குளிர் காலத்தில் கடும் சரும வறட்சியால் அவதிப்படுகிறீர்களா? இதோ இந்த 10 குறிப்புகள் உங்களுக்கு உதவும்!

குளிர் காலத்தில் கடும சரும வறட்சியால் அவதிப்படுகிறீர்கள் என்றால், உங்களுக்கு இந்த 10 குறிப்புகள் உதவும். குளிர் காலம் சருமத்தை கடும் வறட்சியாக்கிவிடும். மேலும் சருமத்தின் பொலிவையும் போக்கிவிடும். கடுமையாகத்தாக்கும். வெயில் மற்றும் பனி இரண்டுமே சருமத்தின் எதிரிகள் என்றே கூறலாம். இதனால் உங்கள் சருமத்தில் எரிச்சல் ஏற்படும். அரிப்பு போன்ற பிரச்னைகளும் உருவாகும். சில நேரத்தில் வறண்டு சருமமே கருத்துவிடும். குளிர் காலத்தில் சரும வறட்சியை எதிர்த்துப் போராடவும், ஆரோக்கியமான சருமத்தைப் பெறவும், நீங்கள் வறண்ட சருமத்தில் இருந்து விடுபடவேண்டுமெனில், இங்கு கொடுக்கப்பட்டுள்ள இந்த 10 குறிப்புகள் உங்களுக்கு உதவும்.

நல்ல கிளன்சரை பயன்படுத்துங்கள்

சருமத்தில் உள்ள எண்ணெயை அதிக கெமிக்கல்கள் கொண்ட சோப்புகள் நீக்கிவிடும். இதனால் உங்கள் சருமம் வறண்டு போகும். எரிச்சலும் ஏற்படும். எனவே ஒரு நல்ல ஸ்மூத்தான நீர்ச்சத்துக்களைக் கொடுக்கும் கிளனச்ரை பயன்படுத்துங்கள். பாத்திங் லோசன்கள்தான் அதற்கு சிறந்தது. இது உங்கள் உடலில் உள்ள அழுக்கைப்போக்கும். அதே நேரத்தில் உங்கள் சருமத்தின் இயற்கை குணத்தையும் மாற்றாது.

மாய்சரைசர் பூசும் பழக்கத்தை ஏற்படுத்திக்கொள்ளுங்கள்

ஊட்டச்சத்துக்கள் நிறைந்த மாய்சரைசரை தடவி, உங்கள் சருமத்தின் நீர்ச்சத்துக்களை தக்கவைத்துக்கொள்ளுங்கள். கிளிசரின், ஹைஅலுரோனிக் அமிலம் அல்லது செராமைட்ஸ் ஆகியவை இருக்கவேண்டும். இது உங்கள் சருமத்துக்கு ஏற்றது. சருமத்தில் உள்ள நீர்ச்சத்துக்களை தக்கவைத்துக்கொள்ளும். மேலும் சருமத்தை புத்துணர்வுடனும் வைக்கும்.

மணம் நிறைந்த பொருட்கள் பயன்படுத்துவதை தவிர்க்கவேண்டும்

சருமத்துக்கு பயன்படுத்து சோப்கள், கிளன்சர்கள் மற்றும் லோசன்கள் என எதிலும் அதிகளவு மணம் இல்லாமல் பார்த்துக்கொள்ளவேண்டும். அதில் டைகள், ஆல்கஹால் உள்ள கடுமையான கெமிக்கல்கள் இல்லாமல் பார்த்துக்கொள்ளவேண்டும். இந்த உட்பொருட்கள் உங்கள் சருமத்தில் எரிச்சலை ஏற்படுத்தும். உங்களின் சரும வறட்சியை அதிகரிக்கும்.

விரைவாக குளிக்கவேண்டும்

நீண்ட நேரம், சூடான தண்ணீரில் குளிப்பது உங்களுக்கு இதமாக இருக்கும். ஆனால், அவை உங்கள் சருமத்தில் உள்ள நீர்ச்சத்துக்களைப் போக்கும். எனவே நீங்கள் குளிக்கும் நேரத்தை குறைத்துக்கொள்ளுங்கள். மேலும் இளஞ்சூடான தண்ணீரில் குளித்தால்தான உங்கள் சருமத்தின் நீர்ச்சத்துக்கள் தக்கவைக்கப்படும்.

சருமத்துக்கு தேவையான நீர்ச்சத்துக்களை கொடுங்கள்

பனிக்காலத்தில் நீங்கள் போதிய அளவு தண்ணீர் எடுத்துக்கொள்வது உங்கள் உடல் மற்றும் சரும ஆரோக்கியம் இரண்டுக்கும் நல்லது. நீங்கள் நீர்ச்சத்துக்களுடன் இருப்பது உங்களின் சருமத்தில் உள்ள நீர்ச்சத்தை சரியான அளவில் பராமரிக்க உதவும். சருமம் நீர்ச்சத்தை இழக்காமல் தக்கவைத்துக்கொள்ளும்.

ஈரப்பதமூட்டிகளைப் பயன்படுத்துங்கள்

வீட்டுக்குள் சூடாக இருப்பது காற்றில் வறட்சியை ஏற்படுத்தும். இதனால் உங்கள் சருமம் பொலிவிழந்தும், வறண்டும் காணப்படும். நீங்கள் ஈரப்பதமூட்டிகளை பயன்படுத்துவதற்கு பதில், உங்கள் வசிப்பிடங்களில், அதிகளவில் ஈர்ப்பதமூட்டிகளைப் பயன்படுத்துங்கள். இது உங்கள் சருமத்துக்கு தேவையான நீர்ச்சத்துக்களைக் கொடுக்கும்.

ஸ்கிரப்

உங்கள் சருமத்தில் உள்ள இறந்த செல்கள், உங்கள் சருமத்தை மேலும் வறண்டு போகச் செய்யும். எனவே வாரம் ஒருமுறை நல்ல ஸ்கிரப்பை பயன்படுத்தி, உங்கள் சருமத்தில் உள்ள இறந்த செல்களை நீக்கிவிடுங்கள். இதனால் உங்கள் சருமம் பொலிவு பெறும். வேதிப்பொருட்கள் இல்லாத ஸ்கிரப்களை பயன்படுத்தவேண்டும். அதிகம் ஸ்கிரப் செய்துவிடக்கூடாது. இது உங்கள் சருமத்தில் எரிச்சலை ஏற்படுத்தும். உங்கள் சருமத்தை சேதப்படுத்தும்.

சருமத்தை பாதுகாத்துக்கொள்ளுங்கள்

குளிர்ந்த காற்று அல்லது உறையவைக்கும் வெப்பநிலை உங்கள் சருமத்துக்கு சேதத்தை ஏற்படுத்தும். எனவே கையுறைகள், குல்லாக்கள், கர்சீப்களை வைத்து வெளியே தெரியும் சருமத்தை போர்த்திக்கொள்ளுங்கள். இது உங்களுக்கு நீங்கள் வெளியே செல்லும்போது, இதமான சூழலைத் தரும். உங்கள் சருமத்தை குளிர்ந்த காற்று, பனியில் இருந்த பாதுகாக்க உதவும்.

சன் ஸ்கிரீன்

புறஊதாக் கதிர்கள் உங்கள் சருமத்தில் சேதத்தை ஏற்படுத்தும். இது உங்கள் சருமத்தை வறண்டுபோகச் செய்யும். அதை பனிக்காலத்தில் அதிகரிக்கும். எனவே நல்ல சன்ஸ்கிரீன் லோசன்களை பயன்படுத்தி, உங்கள் சருமத்தில் நீர்ச்சத்துக்களை தக்கவைத்துக்கொள்ளுங்கள். இது உங்களின் சருமத்தை கடும் கதிர்களிடம் இருந்து பாதுகாக்கும்.

இரவு நேர கிரீம்

நாள் முழுவதும் உழைத்து நீங்கள் களைத்திருப்பதுபோல், சருமமும் களைத்திருக்கும். எனவே நல்ல இரவு நேர கிரீமை நீங்கள் உங்கள் சருமத்தில் தடவுவதன் மூலம் அது உங்களுக்கு பாதுகாப்பு கொடுக்கும். இது உங்கள் சருமத்தை ஆழ்ந்து மாய்சரைஸ் செய்யும். சேதத்தை சரிசெய்யும். இதனால் நீங்கள் சரும வறட்சியுடன் எழுந்திருப்பது தடுக்கப்படும். உங்கள் தோல் மெலிவதும் தடுக்கப்பட்டு, சருமம் பாதுகாப்புடன் இருக்கும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.