DMK VS NTK: அரைவேக்காடு மாதிரி பேசாதீங்க! மனநிலையை பரிசோதிங்க! நாம் தமிழர் கட்சியின் சீமானை விளாசிய கீதாஜீவன்!

நாம் தமிழர் கட்சி ஒருங்கிணைப்பாளர் சீமான் அரசியல் அரைவேக்காட்டுத்தனமாக பேசக்கூடாது, மனநிலையை பரிசோதித்துக் கொள்ள வேண்டும் என்று அமைச்சர் கீதா ஜீவன் கூறி உள்ளார்.

மறைந்த திமுக தலைவரும், முன்னாள் முதலமைச்சருமான கருணாநிதி குறித்து அவதூறாக பேசியதாக கூறி நாம் தமிழர் கட்சி ஒருங்கிணைப்பாளர் சீமானுக்கு திமுகவினர் எதிர்ப்பு தெரிவித்து வருகின்றனர். 

அமைச்சர் கீதாஜீவன் செய்தியாளர் சந்திப்பு

இந்த நிலையில் இது தொடர்பாக சமூகநலன் மற்றும் மகளிர் உரிமைகள் துறை அமைச்சர் கீதாஜீவன் செய்தியாளர்களை சந்தித்து பேசினார். அப்போது, நாம் தமிழர் கட்சி தலைவர் சீமான் அவர்கள் எங்கள் தலைவர் கலைஞரை பற்றி இழிவாகவும், அவதூறாகவும் பேசியதை திமுக வன்மையாக கண்டிக்கின்றது. தலைவரை பற்றி தமிழ் மக்கள் அனைவரும் அறிவர். பிச்சைக்காரர் மறுவாழ்வு, மாற்றுத்திறனாளிகள், திருநங்கைகள் வாழ்வில் மாற்றங்களை கொண்டு வந்தவர் கலைஞர் கருணாநிதி. தமிழ்நாட்டில் இப்படி வளர்ச்சி வந்துள்ளதற்கு கலைஞர்தான் காரணம். 

சீமான் மாற்றி மாற்றி பேசுகிறார்

ஒரு கட்சித் தலைவர் என்பவர் அவரது நிர்வாகிகள் தவறாக பேசும்போது கண்டிக்க கூடியவராக இருக்க வேண்டும். ஆனால் இவர் சிரித்துக் கொண்டு இருக்கிறார். சீமான் நமது முன்னால் ஒன்று பேசுகிறார்; இப்போது வேறு ஒன்று பேசுகிறார்.

இதே சீமான்தான், எதிர்கால இளைய சமூகத்திற்கு கலைஞர் ஒரு படிப்பினை என்று கூறினார். எங்கள் தலைவர் தளபதியார் கண் அசைவிற்காகத்தான் காத்து இருக்கிறோம். 

அந்த வார்த்தைக்காக சீமானே வருத்தம் தெரிவித்து உள்ளார்

சாதி பெயரை சொல்லி இழிவாக பேசியதால்தான் துரைமுருகனை கைது செய்துள்ளோம். சீமான் இயக்கிய தம்பி படத்தில் அந்த வார்த்தையை உபயோகம் செய்ததற்காக வருத்தம் தெரிவித்து உள்ளார். 

சட்டம் ஒழுங்கு பிரச்னையை உண்டாக்க வேண்டும் என்று அவர் இப்படி பேசுகின்றார். இஸ்லாமியர்கள், கிறிஸ்தவர்கள் எல்லாம் சாத்தானின் பிள்ளைகளாக மாறி நீண்ட நாள் ஆகிறது என பேசி உள்ளார். 

பெண் காவலர்கள் மீதான அவதூறை சீமான் ஏற்கிறாரா?

மாற்றி மாற்றி பேசும் சீமான் தனது மனநிலையை சோதித்துக் கொள்வது நல்லது. பெண் காவலர்களை தவறாக பேசியதால்தான் சவுக்கு சங்கர், பெலிக்ஸ் மீது நடவடிக்கை எடுக்கப்பட்டு உள்ளது. அதை சீமான் ஆதரிக்கிறாரா?,

இலங்கை தமிழர் பிரச்னையை முன்னிறுத்தி உலக அளவில் நன்கொடைகளை பெற்று வருகிறார். இதனால்தான் திமுகவையும், திமுக தலைவர்களயும் அவதூறாக பேசி வருகின்றார். 

அரைவேக்காட்டுத்தனமாக பேசக்கூடாது

நாம் தமிழர் கட்சித் தலைவர் சீமான் அவர்கள் நாக்கை அடக்கி வாசிக்க வேண்டும். அரசியல் அரைவேக்காடுதனமாக பேசக்கூடாது. அரசியல் முதிர்ச்சி இல்லாத தலைவராக தெரிகின்றார். 

தனிப்பட்ட முறையில் தவறான சொற்களை பயன்படுத்தி சீமான் பேசுவது சட்டம் ஒழுங்கு பிரச்சினையை உருவாக்கும் வகையில் அமைகிறது. இது ஏற்கதக்கதல்ல. நடைமுறைக்கு சாத்தியமில்லாததை அடுக்கு மொழியில் பேசி தமிழ் சமுகத்தை தவறாக வழி நடத்த முயற்சிக்கிறார்.

கட்சி நடத்த எங்கிருந்து அவர் பணம் வாங்குகிறார் என அனைவருக்கும் தெரிய வாய்ப்புள்ளது. இலங்கை தமிழர் பிரச்சினையை முன்னிறுத்தி .உலகளவில் நன்கொடையை பெற்று வருகிறார்.

தமிழ்நாட்டில் திமுக எதிர்ப்பை காட்டிக் கொள்வதற்காக திமுகவையும், தலைவரையும் அவதூறாக பேசுவதாக தெரிகிறது. சீமான் நாக்கை அடக்கி வாசிக்க வேண்டும். அரசியல் அரைவேக்காடுத்தனமாக பேசக்கூடாது. அரசியல் முதிர்ச்சி இல்லாத தலைவராக தெரிகிறார்.

பச்சோந்தி போல் ஒருநாள் ஒரு கருத்தை ஆதரித்தும், பின்பு எதிர்த்தும் பேசி வருகிறார். சீமான் அவர்கள் அரசியல் தலைவருக்கே தகுதியானவர் அல்ல. எங்களது தலைவர் குறித்து பேச அவருக்கு அருகதை கிடையாது எனவும் கூறினார்.