Delhi schools to remain closed: 5 ஆம் வகுப்பு வரையிலான மாணவர்களுக்கு அடுத்த 5 நாட்களுக்கு விடுமுறை-டெல்லி அரசு

முன்னதாக, குளிர்ந்த வானிலை காரணமாக தேசிய தலைநகரில் உள்ள அனைத்து அரசு மற்றும் தனியார் பள்ளிகளின் குளிர்கால விடுமுறை ஜனவரி 10 வரை நீட்டிக்கப்பட்டுள்ளதாக இயக்குநரகம் சனிக்கிழமை தெரிவித்தது. 

குளிர்கால விடுமுறை தொடர்பான அடுத்த உத்தரவுகள் உரிய நேரத்தில் வெளியிடப்படும் என்று டெல்லி கல்வி இயக்குநரகம் தெரிவித்திருந்தது.

"குளிர்கால விடுமுறையை நீட்டிப்பது தொடர்பான உத்தரவு எண்.டி.இ.23(3)/Sch.Br./2024/18 தேதியிட்டது: ஜனவரி 6, 2024, உடனடியாக திரும்பப் பெறப்படுகிறது. இதுதொடர்பான அடுத்தகட்ட உத்தரவுகள் உரிய நேரத்தில் பிறப்பிக்கப்படலாம்" என்று தெரிவிக்கப்பட்டுள்ளது.

சனிக்கிழமை, டெல்லியில் மற்றொரு நாள் சாம்பல், மூடுபனி நிலைமைகளில் கழித்தது, பகல்நேர உச்ச வெப்பநிலை வெறும் 15.2 டிகிரி செல்சியஸை எட்டியது மற்றும் அதிகாலையில் 8.9 டிகிரியாக குறைந்தது.

அடுத்த இரண்டு நாட்களுக்கு வெப்பநிலை உயரும் என்று இந்திய வானிலை ஆய்வு மையம் (ஐஎம்டி) கணித்துள்ளது, செவ்வாய்க்கிழமை லேசான மழையைக் கொண்டு வரக்கூடும். ஞாயிற்றுக்கிழமைக்குள் குளிரும் தணிய வேண்டும் என்று அதிகாரிகள் சனிக்கிழமை தெரிவித்தனர்.

நொய்டா, கிரேட்டர் நொய்டா பள்ளிகளுக்கு விடுமுறை

இதற்கிடையில், நொய்டா மற்றும் கிரேட்டர் நொய்டாவில் உள்ள அனைத்து பள்ளிகளுக்கும் அடர்த்தியான மூடுபனி மற்றும் குளிர்ந்த காலநிலையைக் கருத்தில் கொண்டு ஜனவரி 14 வரை 8 ஆம் வகுப்பு வரையிலான மாணவர்களுக்கு விடுமுறை அளிக்குமாறு கவுதம் புத்தா நகர் நிர்வாகம் சனிக்கிழமை உத்தரவிட்டது.

மாவட்ட அடிப்படை கல்வி அதிகாரி ராகுல் பன்வார் பிறப்பித்த இந்த உத்தரவு மாநில வாரியம், சிபிஎஸ்இ, ஐசிஎஸ்இ, ஐபி மற்றும் பிறரால் அங்கீகரிக்கப்பட்ட அனைத்து பள்ளிகளுக்கும் பொருந்தும்.

"அடர்த்தியான மூடுபனி மற்றும் கடுமையான குளிரைக் கருத்தில் கொண்டு மாவட்ட மாஜிஸ்திரேட் மனீஷ் குமார் வர்மா வழங்கிய அறிவுறுத்தல்களுக்கு இணங்க, கௌதம் புத்த நகரில் இயங்கும் அனைத்து வாரிய (சிபிஎஸ்இ / ஐசிஎஸ்இ ஐபி, உபி வாரியம் மற்றும் பிற) இணைக்கப்பட்ட பள்ளிகள் (மழலையர் வகுப்பு முதல் 8 ஆம் வகுப்பு வரை) ஜனவரி 14 வரை விடுமுறை தொடரும்" என்று தெரிவிக்கப்பட்டுள்ளது.

"இந்த உத்தரவு கண்டிப்பாக பின்பற்றப்பட வேண்டும்" என்று பன்வார் மேலும் கூறினார்.

மேற்கு உத்தரபிரதேசத்தின் சில பகுதிகளில் குறைந்தபட்ச வெப்பநிலை ஒற்றை இலக்க புள்ளிவிவரங்களுக்கு குறைந்துள்ளது. கௌதம் புத்தா நகரில் சனிக்கிழமை குறைந்தபட்ச வெப்பநிலை 9 டிகிரி செல்சியஸாக பதிவாகியிருந்தது, அடுத்த ஆறு நாட்களில் 9 முதல் 13 டிகிரி செல்சியஸ் வரை இருக்கும் என்று எதிர்பார்க்கப்படுகிறது.

கௌதம் புத்த நகர் உள்ளிட்ட மேற்கு உத்தரபிரதேசத்திற்கு இந்திய வானிலை ஆய்வு மையம் (ஐஎம்டி) குளிர் அலை மற்றும் மூடுபனி எச்சரிக்கை விடுத்துள்ளது.