'யூனிட்டி.. மண்ணாங்கட்டி' சாச்சனாவை வறுத்தெடுத்த சுனிதா.. பிக்பாஸ் வீட்டுக்குள் சர்ச்சையை கிளப்பும் பேச்சு..

இதுகுறித்து விஜய் சேதுபதி சாச்சனாவிடம் கேட்டுள்ளார். சாச்சனாவின் செயலை அறிந்த பெண்கள் அணிக்கு அதிர்ச்சி தான் மிஞ்சியது. அதுமட்டுமின்றி, சாச்சனா குறித்த தவறான பிம்பத்தையும் ஏற்படுத்தியது.

கோபமடைந்த பெண்கள்

பெண்கள் அணிக்குள் ஒற்றுமை இல்லை. ஆனால், ஆண்கள் அணியினர் அனைவரும் ஒன்று திரண்டு இருக்கிறார்கள். அவர்களிடம் நல்ல ஒத்துழைப்பு உள்ளது. பெண்கள் எந்த விஷயத்தையும் ஏற்க மறுக்கின்றனர். அவர்களின் தேவையை மட்டுமே முதலில் சிந்திக்கின்றனர் என பல விஷயங்களை கூறிய சாச்சனா, ஏன் இந்த விஷயத்தை கூறவில்லை என கோபமடைந்தனர்.

கடுப்பில் வார்த்தையை விட்ட சுனிதா

பின் இதுகுறித்து விஜய் சேதுபதி முன் கோபத்துடன் பேசிய சுனிதா, சாச்சனாவின் செயல் தனக்கு அதிர்ச்சியாக இருக்கிறது என்றும், பெண்கள் அணியில் யூனிட்டி மண்ணாங்கட்டி என சொல்லிட்டு இருந்த சாச்சனா, வீக் விஷயத்தைப் பற்றி ஆண்கள் அணியிடம் சொல்லாமல் எங்களிடம் சொல்லியிருக்க வேண்டும் எனக் கூறியிருக்கிறார்.

இதையடுத்து, சாச்சனா மீது கோபமடைந்து சுனிதா பேசிய வீடியோவை விஜய் டிவி தற்போது ப்ரோமோவாக வெளியிட்டுள்ளது. ஒரு வாரம் முழுக்க பிக்பாஸ் வீட்டில் நடந்த நிகழ்வுகள் குறித்து, சனி மற்றும் ஞாயிற்றுக் கிழமைகளில் பிக்பாஸ் தொகுப்பாளர் கலந்து ஆலோசித்து, அவர்களின் நடவடிக்கை எத்தகைய எதிர்வினையை ஏற்படுத்தியுள்ளது என்பதை விளக்குவார்.

பிக்பாஸ் வீட்டு பிரச்சனை

இந்த சீசனில் விஜய் சேதுபதி பிக்பாஸ் தொகுப்பாளராக வந்துள்ளார். அவரின் முதல் சீசனின் முதல் வார நிகழ்ச்சி நேற்று ஒளிபரப்பானது. இதில், விஜய் சேதுபதி பிக்பாஸ் வீட்டில் உள்ள அனைவரிடமும் கருத்துகளைக் கேட்டார். பின், அங்கு நடந்த சண்டைகள், கருத்து வேறுபாடுகள் என பல சம்பவங்கள் குறித்து பேசினார். ரவீந்தரின் நடவடிக்கைகள், அவர் போட்டியாளர்களை அணுகும் விதம் உள்ளிட்டவை குறித்து அவர் பயன்படுத்திய வார்த்தைகள் குறித்து அதிகமாக பேசினார்.

பின், ஜாக்குலின் மற்றும் தர்ஷா குப்தா மற்றவர்களை எரிச்சலூட்டும் விதமாக நடந்துகொள்வதையும் எப்படி பிறரை மதிக்க வேண்டும் என்பதையும் விளக்கினார். பின், ஆண்கள் அணி, பெண்கள் அணிக்கும் உள்ள வித்யாசம் என்ன போட்டிக்கு எது மிகவும் அவசியம் என்பதையும் விளக்கினார்.

என்ன செய்தார் சாச்சனா?

இந்த நிலையில் தான், விஜய் டிவி இன்றைய நிகழ்ச்சியின் முதல் ப்ரோமோவை வெளியிட்டுள்ளது. அதில், மக்களுடன் மக்களாக நிகழ்ச்சியை பார்த்துவிட்டு மீண்டும் பிக்பாஸ் வீட்டிற்குள் சென்ற சாச்சனா என்னென்ன செய்துள்ளார். அங்குள்ளவர்களை சாச்சனாவின் வார்த்தைகள் எப்படி மாற்றியுள்ளது என்பது குறித்து இன்று விவாதிக்க உள்ளார். அதில், வீக்கான போட்டியாளர்கள் குறித்து பெண்கள் அணியில் கூறாததால், கோபமடைந்து சுனிதா பேசியது போன்ற காட்சிகள் இடம் பெற்றுள்ளது.