Kadi Joke: ‘எனக்குனே வருவீங்களா.. இதுக்கு தான் பெத்துப் போட்டாங்களா..’ இன்றைய ‘கடி’கள்!

இன்றைய நாளில் உங்களை சிரிக்க வைக்க அல்லது, சிரிக்க வைக்கிறேன் என்கிற பெயரில் கடுப்பேத்த வரிசை கட்டி வரும் நகைச்சுவைகள் கீழே உள்ளன. இவற்றில் எவை கடி ஜோக், எவை மொக்கை ஜோக் என்பதை உங்கள் பார்வைக்கே விட்டு, கடிக்குத் தயாராவோம்!

ராஜதந்திரங்கள் அனைத்து வீணாய் போச்சே!

ஆசிரியர்: அதிகம் சுமை தூங்கும் பூச்சி எது?

மாணவன்: மூட்டை பூச்சி சார்..

ஆசிரியர்: பொருள் வைக்க முடியாத பை எது?

மாணவன்: தொப்பை சார்..!

ஆசிரியர்: வேலைக்கு போற விலங்கு எது?

மாணவன்: பனி கரடி சார்!

ஆசிரியர்: கதவும், ஜன்னலும் இல்லாத ரூம் எது?

மாணவன்: ‘மஸ்ரூம்’ தான் சார்!

ஆசிரியர்: தாஜ்மஹாலுக்கு பெயிண்ட் அடிச்சா என்ன ஆகும்?

மாணவன்: செலவாகும் சார்..!

ஆசிரியர்: வேடந்தாங்கல் பறவைகள் எங்கிருந்து வருகின்றன?

மாணவன்: முட்டையில் இருந்து தான்!

புதிய தத்துவம் 007

• யானைக்கு 4 கால் இருக்கலாம், ஆனால், அதனால் STD, லோக்கல் எதுவுமே பண்ண முடியாது!
• திருவள்ளுவர் 1330 குறள் எழுதியிருந்தாலும், அவரால் ஒரு குரலில் தான் படிக்க முடியும்
• என்னதான் உன் தலை சுத்தினாலும், உன் முதுகை நீ பார்க்க முடியுமா?
• என்ன தான் ஒருத்தன் குண்டா இருந்தாலும், அவனை துப்பாக்கி உள்ளே போட முடியுமா?
• ஸ்கூல் டெஸ்ட்ல பிட் அடிக்கலாம்.. காலேஜ் டெஸ்ட்ல பிட் அடிக்கலாம்.. ப்ளட் டெஸ்ல பிட் அடிக்க முடியுமா?
• கோல மாவில் கோலம் போடலாம்.. கடலை மாவில் கடலை போட முடியுமா?
• லைப்ல ஒன்னும் இல்லைனா ஃபோர் அடிக்கும்.. தலையில ஒன்னும் இல்லைனா க்ளார் அடிக்கும்!
• பரம்பறை பரம்பறையா உட்கார்ந்து சாப்பிடுற அளவு பணம் இருந்தாலும், ஃபார்ஸ்ட் புட் கடையில் நின்னுட்டு தான் சாப்பிடனும்!
• ஆட்டோவுக்கு ஆட்டோனு பேர் இருந்தாலும், மேனுவலாக தான் ஓட்ட முடியும்.
• தூக்க மருந்து சாப்பிட்டால் தூக்கம் வரும்.. இருமல் மருந்து சாப்பிட்டால் இருமல் வராது!
• வாழை மரம் தார் போடும்.. ஆனால் அதை வெச்சு ரோடு போட முடியுமா?
• டீ கப்ல டீ இருக்கும். வேல்டு கப்புல வேல்டு இருக்குமா?
• பாலில் பால்கோவா பண்ணலாம்… ரசத்தில் ரசகுல்லா பண்ண முடியுமா?
• என்ன தான் பெரிய வீரனா இருந்தாலும், வெயில் அடிச்சா திருப்பி அடிக்க முடியுமா?

கேள்வியை நீ கேட்கிறாயா.. அல்லது நான் கேட்கட்டுமா?

கேள்வி: சாப்பிடவே முடியாத கனி எது?

பதில்: பால்கனி

கேள்வி: சுவரில் இறங்காத ஆனி எது?

பதில்: பிரியாணி

கேள்வி: ஆபத்தான சிட்டி எது?

பதில்: எலெக்ட்ரிக்சிட்டி

கேள்வி: அதிர்ஷ்டம் இல்லாத நகரம் எது?

பதில்: லக்னோ

கேள்வி: வெட்டும் காய் எது?

பதில்: கத்திரிக்காய்

கேள்வி: எப்போதும் சிரிக்கும் பூச்சி எது?

பதில்: ஈ…

கேள்வி: பொருள் கிடைக்காத கடை எது?

பதில்: சாக்கடை

கேள்வி: கை கொண்ட காய் எது?

பதில்: முருங்‘கை’

கேள்வி: அனைவரையும் அழைக்கும் காய் எது?

பதில்: ‘வா’ழைக்காய்

கேள்வி: அசைவ காய்கறி எது?

பதில்: ‘முட்டை’கோஸ்

கேள்வி: குடிகாரனுக்கு பிடித்த காய் எது?

பதில்: ‘பீர்’க்கங்காய்

கேள்வி: வழிகாட்டும் காய் எது?

பதில்: பீட்‘ரூட்’

கேள்வி: வலியால் தினமும் தவிக்கும் காய் எது?

பதில்: வெங்‘காயம்’