Hair: நெல்லிக்காய் மற்றும் கறிவேப்பிலை ஜூஸ் குடிப்பதால் குறையும் முடி உதிர்தல்; முடியின் பாதுகாப்புக்கு என்ன செய்யலாம்!

Hair: முடி உதிர்தல் பல்வேறு காரணங்களால் நடக்கும் ஒரு உலகப் பிரச்னையாகிவிட்டது. மரபியல் மற்றும் ஹார்மோன் மாற்றங்களைத் தவிர, நமது மன அழுத்தம் நிறைந்த வாழ்க்கை முறை மற்றும் வெளிப்புற மாசுபாடு ஆகியவை நம் முடி ஆரோக்கியத்தில் பாதிப்பை ஏற்படுத்துகின்றன.

முடியை ஆரோக்கியப்படுத்தும் நெல்லிக்காய் மற்றும் கறிவேப்பிலை:

முடி உதிர்தலின் அடிப்படையை உணராமல், அனைத்து முடி உதிர்தல் பிரச்னைகளையும் முயற்சித்து நீங்கள் சோர்வாக இருந்தால், உங்கள் முடி உதிர்தல் சிக்கலை சமாளிக்க சில ஆயுர்வேத ஊட்டச்சத்து உணவுகளை எடுத்துக்கொள்வதை முயற்சிக்கலாம். 

சில நேரங்களில் உங்கள் தலைமுடிக்கு தவறாமல் எண்ணெய் தடவுவது மற்றும் இயற்கை பாதுகாப்பான்களைத் தலையில் தடவுவது நம் தலைமுடிக்கு போதாது. கூடுதலாக, உள் ஊட்டச்சத்து தேவை. உங்கள் தலைமுடி வறண்டு உடையக்கூடியதாக இருப்பதை நீங்கள் கவனித்தால், அது மோசமான ஊட்டச்சத்து தேர்வுகள் காரணமாக இருக்கலாம். பருவகால காய்கறிகள், பழங்கள் மற்றும் பருப்பு வகைகளின் ஆரோக்கியமான உணவுக்கு மாறுவது மனிதனுக்கு நன்மையைத் தரும். 

வைட்டமின் சி நிறைந்த உணவுகள் குறிப்பாக நன்மை பயக்கும். ஏனெனில், அவை உடலில் கொலாஜன் சரியான வழியில் செயல்பட உதவுகின்றன. இது உங்கள் முடியின் தரத்தை மேம்படுத்துகிறது. நெல்லிக்காயில் வைட்டமின் சி, டானின்கள், அமினோ அமிலங்கள் மற்றும் அத்தியாவசிய கொழுப்பு அமிலங்கள் உள்ளன. அவை முடிக்கு ஊட்டமளிக்கும் நன்மைகளை வழங்குகின்றன. நெல்லிக்காய், உச்சந்தலையில் உகந்த pH சமநிலையை மீட்டெடுக்கிறது மற்றும் முடி வளர்ச்சியைத் தூண்டுகிறது.

உணவியல் நிபுணர் ரிச்சா தோஷி தனது சமீபத்திய இன்ஸ்டாகிராம் பதிவில், அதிகப்படியான முடி உதிர்தலைத் தடுக்க ஒரு செய்முறையை பரிந்துரைத்தார். இது உங்கள் முடி உதிர்தல் துயரங்கள் அனைத்தையும் சரிசெய்யக்கூடும். அவரது நெல்லிக்காய் மற்றும் கறிவேப்பிலை ஜூஸ் மயிர்க்கால்களை வலுப்படுத்துவதாக ஆயுர்வேத மருத்துவர்கள் கூறுகின்றனர். 

"உங்கள் ஒட்டுமொத்த முடி பராமரிப்பு பிரச்னைக்கு ஒரு எளிய மற்றும் பயனுள்ள பானம். நெல்லிக்காய் மற்றும் கறிவேப்பிலை மயிர்க்கால்களை வலுப்படுத்தவும், முடி மெலிந்து போவதைக் குறைக்கவும் நன்மை பயக்கும் என்று நிரூபிக்கப்பட்டுள்ளது. நெல்லிக்காயில் உள்ள வைட்டமின் சி உங்கள் உடலில் ஆன்டிஆக்ஸிடன்ட்களை அதிகரிக்கிறது. கறிவேப்பிலை, நெல்லிக்காயுடன் பயன்படுத்தப்படும் போது, உச்சந்தலையின் ஆரோக்கியத்தை மேம்படுத்துவதோடு, முடி உதிர்தலைக் குறைக்கும், இது முடி வளர்ச்சியைத் தூண்ட உதவுகிறது. வேறென்ன? இதன் சுவை அற்புதமானது!!" என்கிறார் தோஷி.

முடி உதிர்தலைத் தடுக்க நெல்லிக்காய் மற்றும் கறிவேப்பிலை ஜூஸை செய்து பாருங்கள்:

* இரண்டு நெல்லிக்காய் பழங்களை எடுத்து சிறிய துண்டுகளாக வெட்டிக்கொள்ளவும்

* ஒரு கைப்பிடி கறிவேப்பிலையை எடுத்துக் கொள்ளுங்கள்

* நெல்லிக்காய் மற்றும் கறிவேப்பிலையை ஒரு மிக்ஸியில் போட்டு அரைத்துவிட்டு, சிறிது தண்ணீர் சேர்க்கவும்

* அது மென்மையான கலவையாக மாறியதும் அதை வடிகட்டவும்

* முடி உதிர்வதை குறைக்க தினமும் காலையில் உங்கள் நெல்லிக்காய் ஜூஸை மேற்கூறியவாறு தயார்செய்து, சிறிது உப்பு மற்றும் மிளகு சேர்த்து குடிக்கவும்.

கறி வேப்பிலையின் நன்மைகள்:

• கறி வேப்பிலையின் இலைகளை மெல்லுங்கள். இல்லையெனில், சில கறிவேப்பிலைகளை வெண்ணெயில் வதக்கி, சீரகம் மற்றும் கல் உப்பு சேர்த்து மோரில் சேர்க்கவும். இந்த பானம் குமட்டலுக்கு மிகவும் பயனுள்ள மூலிகை மருந்து.
•  முடி: கறிவேப்பிலையை வறுத்து உங்கள் வழக்கமான முடி எண்ணெயில் சேர்க்கவும். பின் அதனை தலையில் நன்கு தேய்க்கும்போது முடிக்கு ஆரோக்கியத்தைத் தருகிறது. 
• அஜீரணம் மற்றும் ஒழுங்கற்ற குடல் இயக்கம்: காலையில் வெறும் வயிற்றில் ஐந்து கறிவேப்பிலை இலைகளை மென்று சாப்பிடுவது பெரிஸ்டால்டிக் இயக்கங்களை சீராக்க உதவுகிறது. இது குடல் இயக்கம் மற்றும் வாயு உருவாக்கத்தை சரிசெய்து மலச்சிக்கலைப் போக்குகிறது.