015இல் வெளியானது. பெரிய ஸ்டார்கள் இல்லாவிட்டாலும் திருப்புனை ஏற்படுத்தும் விதமாக விறுவிறுப்பான திரைக்கதையுடன் ரசிகர்களை வெகுவாக கவர்ந்ததோடு, சராசரி வெற்றியை பெற்ற படமாக அமைந்தது. படத்தில் போலீஸ் இன்பார்மராக வரும் சார்லியின் நடிப்பு வெகுவாக பேசப்பட்டது.

இதுதவிர பிரம்மா இயக்கத்தில் புதுமுகங்கள் நடித்து தேசிய விருதை வென்ற குற்றம் கடிதல் படமும் கிருமி படத்துடன் போட்டியாக ரிலீசானது.