BJP Candidates List: 'டெல்லிக்கு செல்லும் முக்கிய பட்டியல்' - வானதி சீனிவாசன் பரபரப்பு பேட்டி!

நான்கு நாட்களுக்கு முன்பு நடைபெற்ற தேர்தல் குழு கூட்டத்தில் எந்தெந்த மாநிலங்கள் கலந்து கொண்டன என்பதைப் பார்த்தீர்கள். 195 பேர் அடங்கிய வேட்பாளர் பட்டியலும் வெளியிடப்பட்டுள்ளது. அந்தக் கூட்டத்தில் பீகார், கர்நாடகா, ஆந்திரா, ஒடிசா ஆகிய மாநிலங்கள் பங்கேற்கவில்லை. மத்திய தலைமை ஒவ்வொரு கட்டமாக எந்தெந்த மாநிலத்தை அழைக்க வேண்டும் என முடிவு செய்யும்.

வேட்பாளர் பட்டியல் வெளியிடுவதில், தமிழகத்துக்கு மட்டும் தாமதமானதா என்று கேட்டால் அது கிடையாது. வேண்டுமென்றே தமிழகம் தாமதிக்கப்படுகிறதா என்று கேட்டால் கிடையாது. பிரதமரின் நேரத்துக்கு ஏற்ப அவை நடக்கின்றன. கூட்டணி குறித்த பேச்சு வார்த்தை இன்னும் தொடர்ந்து கொண்டேதான் இருக்கிறது. எந்தெந்த தொகுதிகள் கூட்டணிக்கு ஒதுக்கப்படும் என்பது குறித்தும் விவாதிக்கப்பட்டு வருகிறது. ஒரு அரசியல் கட்சியாக அனைத்து நாடாளுமன்ற தொகுதிகளிலும் எங்களுடைய பணிகள் இருக்கின்றன. அதற்காகதான் இந்த கருத்து கேட்பு கூட்டம் நடைபெற்றது. இன்னும் தேர்தல் தேதி அறிவிக்கப்படவில்லை.

கூட்டணி கட்சிகளுக்கு எந்த தொகுதிகள் ஒதுக்கப்படும், அவர்கள் எந்த சின்னத்தில் போட்டியிடலாம் என்பதை தேசிய தலைமை முடிவு செய்யும். எங்களுக்கு எந்த நெருக்கடியும் கிடையாது. நாங்கள் மக்களை சந்திக்க தயாராக இருக்கிறோம். மக்களும் எங்களுக்கு வாக்களிக்க தயாராக இருக்கிறார்கள்." எனத் தெரிவித்துள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9