மீண்டும் மீண்டுமா? விட்டதை பிடித்து ராஜநடை போட்டு வந்த தர்ஷா! ஆட்டம் காணப்போகும் பிக்பாஸ் வீடு

பிக்பாஸ் சீசன் 8 தொடங்கிய முதல் நாளில் இருந்தே கலவரத்திற்கும், கண்டெண்ட்டிற்கும் பஞ்சம் இல்லாமல் சென்று கொண்டிருக்கிறது. மற்ற எந்த சீசனிலும் இல்லாத வகையில் பலவித புதிய விதிமுறைகளும் விதிக்கப்பட்டு வருகிறது.

போட்டியாளர்கள் ஆண்கள் அணி மற்றும் பெண்கள் அணி எனப் பிரிக்கப்பட்டுள்ள நிலையில், பிக்பாஸ் நிகழ்ச்சியின் முதல் வாரம் நேற்றோடு முடிந்துள்ளது. இன்று இரண்டாவது வாரம் தொடங்கியுள்ள நிலையில், பிக்பாஸ் சீசன் 8 நிகழ்ச்சியில் இரண்டாவது வார நாமினேஷன் இன்று நடந்துள்ளது. இதில் போட்டியாளர்கள் தாங்கள் வெளியேற விரும்பும் போட்டியாளர்களை நாமினேட் செய்து உள்ளனர். முதல் வாரத்தில் பேட்மேன் ரவீந்தர் வெளியேற்றப்பட்டார் என்பது குறிப்பிடத்தக்கது.

அணி மாறும் போட்டியாளர்கள்

இந்த நிலையில், இன்றைய பிக்பாஸ் நிகழ்ச்சிக்கான 3வது ப்ரோமோவை வெளியிட்டுள்ளது. அதில், ஏற்கனவே, முதல் வாரத்தில் ஆண்கள் அணியிலிருந்து முத்துக்குமரனும், பெண்கள் அணியிலிருந்து பவித்ரா ஜனனியும் தங்கள் அணியிலிருந்து மாறி, விளையாடி வருகின்றனர். இந்த விளையாட்டிற்கு செல்ல நான் தான் தகுதியாளவள் என தர்ஷாவும் பவித்ராவும் கடந்த வாரம் சண்டையிட்டுக் கொண்ட நிலையில், தற்போது அந்த வாய்ப்பு தர்ஷாவின் கைக்கு வந்துள்ளது.

அதேபோல, கடந்த வாரம் பெண்கள் அணிக்கு செல்லுமாறு ரவீந்திரன் தீபக்கை வலியுறுத்தி இருந்தார். அந்த வகையில் தற்போது தீபக் பெண்கள் அணிக்கு சென்றுள்ளார். இந்நிலையில், பெண்கள் அணியிலிருந்து ஆண்கள் அணிக்கு வந்த தர்ஷாவை அர்னவ்வும், ரஞ்சித்தும் வரவேற்று வருகின்றனர். தர்ஷாவின் பொருட்களை அர்னவ் எடுத்து வரும்போது, தர்ஷா தான் நினைத்த விஷயத்தில் வெற்றி அடைந்ததால் ராஜநடை போட்டு வருகிறார்.

அலோசனையில் பெண்கள் அணி

முன்னதாக, பெண்கள் அணியிலிருந்து ஆண்கள் அணிக்கு வந்தால் என்னவெல்லாம் நடக்கும், அவர்கள் எப்படி நடத்துவார்கள் என பெண்கள் அணியினர் கூட்டாக ஆலோசனை செய்கின்றனர். பிக்பாஸ் வீட்டில் முதல் வாரம் முடிந்த நிலையில், தொகுப்பாளர் விஜய் சேதுபதி எப்படி விளையாட்டை கொண்டு செல்ல வேண்டும், பிக்பாஸ் வீட்டில் போட்டியாளர்கள் என்ன செய்து கொண்டிருக்கிறார்கள் என்பதை முகத்திற்கு நேராகவே வெளிப்படுத்திய நிலையில், வீட்டிலுள்ள போட்டியாளர்கள் கொஞ்சம் சுறுசுறுப்புடன் காணப்படுவதால், இன்று அவர்கள் என்ன செய்யப் போகிறார்கள் என்பதை பொறுத்திருந்தே பார்க்க வேண்டும்.

அன்ஷிதா-முத்துக்குமரன் சண்டை

முன்னதாக பிக்பாஸில் இன்று இரண்டாவது வாரத்திற்கான நாமினேட் நடந்து முடிந்தது. இதில் ஜெப்ரி, ரஞ்சித் மற்றும் சௌந்தர்யா ஆகியோர் அதிக வாக்குகள் பெற்று நாமினேட் செய்யப்பட்டுள்ளனர். இந்நிலையில் தற்போது பிக்பாஸ் இரண்டாவது புரோமோ வெளியாகி உள்ளது. இதில் அன்ஷிதாவிற்கும் முத்துக்குமரனுக்கும் சண்டை ஏற்படுகிறது. முத்துக்குமரன் ஆண்கள் அணியில் இருந்து பெண்கள் அணிக்கு சென்று விளையாடி வருகிறார். புரோமோ வீடியோவில் முதலில் பேசிய அன்ஷிதா, முத்து குமரனின் செயல் தனக்கு பிடிக்கவில்லை, உன் சாயம் வெளுத்துப்போச்சு இனிமேல் வந்த நல்லவன் மாதிரி சீன் போடாதே என்று சொல்கிறார்.

நான் நல்லவன்

இதனைக் கேட்ட முத்துக்குமரன், "நான் நல்லவன். உங்களுக்கு எதிரா விளையாடுவதால் உங்களுக்கு தப்பா தான் தெரியும் என்று கூறுகிறார். இதனால் கோபத்தின் உச்சத்திற்கே சென்ற அன்ஷிதா நடிக்காதடா! எனக் கோபமாக கத்துகிறார். மேலும் முத்துக்குமரன் பொறுமையாக எது என்னிடம் பிடிக்க வில்லை என பொறுமையாக கேட்க. எந்த பதிலும் கூறாமல் உன்ன எனக்கு பிடிக்கல. எனக்கு இஷ்டம் இல்ல என்று ஒரே மூச்சாக கத்துகிறார்.

அன்ஷிதா-அர்ணவ்

பிக்பாஸ் ஆரம்பத்தில் இருந்தே அன்ஷிதா மற்றும் அர்ணவ் ஆகியோரை நெட்டிசன்கள் விமர்சித்து வருகின்றனர். மனைவியை குழந்தையோடு தவிக்க விட்டு, அன்ஷிதாவுடன் சேர்ந்து இருப்பதாக அவரவர் கருத்தை தெரிவித்து வருகின்றனர். இந்நிலையில் பிக்பாஸ் வீட்டிற்குள் இருவரும் வந்து இருந்தது சக போட்டியாளர்களுக்கும் பிடிக்க வில்லை எனத் தெரிகிறது.

தேவை இல்லாமல் பெரிய சர்ச்சை கிளப்ப வேண்டும் என்பதற்காகவே அன்ஷிதா இப்படி முத்துக்குமரனிடம் கத்தியிருக்க கூடும் எனவும் சமூக வலைத்தளத்தில் கருத்து பரவி வருகிறது. மேலும் இந்த வார நாமினேஷன் லிஸ்ட்டில் இருவரது பெயரும் இல்லை என்பதாலும் சற்று தைரியத்தில் அன்ஷிதா நடப்பதாகவும் கருதுக்கள் எழுந்துள்ளது.