நிறைமாத கர்ப்பிணி ஆன தனுஷ் பட நடிகை..கர்ப்ப கால வயிற்றுடன் க்யூட் போட்டோ ஷூட் புகைப்படங்கள் பகிர்வு

கேரளாவை சேர்ந்த நடிகையும், மாடலுமான வித்யா பிரதீப் தமிழில் ஏராளமான படங்களில் நடித்துள்ளார். மவலையாளம், கன்னட சினிமாக்களிலும் நடித்திருக்கும் இவர் தற்போது நிறைமாத கர்ப்பிணியாக இருக்கிறார். கர்ப்ப வயிற்றுடன் போட்டோஷூட் எடுத்துக்கொண்டிருக்கும் வித்யா பிரதீப் அந்த புகைப்படங்களை தனது இன்ஸ்டாவில் பகிர்ந்துள்ளார்.

எங்கள் காதல் கதை என்றென்றும் நிலைத்து நிற்கும்

இதுதொடர்பாக அவர் இன்ஸ்டாவில் கர்ப்ப வயிற்றுடன் எடுத்துக்கொண்ட புகைப்படங்களுடன் வித்யா பிரதீப் பகிர்ந்திருக்கும் பதிவில், "நான் உணக்காக காத்திருக்கிறேன். என் விலைமதிப்பற்ற ஒன்று, என் இதயம், என் ஆன்மா, என் உதய சூரியன். அருளால் மூடப்பட்டிருக்கும், மிகவும் தூய்மையான மற்றும் சிறிய, அன்பான பரிசு, எல்லாவற்றிலும் பெரியது.

என் வாழ்க்கை முழு வட்டமாகியுள்ளது. தூய்மை தூய பேரின்பம், முழுமை மற்றும் உண்மையான பேரின்பம். பருவங்கள் மாறும்போதும், காலம் வெளிவரும்போதும் எங்கள் காதல் கதை என்றென்றும் நிலைத்து நிற்கும்" என்று எமோஷனலாக பதிவிட்டுள்ளார்.

வெள்ளை நிறத்தில் கவுன் அணிந்து வித்யா பிரதீப் பகிர்ந்திருக்கும் இந்த கர்ப்ப கால புகைப்படங்கள் லைக்குகள் குவிந்து வருவதோடு, ரசிகர்கள் பலரும் அவருக்கு பாராட்டுகளை தெரிவித்து வருகிறார்கள்.

13ஆம் ஆண்டு திருமண புகைப்படம் பகிர்வு

சினிமாவில் நடிக்க வருவதற்கு முன்பு மாடலிங்கில் இருந்த நடிகை வித்யா பிரதீப் தனது 18வது வயதில், மைக்கில் என்கிற புகைப்பட கலைஞரை திருமணம் செய்து கொண்டார்.

இதையடுத்து திருமணமாகி 13 ஆண்டுகள் ஆகியிருப்பதை தனது கணவருடன் இருக்கும் பல்வேறு புகைப்படங்களுடன் பகிர்ந்த் வித்யா பிரதீப், தனது திருமண வாழ்க்கை குறித்து நெகிழ்ச்சியாக பதிவு பகிர்ந்திருந்தார்.

இவரது இந்த பதிவுக்கு பின்னர் தான் திவ்யா பிரிதீப் திருமணமானவர் என பலருக்கும் தெரியவந்தது. அத்துடன் பயோடெக்னாலஜி படித்திருக்கும் இவர், ஸ்டெம் செல் டெக்னாலஜியில் ஆராய்ச்சி செய்து பிஎச்டி பட்டமும் வாங்கியுள்ளார். இவரது ஆராய்ச்சி கட்டுரைகள் சர்வதேச ஜர்னல்களில் பிரசுரமாகியிருக்கிறது. மருத்துவராக இருந்து வரும் இவர் எதிர்பாராத விதமாக மாடலிங் துறையில் நுழைந்துள்ளார். இதைத்தொடர்ந்து மாடலிங், நடிப்பு என தனது திறமையை வெளிப்படுத்தி வருகிறார்.

திவ்யா பிரதீப் படங்கள்

தமிழில் ஜெய் நடிப்பில் வெளியான அவள் பெயர் தமிழரசி படத்தில் சிறிய கதாபாத்திரத்தில் நடித்த இருவர் தொடர்ந்து சைவம் படத்தில் கதையின் நாயகியாக நடித்தார். அத்துடன் சூர்யா நடித்த பசங்க 2, தனுஷ் நடித்த மாரி 2, அருண் விஜய் நடித்த தடம் படத்தில் முக்கிய கதாபாத்திரங்களில் நடித்தார்.

தமிழில் 25க்கும் மேற்பட்ட படங்களில் நடித்திருக்கும் வித்யா பிரதீப், கடந்த மாதம் சதீஷ் நடிப்பில் வெளியான சட்டம் என் கையில் படத்தில் முக்கிய கதாபாத்திரத்தில் நடித்திருந்தார்.

சன்டிவியில் ஒளிபரப்பான நாயகி என்ற சீரியலில் நாயகியாக நடித்திருந்த இவர், வெப்சீரிஸ்களிலும் நடித்துள்ளார். பாரதநாட்டிய கலைஞர், மாடலிங், நடிகை, மருத்துவம் என பன்முக கலைஞராக இருந்து வருகிறார். தொடர்ந்து மருத்துவம், நடிப்பு என கவனம் செலுத்தி வரும் வித்யா பிரதீப் தற்போது தாயாக போகிறார். இந்த மகிழ்ச்சி தகவலை ரசிகர்களுடன் தற்போது ரசிகர்களுடன் அவர் பகிர்ந்திருக்கும் நிலையில், பலரும் வாழ்த்துகளால் அவரது இன்பாக்ஸை நிரப்பி வருகிறார்.