Parhiban: எவ்வளவு ட்ரை பண்ணினாலும் நாட்டாமை பண்ண மாட்டேன்! கரார் காட்டிய பார்த்திபன்

தமிழ் திரையுலகில் இயக்குநர் கே.எஸ்.ரவிக்குமார்- சரத்குமார், விஜயகுமாரின் கூட்டணியில் 1994ம் ஆண்டு வெளியான திரைப்படம் நாட்டாமை. சினிமா காட்சிகள், பாடல்கள் என படம் மக்களில் ஏகோபித்த ஆதரவைப் பெற்று மாபெரும் வெற்றி பெற்றதுடன் வசூலிலும் சாதனை படைத்தது.

இந்தத் திரைப்படத்தில் சரத்குமார் கதாபாத்திரத்தில் நடிக்க இயக்குநர் கே.எஸ்.ரவிக்குமார் முதலில் அணுகியது நடிகரும் இயக்குநருமான பார்த்திபனைத் தான். ஆனால் அவர் அந்தப் படத்தில் நடிக்க தன்னால் முடியாது என திட்டவட்டமாக மறுத்துள்ளார். இதற்கான காரணம் குறித்து அவர் சமீபத்தில் அளித்த பேட்டி ஒன்றில் குறிப்பிட்டுள்ளார்.

அந்தப் பேட்டியில், தமிழில் சிறிய பட்ஜெட்டில் எடுத்து வசூலை வாரி குவித்த நாட்டாமை படத்தை இன்றும் மக்களால் மறக்க முடியாது. இந்தப் படத்திற்கு ஈரோ சௌந்தர் கதை எழுதியிருந்தார். கே.எஸ்.ரவிக்குமார் படத்தை இயக்கினார். இந்தப் படத்தில் கதாநாயகனாக நடிக்குமாறு முதலில் கே.எஸ்,ரவிக்குமார் என்னிடம் கேட்டார். பின் படத்தின் கதையையும் விளக்கி கூறினார்.

நாாட்டாமை பண்ண மாட்டேன்

இந்த கதையை கேட்ட பின் மார்பில் சந்தனம் பூசிக்கொண்டு சொம்பு வைத்து பஞ்சாயத்து செய்வது காமெடியாக இருக்கும். இந்தக் கதை எனக்கு ஒத்துவராது எனக் கூறிவிட்டேன் என்றாராம்.

இருந்தாலும், இந்தப் படத்தில் என்னை நடிக்க வைக்க கே.எஸ். ரவிக்குமார் பல முயற்சிகளை எடுத்தார். ஆனாலும் என் முடிவில் நான் உறுதியாக இருந்ததால் பின் இந்த கதாபாத்திரத்தில் சரத்குமார் நடித்துள்ளார்.

ஆனால், இந்தப் படத்தில் முதலில் நடிக்க இருந்தது நான்தான் என்றும், நான் நடிக்கமாட்டேன் என்றதால் தான் நாட்டாமை படத்தில் நடிக்க அவரை படக்குழு நாடியதும் தற்போது வரை சரத்குமாருக்கு தெரியாது என்றும் பார்த்திபன் கூறியுள்ளார்.

ரஜினிகாந்த் க்ளிக் செய்த நாட்டாமை

1994ம் ஆண்டு வெளியான இந்தப் படத்தில் சரத்குமார் இரட்டை வேடம் ஏற்று நடித்து அனைத்து ரசிகர்களின் மனதையும் கவர்ந்தது குறிப்பிடத்தக்கது. இவரது அசாதாரண நடிப்பின் காரணமாக படம் பட்டி தொட்டி எங்கும் ஹிட்டானது. மாபெரும் வெற்றிப் படமாக நாட்டாமை உருவெடுத்த நிலையில், இப்படத்தில் வந்த விஜயகுமாரின் கதாபாத்திரம் தன்னை வெகுவாக கவர்ந்தது எனக் கூறிய நடிகர் ரஜினிகாந்த், தெலுங்கு மற்றும் ஹிந்தியில் ரீமேக்கான நாட்டாமை திரைப்படத்தில் விருப்பத்துடன் நடித்து கொடுத்தார்.

தேடிவந்த விருதுகள்

அதுமட்டுமின்றி, இந்தப் படம் தமிழ்நாடு அரசின் சிறந்த படம், சிறந்த இயக்குநர் என இரு மாநில விருதை தட்டிச் சென்றது. இந்த திரைப்படத்திற்கு பின் இயக்குநர் கே.எஸ். ரவிக்குமார் தமிழ் சினிமாவின் தவிர்க்க முடியாத இயக்குநர்களில் ஒருவராக மாறினார் எனக் கூறினால் அதில் மாற்றுக் கருத்து இல்லை. மேலும் இந்தப் படத்தில் குஷ்பு, மீனா, கவுண்டமனி, செந்தில் என பலரும் நடித்திருந்தனர்.

எவர் கிரீன் மூவி

படத்தில் கதாநாயகர்களுக்கான காட்சி எப்படி இன்றளவும் பேசப்படுகிறதோ அதேபோலவே இப்படத்தில் வரும் காமெடி காட்சிகளும் பேசப்படுகிறது. அவை, தற்போதும் இன்டெர்நெட்டுகளில் மீம் டெம்ப்ளேட்டுகளாக வலம் வந்த வண்ணம் உள்ளன. இதனால், இந்த நாட்டாமைத் திரைப்படம் இன்றளவும் எவர் கிரின் திரைப்படமாக உலா வந்து கொண்டுள்ளது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.