ஸ்ரீவள்ளி இதயத்திற்கு நெருக்கமானவள்! நடிகை ராஷ்மிகா மந்தனா மகிழ்ச்சி பதிவு!

தெலுங்கு திரையுலகின் பான் இந்தியா படங்கள் வரிசையில் கடந்த டிசம்பர் 5 அன்று வெளியான புஷ்பா 2 தி ரூல் திரைப்படம் ரூ.500 கோடி வசூலை கடந்து சென்றுக் கொண்டிருக்கிறது. இந்த நிலையில் இந்த படத்தின் சூட்டிங் போட்டோக்களை ராஷ்மிகா மந்தனா அவரது இன்ஸ்டா பக்கத்தில் பதிவிட்டு அவரது ஸ்ரீவள்ளி கதாபாத்திரம் குறித்தான மகிழ்ச்சியை பதிவிட்டுள்ளார். 

தெலுங்கு திரையுலகின் வெற்றி 

 கடந்த சில ஆண்டுகளாகவே தெலுங்கில் வெளியாகும் கணிசமான படங்கள் பான் இந்தியா படமாக பல இந்திய மொழிகளில் டப்பிங் செய்யப்பட்டு வெளியிடப்படுவது வழக்கமாகி விட்டது. இந்த வரிசையில் கடந்த 2021 ஆம் ஆண்டு வெளியானது. இயக்குனர் சுகுமார் இயக்கத்தில் இந்த படம் உருவாகி இருந்தது. தெலுங்கு திரையுலகின் அக்மார்க் மசாலா படமாக உருவாகி இருந்த புஷ்பா 1 சுமார் ரூ.350 கோடிக்கும் அதிகமாக வசூலை அள்ளிக் குவித்து இருந்தது. தமிழ்நாட்டிலும் இப்படம் அதிக வசூலை பெற்று இருந்தது. 

இப்படத்தில் அல்லு அர்ஜூன், ராஷ்மிகா மந்தனா ஆகியோருடன் சுனில், அஜய் கோஷ், ராஜ் திராண்டுசு ஆகியோர் உட்பட பலரும் நடித்து இருந்தனர். இந்த நிலையில் இப்படத்திற்காக இசையமைப்பாளர் தேவி ஸ்ரீ பிரசாத் மற்றும் அல்லு அர்ஜூனிற்கு தேசிய விருது கிடைத்தது. இந்த படத்தின் இரண்டாம் பாகத்திற்கு மக்களிடத்தில் பெரும் எதிர்பார்ப்பு இருந்த நிலையில் படமும் வெளியாகி வசூலை குவித்து வருகிறது. 

ராஷ்மிகாவின் இன்ஸ்டா பதிவு

புஷ்பா படத்தில் ஸ்ரீவள்ளி கதாபாத்திரத்தில் நடித்து இருந்த ராஷ்மிகா, அவரது நடிப்பிற்காக பெரிதும் பாராட்டப்பட்டார். மேலும் இந்த கதாபாத்திரமாகவே அவர் வாழ்ந்ததாகவும் தெரிவித்தனர். இந்தியா முழுவதும் இப்படத்தின் வாயிலாக ராஷ்மிகாவிற்கு பல ரசிகர்கள் கிடைத்தனர். இதனையடுத்து இப்படத்தின் சூட்டிங்கின் போது எடுக்கப்பட்ட புகைப்படங்களை அவரது இன்ஸ்டா பக்கத்தில் பகிர்ந்து அவரது மகிழ்ச்சியை வெளிப்படுத்தியுள்ளார். இதில் ஸ்ரீவள்ளி என் இதயத்திற்கு நெருக்கமானவள் எனக் குறிப்பிட்டுள்ளார். இது குறித்தான பதிவில், 

“நான் ஸ்ரீவள்ளியாக மாறி இருந்து சில காலம் ஆகிறது.

இன்று, நீங்கள் அனைவரும் அவள் எதைக் கருதுகிறாள், எதற்காகப் போராடுகிறாள், நம்புகிறாள் என்பதைத் ரசித்துப் பார்க்கும்போது மிக யதார்த்தமாக உணர்கிறேன்.

நீங்கள் ஸ்ரீவள்ளியின் கண்களால் புஷ்பாவை அனுபவிப்பது போல் இருக்கிறது, அது எனக்கு மிகுந்த மகிழ்ச்சியை அளிக்கிறது. 

ஸ்ரீவள்ளியை நீங்கள் நேசித்த விதத்தில் சித்தரிப்பது எனக்கு மிகவும் சிறப்பு வாய்ந்தது

அவள் என் இரண்டாவது அடையாளமாகிவிட்டாள், நான் நம்பமுடியாத அளவிற்கு பெருமைப்படுகிறேன். ஸ்ரீவள்ளி எனது பயணத்தை வடிவமைத்து, இன்று நான் இருக்கும் நிலைக்கு கொண்டு வந்துள்ளார், அதற்கு நான் இயக்குநர் சுமுமாரன் அவருக்கு நன்றி தெரிவிக்கிறேன். இதையெல்லாம் சாத்தியமாக்கிய ஒரு மேதை அவர்.

புஷ்பா இல்லாமல் ஸ்ரீவள்ளி இருக்க மாட்டார். புஷ்பாவால் அவள் ஆனாள், அதற்காக அல்லு அர்ஜூனிற்க்கு என் இதயத்தின் ஆழத்தில் இருந்து நன்றி தெரிவித்துக் கொள்கிறேன். எப்போதும்.

என்னைப் பொறுத்தவரை ஸ்ரீவள்ளி வெறும் கதாபாத்திரம் அல்ல; அவள் உண்மையாக உணர்கிறாள், நான் எப்போதும் என் இதயத்திற்கு நெருக்கமாக இருப்பவன். அவளுக்கு என்றென்றும் நன்றியுள்ளவனாக.” எனப் பதிவிட்டு இருந்தார்.