தூண்டிவிட்ட கார்த்திக்; சைடு கேப்பில் சிந்து பாடிய பானுப்பிரியா.. தூது போன புகார் கடிதம்; வெளுத்து விட்ட தயாரிப்பாளர்!

இது குறித்து அவர் பேசும் போது, “ கார்த்திக் மனிதராக மிகவும் நல்லவர்தான். அனைவரையும் அவர் அன்பாக நடத்துவார். என்னுடைய அப்பாவுக்கும், அவருக்கும் இடையே நல்ல இணக்கம் இருந்தது. ஷூட்டிங் ஸ்பாட்டிற்கு எவ்வளவு நேரம் லேட்டாக வந்தாலும், காட்சியை மிக விரைவாக நடித்துக்கொடுத்துவிட்டுச் சென்று விடுவார். ஆனால், அவருக்கு இருந்த தவறான பழக்கவழக்கங்கள்தான், அவரது கெரியரை கொஞ்சம் கொஞ்சமாக அழித்து விட்டது. அதையெல்லாம் இங்கு இப்போது சொல்லி அவரது மனதை நான் கஷ்டப்படுத்த விரும்பவில்லை. இருப்பினும், நாங்கள் தயாரித்த சக்கரவர்த்தி திரைப்படத்தில் அவரின் தூண்டுதலால், பானுப்பிரியா செய்த மோசமான செயலை இங்கு நான் பகிர்கிறேன்.

விதியை மாற்றிய பானு

சக்கரவர்த்தி திரைப்படத்தில் கார்த்திக் உடன் பானுப்ரியா நடித்திருந்தார். அந்தப் படத்திற்காக, 5 லட்ச ரூபாய் அவருக்கு சம்பளமாக பேசப்பட்டு இருந்தது. முதற்கட்ட படப்பிடிப்பு முடிந்தவுடன் ஒரு லட்சம் ரூபாய் அவருக்கு கொடுக்கப்பட்டது. இரண்டாம் கட்ட படபிடிப்பு முடிந்தவுடன், மேனேஜர் மூலமாக இன்னொரு ஒரு லட்சம் கொடுக்கப்பட்டது. ஆனால் அந்த ஒரு லட்சத்தை பானுப்பிரியா வாங்காமல், திருப்பி அனுப்பி விட்டார்.

இதையடுத்து குழம்பிப்போன அப்பா, நேரடியாக சென்று என்ன ஆயிற்று; எதற்காக சம்பள பணத்தை திருப்பி அனுப்பினீர்கள் என்று கேட்க, பானுப்பிரியா எனக்கு இப்போதே படத்திற்கான முழு சம்பளம் வேண்டும் என்று விடாப்பிடியாக நின்றார். அதற்கு அப்பா எப்பொழுதுமே ஒரு நடிகருக்கு, அவருக்கான முழு சம்பளத்தை அந்தப்படத்திற்கான டப்பிங் முடிந்த பின்னதான் கொடுப்போம். இதுதான் வழக்கமாக இருக்கும் விதிமுறை. அப்படி இருக்கையில் நீங்கள் தற்போது திடீரென்று விதிமுறையை மாற்றினால் எப்படி என்று கேட்டார்

ஏமாற்றி விடுவீர்களோ

அதற்கு பானுப்பிரியா, எனக்கு உங்கள் மீது நம்பிக்கை இல்லை நீங்கள் ஏமாற்றி விடுவீர்களா என்ற பயம் எனக்கு இருக்கிறது என்று சொன்னார். இதையடுத்து கோபம் அடைந்த அப்பா, நேராக பேங்கிற்கு சென்று, 4 லட்சத்திற்கான டிடியை எடுத்து அதை தயாரிப்பாளர் சங்கத்தில் கொடுத்து, பானுப்பிரியா மீது புகார் கொடுத்தார்.

அந்த புகாரில், என் படத்தில் கமிட் செய்யப்பட்ட பானுப்பிரியா என் மீது நம்பிக்கை இல்லை என்று கூறியிருக்கிறார். அவர் என் மீது நம்பிக்கை இல்லை என்று கூறும் பொழுது, நானும் அவரை நம்ப முடியாது. ஆகையால் இந்த டிடி இங்கேயே இருக்கட்டும். படப்பிடிப்பு முடிந்த பின்னர், இதை அவரிடம் கொடுத்து விடுங்கள் என்று கூறிவிட்டார். இதையடுத்து கவுன்சில் மூலமாக பானுப்பிரியா அழைக்கப்பட்டு, அந்த டிடி அவருக்கு கொடுக்கப்பட்டது. அதற்கு பின்னால் கார்த்திக் இருந்தார் என்று நாங்கள் கேள்விப்பட்டோம்” என்று பேசினார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.