71 Years of Thirumbi Paar: பெண்கள் மீது விடாத ஆசை!நெகடிவ் கேரக்டரில் கலக்கிய சிவாஜி கணேசன் - தமிழில் சிறந்த அரசியல் படம்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  71 Years Of Thirumbi Paar: பெண்கள் மீது விடாத ஆசை!நெகடிவ் கேரக்டரில் கலக்கிய சிவாஜி கணேசன் - தமிழில் சிறந்த அரசியல் படம்

71 Years of Thirumbi Paar: பெண்கள் மீது விடாத ஆசை!நெகடிவ் கேரக்டரில் கலக்கிய சிவாஜி கணேசன் - தமிழில் சிறந்த அரசியல் படம்

Muthu Vinayagam Kosalairaman HT Tamil Published Jul 10, 2024 05:00 AM IST
Muthu Vinayagam Kosalairaman HT Tamil
Published Jul 10, 2024 05:00 AM IST

பெண்கள் மீது ஆசை கொண்டவராக நெகடிவ் கேரக்டரில் கலக்கிய சிவாஜி கணேசன் சினிமா கேரியரில் முக்கிய படமாக திரும்பிப்பார் உள்ளது. கலைஞர் மு. கருணாநிதியின் கதை மற்றும் அரசியில் நய்யாண்டியுடன் கூடிய ஷார்ப் வசனங்கள் தமிழில் சிறந்த அரசியல் டிராமா படமாக இந்த படத்தை மாற்றியது.

பெண்கள் மீது விடாத ஆசை, நெகடிவ் கேரக்டரில் கலக்கிய சிவாஜி கணேசன்
பெண்கள் மீது விடாத ஆசை, நெகடிவ் கேரக்டரில் கலக்கிய சிவாஜி கணேசன்
Share on Whatsappஎங்களை பின் தொடரலாம்
  • Share on Twitter
  • Share on Facebook

தமிழ் சினிமாக்களின் வழியே திராவிட கட்சிகளின் வரலாறு மக்களை சென்றடைந்த வரலாறு உள்ளது. அப்படியான ஒரு படமாக திமுக, அப்போது ஆட்சி கட்டிலில் இருந்த காங்கிரஸ் கட்சியை விமர்சித்தும், நய்யாண்டி செய்து வெளியான படம்தான் திரும்பிப்பார்.

பராசக்தி வெற்றிக்கு பிறகு முன்னாள் முதலமைச்சர் மு. கருணாநிதி கதை, வசனத்தில், சிவாஜி கணேசன் மீண்டும் நடித்த படமாக திரும்பிப்பார் உள்ளது.

மாடர்ன் தியேட்டர் தயாரிப்பில் டி. ஆர். சுந்தரம் இயக்கிய இந்த படம் சிவாஜி கணேசனின் இரண்டாவது படமாகும். படத்தில் நெகடிவ் கதாபாத்திரத்தில் நடித்திருக்கும் சிவாஜி, க்ளைமாக்கிஸ் திருந்துவது போல் கதை அமைந்திருக்கும்.

படத்தில் நரசிம்ம பாரதி, தங்கவேலு, பண்டரி பாய், கிரிஜா உள்பட பலரும் நடித்திருப்பார்கள்.

நடிப்பில் கவர்ந்த சிவாஜி கணேசன்

பணக்கார முதலாளியாக வரும் சிவாஜி கணேசன் யாரை பற்றியும், குறிப்பாக தொழிலாளர் நலன் பற்றியும் எந்த கவலையும் கொள்ளதவராக இருக்கிறார். பெண் மீது ஆசை கொண்டவராக இருக்கும் சிவாஜிக்கு சில பல திருப்பங்களுக்கு பிறகு திருந்தி மாறுகிறார். அப்போது எதிர்பாராத ட்விஸ்ட் உடன் சோகமாக படத்தை முடித்திருப்பார்கள்.

மு. கருணாநிதியின் வசனம் என்பதால் திராவிட முன்னேற்ற கழகத்தின் கொள்கைகளை உயர்த்தியும், ஆட்சியில் இருந்த காங்கிரஸை பல்வேறு வகைகளில் விமர்சித்தும் படத்தில் ஏராளமான டயாலாக்குகள் இடம்பிடித்திருந்தன. சுருக்கமாக திராவிட பிரச்சார படமாகவே இது அமைந்திருந்தது.

சிவாஜியும் வில்லதனம் பொருந்திய கதாபாத்திரத்தில் தொடக்கத்தில் யாரையும் அலட்டிக்கொள்ளாமலும், கிளைமாக்ஸில் உத்தமனாக மாறி உருவகுவதும் என அலட்டிக்கொள்ளாத நடிப்பை வெளிப்படுத்தியிருப்பார். படத்தில் பெரும்பாலான காட்சிகளில் ஸ்டைலாக சிகரெட் பிடித்தவாறே நடித்திருப்பார்.

சிவாஜி இந்த காலகட்டத்தில் ரங்கூன் ராதா, அந்தநாள் உள்பட சில படங்களிலும் இதைப்போல் ஆன்டிஹீரோவாக நடித்தார்.

அகல்யா என்ற புராண கதையை மையமாக கொண்டு இந்த படத்தின் கதை அமைக்கப்பட்டிருக்கும். மு. கருணாநிதி கதை, வசனம் எழுதிய படங்களில் சிறந்த படமாக திரும்பிப்பார் இருப்பதாக பாராட்டுகளை பெற்றது.

ஜி. ராமநாதன் இசை

படத்தில் மொத்தம் 10க்கு மேற்ப்பட்ட பாடல்கள் இடம்பிடித்திருக்கும். கண்ணதாசன் பாடல் வரிகள் எழுத, ஜி. ராமநாதன் இசையில் படத்தின் பாடல்கள் அந்த காலகட்டத்தில் வரவேற்பை பெற்றன. பாடல்களிலும் கிடைத்த இடத்தில் அரசியல் கருத்துகளை முன் வைத்து வரிகளை எழுதியிருப்பார் கண்ணதாசன்.

மீண்டும் ஹிட்

பராசக்தி வெற்றியை தொடர்ந்து அரசியல் நய்யாண்டி கலந்த டிராமா பாணியில் உருவாக்கப்பட்ட திரும்பிப்பார் படமும் 100 நாள்களு மேல் ஓடிய நிலையில், மீண்டும் ஹிட் கொடுதார்கள் மு. கருணாநிதி - சிவாஜி கணேசன் கூட்டணி. 

தமிழில் அரசியல் கலந்த சிறந்த படமாகவும், மு. கருணாநிதியின் சிறந்த எழுத்து, சிவாஜியின் சிறப்பான நடிப்பு என சிறப்புகளை கொண்ட படமாக இருக்கும் திரும்பிப்பார் வெளியாகி இன்றுடன் 71 ஆண்டுகள் ஆகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.