Health Tips: பெண்களே பிறப்புறுப்பில் அரிப்பு.. எரிச்சலா.. இந்த விஷயங்களில் கவனமா இருங்க.. சிகிச்சை மற்றும் உணவு முறை இதோ

Women's health : ஈஸ்ட் தொற்று என்பது பெண்களுக்கு ஏற்படும் பொதுவான பிரச்சனை. இது பிறப்புறுப்பு பகுதியில் கடுமையான எரிச்சல் மற்றும் அரிப்பை ஏற்படுகிறது. இதற்கான எளிய சிகிச்சைகள் உள்ளன. ஆனால் பெண்கள் இந்த பிரச்சனையை மருத்துவர்களிடம் கூற வெட்கப்பட்டு சிகிச்சை எடுத்துக் கொள்வதில்லை. ஆனால் இந்த ஈஸ்ட் தொற்று பல பிரச்சனைகளை ஏற்படுத்தும் ஆபத்து உள்ளது. இதனால் முன்னெச்சரிக்கையாக நீங்கள் வீட்டிலேயே சில குறிப்புகள் பின்பற்றுவதன் மூலம் ஈஸ்ட் தொற்று ஏற்படுவதைத் தவிர்க்கலாம்.

ஈஸ்ட் தொற்று ஏன் ஏற்படுகிறது?

பெண்களுக்கு அதிக ஹார்மோன் மாற்றங்கள் ஏற்பட்டால், நீரிழிவு நோயால் பாதிக்கப்பட்டிருந்தால், நோய் எதிர்ப்பு சக்தி குறைந்தால், அதிக ஹார்மோன் மாற்றங்கள் ஏற்பட்டால், இறுக்கமான உள்ளாடைகளை அணிந்தால் ஈஸ்ட் தொற்று ஏற்பட வாய்ப்புகள் அதிகம்.

ஈஸ்ட் தொற்று கேண்டிடியாஸிஸ் என்றும் அழைக்கப்படுகிறது. இது புணர்புழையில் ஈஸ்ட் அல்லது கேண்டிடா அல்பிகான்களின் அதிகப்படியான வளர்ச்சியால் ஏற்படும் பூஞ்சை தொற்று ஆகும். ஒரு பெண்ணின் பிறப்புறுப்பில் பொதுவாக கேண்டிடா எனப்படும் பாக்டீரியாக்கள் உள்ளன. யோனியில் பாக்டீரியா மற்றும் ஈஸ்ட்கள் சமநிலையில் உள்ளன. இந்த சமநிலை சீர்குலைந்தால் ஈஸ்ட் அதிகமாக வளரும். இது தொற்றுநோய்க்கு வழிவகுக்கிறது.

அது ஏன் வருகிறது?

நுண்ணுயிர் எதிர்ப்பிகளைப் பயன்படுத்திய நான்கு முதல் ஆறு வாரங்களுக்குப் பிறகு பெரும்பாலான பெண்கள் யோனி ஈஸ்ட் தொற்றுநோயை அனுபவிக்கிறார்கள். நுண்ணுயிர் எதிர்ப்பிகள் ஈஸ்ட் அதிக வளர்ச்சியை ஏற்படுத்துகின்றன. நல்ல பாக்டீரியாக்கள் இறக்கின்றன. இது ஈஸ்ட் தொற்று அதிகரிக்கிறது. எச்.ஐ.வி மற்றும் எய்ட்ஸ் போன்ற பலவீனமான நோயெதிர்ப்பு அமைப்பு உள்ளவர்களிடமும் ஈஸ்ட் தொற்று மிகவும் பொதுவானது. சர்க்கரை நோய் உள்ள பெண்களும் ஈஸ்ட் தொற்றுக்கு ஆளாகின்றனர். ஈரமான ஆடைகளைப் பயன்படுத்துதல், வியர்வையுடன் கூடிய ஆடைகளை அணிதல் மற்றும் சுகாதாரமின்மை போன்றவையும் பிறப்புறுப்பில் ஈஸ்ட் தொற்று ஏற்படுவதற்காக மிக முக்கிய காரணமாகும். எனவே அனைவரும் தூய்மையாக இருக்க வேண்டும்.

சிகிச்சை எப்படி இருக்கிறது?

பிறப்புறுப்பு ஈஸ்ட் தொற்று நோயால் பாதிக்கப்பட்டவர்களுக்கு சில வகையான மருந்துகள் பரிந்துரைக்கப்படுகின்றன. இவை பூஞ்சை எதிர்ப்பு மருந்துகள். இவற்றை வாய்வழியாக எடுத்துக்கொள்ளலாம். அல்லது யோனி பகுதியில் கிரீம்கள் மற்றும் களிம்புகள் பயன்படுத்தப்படலாம். இவை அரிப்பை விரைவில் குறைக்கும்.

ஈஸ்ட் தொற்று ஏற்படாமல் இருக்க, புரோபயாடிக்குகள் நிறைந்த உணவுகளை உண்ண வேண்டும். இது யோனியில் பாக்டீரியா மற்றும் ஈஸ்டின் இயற்கையான சமநிலையை பராமரிக்கிறது. எனவே நீங்கள் தினமும் ஒரு கப் தயிர் சாப்பிடுவதை வழக்கமாக்கிக் கொண்டால், ஈஸ்ட் தொற்று பிரச்சனையில் இருந்து தப்பிக்கலாம். தேன் சாப்பிடுவதால் ஈஸ்ட் தொற்று ஏற்படாமல் தடுக்கலாம். போதுமான அளவு தண்ணீர் குடிப்பதை உறுதி செய்வதும் நல்லது.

பிறப்புறுப்புப் பகுதியை சுத்தமாகவும், வறண்டதாகவும் வைத்திருப்பது தொற்றுகள் ஏற்படாமல் தடுக்கும். உள்ளாடைகள் தளர்வாக இருப்பதை உறுதிப்படுத்திக் கொள்ளுங்கள். பருத்தி உள்ளாடைகளை அணிவதும் நல்லது. உணவிலும் சில மாற்றங்களைச் செய்வது அவசியம். சர்க்கரை நோய் உள்ளவர்கள் ரத்தத்தில் சர்க்கரையின் அளவை அதிகரிக்காமல் பார்த்துக் கொள்ள வேண்டும். பழங்கள் நிறைந்த உணவுகளை உண்ணுங்கள்.

மிகவும் பழைய உள்ளாடைகள் கிழியாமல் இருந்தாலும் அதை அணிவதை கண்டிப்பாக தவிர்க்க வேண்டும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.