Bone : மூட்டு வலியை குணமாக்கும் ஆட்டுக்கால் எலும்பு சூப்பை இப்படி செய்யுங்க.. இந்த ஒரு சூப்பில் இத்தனை பலன்கள் இருக்கா!

Bone : வயது அதிகரிக்கும் போது மூட்டு வலிகள் அதிகமாகும். அதிக வேலை செய்பவர்களுக்கு மூட்டு தேய்மானம் மற்றும் மூட்டு வலி ஏற்படும். அப்படிப்பட்டவர்களுக்கு ஆட்டுக்கால் சூப் ஒரு வரப்பிரசாதம். வாரம் ஒருமுறை எலும்பு சூப் குடிப்பது உங்கள் ஆரோக்கியத்திற்கு மிகவும் நல்லது. ஊட்டச்சத்து மதிப்புகள் சமமாக உடலை அடைகின்றன. மேலும், எலும்பு சூப் புரத உணவின் ஒரு பகுதியாக எடை இழப்பு மற்றும் வயதானதை தடுக்க மிகவும் பயனுள்ளதாக இருக்கும். நீங்கள் வீட்டிலேயே ருசியான ஆட்டுக்கால் சூப் செய்வது எப்படி என பார்க்கலாம்

தேவையான பொருட்கள்

மிளகு

சீரகம்

இஞ்சி

பூண்டு

பச்சை மிளகாய்

சின்ன வெங்காயம்

மஞ்சள்

தக்காளி

உப்பு

மல்லித்தழை

பாசிப்பருப்பு

செய்முறை

ஆட்டுக்காலை நன்றாக வாட்டி மேல் பகுதியில் தோலை சுத்தம் செய்து நன்றாக கழுவி பின் வெட்டி எடுத்துக்கொள்ள வேண்டும். 2 ஸ்பூன் பாசிப்பருப்பை கழுவி தண்ணீரில் ஊற வைக்க வேண்டும். 4 ஆட்டுக்கால் அளவு எடுத்து கொண்டால் 1 ஸ்பூன் மிளகு, 1 ஸ்பூன் சீரகம், 1 இன்ச் இஞ்சி, 1 கைபிடி பூண்டு, 1 கைபிடி சின்ன வெங்காயம் ஆகியவற்றை சேர்த்து அரைத்து கொள்ள வேண்டும். இதில் ஒரு விராலி மஞ்சளை சேர்த்து அரைக்க வேண்டும். இப்போது ஒரு குக்கரில் 4 ஆட்டுக்காலை சேர்த்து 2 லிட்டர் வரை தண்ணீர் சேர்த்து கொள்ள வேண்டும். பின்னர் அதில் அரைத்த மசாலாவையும் ஒரு தக்காளியையும் நறுக்கி சேர்த்து கொள்ள வேண்டும்.

இரண்டு பச்சை மிளகாய், சிறிதளவு கறிவேப்பிலையை சேர்த்து கொள்ள வேண்டும். தேவையான அளவு உப்பை சேர்த்து குக்கரை மூடி வேக விட வேண்டும். 10 விசில் வரை வந்த பிறகு குக்கரை இறக்கி வைத்து விட வேண்டும். இப்போது ஊற வைத்த பாசிப்பறுப்பை ஒரு மிக்ஸியில் சேர்த்து கொரகொரப்பாக அரைத்து எடுத்து கொள்ள வேண்டும்.

பின் குக்கரை திறந்து ஆட்டுக்கால் வெந்து இருப்பதை பார்த்து அதில் அரைத்து வைத்த பாசிப்பருப்பை சேர்த்து கொதிக்க விட வேண்டும். பாசிப்பருப்பின் பச்சை வாடை போன பிறகு ஒரு கைபிடி அளவு பொடியாக நறுக்கிய மல்லி இலையை சேர்த்து இறக்கி விட வேண்டும். கடைசியாக ஒரு ஸ்பூன் மிளகு தூள் சேர்த்து கொள்ள சேர்த்து பரிமாறினால் ருசி அருமையாக இருக்கும்.

ஆட்டுக்கால் சூப் சாப்பிடுவதால் கிடைக்கும் நன்மைகள்

மூட்டு வலி உள்ளவர்களும், மூட்டு வலுப்பெற வேண்டியவர்களும் தினமும் எலும்பு சூப் அருந்த வேண்டும். இதில் கொலாஜன் உற்பத்தி அதிகமாக உள்ளது. இதில் புரதமும் நிறைந்துள்ளது. தோல் மற்றும் முடிக்கு கிடைக்கிறது. கொலாஜன் நிறைந்த உணவுகளை உண்பதால் எலும்புகள் வலுவடையும். மூட்டுக் கோளாறுகளும் குறையும். தோல் இறுக்கமாகி, முன்கூட்டிய முதுமையைத் தடுக்கிறது. எனவே கொலாஜனுக்காக வாரத்திற்கு இரண்டு முதல் மூன்று முறை எலும்பு சூப் குடித்து பாருங்கள். சேதமடைந்த மூட்டுகளை குணப்படுத்த எலும்பு குழம்பு சிறந்தது.

எலும்பு சூப் புரத உணவு

புரோட்டீன் உணவில் இருப்பவர்கள் தினமும் எலும்பு சூப் எடுத்துக் கொள்ளலாம். இதில் புரதச்சத்து நிறைந்துள்ளது. எலும்பு சூப் கூட உடற்பயிற்சி செய்பவர்களுக்கு ஒரு வரப்பிரசாதம். எலும்பு சூப் குடிப்பதால் உடலுக்கு 10 கிராம் புரதம் கிடைக்கிறது. புரதம் அதிகம் இருப்பதால் உங்கள் கலோரிகளை கட்டுக்குள் வைத்திருக்கிறது. ஒரு கப் எலும்பு குழம்பு குடிப்பதால் உடலுக்கு புரதம் கிடைக்கிறது. உங்கள் உணவு பசியை கட்டுக்குள் வைத்திருக்கும். இதனால் எடையை குறைக்க இயலும்.

விலங்குகளின் எலும்புகளில் கொலாஜன் உற்பத்தி அதிகம். நமது இளமையான சருமத்திற்கு இது அவசியம். மேலும் தாதுக்கள் மற்றும் வைட்டமின் ஏ நமது சருமத்தை இளமையாக வைத்திருக்கும்.

எலும்பு சூப்பில் கொலாஜன், குளுட்டமைன், கிளைசின் போன்ற கலவைகள் உள்ளன. இவை மூட்டுவலி போன்ற நோய்களைக் குறைக்க உதவுகின்றன. உடலில் ஏற்படும் அழற்சியைத் தடுக்கிறது. வீக்கம் குறைவது இதய ஆரோக்கியத்தை மேம்படுத்துகிறது. வாரத்திற்கு இரண்டு முறையாவது எலும்பு சூப் செய்து சாப்பிட முயற்சி செய்யுங்கள். குறிப்பாக மட்டன் எலும்பினால் செய்யப்படும் சூப் சுவையாக இருக்கும். இது உங்கள் பசியையும் அதிகரிக்கிறது.