மாஸா பேசுன டிடிஎஃப் இப்போ ஆஃப்... இனி இவருக்கு பதில் இவர்.. தகவலால் கொதித்த கூட்டம்..

நடிகர் சிலம்பரசனின் தீவிர ரசிகராக இருப்பவர் கூல் சுரேஷ். இவர் காமெடியன் மற்றும் வில்லனாக சில படங்களில் நடித்துள்ளார். பிக்பாஸ் நிகழ்சசியில் பங்கேற்றுள்ளார். பட விழாக்களில் இவரின் நடவடிக்கைகள் மற்றவரை திரும்பிப் பார்க்கும் வகையில் இருக்க வேண்டும் என்பதற்காக பல சம்பவங்களை செய்து வருவார்.

கதாநாயகனாகும் கூல் சுரேஷ்

இவரின் இந்த செயல்களினால், தமிழ்நாட்டில் கூல் சுரேஷை தெரியாதவர்களே இருக்க முடியாது என கூறும் நிலை உள்ளது. ஆனால், இப்போது அவர் ஹீரோவாக உள்ளார் என்பது தெரியுமா?. பிரபல யூடியூபர் டிடிஎஃப் வாசன் மஞ்சள் வீரன் படத்தின் மூலம் கதாநாயகனாக தமிழ் திரையுலகில் அறிமுகமாக உள்ளார் என்ற அறிப்பு வெளியானது. இதையடுத்து படத்தின் புகைப்படங்கள் சில வெளியாகி வந்தது. 

இதற்கிடையில், படம் தொடர்பான எந்த அறிவிப்பும் இல்லாத நிலையில், டிடிஎஃப் வாசன் படத்திலிருந்து நீக்கப்படுவதாக அப்படத்தின் இயக்குநர் செல் அம் அறிவித்திருந்தார். மேலும், இப்படத்தின் புதிய கதாநாயகனை விரைவில் அறிமுகப்படுத்துவேன் என அறிவித்து பரபரப்பை கிளப்பினார்.

இந்த நிலையில், டிடிஎஃப் வாசன் நடிக்க இருந்த படத்தில் தற்போது கூல் சுரேஷ் நடிக்க உள்ளதாக கோலிவுட் வட்டாரங்கள் கூறி வருகிறது. இதனால், டிடிஎஃப் வாசன் ஆதரவாளர்கள் கொதித்து வருகின்றனர்.

நீக்கப்பட்ட மஞ்சள் வீரன்

முன்னதாக, டிடிஎஃப் வாசன் மஞ்சள் வீரன் திரைப்படத்தில் இருந்து நீக்கப்பட்டுள்ளார் என மஞ்சள் வீரன் படத்தின் இயக்குநர் செல் அம் அறிவித்துள்ளார்.

இந்த அறிவிப்பில், டிடிஎஃப் வாசனுடன் இணைந்து பணியாற்ற எண்ணினேன். ஆனால், சூழ்நிலை ஒத்துழைக்கவில்லை எனக் கூறினார். மேலும், டிடிஎஃப் வாசன் தான் சூப்பர் ஸ்டார். அவர் படத்திலிருந்து நீக்கப்பட்டாலும் அவருடனான உறவு தொடரும் எனக் கூறினார். அதுமட்டுமின்றி, வரும் அக்டோபர் 15ம் தேதி மஞ்சள் வீரன் படத்திற்கான புதிய கதாநாயகன் அறிவிக்கப்படுவார் எனவும் கூறியுள்ளார்.

கடுப்பான டிடிஃப் வாசன்

இதற்கு பதிலளித்த டிடிஎஃப் வாசன், மஞ்சள் வீரன் படத்திலிருந்து தன்னை நீக்குவது குறித்து இயக்குநர் செல் அம் என்னுடன் பேசியதே இல்லை. இதுபற்றி தனக்கு எதுவுமே தெரியாது. நான் மஞ்சள் வீரன் படப்பிடிப்பிற்கு ஒத்துழைக்கவில்லை என இயக்குநர் கூறியிருந்தார்.

ஆனால், மஞ்சள் வீரன் படத்திற்காக வெறும் பூஜையும் போட்டோ சூட்டும் மட்டுமே நடந்தது. இதற்கும் நான் தான் செலவு செய்தேன். அதைப்பற்றி கூட எனக்கு கவலையில்லை. இயக்குநர் என்னிடம் பேசாமலே நேரடியாக மீடியாவிடம் பேசிவிட்டார். விசாரித்துப் பார்த்தால், இயக்குநர் செல் அம்மிற்கு புதிய தயாரிப்பாளர் கிடைத்துள்ளது தெரியவந்துள்ளது.

இது புதிய பிரச்சனை

அந்தப் படத் தயாரிப்பாளரே நடிக்க வேண்டும் என ஆசைப்பட்டுள்ளாராம். அதனால் தான் இப்படி இயக்குநர் பேசியுள்ளார். அதுமட்டுமல்லாமல், இந்த விஷயம் குறித்து பேச இயக்குநர் செல் அத்தை பல முறை அழைத்தேன். அவர் தரப்பிலிருந்து எந்த பதிலும் வரவில்லை. என் வாழ்வில் ஏற்கனவே பல பிரச்சனைகள் உள்ளது. இப்போது இந்தப் பிரச்சனை புதிதாக சேர்ந்துள்ளது என தன் மனதில் உள்ள ஆதங்கத்தை குமுறியுள்ளார்.

கொதித்த ரசிகர்கள்

கோவை மாவட்டத்தைச் சேர்ந்த டிடிஎஃப் வாசன், விலை உயர்ந்த பைக்குகளில் சாகசங்கள் செய்து அதனை யூடியூப்பில் பதிவேற்றம் செய்து வந்தார். மேலும், சாகசங்கள், அதிலுள்ள சிக்கல்கள், பைக்கிற்கு தேவையான விஷயங்கள் குறித்தும் விளக்கிவந்தார். இதனால், இவருக்கு தமிழ்நாடு மட்டுமின்றி, பல மாநிலங்களிலும் ரசிகர்கள் ஏராளமாக உள்ளது குறிப்பிடத்தக்கது. தன்னை மாஸ் ஹீரோவாக காட்டிக்கொள்ள டிடிஎஃப் வாசன் நடிக்க இருந்த படத்தில் தற்போது கூல் சுரேஷ் நடிக்க உள்ளதை கேள்விப்பட்ட ரசிகர்கள் கொதித்து போய் உள்ளனர்.