போலீஸிடமே ஆட்டைய போட்ட ஐஸ்வர்யா..தீபா குறித்து கார்த்திக்கு தெரிய வந்த உண்மை - கார்த்திகை தீபம் இன்றைய எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் கார்த்திக் குடும்பத்தினர் எல்லாரும் கச்சேரிக்கு கிளம்பிய நிலையில், இன்று நடக்க போவது என்ன என்பது குறித்து பார்க்கலாம் வாங்க.

தீபா இருக்கும் இடத்தை கண்டுபிடிக்கும் கார்த்திக்

அதாவது, கார்த்திக், கீதா ஆகியோர் காரில் வந்து கொண்டிருக்கும் போது முருகன் வேடத்தில் வந்த சிறுவன் பைக் ரிப்பேராகி நின்று கொண்டிருக்கிறான். கார்த்திக் இதை பார்த்து விட்டு என்னாச்சு என்று கேட்க பைக் ரிப்பேர் ஆகி விட்டதாக சொல்கிறான்.

கார்த்திக் பக்கத்தில் கீதாவும் நிற்க, இதை பார்த்த சிறுவன் பிரச்னை தீர்ந்து விட்டதா என்று கேட்கிறான். இதை பார்த்து கார்த்திக் புரியாமல் நிற்க, இவங்கள மாதிரியே ஒருத்தங்களை ஒரு முறை பார்த்ததாகவும் ஆசிரமத்தில் விட்டதாகவும் சொல்கிறான். உடனே கார்த்திக் அது தீபா தான் என்று புரிந்து கொண்டு எந்த இடம் என்று விசாரிக்க, அந்த சிறுவன் இடம் எதுன்னு தெரியல, ஆனால் எப்படி போகணும்னு தெரியும் வா கூட்டிட்டு போறேன் என்று காரில் ஏறி வழி காட்ட தொடங்குகிறான்.

கார்த்திக்கை போலீசில் சிக்க வைக்கும் ரூபாஸ்ரீ

மறுபக்கம் ரூபஸ்ரீ, ஐஸ்வர்யாவை சந்திக்க ஸ்டேஷனுக்கு வர, அப்போது போதை பொருள் கடத்தலில் ஈடுபட்டவர்களை போலீஸ் கைது செய்து அழைத்து வருகின்றனர். அவர்களிடம் இருந்து பறிமுதல் செய்த பொருட்களை மேஜை மீது வைக்க, ஐஸ்வர்யா அதில் இருந்து இரண்டு பாக்கெட்டை ரூபஸ்ரீ மூலமாக எடுத்து அதை கார்த்திக் காரில் வைக்க சொல்கிறாள்.

கார்த்திக், கீதா ஆகியோர் ஆசிரமத்துக்குள் சென்று இருக்கும் நேரத்தில் ரூபஸ்ரீ போதை பொருட்களை காரில் வைத்து விட்டு போலீசுக்கும் தகவல் கொடுத்து விடுகிறாள். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.

கார்த்திகை தீபம் நேற்றைய எபிசோடு

ரூபாஸ்ரீ ஒருவனை ஏற்பாடு செய்து கார்த்திக் போல் நடித்து ஆசிரமத்தில் இருப்பவர்களை நம்ப வைத்து தீபாவை கடத்த திட்டமிடுகிறாள். அவனும் ஆசிரமத்துக்கு வந்து கார்த்திக் போல் நடித்து எல்லாரையும் நம்ப வைக்க முயற்சி செய்கிறான். அப்போது அவன் ஓவர் ஆக்டிங் செய்ய ரூபஸ்ரீ பதறுகிறாள்.

இருந்தாலும் அவன் கார்த்திக் போல் நடித்து அனைவரையும் நம்ப வைத்தாலும், இறுதி நொடியில் அங்கு வரும் ஷக்தி இது கார்த்திக் இல்லை என்பதை கண்டுபிடிக்க ரூபஸ்ரீ அங்கிருந்து எஸ்கேப் ஆகிறாள், பிறகு ஆசிரமத்தில் இருந்து கச்சேரிக்கு கிளம்ப தயாராகுகின்றனர்.

அடுத்து அபிராமி வீட்டில் எல்லாரும் கச்சேரிக்கு கிளம்பும் நேரத்தில் மீனாட்சி, தீபா வணங்கும் முருகன் சிலையையும் எடுத்து செல்லலாம் என்று சொல்லி பூஜை செய்து எடுத்து வருகிறார். அந்த நேரத்தில் எதிர்பாராத விதமாக அந்த சிலை உடைய அனைவரும் பதற்றம் அடைகின்றனர். இருந்தாலும் எதுவும் தப்பாக நடக்காது என்ற நம்பிக்கையுடன் கிளம்பி வருகின்றனர். இங்கே ரூபஸ்ரீ, ஐஸ்வர்யாவை சந்தித்து திட்டம் தோல்வியில் முடிந்ததை சொல்கிறாள்.