Ice Water Wash: அலியா பட் முதல் சமந்தா வரை ஐஸ் வாட்டரில் முகத்தை கழுவுவது ஏன்? இதுல இவ்வளவு பெனிபிட்ஸ் இருக்கா?

சமூகவலைத்தளத்தின் அசுர வளர்ச்சிக்கு பின்னர் அழகு குறிப்புகளும், மருத்துவ குறிப்புகளும் ஏக்கச்சக்கமாக பெருகி வருகின்றன. அதில் சிலவற்றை பிரபலம் அடைந்தவர்களும் பின்பற்றி வருகின்றனர். அதில் ஒன்று தான் காலை எழுந்தவுடன் அல்லது மேக்கப் போடும் முன்பு முகத்தை ஐஸ் தண்ணீரில் முழுவதுமாக மூழ்க விடுவது.  

சமீப காலமாக சமூக வலைத் தளங்களில் பெரும்பாலானோர் இந்த ஐஸ் வாட்டரில் காலை எழுந்ததும் முகத்தை டிப் செய்து வீடியோ வெளியுடுவதை பாரக்க முடிகிறது. இது போல செய்வதால் முகத்தில் பல மாறுதல்கள் உண்டாகின்றன. இதனை இந்தியா சினிமாவில் முக்கிய நடிகைகளான அலியா பட், தமன்னா, சமந்தா உட்பட பலர் பின் பற்றுகின்றனர். இதில் உண்மையாகவே உள்ள பலன்களை இங்கு காண்போம். 

புத்துணர்ச்சி 

காலை எழுந்ததும் புத்துணர்ச்சி பெறுவதற்காக டீ குடிப்பது, உடற்பயிற்சி செய்வது போன்றவை வழக்கமாக இருந்தது. ஆனால் தற்போது இந்த ஐஸ் வாட்டரில் முகத்தை டிப் செய்வதால் நரம்பு மண்டலங்கள் புத்துணர்ச்சி அடையும். இதன் வாயிலாக அன்றையயா நாள் சிறப்பாக இருக்கும். முகத்தில் உள்ள சோர்வு நீங்கி, சிறந்த தோற்றம் வரும். மேலும் கண்களுக்கு கீழே உள்ள வீங்கியது போன்ற தோற்றம் சரியாகும். தூங்கி எழுந்ததால் இவ்வாறு இருக்கும். பொதுவாகவே குளிர்ந்த நீர் இரத்த ஓட்டத்தை அதிகரிக்கிறது. எனவே முகம் பொலிவாக தெரிய இது உதவுகிறது. 

மேலும் மேக்கப் போடுவதற்கு முன் இதனை செய்தால், மேக்கப் பொருட்கள் முகத்தில் நேரடியாக பாதிப்பை ஏற்படுத்தாத வண்ணம் தடுக்க முடியும். மேக்கப்பை களைக்கும் போதும் ஐஸ் கட்டியை உபயோகப்படுத்தலாம். ஐஸ் வட்டரில் உள்ள குளிர்ச்சியானது முகத்தில் உள்ள சிறு சிறு துளைகளை இறுக உதவுகிறது. சருமத்தில் குளிர்ந்த நீரின் இந்த விளைவு, காலையில் சோர்வுடன் இருப்பவர்களுக்கு மிகவும் பயனுள்ளதாக உள்ளது. 

பளபளக்கும் முகம் 

இதனை தொடர்ந்து செய்து வரும் போது, தானாகவே முகத்தின் இரத்த ஓட்டத்தை மேம்படுத்தி பிரகாசமன தோற்றத்தை வழங்குகிறது.  ஐஸ் வாட்டரின் பயன்பாடு முகத்தில் ஆக்ஸிஜன் அளவை மேம்படுத்துவதோடு, அத்தியாவசிய ஊட்டச்சத்துக்கள் மற்றும் வைட்டமின்களை வழங்க உதவுகிறது. இதன் எதிர்ப்பு பண்புகள் முகப்பருவைக் குறைக்கவும் குணப்படுத்தவும் உதவுகின்றன. பனியில் இந்த அழற்சி எதிர்ப்பு பண்பு உள்ளது, இது முகப்பருவுக்கு சிகிச்சையளிக்க உதவுகிறது. 

முகத்தில் இருக்கும் இறந்த செல்கள், உரியும் தோலை அகற்றி புது விதமான தோற்றத்தை வழங்குகிறது. கண்களுக்கு அடியில் இருக்கும் கரு வலையங்களை குறைக்க உடனடி தீர்வாக இல்லாவிட்டாலும், தொடர்ந்து பயன்படுத்தும் போது சிறப்பான முடிவுகளை தரும். 

இளமையான முகம் உறுதி 

நீங்கள் ஐஸ் கட்டிகளை தோலில் தொடர்ந்து தேய்த்து வரும் போது, இது வயதான அறிகுறிகளைக் குறைக்கவும் தடுக்கவும் உதவுகிறது. இந்த ஐஸ் கட்டிகளைப் பயன்படுத்தி உங்கள் முகத்தின் தோற்றத்தைக் கட்டுப்படுத்தலாம். பல விதமான நல்ல பலன்களை தருவதால் இதனை பல சினிமா நடிகைகளும் செய்து வருகின்றனர். இது உலகளவில் பிரபலம் அடைந்து வருகிறது. இதனை நீங்களும் தினமும் வீட்டில் செய்து பார்த்து கண்கூடான ரிசல்ட்டை பார்க்க முடியும்.