வீரா கொடுத்த வாக்கு.. போட்டிக்களத்தில் மாறன், ராமச்சந்திரன் கௌரவம் காப்பாற்றப்பட்டதா? வீரா சண்டே ஸ்பெஷல் எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 8 மணிக்கு ஒளிபரப்பாகி வரும் பிரபலமான சீரியல் வீரா. விறுவிறுப்பாக காட்சிகளுடன் ஒளிபரப்பாகி வரும் இந்த சீரியலின் சண்டே ஸ்பெஷல் எபிசோட் அக்டோபர் 6ஆம் தேதி மதியம் 2:30 மணிக்கு ஒளிபரப்பாக உள்ளது. இந்த சண்டே ஸ்பெஷல் எபிசோடில் நடக்க போவது என்ன என்பது குறித்து பார்க்கலாம் வாங்க.

ஊர் மானத்தை காப்பாற்ற நடக்கும் மல்யுத்த போட்டி

அதாவது, ராஜாவின் தங்கை ப்ரியாவை கல்யாணத்துக்காக ராமசந்திரன் குடும்பம் மொத்தமும் சொந்த ஊருக்கு வந்திருக்க, ராஜாவின் குடும்பம் மாறன் வீராவை ஆரத்தி எடுத்து அமோக வரவேற்பு கொடுத்து உபசரிக்கின்றனர்.

அடுத்து ப்ரியா அண்ணன்களை அழைத்து கொண்டு ஊரை சுற்றி காட்ட கிளம்புகிறாள். அடுத்து இரண்டு ஊருக்கும் இடையே இருக்கும் பிரச்னை, மல்யுத்த போட்டி ஆகியவை பற்றி தெரிய வருகிறது. இந்த மல்யுத்த போட்டியில் ராஜாவின் ஊர் ஜெயித்து மானத்தை காப்பாற்றிய வேண்டிய கட்டாயத்தில் இருக்கிறது.

இந்த சமயத்தில் போட்டி நடக்கும் இடத்தில வீரா விளையாட்டாக மாறனை பிடித்து உள்ளே தள்ளி விட மாறன் மல்யுத்த போட்டியில் கலந்து கொள்ள வேண்டிய சூழ்நிலை உருவாகிறது. முதலில் மாறன் சரமாரியாக அடிவாங்க ராமசந்திரன் இவனால் ஊர் மானமே போய்டும் போல.அவன் ஜெயித்தா தான் வீட்டுக்கு வரணும் என்று சொல்லி விட மாறன் முழுவீச்சில் விளையாடி கோப்பையை கை பற்றுகிறான்.

பிரியா - சந்தோஷ் இடையிலான காதல்

அதை தொடர்ந்து பிரியாவுக்கும் பிரச்னையில் இருக்கும் ஊர் தலைவர் பையன் சந்தோஷுக்கும் இடையேயான காதல் விஷயம் மாறன், வீராவுக்கு தெரிய வர வீரா இருவரையும் சேர்த்து வைப்பதாக வாக்கு கொடுக்கிறாள்.

அதன் பிறகு நடந்தது என்ன? மாறன் வீரா கொடுத்த வாக்கு என்னாவது? ஊர் பிரச்னை முடிவுக்கு வந்ததா? இல்லையா? என்ற கோணத்தில் வீரா சண்டே ஸ்பெஷல் எபிசோட் ஒளிபரப்பாக உள்ளது. எனவே வரும் ஞாயிறு மதியம் 2:30 மணிக்கு வீரா சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.

வீரா சீரியல்

கடந்த பிப்ரவரி 2024 முதல் வீரா சீரியல் ஜீ தமிழ் சேனலில் ஒளிபரப்பாகி வருகிறது. இதில் பிரதான கதாபாத்திரமான வீராமாறன் ஆக நடிகை வைஷ்ணவி அருள்மொழி, மாறன் ஆக அருண் கிரிஸர் நடித்து வருகிறார்கள்.

இந்த சீரியலுக்கு முதலில் சிவமுருகன் டெக்ஸ்டைல் என்று பெயர் வைத்திருந்தனர். ஆனால் வீரா என்ற பெயர் மாற்றப்பட்டு ஒளிபரப்பாகி வருகிறது. ஜீ தமிழில் அதிகம் பேரால் பார்க்கப்படும் சீரியல்களில் ஒன்றாக வீராவும் இருந்து வருகிறது. இந்த சீரியல் ஜீ5 ஓடிடி தளத்திலும் ஸ்டிரீமிங் ஆகி வருகிறது.

ஜீ தமிழ் பிற சீரியல்கள்

ஜீ தமிழில் ஒளிப்பரப்பாகி வரும் பிற சீரியல்களில் ரசிகர்களை கவர்ந்த சீரியலாக கார்த்திகை தீபம், நினைத்தேன் வந்தாய் ஆகிய சீரியல்கள் இருக்கின்றன.

இதில் கார்த்திகை தீபம் சீரியம் ப்ரைம் டைமான இரவு 9 மணிக்கு ஒளிபரப்பாகிறது. அதேபோல் மாலை நேரத்தில் ஒளிபரப்பாகும் முக்கிய சீரியலாக நினைத்தேன் வந்தாய் இருக்கிறது. இந்த தொடர் திங்கள் முதல் வெள்ளி வரை மாலை 6 மணிக்கு ஒளிபரப்பாகிறது.