Bigg Boss 8: சும்மா ஓட விடணும்... பர்ஃபெக்ட் ரெடி... ஊர்வலம் போன விஜய் சேதுபதி... அசத்தல் அப்டேட்

விஜய் டிவியில் வெளியாகி வந்த பிக்பாஸ் சீசனுக்கு புதிதாக அறிமுகமே தேவையில்லை. தமிழ்நாட்டில் இந்த நிகழ்ச்சி குறித்து தெரியாதவர்கள் என்றும் யாரும் இல்லை. நிகழ்ச்சியாக பார்க்காவிட்டால் கூட சின்ன சின்ன கிளிப்பிங்ஸாகவோ, மீம் கண்டென்டுகளாகவோ நிச்சயம் பிக்பாஸை அனைவரும் அறிந்திருப்பர்.

பிக்பாஸ் சீசன் 8

இந்த நிலையில், விஜய் டிவி பிக்பாஸ் 8வது சீசனுக்கான புதிய ப்ரமோவை வெளியிட்டுள்ளது. இந்தப் ப்ரமோவிலும், விஜய் சேதுபதி நிகழ்ச்சியை எப்படி வழிநடத்த வேண்டும் என பலரும் அட்வைஸ் செய்கின்றனர். ஆனால் இந்தப் ப்ரமோவில் ஸ்பெஷலான விஷயமே இது எப்போது ஒளிபரப்பப்படும் என்ற அப்டேட் தான்.

இந்த ப்ரமோவில் அதற்கான தகவல் வெளியாகியுள்ளது. அதன்படி, பிக்பாஸ் நிகழ்ச்சி வரும் அக்டோபர் மாதம் 6ம் தேதி ஞாயிற்றுக் கிழமை மாலை 6 மணிக்கு ஒளிபரப்பாகிறது என இந்தப் ப்ரமோவில் அறிவிக்கப்பட்டுள்ளது. அந்த நாளில் தான், பிக்பாஸ் வீட்டிற்குள் செல்லும் நபர்கள் குறித்த அனைத்து தகவல்களும் தெரிவிக்கப்படும்.

அக்டோபர் 6ம் தேதிக்கு இன்னும் சில நாட்களே உள்ள நிலையில், ரசிகர்கள் அனைவரும், இந்த வீட்டுக்குள் வரும் பிரபலங்கள் யார் யார். அவர்கள் என்ன செய்ய காத்திருக்கின்றனர் என்பதைக் காண மிகுந்த ஆவலாக உள்ளனர்.

தாக்குப்பிடிப்பாரா விஜய் சேதுபதி

இந்த நிகழ்ச்சி மக்களிடம் கொண்டு சேர முக்கிய காரணமாக இருந்தவர் நடிகர் கமல்ஹாசன். அவர் இதுவரை நடந்த 7 சீசன்களிலும் இந்த நிகழ்ச்சியை தனக்கென உரித்தான பாணியில் இதுவரை வழிநடத்தி வந்தார். 

ஆனால், இந்த முறை அவர் அரசியலில் கவனம் செலுத்த தொடங்கியதால், பிக்பாஸ் சீசன் 8க்கு விஜய் சேதுபதி தொகுப்பாளராக களம் இறங்கியுள்ளார். இவர், இந்த நிகழ்ச்சியை கையாள்வதில் புதிது என்பதாலும், இந்த நிகழ்ச்சி இப்படி இருந்தால் நன்றாக இருக்கும், இவர்களுக்கு இப்படித்தான் பதிலடி தரவேண்டும் என்ற மக்களின் எதிர்பார்ப்பையும் ஒரு சேர அமைத்து ப்ரமோக்கள் வெளியாகி வருகின்றன.

என்ன சொல்கிறது புதிய ப்ரமோ

அந்த வகையில், இன்று வெளியான ப்ரமோவில், விஜய் சேதுபதி நிகழ்ச்சிக்கு தயாராகி விட்டதாக தெரிவிக்கப்பட்டுள்ளது. இருப்பினும் அவர் முழுவதுமாக தயாராக வேண்டும் என்றால் ஊர்வலம் சென்று மக்களிடம் கருத்து கேட்க வேண்டும் எனவும் அறிவுறுத்தப்படுகிறது.

அதுமட்டுமின்றி, குரூப்பிசம், டாமினேட் செய்பவர்களை ஓட விட வேண்டும். காய்கறிகளில் நல்லது எது கெட்டது எது என பார்த்தாலே தெரிந்துவிடும். ஆனால் மனிதர்களை பார்த்தவுடன் தெரிந்துகொள்ள முடியாது. கேமை தவறாக விளையாடினால் அவர்களுக்கு எந்த கார்டு கொடுக்க வேண்டும் என தெரிய வேண்டும். வார நாட்களில் சண்டையிடுபவர்கள், வார இறுதி நாட்களில் நல்லவர்கள் போல் தங்களை காட்டிக் கொள்வார்கள் என அட்வைஸ்கள் வாரி வழங்கப்பட்டுள்ளது

பின் தொடர்ந்து பேசிய விஜய் சேதுபதி, மேடையில் ஏற முதலில் களத்தில் இறங்க வேண்டும். இலக்கை தெரிந்து கொள்ள வேண்டும் என கருத்து தெரிவிக்கிறார். விருப்பமான சூழலை நெருக்கமாக கொண்டு வருகிறது பிக்பாஸ் சீசன் 8. இந்த முறை ஆளும் புதுசு ஆட்டமும் புதுசு எனக் கூறி வில்லத்தனமாக சிரிக்கிறார். இதனால், இவர் நிகழ்ச்சியை எப்படி கையாளப் போகிறார் என்பதைக் காண மக்கள் மிகுந்த ஆவலில் உள்ளனர்.