Top Cinema News: விஜய் சேதுபதிக்கு அட்வைஸ், ரஜினிகாந்த் சூப்பர் ஹிட் படம் ரீ-ரிலீஸ்..இன்றைய டாப் தமிழ் சினிமா செய்திகள்

தளபதி விஜய்யின் தி கோட் படம் நேர்மறையான விமர்சனங்களுடன் தொடர்ந்து நல்ல வசூலை பெற்று வரும் நிலையில், செப்டம்பர் 11ஆம் தேதியான இன்று டாப் சினிமா செய்திகளை பற்றி பார்க்கலாம்.

உருவாகிறது 96 இரண்டாம் பாகம்

2018இல் பிரேம்குமார் இயக்கத்தில் வெளியாகி சூப்பர் ஹிட்டான படம் 96. விஜய் சேதுபதி - த்ரிஷா இணைந்து நடித்து ரசிகர்களின் மனங்களை கவர்ந்த இந்த படத்தின் இரண்டாம் பாகத்தை இயக்க திட்டமிட்டு இருப்பதாக இயக்குநர் பிரேம்குமார் கூறியுள்ளார். இரண்டாம் பாகத்திலும் விஜய் சேதுபதி - த்ரிஷா ஜோடியே நடிப்பார்கள் என அவர் தெரிவித்துள்ளார்.

பாடகர் மனோ மகன்கள் மீது வழக்கு

சென்னையில் குடிபோதையில் இரண்டு வாலிபர்கள் தாக்கியதாக பாடகர் மனோவின் மகன்கள் உள்பட 5 பேர் மீது போலீசார் வழக்கு பதிவு செய்துள்ளனர். கால்பந்து அகாடமியில் பயிற்சி முடித்து விட்டு இரவில் வீட்டுக்கு செல்லும்போது உணவு வாங்க செல்லும்போது இரு மாணவர்களிடம் தகராறில் ஈடுபட்டதாக கூறப்படுகிறது. இதில் மாணவர்கள் மனோவின் மகன்கள் இருவரும் தாக்கியதாக சொல்லப்படுகிறது

தெலுங்கு மாநிலங்களில் வெள்ளத்துக்கு சிம்பு நிவாரண நிதி

ஆந்திரா மற்றும் தெலங்கானா மாநிலத்தில் ஏற்பட்ட வெள்ள பாதிப்புக்கு நடிகர் சிம்பு ரூ. 6 லட்சம் நிவாரண நிதி அளித்துள்ளார். தெலுங்கு மாநிலங்களில் வெள்ள பாதிப்பு நிவாரண நிதி அளித்த முதல் தமிழ் நடிகராக சிம்பு உள்ளார்.

விபத்தில் சிக்கி உயிர் தப்பிய ஜீவா

தமிழ் சினிமாவில் இளம் ஹீரோவாக இருந்து வரும் நடிகர் ஜீவா, தனது மனைவி சுப்ரியாவுடன் காரில் சென்றுள்ளார். கள்ளக்குறிச்சி அருகே அவர் சென்ற காரின் குறுக்கே திடீரென ஒரு நபர் வந்துள்ளாராம். அப்போது மோதலை தவிர்க்க சாலையின் இருந்த தடுப்பு சுவர் மீது ஜீவா சென்ற கார் மோதி விபத்துக்குள்ளானது. இதில் ஜீவாவின் கார் முன் பகுதி பலத்த சேதம் அடைந்தது. ஜீவா, அவரது மனைவி சுப்ரியாவுக்கு லேசான காயம் ஏற்பட்டுள்ளதாக கூறப்படுகிறது.

மும்பை பங்களாவை விற்ற கங்கனா

பாலிவுட் சினிமாவில் டாப் நடிகையாக இருந்து வரும் கங்கனா இயக்கி, நடித்திருக்கும் புதிய படம் எமர்ஜென்சி. முன்னாள் பிரதமர் இந்திரா காந்தி ஆட்சி காலத்தில் கொண்டுவரப்பட்ட அவசரநிலை பிரகடனத்தை மையமாக வைத்து படம் உருவாகி உள்ளது.

இந்த படத்துக்கு காங்கிரஸ் கட்சியின் பலத்த எதிர்ப்பு உள்பட பல்வேறு காரணங்களால் ரிலீசில் தாமதமாகிறது. படத்தின் வெளியீட்டுக்காக மும்பை பந்த்ரா பகுதியில் உள்ள தனது பங்களாவை ரூ. 32 கோடிக்கு விற்பனை செய்துள்ளாராம்.

விவாகரத்து ஜெயம் ரவியின் தன்னிச்சையான முடிவு - ஆர்த்தி ரவி

என் கணவரிடம் மனம் விட்டு பேச, என் கணவரை சந்திக்க வேண்டும் என நான் சமீபகாலமாக பலவித முயற்சிகள் செய்தேன். ஆனால் அதற்கான வாய்ப்பு எனக்கு மறுக்கப்பட்டது. நானும் என் இரண்டு குழந்தைகளும் எதுவும் புரியாமல் தவித்து கொண்டிருக்கிறோம்.

திருமண பந்தத்தில் இருந்து விலக வேண்டும் என்ற இந்த முடிவு முழுக்க முழுக்க சொந்த விருப்பத்தை சார்ந்து அவராகவே எடுத்த முடிவே தவிர குடும்ப நலன் கருதி எடுக்கப்பட்ட முடிவு அல்ல. இந்தச் சோதனையில் இருந்து நாங்கள் மீண்டு வர உங்கள் பிரார்த்தனைகள் துணை நிற்க வேண்டும் என்று உங்களை வேண்டி விரும்பி கேட்டுக்கொள்கிறேன் என்று ஜெயம் ரவியின் மனைவி அறிக்கை வெளியிட்டுள்ளார்.

தனுஷ் படத்தில் அருண் விஜய்

நிலவுக்கு என்மேல் என்னடி கோபம் படத்தை தொடர்ந்து தனுஷ் இன்னொரு படத்தை இயக்கவுள்ளார். இந்த படத்தில் அருண் விஜய் முக்கிய கதாபாத்திரத்தில் நடிக்க உள்ளாராம். அடுத்த ஆண்டு இந்த படத்தின் பணிகள் தொடங்கவுள்ளதாகவும் அருண் விஜய் ஹீரோ அல்லது வில்லனா என்பது பற்றி படக்குழுவினர் சஸ்பென்ஸாக வைத்துள்ளனராம்.

விஜய் சேதுபதிக்கு அட்வைஸ்

பிக் பாஸ் தமிழ் சீசன் 8 நிகழ்ச்சியை தொகுத்து வழங்க இருக்கும் விஜய் சேதுபதிக்கு அட்வைஸ் ரசிகர்கள், பொதுமக்கள் என பலரும் மழை பொழியும் புரொமோ விடியோ வெளியிடப்பட்டுள்ளது. ஆளும் புதுசு, ஆட்டமும் புதுசு என விஜய் சேதுபதி பேசி முடிக்க இந்த புரொமோ ரசிகர்களை கவர்ந்து வைரலாகியுள்ளது.

வாழை ஓடிடி ரிலீஸ்

மாரிசெல்வராஜ் இயக்கத்தில் உருவாகி ரசிகர்களை கவர்ந்து பாக்ஸ் ஆபிஸில் வசூலை குவித்த வாழை திரைப்படம் டிஸ்னி ப்ளஸ் ஹாட்ஸ்டாரில் செப்டம்பர் 27ஆம் தேதி வெளியாகும் என அறிவிக்கப்பட்டுள்ளது. தமிழ் பதிப்பில் மட்டும் படம் வெளியாகும் எனவும் பிற மொழிகளில் பின்னர் வெளியாகும் என கூறப்பட்டுள்ளது.

ரஜினிகாந்த் சூப்பர் ஹிட் படம் ரீ-ரிலீஸ்

சூப்பர் ஸ்டார் ரஜினிகாந்த் - பிரமாண்ட இயக்குநர் ஷங்கர் இயக்கத்தில் உருவாகி சூப்பர் ஹிட்டான சிவாஜி திரைப்படம் செம்டம்பர் 20ஆம் தேதி ரீ-ரிலீஸ் ஆகிறது.

4K ரெசலூசனில் சில தேர்வு செய்யப்படும் ஸ்கிரீன்களில் வெளியாக இருக்கும் இந்த படத்தின் டிக்கெட் விலை ரூ. 99 என விலை நிர்ணயம் செய்யப்பட்டுள்ளதாக கூறப்படுகிறது.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/