சூலம்.. அரிவாள்.. குதிரை.. அடுத்த மூக்குத்தி அம்மனுக்கு தயாராகிவிட்டாரா ஆர்.ஜே. பாலாஜி? சூர்யா 45 அப்டேட்

கங்குவா திரைப்படத்திற்குப் பின் நடிகர் சூர்யா வாடிவாசல் திரைப்படத்தில் தனது முழு கவனத்தையும் செலுத்துவார் என ரசிகர்கள் எதிர்பார்த்திருந்தனர். ஆனால், சூர்யா தரப்பிலிருந்து வந்ததோ வேறு பதில்கள்.

சூர்யா கங்குவா திரைப்படத்தை தொடர்ந்து புதிய படம் ஒன்றில் நடிக்க ஒப்பந்தமாகியுள்ளார். சூர்யாவின் இந்த 45வது படத்தை நடிகரும் இயக்குநருமான ஆர்.ஜே. பாலாஜி இயக்கவுள்ளார் என அறிவிக்கப்பட்டுள்ளது. அதுமட்டுமின்றி, இந்தத் திரைப்படத்திற்குப் பின்னரே சூர்யா வாடிவாசல் திரைப்படத்தில் நடிப்பார் எனவும் தெரிவிக்கப்பட்டுள்ளது.

சூர்யா 45

இப்போது இந்தத் தகவலை படக்குழு உறுதி செய்தது மட்டுமின்றி, தற்போது இந்தப் படத்திற்கான அடுத்த அப்டேட் ஒன்றையும் கொடுத்துள்ளது.

ஆர்.ஜே. பாலாஜி- சூர்யா கூட்டணியில் உருவாகும் இந்த திரைப்படத்தை ட்ரீம் வாரியர்ஸ் பிக்சர்ஸ் நிறுவனம் தயாரிக்கிறது. இன்னும் பெயரிடப்படாத இந்தப் படத்திற்கு ஏ.ஆர். ரஹ்மான் இசையமைக்கிறார் என படக்குழு அதிகார்ப்பூர்வமாக அறிவித்துள்ளது.

சூர்யா 45ன் போஸ்டர்

சூர்யா 45ன் படக்குழு வெளியிட்டுள்ள அறிவிப்பில் போஸ்டர் ஒன்று வெளியிடப்பட்டுள்ளது. இதில், வேல், அரிவாள், குதிரை ஒன்று படுத்திருப்பது போன்ற காட்சிகள் இடம்பெற்றுள்ளது. இதனால், ஆர்.ஜே. பாலாஜியின் இந்தப் படமும் கடவுளை மையப்படுத்தி இருக்குமோ என சந்தேகம் எழுகிறது. ஏனெனில் இவரது மூக்குத்தி அம்மன் திரைப்படம் குலதெய்வ வழிபாட்டை மையமாக வைத்து உருவாக்கப்பட்டது.

திரைத்துறையில் ஆர்.ஜே. பாலாஜி

ரோடியோ துறையில் பணியாற்றிய போதே தனது பேச்சால் பல ரசிகர்களை கொண்டிருந்தவர் ஆர்.ஜே. பாலாஜி. பின் இவர் நடிகர் சித்தார்த்தின் தீயா வேலை செய்யணும் குமாரு திரைப்படத்தின் மூலம் திரைத்துறையில் காலடி எடுத்து வைத்தார். பின், பல படங்களில் சிறு சிறு கதாப்பாத்திரங்களில் நடித்து வந்தார். இவர், விக்னேஷ் சிவன்- சூர்யா கூட்டணியில் வெளியான தானா சேர்ந்த கூட்டம் திரைப்படத்திலும் கூட நடத்திருப்பார்.

இதைத்தொடர்ந்து இயக்குநர் அவதாரம் எடுத்தார் ஆர்.ஜே. பாலாஜி. இவர் நயன்தாராவை அம்மனாக வைத்து எடுத்த மூக்குத்தி அம்மன் திரைப்படமும், அபர்ணா பாலமுரளி, சத்யராஜ் கூட்டணியில் உருவாக்கிய வீட்ல விசேஷம் படமும் மெகா ஹிட் அடித்தது. இதற்கிடையில், ஆர்.ஜே. பாலாஜி கதாநாயகனாகவும் சில படங்களில் நடித்து வந்தார்.

இதைத்தொடர்ந்து அவர் தற்போது சூர்யாவை கதாநாயகனாக வைத்து படம் இயக்க உள்ளார். இவரது படங்கள் குடும்பத்தை மையப்படுத்தி காமெடி ஜார்னரிலே இதுவரை இருந்துள்ளது. இந்நிலையில், இவர் சூர்யாவை வைத்து எந்த மாதிரியான படத்தை எடுக்கப் போகிறார் என பெரும் எதிர்பார்ப்பில் ரசிகர்கள் உள்ளனர்.

தள்ளிப்போகும் வாடிவாசல்

அதேசமயம், நடிகர் சூர்யா முன்கூட்டியே ஒப்புக் கொண்ட வாடிவாசல் திரைப்படத்தில் ஏன் தற்போது நடிக்கவில்லை என்ற கேள்வியும் பல ரசிகர்களின் மனதில் எழுகிறது. இயக்குநர் வெற்றிமாறனுடன் சூர்யா கைகோர்த்த திரைப்படம் தான் வாடிவாசல், இவர் நடிகர்கள் விஜய் சேதுபதி, சூரியை வைத்து விடுதலை 2 படத்தை இயக்கி வருகிறார். இந்தப் படத்திற்காக ஏற்கனவே எடுக்கப்பட்ட காட்சிகளில் திருப்தி இல்லாததால், இயக்குநர் வெற்றி மாறன் படத்தை திரும்ப எடுக்கலாமா இல்லை எடுத்த காட்சிகளை ஒழுங்கு படுத்தலாமா என யோசித்து வருகிறாராம்.

கங்குவா

சிறுத்தை சிவா இயக்கத்தில் வரலாற்று பின்னணி கொண்ட திரைப்படமாக உருவாகியுள்ளது கங்குவா. இந்தத் திரைப்படம் நடிகர் ரஜினி காந்த்தின் வேட்டையன் திரைப்படத்தின் வெளியீட்டினால் தள்ளிப் போனது. இதைத் தொடர்ந்து வரும் நவம்பர் 14ம் தேதி தமிழ், தெலுங்கு, மலையாளம், கன்னடம், ஹிந்தி, ஆங்கிலம் என 30க்கும் மேற்பட்ட மொழிகளில் வெளியாக உள்ளது. மேலும், இந்தப் படத்தில் சூர்யாவின் குரல் அனைத்து மொழிகளிலும் ஏஐ தொழில்நுட்பம் மூலம் பயன்படுத்தப்பட்டுள்ளது குறிப்பிடதக்கது.