நான் அழகுக்காக அதை செய்தேனா.. இதுதான் காரணம்.. வேறொன்றும் இல்லை.. சர்ச்சைகளுக்கு முற்றுப்புள்ளி வைத்த நயன்தாரா

லேடி சூப்பர் ஸ்டாராக தமிழ் திரை உலகில் வலம் வரும் நயன்தாரா தமிழ்,  தெலுங்கு, மலையாளம், இந்தி உள்ளிட்ட பல மொழிகளில் வெற்றிகரமாக நடித்து வருகிறார். ஒரு படத்திற்கு 10 கோடிக்கு மேல் சம்பளம் வாங்கி வரும் நடிகைகளில் இவரும் ஒருவர். மேலும் சமீபத்தில் ஒரு விளம்பரத்தில் நடிக்க 5 கோடி சம்பளம் வாங்கியதாக தகவல்கள் வெளியானது. இப்படி தனது துறையில் பிசியாக வலம் வந்தாலும் நயன்தாரா அடிக்கடி தனது மகன்கள் மற்றும் கணவர் விக்னேஷ் சிவனுடன் எடுக்கும் புகைப்படங்களை சமூக வலைதளங்களில் வெளியிட்டு வருகிறார். அப்போதும் தன்னை ஆக்டீவாக வைத்துள்ள நயன்தாரா தனது முகத்தில் பிளாஸ்டிக் சர்ஜரி செய்து கொண்டதாக தகவல்கள் வெளியாகி வைரலாக தொடங்கியது.

நயன்தாரா சினிமாவில் அறிமுகமான போது இருந்த முக அமைப்பிற்கும் இப்போது உள்ள தோற்றத்திற்கும் இடையே நிறைய வித்தியாசம் உள்ளது. அவர் மூக்கு அறுவை சிகிச்சை செய்து இருக்கலாம். அதேபோல் ஆரம்பத்தில் இருந்தே அவரது கன்னம் பெரிதாக இருந்தது. ஆனால் தற்போது கன்னங்கள் ஒட்டி உள்ளது. இதனால் அறுவை சிகிச்சை மூலம் கொழுப்பை அவர் கரைத்து இருக்கலாம். உதட்டில் லிப் ஃபில்லர்களை பயன்படுத்தி இருக்கலாம் என சமூக வலைதளங்களில் பல்வேறு தகவல்கள் பரவியது.

சமீபத்தில் அவர் அறித்த பேட்டி ஒன்றில், “புருவத்துக்கு நான் அதிக முக்கியத்துவம் கொடுப்பது உண்மைதான் அதை அழகுப்படுத்த அதிக நேரம் எடுத்துக் கொள்வேன் ஏனென்றால் அதுதான் எனக்கு உண்மையான கேம்ஸ் அடிக்கடி அதில் வித்தியாசம் தெரிவதால் என் முகத்தில் ஏதோ மாற்றம் செய்திருக்கிறேன் என நினைக்கிறார்கள் ஆனால் அது உண்மையில்லை நான் பிளாஸ்டிக் சர்ஜரி செய்யவில்லை. டயட் காரணமாக உடல் எடையில் ஏற்ற இறக்கங்கள் ஏற்படுகிறது அதனால் என் கன்னங்கள் ஒட்டி இருப்பது போலவும், தடித்து இருப்பது போலவும் காட்டுகின்றன. அவ்வளவுதான். வேறொன்றும் இல்லை” என்று கூறியுள்ளார்

நயன்தாரா புதிய படங்கள்

நயன்தாரா தற்போது டெஸ்ட் என்ற படத்தில் நடித்து வருகிறார். இதில் மாதவன், சித்தார்த் முக்கிய கதாபாத்திரங்களில் நடிக்கிறார்கள். இது தவிர தனி ஒருவன் 2, குட் பேட் அக்லி, மூக்குத்தி அம்மன், மகாராணி என எதிர்பார்ப்பை ஏற்படுத்தும் படங்களில் நடித்து வருகிறார்.

சினிமாவுக்காக மாறிய நயன்தாரா

டயானா மரியம் குரியன், சினிமாவுக்காக நயன்தாராவாக மாறி தாய் மொழியான மலையாளத்தில் தான் தனது திரைபயணத்தை தொடங்கினார். தமிழில் சரத்குமார் ஜோடியாக ஐயா படத்தில் அறிமுகமான நயன், இரண்டாவது படத்திலேயே ரஜினிகாந்தின் ஜோடியாகி சந்திரமுகி படத்தில் அற்புதமான நடிப்பை வெளிப்படுத்தி பலரது புருவத்தை உயர வைத்தார்.

தமிழுக்கு பின் தெலுங்கு என தென் இந்திய பட சினிமாக்களில் நடிக்கும் ஹீரோயின்கள் சம்பிரதாயமாக செய்யும் விஷயங்களை அனைத்தையும் செய்தாலும், கவர்ச்சி, டாப் ஹீரோக்களின் மனம் கவர்ந்த நாயகி ஆகியவற்றை கடந்த இவரது கதாபாத்திர தேர்வும், நடிப்பு திறமையும் தனித்துவமாக காட்டியது.

சொந்த வாழ்க்கையில் இரண்டு முறை காதல் தோல்வி, அதுவும் பிரபமான நடிகர்களிடம் என புரட்டி போடும் விதமாக அமைந்தாலும், அதிலிருந்து மீண்டு தனது சினிமா வாழ்க்கையில் வெளிக்காட்டிய அர்பணிப்பால் திரையுலகில் மேலே உயர உயர பறந்தார்.

கலைமாமணி விருது, சிறந்த நடிகைக்கான தமிழ்நாடு அரசின் விருது, நந்தி விருது, சைமா மற்றும் பிலிம் பேர் விருது உள்பட ஏராளமான விருதுகளை வென்ற நடிகையாக இருக்கும் நயன்தாரா, 2018ஆம் ஆண்டில் போர்ஸ் இதழில் இடம்பிடித்த டாப் 100 லிஸ்டில் இடம்பிடித்த ஒரே தென்னிந்திய நடிகை என்ற பெருமையும் பெற்றார் என்பது குறிப்பிடத்தக்கது

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.