IPL Sixer Record: ஒவ்வொரு போட்டியிலும் 17.7 சிக்ஸர்கள், பவர்ப்ளேயில் அதிக சிக்ஸர்கள் - இந்த சீசனில் அடடே சாதனைகள்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Ipl Sixer Record: ஒவ்வொரு போட்டியிலும் 17.7 சிக்ஸர்கள், பவர்ப்ளேயில் அதிக சிக்ஸர்கள் - இந்த சீசனில் அடடே சாதனைகள்

IPL Sixer Record: ஒவ்வொரு போட்டியிலும் 17.7 சிக்ஸர்கள், பவர்ப்ளேயில் அதிக சிக்ஸர்கள் - இந்த சீசனில் அடடே சாதனைகள்

Muthu Vinayagam Kosalairaman HT Tamil Published May 17, 2024 05:54 PM IST
Muthu Vinayagam Kosalairaman HT Tamil
Published May 17, 2024 05:54 PM IST

IPL 2024: இதுவரை இல்லாத அளவில் பேட்ஸ்மேன்களுக்கு கொண்டாட்டமான சீசனாக இந்த ஐபிஎல் 2024 தொடர் அமைந்துள்ளது. ஒவ்வொரு போட்டியிலும் 17.7 சிக்ஸர்கள், பவர்ப்ளேயில் அதிக சிக்ஸர்கள் என பேட்ஸ்மேன்கள் சிக்ஸர் மழை பொழிந்துள்ளனர்.

பவர்ப்ளேயில் அதிக சிக்ஸர்கள், இந்த சீசனில் அடடே சாதனைகள்
பவர்ப்ளேயில் அதிக சிக்ஸர்கள், இந்த சீசனில் அடடே சாதனைகள் (AFP)
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2024 தொடர் இறுதி கட்டத்தை நோக்கி வந்துள்ளது. லீக் போட்டிகள் வரும் ஞாயிற்றுகிழமையுடன் நிறைவு பெறுகின்றன. அனைத்து அணிகளுக்கும் தலா ஒரு போட்டி மட்டுமே மீதம் உள்ளது.

கடந்த இரு நாள்களுக்கு முன்னரே டெல்லி கேபிடல்ஸ் அணி 14 போட்டிகளை விளையாடி முடித்து, 14 புள்ளிகளுடன் புள்ளிப்பட்டியலில் 5வது இடத்தில் உள்ளது.

பேட்ஸ்மேன்கள் ரன் மழை

முன்னெப்போதும் இல்லாத அளவுக்கு பவுலர்களுக்கு எதிராக பேட்ஸ்மேன்கள் ஆதிக்கம் செலுத்திய சீசனாக இது அமைந்துள்ளது. ரன் ரேட் அதிகரிப்பு, பல்வேறு சாதனை , 500 க்கும் மேற்பட்ட மொத்த ரன்கள், பவர்பிளேயில் 100+ ரன்கள் என முந்தைய சீசன்களில் இல்லாத அளவு ரன்வேட்டை நிகழ்த்தப்பட்டது. 

சிக்ஸர்களில் சாதனை

கடந்த செவ்வாய்க்கிழமை டெல்லியில் நடந்த 64வது போட்டியில், லக்னோ பேட்ஸ்மேன் அர்ஷத் கான் அடித்த சிக்ஸர்,  ஐபிஎல் தொடரில் அடிக்கப்பட்ட 1125 வது சிக்ஸர் என மைல்கல் சாதனையை புரிந்தது. இதன் மூலம் ஒரே சீசனில், அதுவும் முழுவதுமாக லீக் போட்டிகள் முடிவடையாத நிலையிலேயே முந்தையை சாதனை முறியடிக்கப்பட்டது. இதற்கு முன்  2023 சீசனில்  அடிக்கப்பட்ட 1124 சிக்ஸர்கள் தான் அதிகபட்சமாக இருந்தது. 

இன்னும் நான்கு லீக் போட்டிகள், அதன் பின்னர் ப்ளேஆஃப் சுற்று போட்டிகள் மீதம் இருப்பதால் சிக்ஸர் கணக்கு, 1500ஐ நெருங்கினாலும் ஆச்சர்யப்படுவதற்கில்லை.

மூன்றாவது முறையாக 1000+ சிக்ஸர்கள்

ஒரு சீசனில் 1000+ சிக்ஸர்கள் அடிக்கப்படுவது இது மூன்றாவது முறையாகும். 2022ல் 1062 சிக்ஸர்களும், 2023ல் 1124 சிக்ஸர்களும் பதிவாகியுள்ளன. இந்த சீசனில் 65 போட்டிகளில் 1133 சிக்ஸர்கள் அடிக்கப்பட்டுள்ளன. 

2022ஆம் ஆண்டில் 1000 சிக்ஸர்கள் எட்ட 70 போட்டிகளும், கடந்த சீசனில் 67 போட்டிகளும் தேவைப்பட்ட நிலையில், 2024இல் 57வது போட்டியிலேயே இந்த மைல்கல் எட்டப்பட்டது. 

2024ஆம் ஆண்டில் ஒரு போட்டிக்கு 17.7 சிக்ஸர்கள் அடிக்கப்பட்டுள்ளன, இது கடந்த சீசனில் முந்தைய அதிகபட்ச சராசரியான 15.2ஐ முறியடித்தது. 

2018ஆம் ஆண்டில் ஒரு போட்டிக்கு 14.5 சிக்ஸர்களும், 2022 இல் 14.4 சிக்ஸர்களும், 2019 இல் 13.1 சிக்ஸர்களும் பதிவாகியுள்ளன.

இந்த சீசனில் தோராயமாக ஒவ்வொரு 13 பந்துகளுக்கும் ஒரு சிக்ஸர் அடிக்கப்பட்டுள்ளது. 2023 இல் ஒவ்வொரு 15.3 பந்துகளுக்கும் ஒரு சிக்ஸர் அடிக்கப்பட்டது

பவர்பிளேயில் அதிக சிக்ஸர்கள்

2024 ஆம் ஆண்டில் பவர்பிளேயில் ரன்ரேட் 9.49 ஆக உள்ளது. எனவே முதல் 6 ஓவர்களும் ஒரு சீசனில் அதிக சிக்ஸர்களை இந்த சீசனில் பறக்கவிடப்பட்டுள்ளன. 

ஏற்கனவே இந்த தொடரில் பவர்பிளேயில் மொத்தம் 299 சிக்ஸர்கள் அடிக்கப்பட்டுள்ளன. இதற்கு முன் 2023இல் 245 சிக்ஸர்கள் அடித்ததே சாதனையாக இருந்தது. சுவாரஸ்யமாக, 2018 சீசன் 225 சிக்ஸர்களுடன் இந்த பட்டியலில் மூன்றாவது இடத்தில் உள்ளது.

ஒரு போட்டியில் 25+ சிக்ஸர்கள் அடித்து 13 முறை சாதனை

ஐபிஎல் 2024 இல் 13 போட்டிகளில் 25+ சிக்ஸர்களால் வானவேடிக்கை நிகழ்த்தப்பட்டுள்ளன. இன்னும் எட்டு போட்டிகள் மீதமுள்ள நிலையில், இந்த சீசனில் சிக்ஸர் எண்ணிக்கை மேலும் உயரும். 

இந்த சீசனில் ஒரே இன்னிங்ஸில் 20+ சிக்ஸர்கள் 4 முறை அடிக்கப்பட்டிருக்கின்றன. இந்த சாதனை முந்தைய 16 சீசன்களில் மூன்று முறை மட்டுமே நிகழ்த்தப்பட்டுள்ளன.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.