Regional Recipe: சிறப்பான சுவையான காஞ்சிபுரம் உப்புமா தயார் செய்வது எப்படி?
Jun 01, 2023, 09:53 PM IST
சிறப்பான சுவையான காஞ்சிபுரம் உப்புமா தயார் செய்வது எப்படி என்பது குறித்து தெரிந்து கொள்ளுங்கள்.
காஞ்சிபுரம் என்றாலே உடனடியாக இரண்டு விஷயங்கள் ஞாபகத்துக்கு வரும். ஒன்று காஞ்சிபுரம் பட்டுப்புடவைகள். அடுத்தது காஞ்சிபுரம் கோயில் இட்லி. இந்தப் பட்டியலில் மற்றொரு சுவையான ஐட்டம் உள்ளது. அதுதான் காஞ்சிபுரம் உப்புமா.
Massage Benefits : இப்டி ஒரு மசாஜ் பண்ணினா எப்டி இருக்கும் என்று எண்ணத்தோன்றும்! அத்தனை நன்மைகளை தரும் மசாஜ்!
Small Business Ideas: ‘வீட்டில் இருந்தே பணம் சம்பாதிக்க வேண்டும்!’ பணம் கொட்டும் சிறு தொழில் ஐடியாக்கள் இதோ!
Horse Gram Thuvayal : கொள்ளு துவையல்! எல்லா சாப்பாட்டுக்கும் அட்டகாசமான காம்போ! கொழுப்பும் குறையும்!
International Dance Day 2024 : சர்வதேச நடன தின வரலாறு, முக்கியத்துவம் என நீங்கள் தெரிந்துகொள்ள வேண்டியது இதைதான்!
ரவை உப்புமா, சேமியா உப்புமா, இட்லி உப்புமா தவிர இந்த காஞ்சிபுரம் உப்புமாவும் தனிச்சுவை கொண்டதாகும்.
ருசியான காஞ்சிபுரம் செய்வது எப்படி என்பது குறித்து இங்கு பார்க்கலாம்.
காஞ்சிபுரம் உப்புமா செய்யத் தேவையான பொருட்கள்:
ரவை - ஒரு கப்
3 பச்சை மிளகாய்
இஞ்சி ஒரு சிறு துண்டு
2 டேபிள்ஸ்பூன் தேங்காய் துருவல்
சாம்பார் வெங்காயம் - 10 முதல் 15
மஞ்சள் தூள் - கால் டீஸ்பூன்
2 டேபிள்ஸ்பூன் எண்ணெய் + நெய்
1 டீஸ்பூன் மிளகு
கடுகு- அரை டீஸ்பூன்,
சீரகம்- அரை டீஸ்பூன்,
முந்திரி - 10,
கடலைப்பருப்பு - ஒரு டீஸ்பூன்
உளுந்தம்பருப்பு - ஒரு டீஸ்பூன்
கறிவேப்பிலை- சிறிதளவு
உப்பு- தேவைக்கேற்ப
காஞ்சிபுரம் உப்புமா செய்முறை:
பாத்திரத்தில் எண்ணெய் விட்டு காய்ந்ததும் கடுகு, சீரகம், மிளகு, உளுந்து, கடலைப்பருப்பு சேர்த்து தாளிக்கவும். பின் முந்திரி சேர்த்து சிவந்ததும் தேங்காய் துருவல் சேர்த்து வதக்கவும்.
இதில் பொடியாக நறுக்கிய இஞ்சி, பச்சை மிளகாய், சாம்பார் வெங்காயம், கறிவேப்பிலை சேர்த்து சிறிது உப்பு போட்டு வதக்கவும். 2 - 2 1/2 கப் அளவு நீர் விட்டு மஞ்சள் தூள், உப்பு போட்டு கொதிக்க விடவும்.
கொதிக்கும் நீரில் ரவையைக் கொட்டி கிளறி மூடி விட்டு மிதமான தீயில் வைத்து வேக விடவும். விரும்பினால் மேலே சிறிது நெய் விடவும்.
சுவையான காஞ்சிபுரம் உப்புமா தயார்.
டாபிக்ஸ்