தினமும் 3 வேளையும் அரிசி சாதம் சாப்பிடுபவரா நீங்கள்?.. இந்த 5 கடுமையான நோய்கள் வருவதற்கான வாய்ப்புகள் அதிகமாம்!

தென்னிந்தியாவின் பிரதான உணவுகளில் ஒன்றாக இருக்கிறது அரிசி. இந்திய உணவில் வெள்ளை அரிசி ஒரு முக்கிய அங்கமாகும். நம் நாட்டில் 90 சதவீத மக்கள் பெரும்பாலும் வெள்ளை உணவுகளையே உண்கின்றனர். நம் உணவில் முக்கியப் பொருளான அரிசியை உண்பதைத் தவிர்க்க முடியாதவர்கள் ஏராளம். சில வீடுகளில் மூன்று வேளையும் அரிசியை கொண்டு உணவு தயார் செய்கிறார்கள். 

சாதம் சாப்பிட்டுப் பழகியவர்கள் அதிகப் பதார்த்தங்களைச் சாப்பிட்டாலும் அவர்களின் வயிறு நிறைவதில்லை. ஆனால், எதையும் அதிகமாக சாப்பிடுவது நல்லதல்ல. எனவே தினமும் உண்ணும் அரிசிக்கும் இதே நிலைதான். அரிசியை அதிகம் சாப்பிடுபவர்களுக்கு சில வகையான நோய்கள் வர வாய்ப்பு உள்ளதாக நிபுணர்கள் கூறுகின்றனர்.

அரிசியின் கிளைசெமிக் குறியீடு

சர்க்கரை நோயாளிகள் உணவில் அரிசியை மிகக் குறைந்த அளவே எடுத்துக்கொள்ள வேண்டும். மருத்துவர்களும் அரிசி சாப்பிடாமல் இருக்க அறிவுறுத்துகிறார்கள். ஏனெனில் அரிசியில் கிளைசெமிக் இண்டெக்ஸ் மிக அதிகம். இதனால் சாதம் சாப்பிட்டவுடன் ரத்தத்தில் சர்க்கரையின் அளவு மிக விரைவாக உயரும் . இப்படிப்பட்ட சூழ்நிலையில் சர்க்கரை நோயாளிகள் மட்டுமின்றி மற்றவர்களும் அரிசியில் சமைத்த உணவைத் தவிர்ப்பது நல்லது.

எடை கூடும் அபாயம்

வெள்ளை அரிசியின் தினசரி நுகர்வு கார்போஹைட்ரேட் மிகவும் அதிகமாக உள்ளது. அப்படியானால், மூன்று அல்லது இரண்டு வேளை சாதம் அதிகமாக சாப்பிட்டால், உடலில் கொழுப்பு அதிகரிக்கும். இதன் காரணமாக, அவர்கள் விரைவில் பருமனாகிறார்கள். மேலும், சாதம் சாப்பிட்ட சிறிது நேரத்திலேயே பசி உணர்வு ஏற்படுகிறது. இதுவும் அதிகமாக சாப்பிடும் பிரச்சனையை அதிகரிக்கிறது. அப்படிப்பட்ட நிலையில் உடல் எடையை கட்டுக்குள் வைக்க வேண்டுமானால் சாதத்தை குறைத்து சப்பாத்தி போன்றவற்றை சாப்பிட வேண்டும்.

இதயம் தொடர்பான பிரச்னை

தினமும் அரிசி சாப்பிடுவது இதய ஆரோக்கியத்திற்கும் ஆபத்தானது என்று சுகாதார நிபுணர்கள் கூறுகின்றனர். உண்மையில் வெள்ளை அரிசியில் சத்துக்கள் மிகவும் குறைவு. நார்ச்சத்து அளவும் குறைவு. இவற்றை தினசரி உணவில் சேர்த்துக் கொண்டால் ட்ரைகிளிசரைடு அளவுகள் மற்றும் கெட்ட கொலஸ்ட்ரால் அளவுகள் வேகமாக அதிகரிக்கும். இவை அனைத்தும் இதயம் தொடர்பான பிரச்சனைகளுக்கு வழிவகுக்கும். வெள்ளை அரிசிக்கு பதிலாக பழுப்பு அரிசி அல்லது சிவப்பு அரிசி சாப்பிடுவது நல்லது.

வளர்சிதை மாற்ற நோய்க்குறி

தினசரி அரிசி சாதம் சாப்பிடுவது வளர்சிதை மாற்ற நோய்க்குறியின் அபாயத்தை அதிகரிக்கிறது என்று பல ஆய்வுகள் சுட்டி காட்டுகின்றன. இது படிப்படியாக வளர்சிதை மாற்றத்தை குறைக்கிறது. இது உடல் பருமன் மற்றும் செரிமான பிரச்சனைகளுக்கு வழிவகுக்கிறது. தினமும் அரிசிக்கு பதிலாக பழுப்பு அரிசியை சாப்பிட முயற்சிக்கவும்.

கொலஸ்ட்ரால் அதிகரிக்கும்

அரிசி சாப்பிடுவதால் கொலஸ்ட்ரால் அளவு அதிகரிக்கிறது என்பதை எந்த ஆய்வும் உறுதிப்படுத்தவில்லை. ஆனால் தினமும் சாதம் சாப்பிடுவதால் உடலில் சில மாற்றங்கள் ஏற்படும். இதனால் உடலில் ட்ரைகிளிசரைடு மற்றும் கெட்ட கொலஸ்ட்ரால் அளவு அதிகரிக்கிறது. உங்களுக்கு ஏற்கனவே அதிக கொலஸ்ட்ரால் பிரச்சனை இருந்தால், அரிசிக்கு பதிலாக மற்ற உணவுகளை சாப்பிடுவது நல்லது.

(குறிப்பு: ஆய்வுகள் மற்றும் சுகாதார இதழ்களில் இருந்து சேகரிக்கப்பட்ட தகவல்கள் உங்களுக்காக இங்கே வழங்கப்பட்டுள்ளன. இது தகவல் மட்டுமே. இது மருந்து அல்லது சிகிச்சைக்கு மாற்றாக இல்லை. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும். உடல்நலம் குறித்து சந்தேகம் இருந்தால், உடனடியாக மருத்துவரை அணுகவும்.)